استفسار عن درجة حرارة المرسيدس..

[loolicpolic]

يعطيكم العافيه شباب..

الصيف بدأ، والحر شوانا.. على العموم، أنا بدي أعرف المرسيدس الشبح "300SEL" مؤشر الحرارة مقسم إلى 120،80,40 بس أنا مو عارف متى تكون درجة الحراره أعلى من الحد " يعني خطيره" طبعا لو وصلت 120 أكيد خطيره، بس لو وصلت 90، ودرجة حرارو الجو 37 إلى 42.. هل خطيره أم عاديه؟...

شكرا.


تحياتي.

[الشبابي]

لا تقريبا عادي ...
الحرارة دايما حول 80 وال 90 طبيعي لكن اذا زاد شوي مو مشكلة لكن لايقرب الى 100 ....

















اخوكم الشبابي

[حبوب بوظبي]

حرارة المرسدس
اقل شي وصلته عندي 80 و أكثر شي 95 و قالولي انه عادي

[علي عبدالله]

اخوي
هذا هو الحد الطبيعي في المرسدس
يجي 80 الى 85 في الظروف العادية
مع تشغيل المكيف ممكن يجي 90 ..وهذا طبيعي ومافيه خوف ابد
بس بشرط انه مايوصل 100 ..هذا على حسب تجربتي الخاصة للسيارة
وغالبا اذا ارتفعت الحرارة فوق ال 100 يكون تسرب في الراديتور
تصليحه بسيط :cool:
بس اذا كان معك من موديلات الثمانينات ..فغالبا راح تواجه معه مشاكل الحرارة ..(موديلات الثمانينات في المرسيدس معروفة عموما بمشاكل الحرارة ) بس طبعا ..انا عندي مرسدس 500 اس موديل 92 ..بس ما اعاني من اي مشاكل من هذا النوع ابدا ..(الحرارة ثابتة على ال80 او ال90 في كل الظروف )
بس اذكر ايام كنت استخدم موديل 83 (استعرض فيه ) :D
كانت الحرارة دايما ترتفع باستمرار ..وبعدين ابلغوني ان موديلات الثمانينات دايما هكذا (مشاكل حرارية ) :think:

[loolicpolic]

أهلين شباب،


أخوي الشبابي:

تسلم على ردك وأنا فعلا ملاحظ انو الحراره من 80 إلى 90..


أخوي حبوب بوظبي:

ما تقصر، بس أنا الحراره عندي كانت توصل أقل من 80 بعض الأوقات، بس كان الجو عندنا في الدوحه براد وحلو "قبل اسبوعين تقريبا، مو الحين :(


أخوي راعي البيج:

مشكور يالغالي، وإنت تعرف انو المشكله الدوارات عندنا وبالذات وقت الظهر الساعه 12:30، لما الدوام يخلص، الدنيا تكون حر وزحمه.. الموديل الي معي "300SEL" موديل 92..



شكرا شباب، وما قصرتم..


تحياتي لكم جميعا.

[560SEL]

السلام عليكم ورحمة الله وبركاته

مثل ما قال أخوي راعي البيج ان درجة حرارة المرسيدس اذا وصلت 90 -- 95 مع المكيف فهذا شئ طبيعي جدا


لكن انا عندي تعليق بسيط على كلامه حول الموديلات القديمه ..

المرسيدس اذا كان وارد ألمانيا بالذات موديلات 89 و 90 و عموما الموديلات القديمه التخلص من مشلكة الحراره سهل جدا و هو تغيير الرديتر الموجود فيه برديتر المنيوم أربع رصات .. و لازم تنفحص طبات المويه لأن أكثر مستخدمين مرسيدس يغفلون هذي النقطه و هي السبب الرئيسي في ارتفاع درجة حرارة المرسيدس .. و كذلك بلف الماء في أغلب الاحيان يكون معلق و ينتج عن هذا التعليق عدم دخول الماء الى دورة تبريد المحرك و ترتفع الحراره


هذي أبرز مشاكل المرسيدس القديم و لكن مثل ما قلت لكن ان حلها بسيط جدا و لا يكلف


تحياتي

[LOVE SS]

المرسيدس من 80 الى 90 عادي مافي مشكلة

انا معاي 560 معي المكيف 85 بعز الصيف وبأشتاء 80

لاكن اذا تبي نصيحتي

اشبك المروحة وخلها مع دقة السلف اول شي انها تثبت لك حرارة السيارة ولاتخليها تعدى 85 وتنزل اكثر اذا كانت تمشي

على فكرة :D الي معاهم 92 مواتركم للبيع :anger: لي خاطر