التجمع الاخير لشباب الامارات بدبي؟؟!!

[grandv8]

بسم الله الرحمن الرحيم

السلام عليكم ورحمة الله وبركاته

تجمع شباب الامارات يوم الخميس بتاريخ 25 مارس 2004 بدبي بمنطقة الممزر على البحر.
التجمع بدأ من بعد صلاة المغرب الى بعد صلاة العشاء بساعة او ساعتين تقريبا وتأخرو بعض الشباب من المجئ لان كان شي اتصال بينا وبينهم وكان شي تفتيش على السيارات وتلوين الزجاج والرخصة والملكية وبعد على سيارات الرياضية من وجود تزويد اكثر من اللازم ،خله شوي جو من القلق بين الشباب والناس بهي المنطقة.
ونحن نتظر امام المسجد لين انتهى التفتيش وراحو الدورية, وقمنا بتحريك سياراتنا الى جانب اخر بين المواقف وجلسنا نتشاور بالمستجدات الراهنة بالمنتدى.
كان اهمها :
سيرفير المنتدى لان بطئ او مايفتح ابدا
هروب كثير من الاعضاء من المنتدى بسبب المشاحن او بطئ المنتدى او عدم فتح المنتدى بسرعة.
تحريك المنتدى بكثير من المواضيع الجديدة والمناقشات الحلوة والهادفة وبعيدة عن المشاحن وعودة تجارب السيارات للمنتدى.
واخ عمر ماقصر بمواضيعه الشيقة من حصريا للمنتدى.

واخير وصل اخونا روح الامارات ( حسين )مكان التجمع متأخر بس جو حلو الاثارة والضحك معانا وشرح لنا ظروف التوقف عن المنتدى وطبيعة عمله،ودعينا له بالتوفيق بعمله الجديد .

بس عدد الاعضاء قليل جدا بالنسبة التجمع الاخير واعضاء كثير ماجاؤ بمثل التجمع الي صار بالشارقة بضيافة اخونا روح الامارات حسين وجزاه الله الف خير.

اخوي
RED Chevy عبدالرحمن اليك الموضوع وصور التجمع وفالك طيب اخوي ومع انه متأخرة شوية وبس عشانك اخوي وباقي الاعضاء.

اليك الصور

http://www.daraldhabi.com/album/files/grandv8-1084723911.jpg

http://www.daraldhabi.com/album/files/grandv8-1084724016.jpg

http://www.daraldhabi.com/album/files/grandv8-1084724194.jpg

وان شاء الله يكون وصلكم التقرير كامل ويمكن نسيت بعض الشي والشباب مايقصرون بالرد الي كانوا بالتجمع.

اخوكم محمد:) :D

[RED Chevy]

الحمد لله وهذي اللي نبيه ومنورين الشاشة أعضاء الإمارات وإن شاء الله التجمع الجاي أكبر:cool: وألف شكر لك يامحمد على الموضوع بردت قلبي:p

[A7medo]

شي جميل والله

بس ما شفنا صور للمواتر ...بس صورة وحدة

على العموم مشكورين

واتمنى لكم مزيد من التقدم والنجاح .

[الأكورد العنيد]

السلام عليكم ورحمة الله وبركاته

شكور على الموضوع

و مبرووووووووك الاشراف و لو انها شوي متاخره :glasses2:

[الأكورد العنيد]

بس ما عرفنا انت مين فيهم :D

و من من شباب المنتدى كان موجود :glasses2:

تحياتي :banana:

[uae speed]

هلااا :D

ما شالله شو هالكشخه :D
المهم انا كتبت الاسامي على الصور .. :D


http://www.uaef.net/ooooooooookmsoooooooooo/up-files/aiu/Pictures/swalif2004.jpg

تحياتي uae speed

[حبوب بوظبي]

التجمع كان حلو ... و التقينا مع هالوجوه الطيبه ... :cool: :cool:

انا صورت كم صوره بس للأسف .... :headshak: :headshak: ... واحد من الشباب الله يهديه لغاهم من الكميرا

[RED Chevy]

بس ماقلتوا من اللي صوركم:D والحمد لله عرفنا نص شباب الإمارات هالمرة من نشوفهم في السيف نعرفهم:D

[AMG]

أخيرا شفنا الموضوع والصور :eek: مشكور محمد..........

[علي عبدالله]

شي رائع :)
بصراحة حلوة فكرة التجمع ذي
والاحلى فيها ان الصور مع الاسماء موجودة :)
amg كان عندي شعور انك تلبس نظارات ..تخيلت كذا من زمان.. :)
اما زورو ..ترا اخوك مايشبهك كلش :D
عموما شي رائع فعلا وكثروا لنا من هذي التجمعات الحلوة
(تقوية عظيمة للروابط بين الاعضاء) http://www.ayshey.com/forum/images/smilies/g1.gif

[زورو الامارات]

رد مقتبس من راعي البيج
شي رائع :)
بصراحة حلوة فكرة التجمع ذي
والاحلى فيها ان الصور مع الاسماء موجودة :)
amg كان عندي شعور انك تلبس نظارات ..تخيلت كذا من زمان.. :)
اما زورو ..ترا اخوك مايشبهك كلش :D
عموما شي رائع فعلا وكثروا لنا من هذي التجمعات الحلوة
(تقوية عظيمة للروابط بين الاعضاء) http://www.ayshey.com/forum/images/smilies/g1.gif


هلا والله مو اخوي هذا صاحب محمد في الشغل

:)

[grandv8]

السلام عليكم ورحمة الله وبركاته

RED Chevy
اخوي منورين بوجودك يااخوي واسمحلنا على التأخير بتنزيل على المنتدى وانت تعرف كان المنتدى سريفر تعبان ومرات مايفتح وخلانا ميؤسين شوي بس مهم انت ذكرتني بالتجمع وعشانك نزلت صور التجمع.

A7medo
هلا اخوي والله صورة المواتر بس الصور ماطلعت واضحة وانا اعتمدنا على اخونا حبوب ابوظبي كان عنده كاميرة احسن من كاميرتي وهي من نفس الموديل بس فرق المزايا وهي الي صورة الوحيدة وكان بعض الشباب سارو من عدنا ماقدرنا نصور باقي السيارات.

الأكورد العنيد
هلا اخوي وشكرا لك على مرورك الطيب والله يبارك لك وعقبالك.
واخوي عبدالله ماقصر وكتب الاسماء على الصور.

uae speed
هلا اخوي عبدالله والله انت دووم منور بالصور وصورتك واضحة ماشاء الله بس انت كتبت اخو زورو وهذا مب اخو زورو هذا صاحبي انا وهو مب مشارك معنا بالمنتدى بس جاي يشاركنا التجمع. وشكرا لك:)

حبوب بوظبي
هلا اخوي كان التجمع معاك وانت منوس الجلسة ماباقي الاعود ونغني:D وانا قلت معتمد عليك بالتصوير بس ماعليه غيرها خيرها.


RED Chevy
انا الي كنت مصور الشباب بس صور كانت مب واضحة بالنسبة الصور الثانية الي انا مانزلته وكانت مظلمة.

AMG
هلا اخوي عمر واخير نزلنا الموضوع:eek:

راعي البيج
كلامك صح وشكرا على مرورك الطيب بالنسبة AMG كلامك وصح ولزورو صح اما بالنسبة لاخو زرور خطأ هذا صاحبي معاي انا ومب مشارك بالمنتدى وجاء معانا بالتجمع.

زورو الامارات
هلا خالد صح كلامك ياحجينا

شكرا لكم جميعا
:D :)

[كرمبع]

الله يحفظكم..

ومرحبابكم مليووووووووووون وبالملاييييييين:)




كرمبع

[ERT]

اممم وين انا , :confused: اووه انا موجود !! وانا مادري :confused: :D :laugh:


مشكور مشرفنا

[الفجر mtr البعيد]

مشكور اخوي gand v8على الخبريه والصور وتشرفنا بمعرفة اعضاء المنتدى الطيبين وعقبال ما يصير في تجمع للخليج قولو آمين
تحياتي
الفجر mtr البعيد

[TOP-SECRET]

يعطيكم العافيه شباب على التجمع الحلو بس لو فيه صور زياده بيكون اجمل اكيد وان شاء الله لو يتفقون شباب سوالف في العطله الكبيره على تجمع كبيييييير في الامارات او البحرين او قطر او اي بلاد ثاني من دول الخليج بيكون تجمع رووعه الصراحه

وكثرو لنا من هالتجمعات والمواضيع الحلوه:D


يعطيك الف عافيه مشرفنا على الموضوع الجميل منك ;)

[الأنصاري]

شئ طيب عرفنا الشباب الطيبين من الإمارات يعطيكم العافية

وانشاء الله نسوي تجمع في قطر :D

[grandv8]

السلام عليكم ورحمة الله وبركاته

كرمبع
هلا اخوي والله يحفظك من كل شر ومرحبابك اخوي:D

ERT
انت صورتك كل مرة بالمقدمة وهالمرة مافي دعاية كوكا كولا:D :eek:
وشكرا لك ياعبدالعزيز:)

الفجر mtr البعيد
هلا بك اخوي وشكرا لك بالرد الطيب وان شاء الله بصير تجمع حلو لكل شباب الخليج:)

TOYOTA - OBAS
كلامك ان شاء الله بصير وان شاء الله نجتمع بصير تجمع حلو ومتناسق لكل افراد المنتدى وسوالفهم الحلوة وشكرا اخوي:)

بوعبود
حاضرين اخوي ونبغي انجوف الوجوه الحلوة ياشباب قطر وتجمعاتكم وليش ماتسون تجمع حلو وانتوا ماشاء الله عندكم امكان حلوة وكثير للتجمع وشدو الهمة ياشباب قطر ولازم اجيكم مرة زيارة:)

شكرا لكم ياشباب ماتقصرون