View Full Version : سؤال للي لهم خبرة بالchips !!
opel005
16-03-2004, 05:06 AM
مرحبا شباب ..
عندي سؤال وهو اني حصلت chip لسيارتي بموقع ebay تزود السيارة 20 حصان تقريبا .. لكن مشكلتها لمكينة V6 3.0 وانا سيارتي V6 3.2 طبعا المكينة الاولى الى موديل 2001 اما 2002 و 2003 فهي مكينة 3.2 ... سؤالي هل ممكن التشيب هذه تركب على سيارتي او لا ؟؟ وهل للchip ضرر او لا ؟؟؟
نسيت اقولكم سيارتي اوبل اوميغا ...
تحياتي ...
دانيال
16-03-2004, 08:08 AM
السلام عليكم
يمكن أقدر اساعدك انا سيارتي حاط عليها CHIP
الي اعرفه وقريته ان الــ CHIP يختلف من سياره لسياره حتى لو من
نفس النوع والموديل الا الشفرليه اشوف راعات الكومارو هذا يشيل
كمبيوتر هذا ويعطيه اياه ويشتغل زي الحلاوه ( مسخره ) :D
طبعا انا
جايبنه من superchips
ولك الموقع www.superchips.co.uk تقدر تسألهم وتشوف لسيارتك
الــ chip وعندهم وكلاء في انحاء الخليج اذا انت من الخليج .وفي الموقع
معلومات عن الــ chip و وشو عمله :banana:
ان شاء الله اكون فدتك .
opel005
16-03-2004, 10:35 AM
يعطيك العافية اخوي دانيال .. اللي فهمته منك ان الchip هذه ماتنفع انها تركب على سيارتي :cry:
وبالنسبه للموقع خيشت عليه وبحثت وطلع لي برضه نفس الشي على مكينة 3.0 مافيه 3.2 !! وانا بالرياض هل لهم محل معين او تلفون لهم ممكن اسالهم اذا ماعندك مانع او على الاقل ايميل لهم بالخليج زي ماقلت ...
وياشباب نبي تأكيد لي هل تنفع او لا ؟؟؟:think:
تحياتي ...
opel005
17-03-2004, 02:01 PM
ياشباب ماعنده اي فكرة ؟؟ :confused:
دانيال
17-03-2004, 02:37 PM
يعني ما شفت حق سيارتك بس انا بعلمك وشو صار معاي
انا ساكن هنا في السعودية على الخليج ومافيه موزع في البحرين و لا
عندنا بالخبر ولا الدمام اقرب مكان شفته اقرب لي الكويت وانا رحت
الكويت وركبته هنا كانت اعتقد أقرب لك جدة فيه فرع هناك هذا تلفونهم
اتصل عليهم جدة : 0096626608967 واستفسر مثل ما سويت انا .
واذا ودك تستفسر مني اكثر تقدر تضيفني :p .
infiniti
17-03-2004, 05:40 PM
اخوي لاتغامر و تطلب ال chips مستحيل تركب على سيارتك الا اذا يعملون عليها تعديل .
اتصل على الرقم اللي عطاك اياه دانيال و استفسر.
دانيال
اسعارهم بالكويت نفس اسعارهم اللي بالموقع ؟؟
opel005
17-03-2004, 06:05 PM
مشكوور اخوي دانيال على ردك . ومعليش تعبناك معانا شوي .. عموما انا باشوف الرقم باتصل عليهم واسألهم وان شاء الله احصل ويكون نفس السعر ...
ومشكوور اخوي infiniti على ردك وان شاء الله ماراح اطلبها لين اتاكد من انها تركب او لا ... وان شاء الله تكون نفس السعر ..
تحياتي ...
دانيال
18-03-2004, 08:27 PM
لا اسعارهم تختلف يا infiniti بس زي ما انتوا عارفين كل ما بعدت
المسافه غلى الشىء بس ماهو الفرق الكثر .
اما اذا بتفكر سالفه تعب ترى تعبنا راحه يا opel005 :shy:
السلام عليكم ورحمة الله وبركاته
هلا اخوي دانيال
ياليت بالله تحكينا شوي عن تجربتك لأن الموضوع شيق الصراحة وماني لاقي احد في المنتدى قد جربه...
يعني عندي لك كم سؤال بس:-
التشيب ينشبك على كبيوتر السياراه (صح ولا لا) يعني ينشبك على طريق بورت بالكمبيوتر او تنحط تشيب داخل الكمبيوتر او او...وهلا تركيبة صعب لو لا يعني ممكن يركبونه في فرعهم تبع جده؟؟؟
ومشكور مقدما......
دانيال
19-03-2004, 08:21 PM
والله تجربتي مع الــ CHIP تمام صار فيه تغيير في عزم السياره
تسارعها صار أفضل حتى على تعشيقات ثقيله وزادت سرعتها تنزل
أكثر والــ CHIP الزين فيه انه لافك مكينه ولا شيل ولا حط .
الــ CHIP موجود داخل كمبيوتر السياره وهذا شكله عادتا ً
http://www.uaechat.net/images/picc/bmpchip.jpg
هذا الي شفته حق BMW ومن وكالة لوكالة يختلف تقريبا بس أغلب
الاوقات يجي شكله زي ما انت شايف ومكانه داخل الكمبيوتر تقدر
تشيله وتحطه بنفسك بس طبعا اذا رحت الشركه او الوكيل هو الي
بيقوم بفك الكمبيوتر من السياره وفك الكمبيوتر نفسه وشيل الــ CHIP
منه ويحط لك CHIP ثاني من الشركة والــ CHIP الاصلي يعطيك اياه
يقول لك يمكن تفكر تشيله او تغيره .( زي ماقال لي الي ركب الـCHIP )
والــ CHIP الاصلي الحين عندي موجود .
وعطاني طوابع SUPERCHIPS حطيت وحده على السياره :glasses2:
وبضيف معلومه بعد اذا تحط CHIP على سياره TURBO تصير مجنونه
سواء كان تربو بنزين او ديزل. يعني الي سيارته تربو وذكي اول ما يركب
في السياره CHIP .
وعمل الــ CHIP عموما زياده في البنزين و قوة الشراره وتعديل توقيتها
حسب نوع السياره ويفتح لك الــ RPM الى آخر رقم مكتوب عندك
واذا سيارتك AUTOMATIC يعدل معاها توقيت تعشيق القير مع RPM
عشان ما يعشق من بكير والسياره فيها نفس اطول .
وانا صار لي سنتين ونص من ركبته والحمدلله ما شفت لحد الحين اي
اضرار انتجها ماعدا البواجي صارت تتعب بسرعه من قوة الشرارة
يعني اذا كنت تغير كل سنه بواجي بعد ما تركب الــ CHIP بصير
كل خمس شهور :p بالاحرى ركب معاه بواجي قوية HKS او SPLITFIRE
وانا طولت هدره :anger: و سيارتي الي ركبت عليها الــ CHIP هى :
BMW 325i coupe قير عادي 5 سرعات وهذي صورة قديمه شوي لها
http://www.uaechat.net/images/picc/325i.jpg
infiniti
20-03-2004, 01:47 PM
تسلم اخوي دانيال على المعلومات و ان شاء الله اتصل عليهم و اشوف السعر.
opel005
20-03-2004, 05:59 PM
يعطيك العافية اخوي دانيال على الملعومات ..
لكن عندي سؤال .. هل هم اللي يركبون لك التشيب ولا ممكن عند الوكاله تركبها ؟؟ واذا كان هم يركبونها هل يعطونك ضمان اذا ماركبتها عندهم ؟ لاني فهمت انهم يعطونك ضمان ...
تحياتي ...
دانيال
21-03-2004, 10:48 AM
زي ما قلت في الرد فوق هم الي يركبوا لك اياه ويعطيك chip الاصلي الي في سيارتك و أعتقد لازم فيه ضمان لان انا عطوني فاتورة
والي ركبه لي قالي جرب السياره الحين نشوف Ok ولا لا وقال لي
تقدر تكلمني اي وقت اذا فيه حاجه او احتجت شىء :cool:
اخوكم دانيووو :rolleyes: