سوالف للجميع - هل نقول وداعاً لسيطرة تويوتا

RED Chevy

06-06-2004, 05:37 PM

السلام عليكم ورحمة الله وبركاته

قوة شباب عساكم بخير:p

المهم

مثل مانتوا عارفين التكاسي خيارهم الأول والأخير كان الكرسيدا وبعدين صار الكامري:D

ماعندهم ميزانية سمتوا كورولا:D

اللي ممكن تحصله شاذ تلاقي واحد عنده كابرس صابونة أو قديم لكن مافي ولا تاكسي أمريكي من عقب ال96 ليش؟:think:

تويوتا تحكمت بالأكو والماكو:rolleyes:

أول تاكسي هوندا كان واحد عنده سيفك وتكنسل أحين يعني مافي هوندا أبد...

لكن إنصدمت بشي:eek:

شفت لومينا تاكسي:blink: (2003)

والأغرب إنك لما تلفلف بالشوارع تشوف الأكورد مكتسحة السوق بشكل خيالي بعدها الماكسيما وبعدين نقول الكامري واللومينا بالتساوي:rolleyes:

تشوف الصغار قبل كورولا هي المتصدرة أحين السفك والسني خذوا مكان كبير وايد والسيارات الكورية خذت مكان:mad: والسبب هو 3 سنوات صيانة مجانية:D

لكن في الأجياب الكبار اللاند مسيطر على الوضع بكل راحة ولامنافس أبد له:banana:

اليوكن حاول مسكين لكن على قد حاله وإنتشاره كبير جداً عن الموديل القبلي:rolleyes:

قبل الناس كانت تثق ثقة عمياء بأي شي إسمه تويوتا أحين ليش شافت وجهات غير؟

كلامي على الصعيد البحريني ولا يشمل بكل تأكيد قطر العزيزة:D

تتوقعون هل ينسحب بساط سيطرة تويوتا ويتوزع على باقي المنافسين المساكين:think:

أبي جواب وبدون تعصب أدري هي ناجحة بس اللي أشوفه يوم ورى يوم إن التويوتا تنقرض تدريجياً:headshak:

الموديل اللي راح من الكامري أثبت وجوده وإنتشر إنتشار كبير جداً جداً جداً ممكن تشوف بال3 ورى بعض لكن الجديد تشوف الes أكثر:damp:

X_RaYs

06-06-2004, 05:52 PM

صدقت .. انا اشوف الاكورد الحين منتشره اكثر بكثير من الكامري ..

وانا توقعت قبل كذا ان سوق التويوتا راح ينزل .. والمنافسين الحين كثروا مو مثل اول :think:

RED Chevy

06-06-2004, 05:56 PM

رد مقتبس من X_RaYs
صدقت .. انا اشوف الاكورد الحين منتشره اكثر بكثير من الكامري ..

وانا توقعت قبل كذا ان سوق التويوتا راح ينزل .. والمنافسين الحين كثروا مو مثل اول :think:

آنا ماتوقعت لكن إنصدمت بعد مانزل:headshak:

الغريب إن الكامري والأكورد يمتازون بأقبح خلفية موجودة بالسوق:D

الأكورد نجاح تام

الكامري فشل ذريع مقارنة بالسابق

الموديل السابق من الأكورد كان ثابت لانزل ولا زاد لكن الحالي تمكن من السوق بكشل غير عادي:banana:

TOP-SECRET

06-06-2004, 06:13 PM

مع اني من محبي شركه تويوتا لكن انا اقول اذا تويوتا مادخلت في المنافسه راح ينسحب البساط .. خاصه اذا استمرت في طريقتها من غير طرح موديلات جديده :(

-------------------------------------------
بس عندي ملاحظه ان عدد السيارات والانتشار هذا الي انت كاتبه

عبدالرحمن يعتبر للبحرين في دول ثانيه يكون العكس يعني تشوف

الكامري هي الاكثر شعبيه ولا ننسى باقي السيارات طرحتهم تويوتا

عندك الاند كروزر لو نشوفه ونشوف شعبية مثلا النيسان في قطر

نشوف الكروزر هو الي يحتل المرتبه الاولى على جميع السيارات مش

على النيسان بس وهذا يفرق من دوله لي دوله ,, وهذا مايعني ان

احنا نقلل من قيمه سيارات تويوتا بالعكس تويوتا خصصت سياراتها تقريبا

لجمع الفئات لكن المفروض انها تزيد من عدد الموديلات الموجوده , وفي

شي ثاني مع الأسف ان عدد من موديلات تويوتا ماتنزل دولنا :( ,,والي

الاخير لايجب ان نحكم على تويوتا بالأنتهاء من خلال سوقنا العربي هو

مايمثل الا شي بسيط من السوق العالمي:)

ومثل ماقلت قبل لازم انها تجدد في سياراتها وتطرح موديلات جديده ولا

البساط ماعتقد ان بيستمر معاها

ويعطيك العافيه اخوي عبدالرحمن على الموضوع:) اهم شي انه مايشمل قطر العزيزة:D

بن ممدوح

06-06-2004, 06:35 PM

مالي الا اقول TOYOTA - OBAS (تويوتا وبس)

أخوكم ،،
بن ممدوح ،

SLR55

06-06-2004, 10:43 PM

مع إنها سياستها مش ولا بد :confused: بس في موضوع في المنتدى يقول إنها وصلت حاجز الترليون
هل هذا يدل على غباء الشركة

صحيح أن الكامري مش ولا بد بس إنتشرت في الإمارات

والسلاااااااااااااام

HaKeM

07-06-2004, 03:04 AM

مع رداءة جودة سيارات تويوتا الجديدة برضه تويوتا تعتبر المكتسحة للسوق

والدليل الكامري القديمة معظمها اختفت وجات بدالها الكامري الجديدة والتكاسي مملية البلد بالكامري

في السعودية "تويوتا للأبد"

تحياتي:D

القرن الجديد

07-06-2004, 03:30 AM

رد مقتبس من RED Chevy
السلام عليكم ورحمة الله وبركاته

والسيارات الكورية خذت مكان:mad: والسبب هو 3 سنوات صيانة مجانية:D

:damp:

كلامك صحيح تقريبا والتويوتا ماخذ سمعة اكبر من حجمة

بس يااخي الان سبب اخذ الكوري هو ضمان 3 سنوات

يعني الناس مايرون الا الضمان

الكوري هذي السنة اخذ اعلى مركز في الجودة والعملية (تقرير اخوي AMG)

وبعدين عندنا في الرياض ارتفع الطلب علية بصورة قوية لدرجة ان
المستعمل بداء يمسك سعرة بصورة مرضية تقريبا

وفية سيارات بنفس سعر الكوري وبنفس ضمانة ويابانية وامريكية والمانية والناس ومحلات الاجار والتكاسي والشركات لازالت تاخذ كوري

واحب اضيف ان بعض السيارات الكورية في امريكا مضمونة في بعض الاجزاء مدة تصل الى 10 سنوات :shock2: :shock2:

غير انها تتميز بالثبات والقوة (في فئتها) والفخامة

الأنصاري

07-06-2004, 03:50 AM

انا ما اعرف شئ عن السوق البحريني بس انا بتكلم عن السوق العالمي

بعيد عن التعصب وبعيد عن كره تيوتا :D :D
السوق الأمريكي الكامري الجديدة مبيعات خيالية رمت الأكورد على جنب بعد ما كانت في المرتبة الأولى
اليابان الصانع الأول بدون منافس
العالم الصانع الثاني ورمت فورد على جنب
الخليجي جميع طرازات تويوتا منتشرة بشكل ساحق لجميع طرازات السيارات الثانية
دخول تويوتا عالم التريلويونات ين في الربح
بالنسبة لجودة تويوتا ما في داعي نتكلم

بس الشئ الوحيد الي يعيب تويوتا هو ارتفاع سعر سياراتها اضافه الى ان بعض الوكلاء استبداديين ومحتكرين السالفه

اذا كان في نوع من القابيلة في السوق البحريني وتونوع هذا شئ جيد الصراحه ممكن يدفع الوكيلب ينزل اسعاره بس هذا بكون فايدة حق شعب البحرين بس على المستوى العالمي مبيعات تويوتا مب مقياس في السوق بالبحريني

RX300

07-06-2004, 05:06 AM

السلام عليكم ورحمة الله وبركاته

والله من واقع تجربتي لسيارات تويوتا وهي

لاندكروزر 97
لكزس lx470 98
تويوتا كامري (وهذي اسواء سيارة انا اشتريتها)

اشوف كل مالها الجوده تروح في النازل

ولما تروح تسأل اي واحد عن تويوتا خصوصا عندنا في قطر يقولك هذي مثل الشيك في جيبك لما تجي تبيعها اتجيب لك سعر عالي

اما انا عن نفسي خلاص توبه بعد من تويوتا ولا أنصح اي حد يشتريها
:anger: :anger:

RED Chevy

07-06-2004, 05:06 AM

مشكورين على الردودو شباب وبرد عليكم بعدين أحين بطلع وأبشروا:banana:

Black Chevy

07-06-2004, 05:06 AM

الصراحه الي الكويت راح يبين كل شي واااااضح....المرتبه الاولى لومينا بعدين المكسما بعدين الكامري و بعدييين الاكورد....و التكاسي عندنه منوعين بين الكامري و الومينا بالتساوي تقريبا:) .....الامريكي مسيطر و بالنسبه للجيبات اكثر جيب منتشر الشيروكي و اليوكن و الانفوي..الياباني ماله وجود محترم اله بالميتسو باجيرو....على مستوى الصغار الكورلا بلا منازع و الاصغر الايكو...و السبورت الياباني ماله وجوووود بستثناء زدات قدم و الحين شوي زد اليديد قام ينتشر....و بالنسبه للميني فان عندك الدودج فوايجر و بعد الهوندا اوديسي...على مستوى الفخامه البي ام و بعده المرسيدس...

جني مصختها:D

تحياتي

الشبابي

07-06-2004, 06:46 AM

ريد شيفي ...
الناس في الخليج مايحبون السيارة المنتشرة كثير ... عشان كذه يتهربون من الكامري فرؤية الكثير منهم انها لطبقة العمال ...
فعشان كذا يرون الهوندا والنيسان والشفر افخم ....

اخوكم الشبابي

زورو الامارات

07-06-2004, 08:20 AM

السلام عليكم ورحمة الله وبركاته

ماعرفتوا السر ياشباب ؟ تويوتا مازالت في المقدمه في المبيعات

لكن كثره المبيعات وتوسعها جعلت تويوتا تلاحظ انها اقل

هذا الشيء الاول

الشيء الثاني : ارتفاع اسعار اي منتج من تويوتا بنسبة 20-25% عن باقي منافسينه من السيارات اليابانيه جعل البعض يتردد قليلا في شراء تويوتا

تويوتا في السابق كانت رخيصه وللكل وكذلك النيسان

اما الآن فهي اصبحت غاليه الكورولا 1800 سي سي اكس ال آي اتوماتيك القير فقط على وقتها في سنه 2003 كانت ب 48000 درهم

الله يعلم اليوم كم

Crackjas

07-06-2004, 09:40 AM

السلام عليكم ورحمة الله وبركاته
بعد ما صارت الكامري استرالية والكورولا ستصبح يا اما تركية او هندية وبعض سيارات لكزس تصنع في امريكا فقدت تويوتا سمعتها وبذلك فقد الناس الثقة بها والسر الذي يكمن في رخص قطع غيارها بسبب رداءه صنعها واغلبها تجي تجميع من دول شرق آسيا

واما النيسان والهوندا فحدث ولا حرج
جودة التصنيع ومحركاتها قوية والفخامه والابداع في التصميم ومتميزة في تحمل اجواء الخليج
والمشكله هنا في الكويت دايما يتجهون للفخامه بغض النظر عن الاشياء الاخرى
يعني راح تشوف وايد سيارات اوروبيه وطبعا معروفه بمشاكلها وغلاء قطع غيارها والناس اهني ما يدورون الا على المظاهر وطبعا اذا تمشكلوا بالاقساط المتراكمه عليهم يبيعونها على الطلب واذا تبي تشوف كثرة السيارات الاوروبية في الجرايد الاعلانيه:damp:

و اكثر العوايل يتجهون الى سيارات فورد لانها وسيعه من الداخل بالرغم من مشاكلها المعروفه مرورا بذراع الجام الى خرير طرمبة الماي بس تكون سيارتهم المفضله عندهم
ومعظم الشباب يتجهون الى اليوكن والتريل بليزر لفخامتها وقوتها بس المشكله ترتفع حرارتها بشكل رهيب لما تطعس فيها :banana:

اسف على الاطاله

TOP-SECRET

07-06-2004, 10:11 AM

رد مقتبس من Crackjas
السلام عليكم ورحمة الله وبركاته
بعد ما صارت الكامري استرالية والكورولا ستصبح يا اما تركية او هندية وبعض سيارات لكزس تصنع في امريكا فقدت تويوتا سمعتها وبذلك فقد الناس الثقة بها والسر الذي يكمن في رخص قطع غيارها بسبب رداءه صنعها واغلبها تجي تجميع من دول شرق آسيا

من وين جبت هذا الكلام:) اول مره اسمع ان الكورولا بتصير تركبه او هنديه؟؟

والسيارات الي تصنع في استرالي او في امريكا اخوي مثلها مثل السيارات الي تصنع في اليابان نفسها لان الي يصنعها هو تويوتا نفسه يعني باليابان او بااستراليا نفس الشي

بس الي ابي اعرفه علىاي اساس حكمة ان التويوتا فقدت سمعتها وهي الصانع الثاني في العالم؟؟

ومن قال الناس فقدوا الثقه فيها:shock2: ياخوي روح اي دوله وشوف سيارات تويوتا منتشره في كل مكان والجوده مش موجوده في النيسان ولا في الهوندا الجوده في الـي فعلا يمكن ان نسميها جوده هي جودة الألماني:)

وبالنسبه لقطع الغيار انها رخيصه هذي تنصب لمصلحه تويوتا والمستهلك .. وعلى فكره كل السيارات اليابانيه تجي منها قطع غيار تجاريه واصليه مش بس تويوتا الي تجي منها قطع غيار تجاريه!!:)

تحياتي

الأنصاري

07-06-2004, 11:01 AM

غريب الشباب قايمين على تويوتا :D :D

دايما القوي لازم ينتقد بقوة:D :D

اولا بخصوص الي قول استرالي ما استرالي ياخي هذا مصنع تويوتا في استراليا وبعدين الكامري الجديدة اعرف شباب كثير عندهم ومحد اشتكى

وقطع غيار التويوتا مشهود لها جودتها وفي نفس الوقت رخصها

وكل هذة مغريات عشان الواحد يشتري سيارة تويوتا

المشكلة الوحيدة بس ان السعر سيارات تويوتا بدا يرتفع

Crackjas

07-06-2004, 11:07 AM

انا شخصيا امتلك كامري موديل 95 وطبعا ما اشتري الا الاصلي من الوكيل على ايامه بس الحين صار المتوفر اندونيسي او ماليزي حتى نادر القى ياباني من الشركه الام:)

واللي سمعته ان الكورولا انها بتكون صناعتها بتركيا يعني ستخصص للشرق الاوسط

وهناك اخبار شبه مؤكدة ان تويوتا في الموديل القادم 2004 ستقوم باستيراد تويوتا كورولا من تركيا حيث ستكون صناعتها تركية

وشوف الفرق بين الكامري الجيل الاول94-97 (الياباني) والجيل الثاني 98-2002 والثالث وقارنهم حسب عيوبهم التصنيعية
:rolleyes: :rolleyes:

TOP-SECRET

07-06-2004, 04:55 PM

رد مقتبس من Crackjas
انا شخصيا امتلك كامري موديل 95 وطبعا ما اشتري الا الاصلي من الوكيل على ايامه بس الحين صار المتوفر اندونيسي او ماليزي حتى نادر القى ياباني من الشركه الام:)

واللي سمعته ان الكورولا انها بتكون صناعتها بتركيا يعني ستخصص للشرق الاوسط

وهناك اخبار شبه مؤكدة ان تويوتا في الموديل القادم 2004 ستقوم باستيراد تويوتا كورولا من تركيا حيث ستكون صناعتها تركية

وشوف الفرق بين الكامري الجيل الاول94-97 (الياباني) والجيل الثاني 98-2002 والثالث وقارنهم حسب عيوبهم التصنيعية
:rolleyes: :rolleyes:

اول شي اخوي تويوتا تصنيعها للخليج يختلف عن تصنيعها للسيارات من اندونيسيا وماليزيا في المواصفات والشكل هذا تعقيب حق بدايه كلامك ,,,

وبعدين على الكلام الي عن الكورولا ((واللي سمعته ان الكورولا انها بتكون صناعتها بتركيا يعني ستخصص للشرق الاوسط )) وين المصدر الي يدل على هذا الشي انا اول مره اسمع بهذا الكلام منك ياريت لو تعطينا فكره من وين جبت هذا الكلام:)وحتى لو كلامك صحيح مافيه فرق؟؟ تركيا او مايليزيا او اندونيسيا او استراليا دام ان الي يصنع السياره شركه تويوتا نفسها:) لكن ان تكون صناعتها تركيه؟؟ههههههه اول مره اسمع بهذا الكلام بس ياريت لو تثبت كلامك..

والنقطه الثالثه من ناحيه المقارنه بين الكوامري انا بقول لك ان كل سياره لها عيوب ومميزات ولو ان الكامري الجديده مافيه مميزات ليش اشتروها الناس؟مع ان هناك منافسين كثار على الساحه هذا يدل على انها سياره قويه وعمليه واحنا كانت عندنا كامري 99 لحد الـ2002 ماصادفتنا فيها مشاكل وكانت قراندي قير عادي:banana:

والسموحه اذا طولت بالرد

RED Chevy

07-06-2004, 05:50 PM

شباب كتبت رد شطوله وآخرتها إنمحى مابرد أحين( مقهور:mad: ) بعدين بعدين :mad: :mad: :mad:

SKYLINE GTR

07-06-2004, 06:10 PM

السيادة راح تكون لنيسان وتذكروا كلامي ;)

RED Chevy

10-06-2004, 06:32 PM

هلا شباب وسامحونا على التأخير;)

وماشاء الله ردودكم تحتاج موضوع جديدي للرد عليها:D

خل نتبدي بإسم الله:

TOYOTA - OBAS : هلا حمد وأحمد ربي إني إستثنيت قطر:D بس مثل ماقلت أول شي الكروزر مسيطر على الوضع تماماً وماله منافس أبد:banana:
____________________

بن ممدوح : هلا فيك إخوي ومشكور على ردك:)

____________________

SLR55 : صحيح إنها ةإنتشرت بس هل تشوف إنتشارها زي الموديل السابق؟

____________________

حاكم العدل : هلا إخوي حاكم العدل ونورت الموضوع:) وكلامك صح بس تدري ليش؟
الناس مغترة برخص قطع الغيار ويخافون من قطع الهوندا الغالية لكن ماقول غير إن الغالي جيمته فيه:rolleyes:

____________________

القرن الجديد : بس إنت لو منتبه للشطر الثاني اللي هو الصيانة المجانية;) إنت تعرف أغلب الناس في الخليج يشتري الموتر يستعمله 5 أو 6 سنين ويبيعه والضمان 5 يعني يريح باله ويبيعه بالسعر اللي كان:D
وماننسى إنها تعطيك مواصفات كثير ومغريات كثيرة عكس الياباني والأمريكي:rolleyes:

____________________

بوعبود : هلا بوعبود:D بس لاتقارن التويوتا الخليجي باللي برى فرق السما والأرض صدقني الكامري الأمريكي حتى صوت السلف غير والقزوز غير ومواصفات ولا على كامري شيوخ:D
وعجبني آخر شي بردك إحنا سوقنا إنفتح كثير وعامل ثاني وهو تقجر تقول سوق الخليج كامل بصورة مصغرة عندنا سيارات من كل الخليج بكثرة يعني هم نقدر نقيم باقي أسواق الخليج وقطر معروف كروزر أو كامري وشي نادر جداً تشوف موتر قطري مو تويوتا:D

____________________

RX300 : نفس الشي صار رايي بالكامري بعد تجربتها والعكس بعد الأكورد:banana:

____________________

البقية بعد قليل مارضى ياخذ الرد يقول وايد إبتسامات:D

RED Chevy

10-06-2004, 06:33 PM

هذي البقية ولاتقولون يبي يزيد ردوده ترى غصب عني خليتهم على ردين:D

Black Chevy : هلا وائل:) شي جيد اللي نشوفه عندكم:banana: يعني نقدر نقول سوقكم أمريكي× أوروبي:D وهالشي لاحظته عدل بالكويت الاباني شبه نادر عندكم:rolleyes:

____________________

الشبابي : كلامك صح بس ليش كل الناس يا لكزس يا مرسيدس يا bmw وهي المنتشرة أكثر شي;)

____________________

زورو الامارات : هلا مشرفنا بس لو تجي عندنا بتغير رايك:D وصدقت الأسعار وايد مبالغين فيها يعني تخيل الكامري تبداً عندنا من 7400 العادية واللومينا الltz ممكن تاخذها ب7800 وشوف الفرق بالماوصفات، المكسيما أرخص من الكامري بألف لكن رافعين الأسعار على شنو:mad:

____________________

Crackjas : إخوي آنا بهالشي مو متفق وياك أبد مو مهم وين تنصنع المهم تكون بنفس الجودة والمواد المصنعة، شوف مثلاً المرسيدس يتجمع بمصر هل نقول أقل جودة أبداً لا:rolleyes:

____________________

TOYOTA - OBAS : متفق معاك 100% لكن الجودة ممكن نحصلها بكل السيارات أبسط مثال اللكزس:D

____________________

بوعبود : أفا:D لاتخاف لا قايمين ولا شي بس حبينا ننبه:D وإذا مشوا صح محد بيتكلم عليهم:damp: والكامري فيه مشكلة أزلية ألا وهي العزل الصوتي تحس إنك فاتح الدرايش وإنت ماشي مسكرهم ليش:D

____________________

Crackjas : نفس الكام اللي فوق إخوي بس قطع الغيار معاك حق بعضها تقليد ويبيعوها على إنها أصلية:mad:

____________________

TOYOTA - OBAS : كلامك 100% بس اقول لك الكامري الناس شروها بعضهم شاف بها مميزات وبعضهم ثقة بتويوتا( للإسم) وبعضهم يبيها وقت الضيق( للبيع مافي حد يردك والسعر اللي تبيه:D )

____________________

SKYLINE GTR : ننتظر ياطويل العمر والبقاء للأفضل والأقوى

____________________

الشباب شبه متفقين على الموضوع لكن خل نلخص الأساب بناء على الردود:

1- إرتفاع السعر عن المنافسين.

2- ظهور وتفوق منافسين أقوى وأفضل وأرخص( هذي من عندي:D )

3- تغير رأي بعض المستهليكن السابقين عن تويوتا بعد تجربة سيئة:rolleyes: ( نقدر نقول إنخفاض الجودة)

4- سياسة الشركة العامة.

وبس طال عمركم والمجال مفتوح لأي إضافة:banana:

corvette indiana police

10-06-2004, 09:34 PM

اهلين رد شيفي

رد سرييييييييييييييييع

مع اني ما احب اي سياره من التويوتا وخصوصا الصغار

لكن لا تنسى انها صارت ثاني اكبر مصنّع للسيارات في العالم عام 2004

RED Chevy

11-06-2004, 06:07 PM

رد مقتبس من corvette indiana police
اهلين رد شيفي

رد سرييييييييييييييييع

مع اني ما احب اي سياره من التويوتا وخصوصا الصغار

لكن لا تنسى انها صارت ثاني اكبر مصنّع للسيارات في العالم عام 2004

هلا فيك إخوي:cool:

بس مانسينا هالشي لكن اللي نشوفه بالسوق مبيعات الكامري خصوصاً تنزل إحنا مانقدر نحكم على السوق العالمي لو نشوف السوق الخليجي مايجي 20% من السوق العالمي:p

corvette indiana police

11-06-2004, 06:31 PM

رد مقتبس من RED Chevy
هلا فيك إخوي:cool:

بس مانسينا هالشي لكن اللي نشوفه بالسوق مبيعات الكامري خصوصاً تنزل إحنا مانقدر نحكم على السوق العالمي لو نشوف السوق الخليجي مايجي 20% من السوق العالمي:p

يا ليت 20%

لكن 7% للاسف

الأكورد العنيد

12-06-2004, 06:40 AM

رد مقتبس من RED Chevy

أول تاكسي هوندا كان واحد عنده سيفك وتكنسل أحين يعني مافي هوندا أبد...

لكن إنصدمت بشي:eek:

شفت لومينا تاكسي:blink: (2003)

الهوندا ما ترضى اان سياراتها تصير تاكسي :glasses2:

لومينا تاكسي ياكثرهم بالسعوديه :cool:

انا ما ادري ليش انت تكره التويوتا :D

الأكورد العنيد

12-06-2004, 06:47 AM

.
`·.¸¸.·´´¯`··._.·oettinger// /®`·.¸¸.·´´¯`··._.·

"خطأ فني في سيارة عادي جداااا ومافيه اي شي و بعدين الحركة اللي سوتا الوكالة جيدا جدا وتدل على إهتمامها بلعملاء والصراحه هولدن و GM جنرال موتورز مامقصرة ويا العملاء في تغطية اخطائها"
هع هع مين يصدق؟؟

اكبر محارب الى منتجات جنرال موتورز..
==================
Oettinger we will miss you

اوتنجر وين يكتب الحييييين ؟؟؟؟؟؟؟؟

RED Chevy

12-06-2004, 10:18 AM

رد مقتبس من الأكورد العنيد
الهوندا ما ترضى اان سياراتها تصير تاكسي :glasses2:

لومينا تاكسي ياكثرهم بالسعوديه :cool:

انا ما ادري ليش انت تكره التويوتا :D

:laugh: خوش خوش:laugh:

عيل مادريت إن عندنا وفي الإمارات الS320 تكاسي:D

ومثل نماقلت قبل بس هوندا سفك وحدة وتكنسلت:Sad2:

اللومينا عمري ماشفت ولا وحدة أول وحدة اللي ذكرتها لكم:D

والتويوتا ماأكرها أكره الكامري بس:damp:

وبعض العتب على الباقي:D

corvette indiana police: هلا إخوي وهذي المشكلة
:Sad2:

RED Chevy

13-06-2004, 07:00 PM

هل من مزيد؟

560SEL

13-06-2004, 08:14 PM

السلام عليكم ورحمة الله وبركاته

التويوتا الــtop رضينا ولا ما رضينا

بدي اقوى من الماكسيما ومن الهوندا (عارف ان البعض بيقول الهوندا اقوى)
مكيف محترم (وهذا يناسب دول الخليج)
البساطة وعدم التعقيد .. تقريبا كل الياباني يخلو من التعقيد
رخص قطع الغيار .. وقلة الاعطال وشدة تحمل السيارة

الكامري 2003 كانت تدخل هوا وفيها بعض المشاكل .. عشان كذا تلقون اسعار المستعمل منها منخفضة .. لكن شوفوا اسعار 2004 ..فالثريا:shock2:

اللاندكروزر التوب .. واللي مجربه يعرف هذا الشي
يعيب على تويوتا فقرها بالمواصفات ..,,وبس
سعر سياراتهم ارى انه مناسب .. بالنسبة للي تقدمة سيارات تويوتا

الوحش القادم ........نــــيــــــســـــان ......صدقوني

تحياتي

RED Chevy

14-06-2004, 08:30 AM

هلا بالمدعو 560SEL :D

البدي عندي :damp: عليه:D

المكيف محد قده:D

التحمل بعد وأحلى شي إنك تاخذها ولا تفتح البانيت إلا لما توقف عليك:D

لكن ما لاحظت رخص قطع الغيار=قلة جودتها يعني شي إستهلاكي من الدرجة الأولى كم إسبوع وتنتهي مدته:D

عكس الهوندا القدعة اللي تحطها تنساها:banana:

السعر مبالغ فيه كثير:headshak:

أحين شوف مثال بسيط، الماكس ب6400 جديد والكامري ب7400 والفرق بالمواصفات لصالح الماكس والقوة مايبغى لها كلام:D

ليش هالمبالغة على مواد تلصيق في الديكور؟

560SEL

14-06-2004, 01:36 PM

بالعكس .. مواد السيارات اليابانية تقريبا كلها ممتازة بما فيها الكامري

اذا بغيت تعرف شغل التلفيق و
الزبايل المعاد تصنيعها .. تلقاها فالكراون فكتوريا .. واللومينا .. والكابريس(بس لا تزعل علي:laugh: )

وبعدين نسينا نقول ان التعليق فالكامري محترم .. ومركبها (صدق) مريح

بالنسبة لجودة قطع الغيار .. الكامري انا معك في انك فحماتها ما تطول

لكن غير الفرامل من شمعات وسيور وقطع بدي الخ..مااظن عليها كلام..

تحياتي

Imaj

14-06-2004, 04:11 PM

يا حبيبي!

مبيعات الكامري 2002 وحدها في السعودية تعدت الـ 40 ألف

بينما مبيعات الأكورد كانت في حدود الثمانية واللومينا كانت أكثر منها في حدود التسعة!!

صاحي إنت تقول راحت على تويوتا :damp:

مع العلم أنا لست من عشاق تويوتا

لكن أستطيع أن أجزم أو أفرض ولا أنكر أو أشجب أو أدين :rolleyes:

بأن الشيفروليه إبيكا و أوبترا و أفيو (روائع شيفروليه الصغيرة والجميلة - عشانك يا S8 - ) أستطاعت وبرؤيتي (أي بشوفة عيني) أن تقلل و تهدد مبيعات الثلاثي من تويوتا..

بل حتى هناك قرار وزاري بقياس المسافات بالأفيو (من كثرتهم عندنا)

مثلا في جدة ما تمشي عشرين متر إلا شايف أفيو :glasses2:

اللهم زد وبارك :banana:

سلام :banana:

RED Chevy

14-06-2004, 05:29 PM

رد مقتبس من Imaj
يا حبيبي!

بأن الشيفروليه إبيكا و أوبترا و أفيو (روائع شيفروليه الصغيرة والجميلة - عشانك يا S8 - ) أستطاعت وبرؤيتي (أي بشوفة عيني) أن تقلل و تهدد مبيعات الثلاثي من تويوتا..

بل حتى هناك قرار وزاري بقياس المسافات بالأفيو (من كثرتهم عندنا)

مثلا في جدة ما تمشي عشرين متر إلا شايف أفيو :glasses2:

اللهم زد وبارك :banana:

سلام :banana:

تتكلم جد إنت أو تتغشمر؟

الدايوليه ماشيين لكن منتشرين:damp:

زين أول شي صغير من gmينجح:laugh:

وبخصوص الكامري تعال عندنا وشوف---بلاك قال في الكويت اللومينا أكثر وش تبي زود:D

________________________________________

السيد المحترم المدعو 560SEL

تحية طيبة وبعد....

عطيناك وجه وايد مصختها عاد تغلط على الشفر وآنا موجود:D

يبيلي أصور الكامري اللي عندنا أخليك تشوف الهاي كواليتي:D

والله العظيم( حلفت لك) الداشبورت( الطبلون) صاير فيه بقعتين بنيين وهو لونه بيج والسيارة موديل 99 وهو نفسه مبدلينه في 2001 إنتفخ والله العظيم تبدل على الضمان مادخلت عقلي بلاستيك ينتفخ وصار فيه نفس المرتفع في الوسط:laugh:

لكن ياعيني على الهوندا:sleep:

الأكورد ماشاء الله عليها من 97 وهي مفلوتة بالشمس وإستعمال مايدلع لو جمس جان قال بس مو قادر:D لكن ماشاء الله تبارك الله قمة الجودة في موادها الداخلية ولا تقرب لها بشي اللي تتسمى كامري:D

وإعادة التصنيع للمحافظة على طبقة الأوزون:laugh: :banana: :laugh:

560SEL

14-06-2004, 05:43 PM

رد مقتبس من Imaj
يا حبيبي!

مبيعات الكامري 2002 وحدها في السعودية تعدت الـ 40 ألف

بينما مبيعات الأكورد كانت في حدود الثمانية واللومينا كانت أكثر منها في حدود التسعة!!

صاحي إنت تقول راحت على تويوتا :damp:

مع العلم أنا لست من عشاق تويوتا

لكن أستطيع أن أجزم أو أفرض ولا أنكر أو أشجب أو أدين :rolleyes:

بأن الشيفروليه إبيكا و أوبترا و أفيو (روائع شيفروليه الصغيرة والجميلة - عشانك يا S8 - ) أستطاعت وبرؤيتي (أي بشوفة عيني) أن تقلل و تهدد مبيعات الثلاثي من تويوتا..

بل حتى هناك قرار وزاري بقياس المسافات بالأفيو (من كثرتهم عندنا)

مثلا في جدة ما تمشي عشرين متر إلا شايف أفيو :glasses2:

اللهم زد وبارك :banana:

سلام :banana:

والعكس حاصل فالرياض .. سيارات (الدايو) قصدي الشفر الجديدة:laugh:
مالها وجود

فالرياض : شمال الرياض الهوندا الاكوورد .. كثييييير
وسط وجنوب الرياض .. الكامري الساااائد
المكسيما .. المستوى ثابت فالشمال والجنوب (متوسطة الانتشار) وكذلك اللومينا
لكن في الجامعة .. الهوندا ثم الكامري و اللومينا في نفس المستوى ثم المكس

اما ثلاثي الشفر الصغير .. شبه معدوم

تحياتي

RED Chevy

14-06-2004, 06:03 PM

رد مقتبس من 560SEL
والعكس حاصل فالرياض .. سيارات (الدايو) قصدي الشفر الجديدة:laugh:
مالها وجود

فالرياض : شمال الرياض الهوندا الاكوورد .. كثييييير
وسط وجنوب الرياض .. الكامري الساااائد
المكسيما .. المستوى ثابت فالشمال والجنوب (متوسطة الانتشار) وكذلك اللومينا
لكن في الجامعة .. الهوندا ثم الكامري و اللومينا في نفس المستوى ثم المكس

اما ثلاثي الشفر الصغير .. شبه معدوم

تحياتي

:laugh: والله إنك:banana:

ومقسم الرياض أقسام وكل قسم صنفته بعد:banana:

الدايو ليبه ( هذي إسمها:D )

أحين تعال عمري وش دخلنا بالموضوع ذي مره ثانية:damp:

:D

شوف هالرد مرة ثانية:

الشباب شبه متفقين على الموضوع لكن خل نلخص الأساب بناء على الردود:

1- إرتفاع السعر عن المنافسين.

2- ظهور وتفوق منافسين أقوى وأفضل وأرخص( هذي من عندي )

3- تغير رأي بعض المستهليكن السابقين عن تويوتا بعد تجربة سيئة ( نقدر نقول إنخفاض الجودة)

4- سياسة الشركة العامة.

إحنا نتكلم عن نزول مبيعات تويوتا أو على الأقل ماهي مثل قبل خاصة الكامري:D صدقني صدقني تعال البحرين بنفسك وشوف كامري الشيوخ أكثر من الكامري العادي:D

تقبل تحياتي :banana:

560SEL

14-06-2004, 06:28 PM

رد مقتبس من RED Chevy
:laugh: والله إنك:banana:

ومقسم الرياض أقسام وكل قسم صنفته بعد:banana:

الدايو ليبه ( هذي إسمها:D )

أحين تعال عمري وش دخلنا بالموضوع ذي مره ثانية:damp:

:D

شوف هالرد مرة ثانية:

الشباب شبه متفقين على الموضوع لكن خل نلخص الأساب بناء على الردود:

1- إرتفاع السعر عن المنافسين.

2- ظهور وتفوق منافسين أقوى وأفضل وأرخص( هذي من عندي )

3- تغير رأي بعض المستهليكن السابقين عن تويوتا بعد تجربة سيئة ( نقدر نقول إنخفاض الجودة)

4- سياسة الشركة العامة.

إحنا نتكلم عن نزول مبيعات تويوتا أو على الأقل ماهي مثل قبل خاصة الكامري:D صدقني صدقني تعال البحرين بنفسك وشوف كامري الشيوخ أكثر من الكامري العادي:D

تقبل تحياتي :banana:

عزيزي red chevy انا مصدقك .. لكن انا اتكلم عن الوضع عندي فالرياض

وانا معاكم انها نزلت مبيعاتها .. (او زادت مبيعات منافسيها ) لكن ...لا تزال السائدة هي الكمر

تحياتي

RED Chevy

14-06-2004, 06:44 PM

رد مقتبس من 560SEL
عزيزي red chevy انا مصدقك .. لكن انا اتكلم عن الوضع عندي فالرياض

وانا معاكم انها نزلت مبيعاتها .. (او زادت مبيعات منافسيها ) لكن ...لا تزال السائدة هي الكمر

تحياتي
هلا بالمدعو 560 مرة عاشرة:D

الوضع عندكم إنتوا وقطر ممكن نستثنيه:damp:

والمبيعات ممكن تكون نزلت أو المنافسين صكوا عليها وش رايك؟

آنا أقول هي طاج سوقها وقام سوق غيرها وسيطرتها على السوق تدريجياً تنتهي لو تشوف الأكورد كيف منتشر أحين عندنا:sleep:

Imaj

14-06-2004, 07:46 PM

في الدمام والظهران و جدة (الأماكن اللي أتواجد فيها)

أرى الشفرات الجديدة بكثرة..

صرت أشوف الإبيكا والأفيو والأوبترا أكثر من قريناتها من تويوتا :glasses2:

الإبيكا اشوفها أكثر من اللومينا في السعودية..

يمكن لأن الشعب السعودي مطفر :think:

وهي أكثر شيء طبعاً مع الناس اللي يتملكون سيارة لأول مرة مثل طلاب الجامعة..

نادراً تحصل شايب عنده واحدة..

و حتى إقبال الناس عليها في تزايد..

أهم شيء دريتوا عن أوبترا خمسة أبواب؟؟ :shock2:

انعرضت فترة في الوكالة لكن الآن غير موجودة :confused:

هي نزلت العام الماضي في أوروبا و قبل كم شهر في كندا :cool:

http://www.daewoo-auto.com/global/images/portal/left_img_b.jpg

Daewoo Lacetti (http://www.daewoolacetti.com)

:o لومينا تاكسي ياكثرهم بالسعوديه

أما لومينا تاكسي شكثره فالسعودية كثر لي منها

ما تحصلهم إلا في المطار بس...

أكثر شيء تشوفه الكامري يكفيك إن مبيعات الكامري أكثر من أربعة أضعاف مبيعات اللومينا..

لكن أتوقع (إلى الآن ما طلعت أرقام 2003 :Sad2: ) مبيعات الإبيكا أثرت في الكامري..

سلام :banana:

RED Chevy

15-06-2004, 06:51 PM

رد مقتبس من Imaj
..

أهم شيء دريتوا عن أوبترا خمسة أبواب؟؟ :shock2:

انعرضت فترة في الوكالة لكن الآن غير موجودة :confused:

هي نزلت العام الماضي في أوروبا و قبل كم شهر في كندا :cool:

http://www.daewoo-auto.com/global/images/portal/left_img_b.jpg

Daewoo Lacetti (http://www.daewoolacetti.com)

سلام :banana:

هذي سلمك الله نزلت في موقع الشركة يعني نزلت بالمعارض:D

وترى الثلاثي المرح بعد ينزل بشعارات سوزكي:laugh:

وعندنا في البحرين تأثيرها 0 على اليابانيات:D

Imaj

15-06-2004, 07:52 PM

وترى الثلاثي المرح بعد ينزل بشعارات سوزكي

ما يحتاج تقول لي.. أصلا داري قبل لا ينزلوا عندنا (قبل لا تنقطع الدايو) إن ذا بيصير.. وهي تباع باسم سوزوكي في السوق الأمريكي فقط (سوزوكي فيرونا وسوزوكي فورنزا) ودايو في بعض الأسواق الأوروبية..

لأن دايو في الأساس جنرال موترز منذ تأسيسها حيث كانت الفرع الكوري لجنرال موترز المتخصص في تجميع سيارات أوبل قبل أن تبيعها جنرال موترز لشركة كورية ومن ثم يتغير إسمها إلى دايو..

وزي ما يقولون مصير الولد يرجع لعمه.. :cool:

بس ليش تأثيرها صفر في البحرين :cry:

ما الأسباب التي دعت لمثل هذا؟!

أنا هنا كنت ولا أزال أقوم بدورات تثقيفية حول هذي السيارات..

عادي تبوني أسوي دورة في البحرين وأطير المبيعات فوق :glasses2:

سلام :banana:

RED Chevy

15-06-2004, 08:12 PM

رد مقتبس من Imaj
فقط (سوزوكي فيرونا وسوزوكي فورنزا) ودايو في بعض الأسواق الأوروبية..

سلام :banana:

الإيفو تنزل شفروليه:D

وعن المبيعات هي مشت زين بس ماتقدر توقف السيطرة اليابانية على القطاع الصغير أو بالأحرى مثلث الشر( تويوتا/هوندا/نيسان):D ومتسوبيشي ومازدا:banana: بس مو مثل الثلاثي القوي

يعني تقدر تقول السيارات نجحت بالقدر اللي هم متوقينع لا أكثر ولا أقل:banana:

Imaj

16-06-2004, 04:47 AM

طبعاً أعرف إن الأفيو في كل الأسواق عدا الأوروبية تباع باسم شيفرولية..

على فكرة السيارة لها شكلين..

وأقصد شكلين مختلفين في تصميم الأنوار الأمامية..

هذا الشكل أحلى لو كان يجي عندنا :cry:

http://www.daewoo-auto.com/global/images/info/our_models/kalos.jpg

http://www.daewoo-auto.com/global/images/portal/models/kalos/kalos_big_1.jpg

إيه صحيح ما ننسى الأوبترا خمسة أبواب اسمه سوزوكي رينو في أمريكا :)

سلام :banana:

NFS

16-06-2004, 05:33 AM

السلام عليكم

أخوي Imaj ، ممكن أعرف مصادر الأرقام إللي ذكرتها؟ ودي أعرف مبيعات السيارات الأخرى.

Imaj

16-06-2004, 05:52 AM

من مجلة سعودي أوتو العدد 116 سبتمبر 2003 :)

إذا تبي أرقام أي سيارة آمر بس :)

سلام :banana:

560SEL

16-06-2004, 11:57 AM

رد مقتبس من RED Chevy
الإيفو تنزل شفروليه:D

وعن المبيعات هي مشت زين بس ماتقدر توقف السيطرة اليابانية على القطاع الصغير أو بالأحرى مثلث الشر( تويوتا/هوندا/نيسان):D ومتسوبيشي ومازدا:banana: بس مو مثل الثلاثي القوي

يعني تقدر تقول السيارات نجحت بالقدر اللي هم متوقينع لا أكثر ولا أقل:banana:

RED Chevy : انت تعشق شي اسمه GM ..:p
>>>>> ليش ما تخلي توقيعك : GM .. توأم روحي :laugh:

الكامري والاكورد والسوناتا ثلاثي التفحيــــــط فالرياض :laugh:
صحيح دخلت معهم اللومينا الــ2002 ...بس سرعان ما طلعت
>>>>وشعب الرياض مستحيل يستغني عن التفحيط :laugh:

تحياتي

RED Chevy

16-06-2004, 04:18 PM

رد مقتبس من 560SEL
RED Chevy : انت تعشق شي اسمه GM ..:p
>>>>> ليش ما تخلي توقيعك : GM .. توأم روحي :laugh:

الكامري والاكورد والسوناتا ثلاثي التفحيــــــط فالرياض :laugh:
صحيح دخلت معهم اللومينا الــ2002 ...بس سرعان ما طلعت
>>>>وشعب الرياض مستحيل يستغني عن التفحيط :laugh:

تحياتي

عاد آنا هني أذم الدايوليه ما أمدحهم:D

وشلون ماتبيني أحبهم وعندنا إسطبل شفرات:D :laugh: :D