اطلب منكم النصح Evo 8 او WRX

[ملفت_الانظار]

اخواني الاعزاء ...

ما اعرف بشو تنصحوني... ما يهم ثمن الشراء... المهم شو اللي ممكن تعيش اكثر او اي وحده اللي قطع غيارها متوفره و هل القطع الغيار غالية .!؟!

Mitsubishi Lancer Evolution VIII 8 2004

http://www.mitsubishi-evo.de/galleries/evo8/evo8-yellow-01.jpg

أو

Subaru WRX 2004

http://www.autobellausa.com/images/cars/subaru_wrx_sti.jpg

بانتظار آراكم


تحياتي

[HAMANN.de]

اخوي ملفت_الانظار انا جربت السوبارو وال EVO7 غير المستبيشي لا تاخذ

1- قطع الغيار متوفره في الامارات
2- سهله التصليح وكل ميكانيكي متخصص في التيربو يعرف لها اكثر من الامبريزا
3- وقت البيع مرغوبه اكثر من الامبريزا بس اخوي انت من وين وكم اسعارهم عندكم

انشالله اكون فدتك

[الأنصاري]

Evo 8 انا اشوفها افضل وشكلها احلى

بعدين لو كنت من الإمارات فاعتقد السيارة موجودة عند الوكيل يعني مافي داعي تطلبها

بالنسبة للتحمل وقطع الغيار ووقت البيع الإفلوشن سمعتها افضل والتيربو مال الإفلوشن معروف عند الكثيرين اضافة ان زوايدها الإضافية ممكن تحصلها بسهولة

ولاحظ شئ ثاني ان قطع غيار البودي ممكن تحصلها بسهولة نظرا للإنتشار الانسر العادية في جميع دول الخليج على غرار الإمبريزا

اعتقد سعر السيارتين بين 120-140 الف

[ملفت_الانظار]

اخوي HAMANN 5.0

تسلم على المعلومة المفيده ... وانا اميل للأيفو اكثر....

أخوي بوعبود

انا من الامارات, و شفت المعلومات عن السيارة و شفت كلا السيارتين بس الاسعار من الامبريزا ما ادري عنها

المستوبيشي سعرها في الوكالة 145 الف درهم .

و سمعت ناس تشتكي من غلا اسعار قطع الغيار ؟! ما ادري هل هذا صحيح ام لا ؟!؟!

تحياتي

[TOP-SECRET]

سعر الامبريزا دبليو ار اكس ب135 في وكاله المناعي في قطر:)


وفي الطبيعه شكل الايفو اجمل بألف مره من شكل الامبريزا تحس ان لها هيبه لي مشت بس سمعت ان تسارع الامبريزا اقوى لكن قطع الايفو متوفره اكثر:think: وطبعا السيارتين حسب الاستخدام اذا استخدامك قوي التيربو مايتحمل وبتصير لك مشاكل فيه:think: موضوع التيربو اتوقع اخوي احمد يساعدك فيه اكثر لانه مركب على الكابريس الي عنده:think:

[الفجر mtr البعيد]

السوبارو تسارعها اقوى من الايفو يعني اذا بغيت السيارة عشان قومات
وهالحركات فانصحك بالسوبارو ومن كلامك تقول انت في الامارات
يعني مافي مشاكل من ناحية قطع الغيار
وثاني شي السوبارو لو بغيت تزودها تحصل معدلات استخراج القوة اكثر
من الايفو بسبب توفرها بمحرك كبير شوي الي اهو 2.5L ej
ودور على قطع التعبيث راح تحصلها بكثره
ومبروك على السياره مقدما:p
تحياتي
الفجر mtr البعيد

[ملفت_الانظار]

تسلم اخوي TOYOTA - OBAS

و مثل ما قلت قطع الايفو متوفره بس شو عن مشاكل التوربو ... هل توربو الوكالة فيه مشاكل !؟؟! وهل يمكن تغيريه ؟!؟! وكم يكون قياسه ؟!

أخوي الفجر mtr البعيد

الله يبارك في حياتك .. وبكلامك زادت حيرتي في الاختيار..!!!

!!!

تحياتي

[الأنصاري]

Subaru Impreza WRX تقوم في 4.65 s
Mitsubishi Lancer EVO تقوم في 4.72 s

طبعا هذا من 0-100 ومثل مانت شايف الفرق اقل من جزء من الثانية ولو حسبت عوامل الوزن وتمرين السيارة بتلقى ان المستوى متسواي

ملفت_الانظار شوف فيلم توفاست تو فيورس2 وعلى طول بتاخذ الإيفو ((ركب نايتروز))

هذا المصدر بس طبعا بتلاقي مصادر كثير وارقام كثير هذا واحد منهم
http://www.car-videos.com/performance/speed.asp?Speed1=0&Speed2=60

[كرمبع]

بصراحة انا مانصحك لابهذي ولابهذي لو تبغي سبورت وجميل وشكل وقوة خد لك زد اكس 350 الجديدة والله من ناحية شكل بتاكل السيارات اللي ذكرتها...


راي شخصي..

[VW Passat]

وانا مع الأخ كرمبع في ان الـ نيسان زد اجمل من ناحية الشكل ومكينته قويه واكثر راحه ورفاهيه ومواصفات داخليه .. وشكله مميز ويجذب الانظار

باختصار مسكّت .. وعذراً على المقاطعه :)

[WRX]

السلام عليكم ورحمة الله وبركاته

بصراحة انا مانصحك لابهذي ولابهذي لو تبغي سبورت وجميل وشكل وقوة خد لك زد اكس 350 الجديدة


هههههههههههههههههههههههه

[كلينت ايستوود]

انا بالنسبه لي السيارتين شكليا جميييييييييييييله ورياضيه
وعنيفه جدا جدا جدا ولها تاريخ حافل في عالم الراليات

لكن بشكل عام الإيفو افضل

بخصوص الأداء اقولها وبكل ثقه الإيفو اسرع واقوى من الإمبريزا

وليس هناك داعي للكلام الكثير
وشكرررررراا:cool:

[®Lumina ss 2002]

اوكي اذا صفو ايفو و زد 350 مين يطلع في القومةو الخط هذا مجرد سؤال
بس براي خذ لك ايفو لانه مطلوب اكثر وشعبيته اكثر من امبريزا
والرأي ريأك;)

[evo.505]

ايفوووووووووووووووو......

ماودي اكثر كلام لكن شف المقطع هذا وراح تحكم بنفسك...:p

http://extremegnome.com/vids/evo2.avi

حجمه 11 م ب لكن يستاهل..

[HAMANN.de]

اخويTOYOTA - OBAS السبارو اللي عند المناعي عطوني اياها ب 113000 ماخذتها

بوعبود: حسب علمي ان السبارو قطع غيارها مب متوفره في الامارات
يعني عندك مثلا في ال EVO في قطر قطع غيارها مب متوفره في الوكاله بس تقدر تطلبها من الامارات وتوصل خلال اسبوع اما اذا بتطلب قطعه من اليابان تاخذ على الاقل شهر وهاذا اللي حاصل مع الامبريزا

ملفت_الانظار: ليش ماتاخذ EVO7 وتعدلهامثل ال 8 بتطلع ارخص ابواجد

وشوف الفرق بينهم بسيط

THE 8
http://www.xinil.net/scoot/pics/auto-show/evo8-yellow1.JPG

THE 7
http://usuarios.lycos.es/cupra5606/evo7.jpg

[oil_HKS_lio]

عندي evo7 احلى من 8 الجديد المثلث الي عند الشبك مشوه الشكل والزوايد حقين evo7 احله بلوجه

رايي الشخصي

[HAMANN.de]

رد مقتبس من oil_HKS_lio
عندي evo7 احلى من 8 الجديد المثلث الي عند الشبك مشوه الشكل والزوايد حقين evo7 احله بلوجه

رايي الشخصي

يسلم رايك ويسلم راسك وصح لسانك;) ;)

[محمد دريهم]

ايفلوشن احلى بكثيرررر..

[RED Chevy]

:think:

مقارنة صعبة بس خذ سبور أوتو آخر عدد مسويين مقارنة بين الإيفو والسبارو:banana: على حلبتنا:black: وكل وحدة تتميز بشي ناقص في الثانية بس ترى فاضيين من داخل تاخذ زد أو S2000 أشكل:think:

[WRX]

السلام عليكم ورحمة الله وبركاته



اول شئ اسف على الرد الأول
وبالنسبة للسياراتين فكلهم متعبيني من زمااااااان مع اني مع الشباب من ناحية اني افضل اليفو على المبريزا!!!بس اذا جيت تقارنها بالنسبة الأمركية الي يجي محركها 2.5 طبعا الأمبريزا قاااااااااااااااااااادم
اوكي اذا صفو ايفو و زد 350 مين يطلع في القومةو الخط هذا مجرد سؤال
طبعا الإيفو وبفرق شنييييييييع
لاتنسى ان اللإيفو اقوى (يمكن بـ5 حصان بس) واخف والـAWD...

ملفت_الانظار: ليش ماتاخذ EVO7 وتعدلهامثل ال 8 بتطلع ارخص ابواجد
لو قلت انه ياخذ امبريزا اقدم شوي ويعدلها اقلك اوكي بس لاتنى ان اليفو7 قيرها 5نسب!!!وبالنسبة للشكل انا نفس الحالة معاية كل ما يطلعون شكل جديد للإيفو اقل القديم احلى ومع الوقت اتعود عليه ويعجبني....


بس شباب ما كأن الإيفو اغلى:confused:

[ملفت_الانظار]

الف شكر اخواني ...

الجدل يدور حول السرعه ... والقومه ... لكن شو عن قطع الغيار... و خاصة قطع التزويد .... انا سمعت لازم تطلب من برا.. والا ما شيء في الامارات ؟! هذا والله اعلم ...

تحياتي