تصفير الفرامل؟؟

[ELEGANT]

يا شباب عندي مشكلة بعد ماغيرت فحمات الفرامل وهي مشكلة التصفير :headshak: رجعت السيارة للورشة سوى سنفرة وبرضو الصوت موجود ايش تعتقدون سبب المشكلة مع العلم اني مسوي خرط للهوبات؟؟؟تحيـــــــــــــــاتي

[حبوب بوظبي]

لا يكووون ركبت تجاري؟؟؟ :think: :think: :think: :think:

[ELEGANT]

لا القطع شاريها اصليه من الوكاله...هل ممكن التركيب سئ؟؟

[الشظيه]

ممكن تكون القطع قديمه

[RED Chevy]

والله اللي أعرفه إن إذا دخل في الشوزات ماي بطلعون أصوات وذي الشي أكثر شي في المرسيدسات القدام، لكن يمكن مثل ماقال الشظيه يمكن القطع قدام:think:

[خيري]

حتى انا نفس المشكلة عندي في الباترول وغيرت الاقمشة في الوكالة بس الصوت يطلع لما تكون الاقمشة باردة ايش السبب؟

[oil_HKS_lio]

يمكن القطعه حقت التصفير معوجه زياده على المطلوب

[infiniti]

زي ماقال oil_HKS_lio القماشات تجي فيها قطعه حديد صغيره عشان اذا قرب ينتهي عمرها تصير تلمس الهوب و تطلع صوت صفير عشان تغير القماشات من بدري و احتمال كبير تكون هذي الحديده معووجه و تلمس الهويب عشان كذا يطلع الصوت.

[مؤيد اف1]

انا سمعت اذا كانت الاقمشه ناشفه يطلع صوت بس مادري ويش المقصود بالاقمشه الناشفه :D

[infiniti]

مؤيد اف1
اللي اعرفه في النيسان خصوصا بالموديلات القديمه 1995 و للي قبلها في نوعين من القماشات HARD و SOFT الخشنه عمرها اطول لانها مخصصه للاجواء الحاره و الاستعمال الشاق خصوصا للناس اللي ساكنه في الجبال بس مشكلهتا تطلع اصوات .
و SOFT ناعمه مالها اي صوت و استعمالها للمدن و الاجواء البارده نسبيا .
طبعا HARD سعرها يفرق تقريبا 50 ريال اغلى من SOFT .

[SKYLINE GTR]

اخوي انفنيتي عندي سؤال لك ولا يهونون الاخوان

انا مركب فحمات كي فاليو في الماكسيما لكن الاحظ انها تطلع صوت مزعج ، هل تعتقد انه الصوت هذا من الفرامل نفسها ؟

[ali2005]

سلام
حتى انا عندي نفس المشكلة في فرامل الكابرس م 2000 حيث اني توني مغير الأقمشه وخرط جميع الهوبات ورجعت للورشة وسولي صنفره ولاكن لا زالت المشكلة ؟؟؟؟
يقولون فيه بخاخ يرش على الهوب يزيل الصوت مادري وش اسمه؟؟؟
وسلامتكم

[ابوالحارث]

يااخوان سبحان الله نفس المشكله

عندي صني غيرت اقمشه بعد ماغيرت اقمشه انقلب حال السياره تصفير بصوت عالي

وغير كذا لما ادوس فرامل بقوه تسمع الصوت عالي لا وازيدكم الفرامل الخلفيه تطلع صوت مثل صوت السيارات استخدام امريكي لما تدوس فرامل شنوا السبب

[ali2005]

up

[ali2005]

للرفع
شوفولنا حل الله يرحم والديكم

[infiniti]

اسف على التأخير

SKYLINE GTR

اول شي قولي الصوت متى بداء يطلع معاك و اي موديل المكسيما؟

اذا كان الصوت طلع بعد ايام المطر هذي موضوعها سهل تفك القماشات و تنظفها و تنتهي المشكله.

و اذا كانت الماكسيما موديلها 2003 او 2004 و جنوط 17 شي طبيعي تسمع اصوات من القماشات و هذي احد سلبيات الجنوط الكبيره المفتوحه لان الغبار و الرمل سهل انه يوصل الى الهوب بعكس الجنوط المسكره او اللي فتحاتها صغيره .

اما قماشات كي فاليو انا جربتها و لا طلع فيها اي صوت لاكن عمرها تقريبا 45 - 50 الف كيلو مع القير العادي و 40 -45 مع القير الاوتوماتيك يعني فرق بينها و بين القطع العاديه 5000 كيلو بس .


ali2005
البخاخ ما راح يفيدك بشي افتح القماشات و شيك عليهم احتمال تكون الحشوه من داخل فيها شعر صغير و هذا يسبب اصوات مزعجه و الحل انك تغير قماشات .


ابوالحارث الاصوات اللي تتكلم عليها لها سببين .

الاول : دخول رمل بكميات كبيره و يعلق بين الهوب و القماشات و يسبب حفر في الهوب و الله يعينك على الاصوات .
الثاني : غسيل السياره و الهوبات حاره يعني حديد حار و غسلته بماء بارد ايش يصير؟؟؟
اول شي رجه مع الفرامل و اصوات مزعجة .

اذا تفاديت الرمل و الماء انت بخير.

[SKYLINE GTR]

مشكور على التواصل اخوي

الماكسيما اللي معاي موديل 2000 جنط 15 والصوت طلع معي من شهر تقريبا

هو مو صوت تصفير بالضبط انما الفحمات تطلع صوت كأنها منتهية يبي لها تغيير والصوت هذا ما يطلع الا في حالة الاستخدام المتكرر للفرامل

[KeN]

الحل عندي .... أخرط الهوبات وإشتر قماشات جديدة .. حتى لوكانت الي انت مركبها جديدة ما تنفع لأنها بتكون تأثرت بالهوب الخشن.

إسمع نصيحتي وإن شاء الله تنحل مشكلتك :eek:

لأن هالشي حصل لي وسويت كذا وإفتكيك من الصوت على طول :banana:

[ali2005]

مشكور اخوي infiniti ماطلع الصوت إلا بعد ماغيرتها
حرام اروح اشتري اقمشه جديدة وانا توني مغيرها مالي ثلاثة اسابيع وبعدين اصلي وغالي
على العموم مشكوووووور