كاديلاك XLR رياضية بنكهه امريكية

[الأنصاري]

من السيارات الرياضه المظلومة رغم انها مزودة بمحرك جبار وتجهيزات رائعة لذلك قررت اكتب عنها

في البداية السيارة من الشركة العريقة كاديلك
الطراز اسمه XLR

السيارة مزودة بمحرك نورث ستار بسعة 4.6 وبقوة 320 حصان :banana: :banana: على 8 اسطوانات بتقنية VVT

شكل السيارة
واجهة عصرية وجميلة وانسيابية لتعطي السيارة اقصى درجة اداء ممكنه
http://www.cadillac.com/images/models/xlr/gallery/photoExt1_med.jpg

من الخلف ايضا تم الإهتمام في ادق التفاصيل حتى ان سقف السيارة كهربائي ينطوي بالكامل
http://www.cadillac.com/images/models/xlr/gallery/photoExt3_med.jpg

من الداخل
كل شئ الكتروني وتوزيع جيد لجميع الوظائف ((الصراحة لاتعجبني سيارات كادلك الجديد من الداخل خاصة ان الدفعات التي تصل الى اسواقنا تترقع حيث يشيلون النفيجيتر ودبرون مكانة اي شئ ))
http://www.cadillac.com/images/models/xlr/gallery/photoInt1_med.jpg

رغم ذلك لقد تم التدقيق في كل التفاصيل
السيارة تنطلق من 0-100 في 6 ثواني والصراحة توقعت نتيجة افضل بسبب خفة السيارة ولكن تضل جبارة
وتقطع الربع ميل 14.3 اجزاء
وطبعا هذا هو المحرك الأول من كادلك المزود بتقنية التحكم الإلمتروني في عمل الصمامات

كامل تقنيات كدلك في هذة السيارة

على صعيد التجيزات السيارة كاملة كل الخواص القياسية والإختيارية موجودة

من الأشياء الملفتة من تقنيات كادلك ان نظام التعليق يتم التحكم فيه بطريقة مغناطيسية حيث توفر راحه وتجاوب سريع

السيارة جميلة وقوية ولكن سعرها مرتفع يتجاوز 250 الف ريال وهذة النقطة الوحيدة التي تجعل هذة السيارة نادرة الوجود في منطقتنا

اتمنى ان يعجبكم الموضوع
الكاتب بوعبود ______لسوالف_______ فقط

[loolicpolic]

تسلم يالغالي.. موضوع ولا أحلى..


بس كإني شايف طريقة الكتابة هاي من قبل :cool:


تحياتي..

[oil_HKS_lio]

مشكوووووووور على الموضوع وشفت الموتر قبل كذا صراحه ماعليه كلام بس السعر غالي

[الأنصاري]

loolicpolic الله يسلمك بس مافهمت عليك هذا اسلوبي الدائم:D :D


oil_HKS_lio العفو صحيح شكلة روعة بس السعر
:cry: :cry:

الصراحة رد سريع في اقل من 20 ثانية من كتابة الموضوع تحية للنشاط:banana: :banana:

[RED Chevy]

شفت الموضوع مساعة بس مادخلت كنت طالع وآسفين على التأخير:D

المهم وش تبيني أقول؟:D

أمدح شنو وأقول شنو وأخلي شنو؟:D :D

خطوة ماتوقعتها من كلدك تنزلها بكل مواصفاتها الشاشة نزلت وكلام سبور أوتو إن النافي نزل:banana:

مواصفات خطت بها الكادي خطوة بيرة، وعن الأداء بقول كلمة بسيطة شوي:

المرسيدسSL500 في 6.1 والجاغوار XK في 6.30 والكدلك في 5.9 واللكزس SC في 5.9 بعد:mad:

يعني كلهم خرطي شكل بس القوة في الAMG ,R,XLR-V
الXLR-V ممكن يكون ب10 أو 12 سلندر يعني تجهزوا يالربع:black:

المواصفات محد بيفيدكم قد سبور أوتو وسعودي أوتو آخر عددين سبور أوتو تدري كم صفحة مخلينها للسيارة هذي؟
8 صفحات كاملة بس عن الXLR:cool:
الصراحة كدلك عقب سياراتها الجداد كل يوم تكبر بعيني ونصيحة مني لاتفوتو نالمجلة ترى فيها نقارنة بين الإفيو8 والسوبارو STI على حلبة البحرين:glasses2:

ولي رجعة إذا في شي مرة ثانية وألف شكر لك بوعبود على الموضوع الروعه( ترى لو حطيت صورتها بس بدون كلام يكون جهد تستحق الشكر عليه لأنا موطبيعية:cry: )

[TOP-SECRET]

شكله ومواصفاته ماعليها كلام بس عزمه ماعجبني الصراحه:think: وسعره غالي بالمقارنه مع نفس الفئه من سيارات المانيه:p

[RED Chevy]

رد مقتبس من TOYOTA - OBAS
شكله ومواصفاته ماعليها كلام بس عزمه ماعجبني الصراحه:think: وسعره غالي بالمقارنه مع نفس الفئه من سيارات المانيه:p

ياحمد مافي منافسين بهالفئة غير 2 الكزس زالمرسيدس وبالقوة متساويين بالشكل اللكزس برى اللعبة بالفخامة كلن وذوقه بالسعر مرسيدس الأغلى بعدا الكادي بعدها اللكزس:cool:

[TOP-SECRET]

والـM3 :p قيمتها 235 طلبيه خاصه عند ولد عمي:p انا اشوف انها من نفس الفئه 8 سلندر و مب متاكد من الاحصنه بس اعتقد 340 او 360 :p

[RED Chevy]

رد مقتبس من TOYOTA - OBAS
والـM3 :p قيمتها 235 طلبيه خاصه عند ولد عمي:p انا اشوف انها من نفس الفئه 8 سلندر و مب متاكد من الاحصنه بس اعتقد 340 او 360 :p

هذي على صوب لو تصيدهم تعطيهم بالشوارع مو بالعواميد:D

هذي يا كوبيه ياكف هذيلا كوبيه كشف يعني الثنين( السقف الصلب مو حديد في الكدلك مغنيسيوم وصانعته نفس الشركة اللي صنعت مال المرسيدس:D )
هذي الفئة حالياً مقتصرة على هذي السيارات الثلاث بس:D

[Super SS]

يسلمووووووووووووووووووو


وشكرا:)

[Mr_CoRvEtTe]

موضوع جميل

وسياره اجمل
تسلم اخوي

[الشبابي]

ريد شيفي ...
القوة ليست كل شئ ... والاس ال اللي تتكلم عنه تسارعه 6.1 لموديل 2003 اما 2004 والمزود بسبع سرعات اقل بكثير ...
يصل تقريبا الى 5.7 على ما اظن والربع ميل فيه قليل جدا لأن الهيدروليك حق المرسيدس ينزل كثير بالخط .... ومع ذلك فالقوة ليست كل شئ ...
وصراحة سيارة حلوة جدا لكن سعرها غالي جدا ....










اخوكم الشبابي

[king_prelude]

من الخارج حلو ...

بس من الداخل بالنسبة للمرسديس ولا شيء

المحرك جيد ( بالنسبة لمحرك أمركي )

بس السعر كثير عليها .... ليش ؟؟

في إنتظار الإجابة

[Corvette_Stingray]

الصراحة السيارة ممتازه :banana:

[الشبابي]

اخوي كينج بريليود ...
حرام عليك الحق ينقال من الداخل السيارة حلوة وخصوصا منطقة الجير ....










اخوكم الشبابي

[الأنصاري]

RED Chevy
TOYOTA - OBAS
oil_HKS_lio
ملاك070
Mr_CoRvEtTe
الشبابي
Corvette_Stingray
king_prelude

اشكركم جميعا على التفاعل ونحترم جميع وجهات النظر والحمدلله ان الموضوع عجبكم

[comondor--GTSR]

السيارة جميلة جدا بس غالية


واللحين اللحين ماشفت ولا وحدة بالشارع تمشي:D

[loolicpolic]

رد مقتبس من comondor--GTSR
السيارة جميلة جدا بس غالية


واللحين اللحين ماشفت ولا وحدة بالشارع تمشي:D

انا شفت وحده تمشي عندنا في الدوحة..


تحياتي..

[الأنصاري]

رد مقتبس من loolicpolic
انا شفت وحده تمشي عندنا في الدوحة..


تحياتي..

نعم في وحدة في قطر والسيارة تطلع من بيت في فريج بن محمود وما ابي اقول بيت مين :D

[loolicpolic]

بعد إذن أخوي بوعبود..

خلفيات كاديلاك XLR.. لعيونه وعيونكم بعد :D


http://www.hobh.com/up/files/loolicpolic-1083843080.jpg http://www.hobh.com/up/files/loolicpolic-1083843261.jpg http://www.hobh.com/up/files/loolicpolic-1083843180.jpg http://www.hobh.com/up/files/loolicpolic-1083843205.jpg http://www.hobh.com/up/files/loolicpolic-1083843230.jpg



تحياتي..

[RED Chevy]

رد مقتبس من الشبابي
اخوي كينج بريليود ...
حرام عليك الحق ينقال من الداخل السيارة حلوة وخصوصا منطقة الجير ....

اخوكم الشبابي

عجبني ردك وصحيح القوة مو كل شي بس بخبرك شغلة عن قير الكدلك، القير الرابع توصل 260 على 5500 لفة والقير الخامس ينزل اللفات لي 4400 يعني ماله داعي لو كان 4 بتاخذ قوتها وبعد بتكون مرتاحة 5500 لفة وايد حلوة ل260:D وتدري على 120 كم لفة تكون المكينة؟
1200 لفة شي مهب طبيعي والمرسيدس مع ال7g ترونيك أعتقد تقدر تحقق هالمعادلة، بس بخصوص التسارع مدري الموديل الجديد أو الحالي بس مثل ماقلت قبل ماتفرق وايد جزئين للأولى أو الثانية نفس الأداء:rolleyes:

وتدري المجلة شنو قالوا، قالوا المواد الداخلية من أفضل المواد والجلد من أحسن النوعيات والكراسي مريحة بس شيين ماعجبوهم فيها:Sad2: قال لين تدخل منعطف قوي على سرعة عالية تبدل للقير التالي فتفقد شوي من توازنها وبين الكرسيين في جزء ماعجبهم نوع البلاستك اللي فيه أما الباقي عجبتهم واد ولاتفوت المجلة فصلوا السيارة تفصيل وحتى مقارنة السبارو والإفيو قالوا عيوبهم يعني أخيراً مجلة عربية ترضي طموحك:D

السعر صحيح مبالغ فيه بس كدلك وتوه نازل ومواصفاته هاللون يستاهل السعر بس صبروا عليه شوي بعدين أتوقع بينزل لي 27000 أو أقل وآنا شفت وحدة وفي وحدة ثانية ماشفتها يعني شي جيد لو باعوا سيارتين:D

[ACCORD-VETIC]

رد مقتبس من TOYOTA - OBAS
شكله ومواصفاته ماعليها كلام بس عزمه ماعجبني الصراحه:think: وسعره غالي بالمقارنه مع نفس الفئه من سيارات المانيه:p

[king_prelude]

رد مقتبس من الشبابي
اخوي كينج بريليود ...
حرام عليك الحق ينقال من الداخل السيارة حلوة وخصوصا منطقة الجير ....










اخوكم الشبابي

الصراحة يالشباب أنا أحس السيارة من الداخل كأنها سيارة سيدان ماكنها كوبيه :think: يعني تشوف السيارة من الخارج بعدين تشوفها من الداخل تحسها سيارة ثانية :help:

[الشبابي]

من وجهة نظري ...
هذي السيارة تعتبر خطوة جريئة وممتازة من كاديلاك واعتقد كلفتهم كثير ولكن ستبدأ السياة بالانتشار متأخرا واعتقد الاجيال الجديدة منها ستكون ناجحة بسبب مواكبتها للتطور اول بأول ...











اخوكم الشبابي

[BoSaLem]

السياره هذى ركبتها وطاحت من عيني :confused:

والله تخيل سياره بهالقيمه تروح تفتح الكشف وتسكره

تحس بصوت قرقعه مو طبيعي؟ وغير الشكل لما يتبطل ويتسكر

شكله مقزز ماقول غير الله يخلف علي الامريكان

يحلمون يقربون صوب الاس ال

والي مو مصدق كلامي يروح يجربها بالوكاله :corsair: