بخصوص لوحة السيارة..

[ولد القصيم]

السلام عليكم ورحمة الله وبركاته ..
اخواني حبيت اسئل بخصوص لوحات السياره ( بالنسبه للسعودية ) .. اذا حبيت اشتري لوحه من شخص ايش الأشياء إلي لازم اسويها انا وياه؟
وسؤال ثاني اذا كان الشخص مهوب موجود في منطقتي وش هي الأشياء الزياده إلي لازم علينا نسويها؟
وشكراً .. بس لو سمحتوا ردوا وبلاش سفط :cool: :laugh: :laugh:

[ولد القصيم]

معليه بس رفع للأهميه .. بليز شباب ردوا :blink: :think:

[ولد القصيم]

للرفع :( .. اخواني 72 واحد ولا احد يتنازل ويرد علي؟ شدعوه؟ :headshak: :headshak:

[S8]

حياك الله اخي الكريم ...ولد القصيم

بخصوص تساؤلك الاول ..فيجب ان تكون السيارتين بلسم شخص واحد حتى يتمكن من تغيير اللوحات وتبديلها بين السيارتين ..وهذي مصيبة ...لانه يجب عليك انك تنقل ملكية سيارتك الى الشخص الي بتشتري اللوحة من عنده ...وهو يقوم بتغيير اللوحات لان السيارتين باسمه ومن ثم يقوم هو بنقل ملكية السيارة الى اسمك والمصيبة انه ممكن يغدر بك وياخذ سيارتك وانت تضحك لان السيارة باسمه وانت ماتقدر تسوي شي ....
اضف الى ذلك رسوم تغيير اللوحات انت تتحملها سعر اللوحات انت تتحملها ...الامر بالفعل مزري ومشين ..
اما ان كان هو من منطقة وانت من منطقة برضه لازم تتقابلون وتبيع له السيارة مؤقتا وهو يغير اللوحات يعني ياخذ لوحتك وتاخذ لوحته وبعدين ينقل ملكية السيارة باسمك مرة اخرى ولا تنسى ايضا رسوم نقل الملكية ...

لاحول ولا قوة الا بالله العلي العظيم:mad:

[ولد القصيم]

مشكور اخوي S8 على الرد.. وجزاك الله خير
لا حول الله .. كل هذي الحوسه علشان تبديل لوح؟ إنا لله وإنا اليه راجعون ..
مره ثانيه مشكور اخوي S8 :)

[Ascari]

السلام عليكم



ممم عندي راي حلييو .... اشتر منه السيارة مره وحده ... حتى لو تستلف فلوسها مو مشكله ....


وبدل اللوح وبيع السيارة ما راح يطيح من سعرها شي ... أو خل صاحب السيارة ياخذ منك السيارة ويرجع لك الفلوس اللي عطيته ...


ورجع الفلوس اذا انك مستلفها ... وكان الله غفوراً رحيماً ....



بس في شي بيأخرك اكيييييييييد




لطعة المروووووووووووور والله يصبرك عليها :(

[zx300]

اي والله صدقت اخوي Ascari لطعه المرور ماعليها اي كلام
في محرم صابني حادث بس الرفرف اللي انطعج
رحنا المرور وكل يوم يعطوني موعدالين ماكملت ثلاث اسابيع مااعرف الغلط علي ولاعلى الثاني