بدأ الصيف ..فلنتبادل المعلومات حول استخدام سياراتنا وماتحتاجه من صيانه وقائية ..فتفضل

[S8]

بسم الله الرحمن الرحيم
السلام عليكم ورحمة الله وبركاته
اخواني الاعضاء الكرام ...لا شك انكم تعلمون مانحن فيه الان من حرارة قاسية للجو لذلك احببت ان اكتب في موضوعي هذا بعض النصائح كما واجو منكم المشاركة الفعالة وابداء ارائكم وتجاربكم حول استخدام سياراتنا في فصل الصيف فالكل يعلم ضرورة جهاز التكييف في سياراتنا والضرورة الملحة في تصفية وتنقية وتجديد عمل جهاز التبيريد ((الراديتور))

فهلا تبادلنا الخبرات والمعلومات والنصائح هنا؟


وشكرا على تجاوبكم مسبقا ....

تحياتي :)

[S8]

بعضا من تجاربي على ذلك ...

الافضل تغيير ماء الراديتور خاصة اذا كان قديم ...

التشييك على عمل مراوح التبريد وخاصة لسيارات السحب الامامي

التشييك على سلامة نفس المراوح وان لا يكون احد اذرعها مكسور

التأكد من سلامة الراديتور نفسه بان لا يكون معطوب (مخروم) او به صدى الحديد) او امور اخرى

هذا مالدي الان ولا نستغني عنكم

[hassan_M3]

فكرة جميلة منك اخوي

بس اهم شي يشيكون على المكيف:D :laugh:

وتحياتي للجميع:think:

[oil_HKS_lio]

مشكور اخوي على الموضوع

تشييك الفريون:rolleyes:

[الأنصاري]

رد مقتبس من oil_HKS_lio
مشكور اخوي على الموضوع

تشييك الفريون:rolleyes:

خاصة ان السعر يرتفع في الصيف:D :D

[GTO97MR]

تسلم s8 على الموضوع الرائع ..
والله السيارة تحتاج اهتمام نفس ماتفضلت وذكرت الماء الخ
في اشياء اخرى لازم نهتم بها هي الاطارات وغطاء الى تحت ال Hood
وفي اشياء اخرى بس مااعتقد مهمه نفس هذي الاشياء

الاطار خليته في الاشياء المهمه تخيل انك جاي بسرعه 200 كيلومتر
وفي جو حــــار الواحد لازم يتحذر وعندك غطاء المحرك لازم يكون موجود
حراره المحرك اعتقد تتسرب :rolleyes:

تسلم مره ثانيه

تحـــياتي :glasses:

[مؤيد اف1]

عادتا في الصيف تبان تهريبات السياره من زيت او ماء..

واهم شي الاطارات يتقلل ضغطهم شوييييييه عشان الحراره مع المشي والشمس تزيد ضغط الهواء في الاطار وخصوصا مع السرعه وسيور المكينه يفضل فحصها مع المراوح والوصلات والخراطيش والرديتر:D

[علي عبدالله]

مشكلتي انا تختلف
لاني اوقف سيارتي برى البيت وبالتالي تتعرض يوميا للشمس (وخصوصا في عز الظهر ) ومع مرور الوقت يبدأ الصبغ يتأثر بهذي الظروف القاسية بالاضافة الى ان السيارة تكون مثل الفرن من الداخل وهذي مشكلة :Sad2:
اغلب الشباب قالوا لي (اشتر طربال ) يعني غطاء للسيارة ..بس هذا معناته اني لازم افكه واركبه يوميا (وهذي مشكلة اخرى ):think:
الحل الاخير تركيب سقف حديد (وهذا اللي افكر فيه ):glasses:
وممكن نعتبرها نصيحة لكل من يعاني من نفس المشكلة :glasses:

[مجنون سيارات]

ما عندي شي أظيفه :D الشباب ما قصرو بشيء بس حبيت اقول ان مثل هذي المواضيع المفيده تستاهل الواحد يناقش فيها ويفيد غيره بالي عنده مب مواضيع هذي الايام الشركه الفلانيه تقلد هذي الشركه ومدري ايش وكل واحد يستفز الثاني بالرد ولا مايتركون الموضوع ألا اذا تقفل النقاش او كل واحد يقنع الثاني مهما صار الواحد اذا مقتنع بشيء ما راح يغير ألا اذا جرب الشيء بنفسه بعدين ما تسوى الواحد يزعل على قطعة حديد (أقصد كرتون) وأخر شي السياره مردها التشليح حالها حال اي سياره مصديه (حليانه) .

وشكرا لك أخي S8 على طرح الموضوع ألي يستاهل الواحد يقراه ويناقش فيه بشي مفيد :)

[oil_HKS_lio]

رد مقتبس من راعي البيج

الحل الاخير تركيب سقف حديد (وهذا اللي افكر فيه ):glasses:
وممكن نعتبرها نصيحة لكل من يعاني من نفس المشكلة :glasses:

ولد جيارانا حط له في الارض الي جنبه وكتبو عليه تزال خلال يومين من التاريخ من بلديه الدواسر تاريخ الفلاني:D

[mill_955]

التظليل العازل للحراره

له فائدتين بالصيف:

- حماية الديكور الداخلي من التلف
- تقليل الحمل على مكيف السياره في عز الظهر

[الشبابي]

سيارتي يابانية ...















اخوكم الشبابي

[القرن الجديد]

الشبابي ناوي على :anger: بين اعضاء المنتدي


:eek: :eek: :eek: :eek:


وانا سيارتي كورية:damp:


:banana:

[black scorpion]

طبعاً الشباب ما قصروا بس احب اضيف ان غسيل السيارة في الشمس والجو الحار والسيارة بذاتها حارة يؤدي الى مشاكل في لون السيارة.
:cool:
اللي انا اشعر به في سيارتي في الجو الحار ان العزم يقل فافسرتها ان الهوا اللي يدخل من فلتر الهوا بيدخل حار فيقلل من العزم .:rolleyes:

[HaKeM]

نصيحة للشباب لا تسرعوا في عز الظهر عشان الكفر لا يتأثر ويحدث مالا يحمد عقباه:(

وأهم شي تشيك على الراديتر وفلتر المكيف والفريون والسيور


تحياتي:)

[عين الفهد]

قضوا الصيفيه بالسيكل والا مشي :D



امزح لكن افضل نصيحه روح ودها لاي كراج وخله يفحصها لك ومعك وانت قرر مايحتاج تبديل وبدله

وقول له انك تبغا تفحص قبل الصيف :glasses:


وسلامتكم :p

[الشبابي]

مو قصدي شي ...
لكن الحمدلله فسيارتي يابانية و تتحمل الحر افضل من غيرها ومكيفها ايضا افضل من غيرها عدا اني مركب تظليل عازل حراري واستخدم مادة بربل ايس مع الديتر حق السيارة واللي تزيد من فعالية التبريد ...
يعني السيارة ولله الحمد 100 % .....












اخوكم الشبابي

[Mr_CoRvEtTe]

السلام عليكم ورحمة الله وبركاته

شوفو هذا الموضوع يمكن يفيدكم

http://www.swalif.net/sforum1/showthread.php?s=&threadid=187075

[S8]

شكرا شباب على المشاركات الفاعلة وننتظر المزيد المفيد منكم

[BUIKE83]

السلام عليكم ورحمة الله وبركاته

أعزائي أرجوا أن تكون نصئحي خفيفه عليكم

1- لا تنسى أن تشيك على السيور فمع تقلب الطقس ترتخي وتهترئ

2- أحذر أن ( تلبق ) السيارة نص علي الرصيف و نص على الشارع لأنه يؤدي الى تلف المساعدات والمقصات والركب والجلد حقتها

3- لا تحاول تشغيل السيارة اذا كانت حارة والسلف مو راضي يشتغل يعني تحس أنه يدور بثقل هذا يخلي السلف عندك يروح في البي باي

4- لا تترك السارة واقفه لفتره طويله أكثر من يوم لأن هذا يخرب عليك الكفر ومايصير دائري تصير اذا سرعت شوي تهز مهك

5- لا تغير زيت والسيارة حاره لأنه لما يفك الصره يلي تحت ممكن يضرب الأسنان حقتها أو شفلك ورشه عندهم ماكينة شفط زيت

6- لتغسل الهوبات(الدسكات) والسيارة حاره

[زورو الامارات]

السلام عليكم ورحمة الله وبركاته

مايحتاج هذا كله


ليش احنا متى طفينا المكيفات على شان نشغلها ؟

[علي عبدالله]

رد مقتبس من BUIKE83
السلام عليكم ورحمة الله وبركاته

أعزائي أرجوا أن تكون نصئحي خفيفه عليكم

1- لا تنسى أن تشيك على السيور فمع تقلب الطقس ترتخي وتهترئ

2- أحذر أن ( تلبق ) السيارة نص علي الرصيف و نص على الشارع لأنه يؤدي الى تلف المساعدات والمقصات والركب والجلد حقتها

3- لا تحاول تشغيل السيارة اذا كانت حارة والسلف مو راضي يشتغل يعني تحس أنه يدور بثقل هذا يخلي السلف عندك يروح في البي باي

4- لا تترك السارة واقفه لفتره طويله أكثر من يوم لأن هذا يخرب عليك الكفر ومايصير دائري تصير اذا سرعت شوي تهز مهك

5- لا تغير زيت والسيارة حاره لأنه لما يفك الصره يلي تحت ممكن يضرب الأسنان حقتها أو شفلك ورشه عندهم ماكينة شفط زيت

6- لتغسل الهوبات(الدسكات) والسيارة حاره


اخوي اذا بقارن نفسي مع نصايحك
(المفروض سيارتي في التشليح من زماااااان ) :glasses:
خصوصا مسألة (نص على الرصيف ونص على الشارع ) :p
اظن الكروزر ممكن يكون استثناء لان مساعداته ومقصاته تختلف عن الصالون :glasses:

[BUIKE83]

20 خاص الى (راعي البيج)


حنا أخو قاعدين نتكلم عن عموم السيارت

واذا كان تبي تشلح سيارتك الله يحيك حنا في الإنتظار


:banana:
:banana:
:banana:
:banana:

[S8]

معلومات قيمة تجبر الواحد على التوقف عندها وتأملها وتحقيقها على واقعه وسياراته

شكرا شباب ولا زلت انتظر المزيد