View Full Version : فشل نيسان الـــ 350 z لماذا ؟؟؟؟؟
رواف الرواف
28-02-2004, 10:27 AM
على الرغم من الاعلانات المكثفه والهاله الاعلاميه الكبيره التي صاحبت سيارة النيسان المرعبه ... 350 z
الا انها لم تنتشر بشكل كبير لماذا ؟؟
والغريب جداً .. الى الان لم يبع منها سوى 5 سيارات لدى وكيلها في السعودية الحمراني ؟؟؟؟ على الرغم من مضي شهرين على عرضها
هل سعرها غالي ؟؟؟
مع العلم بان سعرها (( 145,000 للعادي وتقريباً 150,000 للأوتوماتيك ))
وشكلها جميل
والتسارع من 0 الى 100 تقريباً في 5 ثواني
اذا مالعيب ؟؟؟؟
بصراحه صدمه كبيره لهذه السياره التي اثبتت فشلها الذريع حتى الان
ما رأيكم انتم ؟
مكيكان
28-02-2004, 10:57 AM
رد مقتبس من رواف الرواف
والغريب جداً .. الى الان لم يبع منها سوى 5 سيارات لدى وكيلها في السعودية الحمراني ؟؟؟؟ على الرغم من مضي شهرين على عرضها
لا تعليق :o
:laugh:
السلام عليكم ورحمة الله وبركاته
:think: اضن انها ما اخذت فرصتها لسع بس استنو عليها شوي يا عالم....
سردال
28-02-2004, 11:22 AM
في الإمارات منتشرة عندنا وبكثرة، وشهرين فترة قليلة جداً، اصبروا واحكموا بعد سنتين مب شهرين :)
sr20det
28-02-2004, 11:54 AM
الزد نزل في الخليج في يوم 1/1/ 2004 يعني شهرين بالضبط و هذي مده قليله ماتقدر تحكم الا بعد مرور سنة كامله ولا تنسى انها سياره رياضيه يعني سوقها ضعيف شوي مو زي السيدان .
انا من رائي اشوف نسبة نجاح السياره عندنا في الدمام نسبته 40% مبدئياً و بعد سنه تكون نسبة النجاح واضحه اكثر اما ترتفع و اما تنخفض.
الشبابي
28-02-2004, 11:57 AM
يبيلها شوية وقت بالاضافة الى ان كثير من الناس تنتظر نزول اسعارها شوي عشان تشتري وعلى فكرة النوعية اللي عندنا ما هي النوعية العادية ولكن اسمها تراك موديل وهي تجي بفرامل برمبو وبجنوط يابانية سعرها بالسوق نارررر .... وفيها اضافات قليلة ...
اخوكم الشبابي
Mr_CoRvEtTe
28-02-2004, 11:58 AM
اذا سالتني عنها (( انا ماشفت منها في الشارع في عمان ابد ))
اعتقد مافي اي شي في شكلها يشد الانتباه يعني كانها سياره عاديه :think:
أبوالزين
28-02-2004, 12:12 PM
رد مقتبس من Mr_CoRvEtTe
اذا سالتني عنها (( انا ماشفت منها في الشارع في عمان ابد ))
اعتقد مافي اي شي في شكلها يشد الانتباه يعني كانها سياره عاديه :think:
يمكن و الله اعلم
Dreams_Maker
28-02-2004, 12:28 PM
أنا أشوف..أنه سعرها مبالغ فيه
145 ألف؟؟...واااجد
سلام
يمكن عدد السيارات الموجودة عند الوكلاء غير كافي لذلك فانتشارها بسيط :think:
زورو الامارات
28-02-2004, 01:38 PM
السلام عليكم ورحمة الله وبركاته
اوافق اخي عمر في رأيه الوكلاء لا يستوردون هالسيارات الا بالطلب او يحطون 12 سياره تتوزع على معارضهم في الدوله الواحده
يعني اتوقع هالشي
في الامارات وضعها حلو ومنتشره بشكل زين
وسعرها 148 الف سعر منطقي جدا لسياره ذات تاريخ
يعني بدال ماتاخذ لومينا اس اس كوبيه الزد احسن بكثير
ولاتنسون انها قويه واداءها راقي وتماسكها حلو
رد مقتبس من Dreams_Maker
أنا أشوف..أنه سعرها مبالغ فيه
145 ألف؟؟...واااجد
سلام
RED Chevy
28-02-2004, 02:07 PM
السلام عليكم ورحمة الله وبركاته
والله أشوف إنتشارها بالبحرين حلو وممتاز، ذاك اليوم شفت 2 حمر مروا ورى بعض، حتى الآن شفت 4 على الشارع غير اللي صورهم بالنت( بحرينين بعد) وحنا نزل عندنا بشكل غير رسمي من شهر 10 2003 أو قبل بعد وعندنا G35 كوبيه من زمااااااااان عندنا وسوق النيسان ماشي تمام عندنا حتى الجيب الجديد شفت منه 7 يمكن.
King 4x4
28-02-2004, 02:57 PM
سبب عدم انتشارها هو علو سعرها مبدئيا.
و توفر فقط أفخم موديل.
لو كانت السياحيه موجوده (وهي تجي بجنوط و شغلات ثانيه) و كان سعرها بحدود ال100 ألف شوف كيف بتنتشر.
علي عبدالله
28-02-2004, 04:02 PM
في الدوحة والله مالها اثر الا شي قليل :think:
مع انها سعرها معقول جدا (بالنسبة حق اداءها وشهرتها العالمية )
اما بخصوص الوضع عندكم فأنا اؤيد كلام الاخ سردال(فترة شهرين قصيرة جدا للحكم على السيارة ولابد من انتظار فترة اطول للحكم):)
SKYLINE GTR
28-02-2004, 05:12 PM
اصبروا على السيارة شوي
مالها الا شهرين يعني يبي لها على الاقل 6 شهور
TOP-SECRET
28-02-2004, 05:21 PM
السبب اتوقع السعر مافيه شي غير لان الزد معروفه من قبل والشكل رهيب شكلها و العزم جبار ماعليه كلام المشكله في السعر 165 الف قير عادي !!:think:
ACCORD-V6
28-02-2004, 05:22 PM
هو صحيح السياره ماخذت فتره
لكن الناس ماحركت فيهم شي
هذا الغريب واللي ماتوقعته
يعني انا اوافق الاخ زورو
بعض الناس يروح يشتري لومينا ولامدري وش
ويخلي الزد والله حرام
صح فيه فرق في السعر لكن اللي بحطه في لومينا بحاول قدر الامكان ازيده واشتري زد
عموما فيه سبب اخر يمكن
وهو من الداخل السياره عاديه جدا جدا
وهذا احد الاسباب يمكن
لكن ننتظر ونشوف
X_RaYs
28-02-2004, 11:50 PM
العيب ان الواحد يزيد 40 ألف ويطلّع Q45 !!
King 4x4
28-02-2004, 11:58 PM
رد مقتبس من X_RaYs
العيب ان الواحد يزيد 40 ألف ويطلّع Q45 !!
والله جبتها :think:
BMW 760 Li
29-02-2004, 04:06 AM
في تصريح لاحد مسؤولي نيسان
يقول ان الشركة تريد بيع 500 سيارة على مستوى العالم في 2004
يعني 5 سيارات في شهرين عدد معقول جداا لدولة واحدة
والله اعلم
black horse
29-02-2004, 05:03 AM
الزد الي نزل في السعوديه تون توربو ولا عادي
MuGeN
29-02-2004, 05:23 AM
رد مقتبس من black horse
الزد الي نزل في السعوديه تون توربو ولا عادي
بخاخ .. أتوقع ذا سبب من الأسباب .. الناس تنتظر التون توربو و الله أعلم :rolleyes:
oil_HKS_lio
01-03-2004, 03:07 AM
مو مقياس انك تحكم عليها بلفشل خلال شهرين واعتقد ان السبب الي عدم انتشارها ان الي يبغا يشتريها يدفع كاش اصبرو شوي اذا صارت اقصاط تشفونها منتشره والزد له شهرته من السبعينات ماعليه كلام وفيه ناس تبغا تربو لو انا مثلا بشتريه ماباخذ بخاخ انتضر التربو وهكذا اصابع الناس مو سوى مو كل شخص بيده 140 الف كاش:)
واذا فشلت في السعوديه خليها تفشل بيوقف صننعها؟
شوفها منتشره في اوربا وغير اوربا والخليج
المميز
01-03-2004, 03:21 AM
بسم الله الرحمن الرحيم
السلام عليكم ورحمة الله وبركاته
http://www.cardesignnews.com/autoshows/2001/tokyo/highlights/images/nissan-z2328s.jpg
http://www.nissanfanseite.de/Nissan-USA/Nissan_350_Z/Nissan-Z-03.jpg
oil_HKS_lio
01-03-2004, 03:25 AM
نسيت اقول حاجه هاذا بعد مانزل الكشف ولا الشاشه الي داخل وتقلون غاليه
infiniti
02-03-2004, 12:32 PM
شباب اليوم شفت كميه سيارات نيسان نازله من باخره في الميناء و بينهم 2 زد اسود بس:confused: و الباقي مكسيما و صني و بيك اب و العدد تقريبا 250 سياره ومافي غير 2 زد:confused:
اتوقع المصنع مايقدر يصدر بمكيات كبيره او الوكلاء مايطلبون خايفين لان السياره توها جديده بالسوق ؟
انا ماشووف لها اي فشل ولايمكن الحكم عليها بالفشل لعدم توفرها في مناطقكم بالعكس السيارة ناجحة وجميلة جدا عالطبيه ومتوفره كثير في شوارعنا واحلاهم الفضي
السلام عليكم ورحمة الله وبركاته
اعتقد أن السبب في قلة المبيعات يرجع إلى طبيعة نظرة المستهلكين في السعودية لهذا النوع من السيارات (السيارات الرياضية) ،،،،
وهذا يرجع لأسباب إجتماعية وأسباب أقتصادية....
فمثلاً ، في الكويت لما تجد شخص عمره 30 سنة ، متزوج وعنده طفل أو طفلين ، فشيء عادي تلاقي عنده سيارة كوبيه (وقد تكون هذه هي السيارة الوحيدة إللي يملكها) ، وأعتقد أن الوضع مشابه في البحرين،،،
لكن في السعودية الوضع مختلف ، من تطرح فكرة شراء سيارة رياضية أو كوبيه حتلاقي ردود معارضة من الوسط إللي أنت عايش معاهم (أهلك وأصحابك ومعارفك) .....
وحتى لما تشتريها تلاقي الناس تنظر لك بنظر الشخص المستهتر (صاحب سرعة وتفحيط وووووو) يعني انت أنسان غير مسؤول عن تصرفاتك!
ومن الناحية الأقتصادية ، (أنا بتكلم عن الوضع الوسط والسائد واللي يشكل الغالبية الكبرى من شريحة المستهلكين) :
القوة الشرائية للفرد من الشريحة المتوسطة لا تشجع على شراء السيارات الرياضية والكوبيه ، فمتوسط الدخل في السعودية على حسب إحصائية عام 2002 هي 11,400 دولار ولما تقارنه مع متوسط الدخل من دول الخليج الأخرى تلاقيه منخفض (مع أن متوسط الدخل لوحده يعتبر مقياس غير دقيق)....
وأنت لما تتكلم مع أصحاب الوظائف تلاقي أن المرتب لا يكفيه لشراء سيارة من الحجم المتوسط بسعر 50,000 ريال فكيف يشتري سيارة بمقعدين وقيمتها تفوق 130,000 !!!
ولو أتجهنا لأصحاب الوظائف والمرتبات ، ستجد أن الفئة المهتمة بالسيارات الرياضية والكوبيه يعتبروا أقلية وتجد أن أختيارهم يكون منصب على الفخامة والرفاهية والأسم أكثر من الأداء ،،،،،
فلذلك أنت لما تخيره بين بورشه أو نيسان ، بيكون جوابه بورشه بكل تأكيد (حتى لو كانت النيسان أسرع وأثبت وأقل أعطال وبنت حلال وما تطلب مهر غالي :rolleyes: )
وأعتقد أيضاً هذا هو السبب في أنتشار البورشه مقارنة بالفيراري.
أذكر أني قرأت مقالة عن حجم مبيعات السيارات في السعودية بالنسبة للفئات ، وأذكر أن حجم مبيعات السيارات الرياضية والكوبيه كان أقل من 5% ، ومعظم هذه النسبة كانت سيارات مستعملة مستوردة من الخارج وليست عن طريق الوكيل.....
لذلك لو أنا وكيل شركة سيارات ، لن أحضر سيارة رياضية قيمتها أكثر من 150,000 ريال إلا بطلبية وبشرط يكون الدفع نقدي (طبعاً لما تتوفر موديلات مطابقة للمواصفات القياسية السعودية)....
الوكلاء يقولون:
سكايلاين : ما في أمل.
NSX : أنت صاحي!!
S2000 : في أحد يدفع 135,000 ريال في سيارة 4 سليندر!
WRX STi: هذي ممنوعة ، لأن الميكلارين ما تقدر تطوفها!!
Supra: لما ينزل موديل بدون توربو يمكن نجيبها ونبيعها بسعر موديل التوربو "سياسة عبداللطيف جميل :) ".
EVO: نجيبها بس بدون ضمان ، يعني بس تعدي من باب الوكالة لا عاد نشوف وجهك مرة ثانية ....
وهذا رأيي في الموضوع.
Third Eye
06-03-2004, 10:24 AM
في فرق بين WRX و STI
بس تصدقوا أنو سوريا تنباع فيها WRX
يا حراااام:cry:
IMPALA SS '96
06-03-2004, 10:50 AM
بدون زعل يا شباب ترى السيارة ممتازة ومواصفاتها روعة....
لكن أحيانا أحس إن الناس تتصرف كما المثل القائل:
اللي مايطول اللوبيا حامض عنها يقول....
وصح لسانك عمي NFS ....
وسلامتكم:D :D
ABD 911
06-03-2004, 10:56 AM
رد مقتبس من King 4x4
سبب عدم انتشارها هو علو سعرها مبدئيا.
و توفر فقط أفخم موديل.
لو كانت السياحيه موجوده (وهي تجي بجنوط و شغلات ثانيه) و كان سعرها بحدود ال100 ألف شوف كيف بتنتشر.
والله إذا فيه سيارة بهالمواصفات رح تشوفها تمشي عندنا زي الكومارو الي كان سعره بـ110 على ماأتوقع ..:black:
infiniti
07-03-2004, 03:53 PM
ياشباب عطو سداح فرصه:rolleyes:
King 4x4
07-03-2004, 03:57 PM
رد مقتبس من infiniti
ياشباب عطو سداح فرصه:rolleyes:
:laugh: