استفسار عن (الماجنا)

[king of nothing]

أهلين شباب كيفكم بما أني من زمان ما دخلت المنتدى فأحب إني أتناقش معاكم في الـ ( الماجنا ) لأن الوالد يفكر يشتري لأخوي VRX

والصراحة من جهتي أعتبرها سيارة فاشلة

محركها / 3.5 لتر يولد 215 حصان قليلة .... عندكم الألتيما 3.5 تولد 260 حصان هذا بالنسبة للسيارات الجديدة
من الداخل ما أقول إنها قبيحة بس مو حلوة .

صرفية البنزين زيداة عن منافساتها المكسيما والأكورد
قوتها أنا أشوف إن المكسيما والأكورد أقوى من جهة العزم وخصوصا في المطارحات ( بما أن المحرك 3.5 )

الشكل الخارجي .... من جهتي بايخة ..بس إلا أقوله كل واحد وذوقه

مشكلة القير ...... هذا هو إلا قاااهرني يعني الفئة الرياضية ما تجي قير عادي ( الله يخلف على المتسوبيشي )

والوكيل ماله داعي عندنا في السعودية يعني يجننك

أبي أرائكم شباب بالتفصيل

[الأنصاري]

في كثير من الشباب حاليا عندهم ماجنات وماشين فوق 50 و60 الف ومااشتكو من السيارة ماتغير الا القطع الإستهلاكية يعني السيارة جودتها عاليه وتيجي شد بلدها من اليابان

المحرك يولد 230 حصان وانا اشوفة ممتاز
من ناحية العزم انا ركبت في ماجنا جير عادي والصراحة ماتوقعت هذا العزم السيارة تفحط من قوتها

الشكل الخارجي والداخلي وجهات نظر

وموضوع المطارحات نسبي لكل مطارحة ضروفها بس السيارة بشكل عام قوية

صرفية البنزين مادري بس ممكن اخوي ولد الخبر يتكلم في هذة النقطة بس ما اشوفة اشتكى

بالنسبة للجير اعتقد بتنزل بجير عادي اوتبترونك قريبا

بشكل عام انا اشوف السيارة حلوة وماعليها كلام ورخيصة خاصة انك تدفع 70 الف في الطراز الرياضي وتحصل على جميع المواصفات الرياضية من جناح ودبة صوت ونظام تعليق رياضي وجنوط اضافة الي ان السيارة فيها مثبت سرعة وكراسي رياضية وسي دي وفتحة

صفقة ناجحة جدا لذلك تجد العديد من الشباب اتجه الى الماجنا

على العموم شوفوا السوق والأسعار والسيارات الي تفكرون فيها ونصيحة لاتاخذ سيارة الي مو مقتنع فيها
انت بتدفع مبلغ وقدرة لذلك اختار السيارة الي تعجبك ولا ياثر فيك كلام اي واحد حتى كلامي شخصيا

[TOP-SECRET]

بوعبود كفى ووفى :)

[king of nothing]

مشكور اخوي بو عبووود على ردك الصريح :)

واخ تيوتا مشكور على التعقيب:)

نشوف ردود باقي الشباب:)

[RED Chevy]

مثل بوعبود كلامه 100% والسيارة مشيها نار على كلام أصحابها وطايفين مواتر وايد بالماجنا شوف موضوع ولد الخبر عنها سيارة حلوة بس مثل ماقال بوعبود شي هب مقتنع فيه لاتاخذه.:rolleyes:

[king of nothing]

مشكور اخوي على ابداء رأيك في الموضوع
اتمنى اشوف اراء اكثر من الأعضاء :p :p

[عمرTarga]

أحب أضيف تعليق

الماجنا أقل صرفية للبنزين من الماكسيما والالتيما

وهذا ليس كلام من فراغ

بل ان لدي ثلاث أصدقاء لديهم ماكسمات وكلهم يشتكون من الصرفية

وانا لديه ماجنا ولا أشتكي

وبالنسبة للمطارحات

الالتيما لم تصل الينا

واما الماكسيما

فأكثر المجربين يقول ان الماجنا تطوفها وشكرا

[loolicpolic]

رد مقتبس من TOYOTA - OBAS
بوعبود كفى ووفى :)


تحياتي..

[Dentist]

والله اخوي king of nothing أنا اوافقك الرأي تماما ..

لكن أشوف ناس عاجبتها هالسيارة وأكيد المسأله أذواق !!

بس عندي ملاحظه بسيطه ..

الماجنا مكينتها 3.5 !! وموديل جديد في السوق
يعني المفروض انه معزز بتقينات جديده تطور من أداء هالمحرك اللي هو أصلا أكبر من محرك الماكسيما والهوندا ..
يعني المفروض ان الماجنا في المقدمه بدون منازع ..

لكن اللي اشوفه انها مو بهالمستوى .. يعني حاطينها مع الماكسيما مع ان محركها 3 لتر وله عدة سنوات .. وبرضوه مره يقولون أقوى ومره يقولون الماكيما أقوى !!

إضافة الى الشكل الخارجي والديكورات الداخليه ونوعية المواد المستخدمه في الماجنا من الداخل ..


النتيجة في نظري .. تفوّق للماكسيما بشكل عام ..

لكن تبقى الماجنا سيارة أداءها ممتاز وشيئ جيد نزلته هالشركة اللي قاعده تعاني من الخسائر في السنوات الأخيرة

ويبقى أولا وأخيرا ذوق الشخص اللي بيشتري ..

وتحياتي

[king of nothing]

شكرا اخوي loolicpolic و عمر على الاضافة

شكر خاص للأخ

Dentist
لأبداء رأيه بكل صراحة ووضوح

[محمد دريهم]

السلام عليكم..


مراحب اخوي ملك...


المهم اولا المحرك يولد 230 حصان...وليس 213....


وأما بالنسبه لصرفية البنزين...فيكفي اقول لك انك تنسى انها 6 سلندر....جدا اقتصاديه في الوقود..واكثر اقتصاديه من جميع ال6 سلندر...وعن تجربه..لأني مادري عنك من وين جايب هالمعلومه...


وبالنسبه لقوة تسارعها...فهي ممتازه جدا...ومحركها جبار...وبعدين محرك الهوندا 6 سلندر..معزز بأحدث التقنيات والهوندا مو قادره تمشي مع الماكس..والسبب ليس قوة الماكس..بل السبب ان الماكسيما خفيفه جدا...ومع ذلك..الماجنا في المطارحات افضل من الماكسيما اذا كان الشغل كله نظيف..بدون اي لعب...وأنا مجرب مع ماكسيمات..وبرضه الاخ ديرانقو..مجرب مع سيارات واجد..


وبالنسبه للشكل الخارجي..اشوفه مميز,,لكن تبقى وجهة نظر....



وقطع الغيار,,,


الى الحين غيرت قماشات اماميه..قيمتها 170 ريال..
وبواجي قيمتها 70 ريال تقريبا,,,,


علما ان السياره الحين ممشاها تعدى 60 الف كيلو...



ولكن السياره عموما ممتازه..ويعتمد عليها..والفي ار اكس...سياره شبابيه بسعر ممتاز جدا..

وانت ماجربت طلبيه قير عادي؟؟؟يمكن يجيبون..





وهذا اللي أقدر افيدك فيه...واي استفسار انا حاضر..

[king_prelude]

أنا أشوفها من ناحية الديكور الداخلي فاشلة

ومن الخارجة مالها شكل ( بايخ بكل قوة )

والصراحة المحرك الأكورد أقل صرفية حتى المكسيما

وبالنسبة للقوة أخوي ولد الخبر في أكورد ما تقووم على المكسيما صح بس ليش أنا أقول لك وجهة نظري لأن أكثر أصحاب الأكورد ما يقاومون بها ولا حتى يسرعون بها لكن لو تشوف الأكوورد المكروفة وكل يوم في خط تقدر تحكم عليها ( أنا شايف كورلا 1.8 مقدمة على مكسيما ) طبعا المكسيما مدلعة ولا يطلع بها راعيها إلا قليل ولهذا السبب إنت قلت الأكورد ما تمشيء ( أنا شفت وحدة عزما ناااار الصراحة وشفت وحدة حتى وي المكسيما ماتمشي ) وجهات نظر

وبالنسبة للماجنا الصراحة سيارة عملية هذا أحسن ما فيها
لكن الوكيل نص ونص

[king of nothing]

مشكورين اخوتي على الردود

وبالنسبة لكلامك اخوي كنج برليود اعتقد ان هو كلام سليم


على العموم كلها وجهات نظر :)

[عمرTarga]

:D صح كلها وجهات نظر

والحمدلله على كل حال

ومانبي مشاكل

مثل المشاكل الي على اللمينا :D .

وتسلم

[Dentist]

وش هي اللمينا :confused:





















:D :D :D

[king_prelude]

أخوي عمر ليش المشاكل ( إحنا كلنا أخووووان وقاعدين نتبادل وجهات نطر) وين المشكلة

وإنشاء الله يوفق أخوووي يا king of nothing في شراء السيارة ..

[محمد دريهم]

مراحب اخوي ملك البريليود..



ياخوي وش فيك انت مصير ان الماجنا تصرف بنزين...يعني لو انا ماجربت السياره صح...



اقل سياره في صرفية البنزين 6 سلندر هي الماجنا..وانا اراهن على ذلك..


والدليل عندك مجلة سعودي اوتو اشادت بذلك حتى..لما سووا مقارنة بين الماجنا والماكسيما....



ومجلة سعودي اوتو برضه قالت

ان تسارع الماجنا من 0 الى 100 خلال 7.3
والماكسيما خلال 7.5 ...يعني كلام موثوق...


وبالنسبه للي يقولون عازلية الهواء في الماجنا ضعيفه..للعلم بس ان الماجنا فازت على الماكسيما في المقارنه في عازلية الهواء....

وللعلم بس..الماجنا انظمة التعليق فيها مستقله..ونظام التعليق الامامي معزز بالالومنيوم من تحت تقدر تنزل وتشوفه...وهذا يزيد الرساوه في السياره....



وشكرا