سوالف للجميع - إستفتاء عن الإطارات

UAE-Warrior

24-02-2004, 05:42 PM

السلام عليكم ورحمة الله وبركاته

اخواني الشباب ممكن تفيدوني عن خبراتكم في الإطارات
حبيت اسوي استفتاء عن اربع ماركات وبعتقادي هم الاكثر شهره...

احب يكون التقييم من ناحية الراحة والثبات والعمر الإفتراضي.

ومشكوووورين

اخوكم خالد

روح الامارات

24-02-2004, 06:11 PM

السلام عليكم ورحمة الله وبركاته

من تجربتي الصراحه الميشلان احسن وانعم ومايطلع صوت حتى على السرعات العاليه وعمره اطول وثبات :) :) بختصار انا مااركب غير ميشلان والعمر الافتراضي انا مركبها من سنه 2002 شهر سته وماشي عليها 100000 كم يعني خلاص على نهايتها وانشاء الله اتريا الوكيل بيجيب ميشلان بعد بكره وبركبها انشاء الله ;)

مؤيد اف1

24-02-2004, 08:25 PM

بريدجدستون بوتينزا يمكن ماينزل عندنا..وعندك البيريلي ثبات عالي جدا جدا وناعمه بس غاليه جدا جدا :laugh:

Corvette_Stingray

25-02-2004, 09:18 AM

BRIDGESTIONE

بلا منازع

MuGeN

25-02-2004, 09:25 AM

ميشلان :) ..

ايطالي

25-02-2004, 06:00 PM

اشوف انه بيرللي افضل وانعم على الخط ونادر ما ينصلخ عليك كفر بيرللي .. بس سعرة نااااااار

وشخصيا استعمل ميشلين .. والحمد لله ماشي معاي تمام .. وسعرة كويس

بس اذا تبي الزبدة :D .. انا مع بيرللي

زورو الامارات

25-02-2004, 06:08 PM

السلام عليكم ورحمة الله وبركاته

لا تدور غير المشيلان في حياتك

لو انه غالي لكن سعره فيه هادي وعمره طويل

يحميك بأذن رب العالمين

ACCORD-V6

25-02-2004, 06:12 PM

ميشلان وبس
صدقني ولن تندم
عمره طويل ويتحمل الحراره اكثر من غيره

روح الامارات
مركبها من سنة كم:D :D :D

AU (TT) DI

25-02-2004, 06:21 PM

السلام عليكم

لي تجربة طوييييلة مع الإطارات بأنواعها القوية .. مثل بريللي ميشلان بردجستون قووديير

ولي إبن عم في هيئة المواصفات والمقاييس ... تبون رأي المختصين ؟؟ ::

من كلام إبن عمي .. يقول إن التجارب على الميشلان تعتبر الأفضل من ناحية الأمان والتحمل والعمر الإفتراضي الطويل ,

بعدها قووديير .. ثم بردجستون ...
بالنسبة للبريللي ما علمني إنهم إختبروه لأن إستخدامه يعتبر خاص إلى حد كبير ...

رأي شخصي لأني ما قدرت أشارك بالإستفتاء ما أدري ليه ؟؟؟ :think:

الأفضل على الإطلاق بدون منافس هو:

PIRELLI

لأني إستخدمته لمدة ثلاث سنوات كنت قبلها أستخدم MICHELIN

على السيارات الألمانية بالذات السبور .. تجدهم يستخدمونه

يعني فراري تشوف كفراتها PIRELLI

لأنها بالتأكيد كسيارة رياضية من الطراز الأول لا ترضى إلا بالأفضل ..

وأقولها بصراحه . والله ما لقيت فيها مشااااكل ..مع إن سعرها مرتفع .. بس والله تستاهل ..

خصوصا نوع P ZERO

ميشلان الآن مركبينه على أودي S8 لأن وقتها كانت الوكالة لبريللي في السعودية مسحوبة من الزاهد الله لا يعطيهم عافيه . فما لقينا إلا ميشلان .. والله والله إن الكفر حبل من أول شهر .. والله يشهد على كلامي .. رغم إرتفاع سعره هو الآخر ...

وآسف على الإطالة بس حبيت أوضح رأيي من تجربة خاصة ..

مع الإحترام للجميع ..

TT

مؤيد اف1

25-02-2004, 06:34 PM

رد مقتبس من AU (TT) DI
السلام عليكم

لي تجربة طوييييلة مع الإطارات بأنواعها القوية .. مثل بريللي ميشلان بردجستون قووديير

ولي إبن عم في هيئة المواصفات والمقاييس ... تبون رأي المختصين ؟؟ ::

من كلام إبن عمي .. يقول إن التجارب على الميشلان تعتبر الأفضل من ناحية الأمان والتحمل والعمر الإفتراضي الطويل ,

بعدها قووديير .. ثم بردجستون ...
بالنسبة للبريللي ما علمني إنهم إختبروه لأن إستخدامه يعتبر خاص إلى حد كبير ...

رأي شخصي لأني ما قدرت أشارك بالإستفتاء ما أدري ليه ؟؟؟ :think:

الأفضل على الإطلاق بدون منافس هو:

PIRELLI

لأني إستخدمته لمدة ثلاث سنوات كنت قبلها أستخدم MICHELIN

على السيارات الألمانية بالذات السبور .. تجدهم يستخدمونه

يعني فراري تشوف كفراتها PIRELLI

لأنها بالتأكيد كسيارة رياضية من الطراز الأول لا ترضى إلا بالأفضل ..

وأقولها بصراحه . والله ما لقيت فيها مشااااكل ..مع إن سعرها مرتفع .. بس والله تستاهل ..

خصوصا نوع P ZERO

ميشلان الآن مركبينه على أودي S8 لأن وقتها كانت الوكالة لبريللي في السعودية مسحوبة من الزاهد الله لا يعطيهم عافيه . فما لقينا إلا ميشلان .. والله والله إن الكفر حبل من أول شهر .. والله يشهد على كلامي .. رغم إرتفاع سعره هو الآخر ...

وآسف على الإطالة بس حبيت أوضح رأيي من تجربة خاصة ..

مع الإحترام للجميع ..

TT

فيراري تستخدم بريدجستون من نوع خاص غالي في نوع قريب منه بس غالي ولا تحصله الا بالوكيل ..واستخدام البيريللي محدود..

Dentist

25-02-2004, 07:37 PM

ميشلان نوعية ممتازة جدا لكن عيبها الكبير ليونتها الزائدة !

تخيلوا .. خلال سنة ونصف .. حــبــّــلت علي ثلاث كفرات !!

آخرهم قبل اسبوعين ..

والأسباب اثنين منهم بسبب حفر ! وواحد بسبب عيون القطط الكبيرة اللي على مخارج الطرق السريعه " في اللحظه الأخيره قررت ادخل خط الخدمه وأكلت هالعيون وعلى جنب ياراعي كفرات المشلان! "

بس كفرين منهم كملت الحين سنه ونص و تقريبا 95000 كيلو .. وفي كل وحده رقعتين على الأقل !!
ويوميا راجع من الجامعه 200 - 220 والحمدلله والشكر ماشفت منها مايكدر الخاطر ..

يعني باختصار ..

مشلان كفر دلع لازم تحافظ عليه !

لكن لو حافظت عليه .. صدقني بمشيئة الله تمشي وانت مرتاح البال

وتحياتي وأشواقي :)

560SEL

26-02-2004, 06:22 AM

السلام عليكم ورحمة الله وبركاته

صحيح ان ميشيلان ممتازه لكن بريللي أفضل بكثير

لمبورجيني

مازيراتي

كراون فيكتوريا من تالي

فيراري

مرسيدس

BMW

أودي

و غيرهم

كلها تستخدم بريللي

بالنسبه لذوي الدخل المحدود أفضل نوع هو فالكين

تحياتي

ايطالي

26-02-2004, 10:10 AM

الفيراري والبورش تجيك بيرللي مو بريجستون

والبي ام مو كله بيرللي .. يجيك برجستون مرات

RED Chevy

26-02-2004, 02:15 PM

السلام عليكم ورحمة الله وبركاته
أفضل شي الميشلان من بين المذكورين، لكن السيميتومو ( سمعتوا عنه من قبل؟) هذي تاير ممتاز ويعمر ويستحمل الكرف.

TOP-SECRET

26-02-2004, 04:48 PM

بس حق اي سياره تقصد لان يختلف من سياره لي سياره عندك الصالون الميشلان يعتبر الافضل عند الجميع لكن السيارات الفورويل الناس تختلف فيه ناس يشوفون البرجستون افضل وفي ناس يشوفون الميشلان وفي ناس يشوفون البالون :banana:

UAE-Warrior

26-02-2004, 05:20 PM

السلام عليكم ورحمة الله وبركاته

مشكووورين ياشباب على الردوود وهالمعلومات الطيبه والخبرات
الله يجزيكم الخير كله

انا كنت استخدم مشلان من اربع سنوات ما شاء الله عليه مافيه شي

بس تعرفوون اخووكم فضوولي شوي :glasses2: فحبيت اجرب البرلي سمعت انه اهدا واريح واكثر ثبات بس ينتهي بسرعه والسبب كثرة نسبة المطاط في التاير وهاذا الشي الي يخليه مريح وهادي وثابت
والحين اخوكم مركب برلي "بي 7" الله يباركلي فيه لاني دفعت الي وراي والي قدامي وان شاء الله بيكوون قد هالكلام الي سمعناه.

شباب ما سمعت اي شي عن الكونتنانتل مع انه اطار رائع جدا وغالي نار ودائما وكالة المرسيدس تستخدمة في اي موديل جديد فقط ثم ترجع الي المشلن يمكن المصنع في المانيا يستخدمة؟

مره ثانيه اشكركم وجزاكم الله خير على المشاركة والتصويت.

ومازال الأستفتاء قائم الين مايخلص وقته وانا بتابع اراء الشباب.

اخوكم خالد.

روح الامارات

26-02-2004, 06:54 PM

رد مقتبس من ACCORD-V6
ميشلان وبس
صدقني ولن تندم
عمره طويل ويتحمل الحراره اكثر من غيره

روح الامارات
مركبها من سنة كم:D :D :D

والله مركبنها في شهر 6 / 2002 واليوم بس غيرتهن وركبت جداد :) بس تعجبني متابع حرف حرف ولقطة على الغلطه تسلم على التصحيح ;) ;)
تحياتي لك

SKYLINE GTR

27-02-2004, 06:54 PM

رد مقتبس من ايطالي
الفيراري والبورش تجيك بيرللي مو بريجستون

والبي ام مو كله بيرللي .. يجيك برجستون مرات

الفيراري اينزو والفيراري 612 اطاراتها بريجستون

البريجستون ما استخدم غيرها ، كفرات ممتازة وسعرها معقول جدا قياسا بعمرها وجودتها اللي ما عليها كلام وتحملها للصدمات والحفر والمطبات