تعبئة الاطارات بغاز النيتروجين.......!!!

[mill_955]

السلام عليكم ورحمة الله وبركاته


مركز خدمة اطارات بريللي في جده عندهم خدمة تعبئة الاطارات بغاز النيتروجين

انا اول ماسمعت عن هذي الخدمه تمنيت ان غاز النيتروجين يخلي الكفر انعم في الطبات

بس لما رحت اسأل عن الخدمه هذي قالولي انها مالها دخل بنعومة الكفر

لكن ميزتها ان الكفر اذا دخل فيه مسمار مايبنشر

مادري فيه احد من الشباب جربها؟؟؟؟

[دوج فايبر]

يعني اذا ضرب كفر ما ينسم ولا كيف ؟؟؟

[mill_955]

لا قصدهم اذا دخل مسمار (مو اذا ضرب) تقدر تطلع المسمار بدون ماينسم الكفر وبدون ماترقعه

[الأنصاري]

ممممم في تواير التيوب ليس يمكن مايبنشر بسرعة بس الصراحة ماجربت وماراح تحس بفرق او ميزة معينة

[grandv8]

وعليكم السلام ورحمة الله وبركاته

mill_955

اخوي غاز النتروجين عدنا بدي من قبل 6 اشهر تقريبا نازل وانا شخصيا مجرب بسيارتي والله شكل غاز له شغلة وايد حلوة للاطار.

يخلي الاطار وانت تسوق على سرعات عالية ولمدة طويلة اطار بارد والاطار مايجي به حرارة وخاصة تعرف هذا الشي بالصيف وخاصة اذا كنت مسافر على خط طويل وقم بوضع يدك على الاطار بتجوف انه بارد وكأنك مب متحرك ابدا.

اذا دخل به مسمار ماينسم الاطار بسرعة مادة هي تخلي مكان دخول المسمار يكتم الهواء لعدم خروج الهواء للخارج.

العيوب
اذا كان عندك جيوب وانت راعي رمل لازم يكون عندك هي المادة الغاز لتعبئة الاطار.

والسعر عدنا بالامارات سعره لاربع اطارات 100 درهم

ملخص كله هي المادة ماشاء الله له ميزة حسنة للاطار ويخلي الاطار عندك يعيش لمدة طويلة.

اي سؤال انا حاضر

[عين الفهد]

أخوي grandv8 مادري ينفع هذا على السيارات الصالون :blink:

[grandv8]

عين الفهد

اخوي ينفع لكل السيارات صالون والدفع الرباعي وسبورت.

:)

[zx300]

grandv8
التواير اللي مركبهم تيوب او تيوب ليس

واي الأحسن فيهم حق هذا الغاز ؟

[بوأربع]

وين متوفر بالامارات؟

[عقل]

بالنسبة للتواير - الكفرات - والله لو نعبيها هيليوم عندك الزفلت هنا أقشر مررررررررره


بس ياليت تعلمني حبيبي mail_955 وشي مميزات غاز النيتروجين خبرك أخوك تخصص جغرافيا :D




وعلى فكرة أخوي مهاه كراون فكتوريا 2003 وجايه كفراتها بريللي من الوكالة وهي فعلاً قاسية

يمكن علشان كذا يحبون يتميزوون ------ قصدي يرقعون لشركتهم ------


بس تتوقعو نستفيد من هالخدمة الجديدة ؟؟

أشكرك كاتب الموضوع ,,,, لك حبي واحترامي ..

أخوك /// عقل

[mill_955]

مشكور اخوي grandv8 على التوضيح

انا المشكله عندي جيب واحيانا اطلع للبر وانقص هوا الكفرات

بس اذا جيت اعبيها بعد ما اخلص ماينفع احط فيها هوا عادي ولا كيف ؟؟؟



اخوي عقل

والله انا ماجربت الغاز الى الان لكن حسب ما كلموني في الشركه يقولون انه ماله دخل بنعومة الكفرات

والاخ grandv8 قام مشكورا بوضع مميزات النيتروجين

[تركي بن احمد]

اخوي اذا كل ماينقص الهواء نروح انعبيها بدون فلوس
يعني بااااااااااااااااااااا بلاش

ترني اول واحد عندهم اعبي النتروجين اعشان الحره كل مسميار

وبقيى زجاج

يعني قراش كوكا

[loolicpolic]

أخوي mill_955، شكرا على طرحك لهذا الموضوع الشيق..

أخوي grandv8، يسلموا على الشرح والتفاصيل..

أخوي بوعبود، تتوقع التيسير عندنا بالدوحه عنده هذا الغاز؟ إذا ما عنده، تدل وين أحصله؟

تحياتي للجميع..

[oil_HKS_lio]

يعني بيرلي الي في الشرقيه ينفخ؟ ولا لاازم اشتري منه كفرات!!

[mill_955]

oil_HKS_lio


والله مادري اذا الخدمه متوفره عندكم لكن انا سألته ممكن اعبي كفرات بريدجستون مثلا عندهم

رد علي قالي عادي بس لازم تدفع قيمة الغاز :D

[الأنصاري]

رد مقتبس من loolicpolic
أخوي mill_955، شكرا على طرحك لهذا الموضوع الشيق..

أخوي grandv8، يسلموا على الشرح والتفاصيل..

أخوي بوعبود، تتوقع التيسير عندنا بالدوحه عنده هذا الغاز؟ إذا ما عنده، تدل وين أحصله؟

تحياتي للجميع..

لا ما اعتقد تلقاها في التيسر وفي قطر بشكل عام :D :D