View Full Version : هوندا اكورد
الظامي2001
24-02-2004, 03:57 PM
السلام عليكم ورحمة الله وبركاته
فيه واحد من الربع يبي ياخذ اكورد2004
4سلندر فل كامل بس متردد بين الجلد والمخمل و اللون
بس حبيت اخذ رايكم في السياره عيوبها ومميزاتها
واذا كانت غير مناسبه له فما هي الخيارات البديله
غير GM التهجين الاسترالي
شاكر ردودكم مسبقا
Supra_Rider
24-02-2004, 04:20 PM
وعليكم السلام
أنا سمعت ان الجلد لا يناسب أجوائنا الحارة لأنه يزيد حرارة و رطوبة جسم الانسان <<<< و نحن ما يحتاج صيف معظم السنة:o
لذلك انصحه بالمخمل
و بالنسبه ل اللون أنا يعجبني اللون الكحلي على الاكورد:eek:
بما أنه بياخذ VTI-E ، أنا أنصح إما باللون الأبيض أو الأسود.
في رأيي أفضل لونين نزلوا على الأكورد (من أيام الثمانينات لغاية يومنا هذا :) )
TOP-SECRET
24-02-2004, 04:53 PM
ياخذ له جلد احلا من الداخل ولو كان لونها اسود بتكون رووعه :cool: الله يوفقه:rolleyes:
A7medo
24-02-2004, 05:06 PM
وعليكم السلام ورحمة الله وبركاته
أنا من رأيي أنه ياخذ جلد أولاً لأن شكله أحلى أو بعد الجلد أفضل للأوصاخ ما تلصق في الجلد
اللون : أحمر
علي عبدالله
24-02-2004, 05:15 PM
يبا انا انصحه يلحق نفسه (والحمدلله انه لسة ما اخذ سيارة ) ...ياريت لو يشيل فكرة الهوندا من مخه نهائيا ..(اذا انه يبي 4 سلندر من نفس النوع ..الكامري افضل واحسن وشكلها اجمل وقعدتها اريح ومتفوقة على الاكورد صراحة :glasses:
والله يوفقه :)
SKYLINE GTR
24-02-2004, 06:20 PM
يصبر شوي وياخذ له التيما الجديدة
sr20det
24-02-2004, 06:32 PM
اقول اخوي راعي البيج انت تلبس نظارات ؟
يا اخوي مافي اي مجال للمقارنه بين الكامري و الاكورد .
الاكورد فوق مستوى الكامري و يمكن تعدت مستوى المكسيما و انت تقولي كامري الله يهديك بس.
القرن الجديد
24-02-2004, 07:13 PM
رد مقتبس من راعي البيج
يبا انا انصحه يلحق نفسه (والحمدلله انه لسة ما اخذ سيارة ) ...ياريت لو يشيل فكرة الهوندا من مخه نهائيا ..(اذا انه يبي 4 سلندر من نفس النوع ..الكامري افضل واحسن وشكلها اجمل وقعدتها اريح ومتفوقة على الاكورد صراحة :glasses:
والله يوفقه :)
الله كريم
:headshak: :headshak: :headshak:
شكلك ما سقت السيارتين
الاكورد الماني الياباني
M.A.M
25-02-2004, 01:37 PM
هههههههههههههههههههههه :D
راعي البيج موجود
معناها خلاص ياشباب
ترا الاكورد افشل سيارة في العالم وكل الهوندا فاشلة ومهيب قد المنافسة
اهم شي لايزعل حبيب القلب راعي البيج :D
على فكرة اخوي اشتقنا لمقارنة من مقارناتك وتجاربك الحلوة مثل تجربة السيفيك ال 80 مدري كم موديلها :D
تحياتي للجميع
وفي شي ابغى اذكر الناس فيه
الكامري = صناعة استرالية
الاكورد = صناعة يابانية
ومع ذلك تسبون اللومينا وتسمونها الخروف الاسترالي !!!! عجبي :D
واتمنى ان تتقبلون المداعبات هذي بصدر رحب :D
وتحياتي للجميع
RED Chevy
25-02-2004, 02:22 PM
السلام عليكم ورحمة الله وبركاته
مثل ماقال واحد من الشباب الهوندا ألنماني الياباني، وأفضل الياباني من كل النواحي بدون شك لكن شكلها غلط شوي، أمس ركبت مالت صديق إخوي( v6 2003 وبياخذلومينا SS أحين) وماتوقعت إنها بالراحه، مافي مجال لمقارنة راحة الركوب مع أي موتر ياباني( أي موتر) ماتحس إنك جاس في هوندا، بس في شي ماعجبني، البلاستيك( اللي على شكل خشب) نوعيته مو ذاك والزود لكن يمشي الحال، وخل ياخذ أسود ومن داخل بيج وبتطلع حلوه.
الأنصاري
25-02-2004, 03:25 PM
واعتقد ان الأكورد الأسود ومن داخل جلد يطلع اوكي
بخصوص الكامري والأكورد ممممممم كل واحد حر في رايه:D :D
mustang cobra
25-02-2004, 04:55 PM
بسم الله الرحمن الرحيم
اخذ مخمل اسئل مجرب ولا تسال خبير انا عندي جلد وكل ماركب السياره وهي تحت الشمس يالله تجلس من الحراره
ACCORD-V6
25-02-2004, 06:36 PM
اهم شي جلد هذا ضروري
وزي ماقال جاسم اسود او ابيض
راعي البيج متعصب للامريكي
والتويوتا
وهذا شي واضح
ويحقد على الهوندا وفيه عنده مشكله معها الله اعلم بها
لكن هذا شي يدل على مشكله نفسيه نشأت معه منذ الصغر
وهذا شي لايلام عليه لانه مب بيده
الله يعافيه ويشفيه ولا يبلانا قولوا امين
ولا ياناس فيه مقارنه بين الاكورد الجديده والكامري
:D :D :D :D :D :D :D :D :D :D :D :D :D :D :D :D :D :D :D
لا للتعصب لا للتعصب لاللتعصب
ونصيحه اخيره اخوي لو فكرت في كامري بدلا عن الاكورد فهذه مشكله كبيره ستندم عليها مستقبلا
ولاتنسى كلامي
علي عبدالله
25-02-2004, 07:39 PM
رد مقتبس من ACCORD-V6
اهم شي جلد هذا ضروري
وزي ماقال جاسم اسود او ابيض
راعي البيج متعصب للامريكي
والتويوتا
وهذا شي واضح
ويحقد على الهوندا وفيه عنده مشكله معها الله اعلم بها
لكن هذا شي يدل على مشكله نفسيه نشأت معه منذ الصغر
وهذا شي لايلام عليه لانه مب بيده
الله يعافيه ويشفيه ولا يبلانا قولوا امين
ولا ياناس فيه مقارنه بين الاكورد الجديده والكامري
:D :D :D :D :D :D :D :D :D :D :D :D :D :D :D :D :D :D :D
لا للتعصب لا للتعصب لاللتعصب
ونصيحه اخيره اخوي لو فكرت في كامري بدلا عن الاكورد فهذه مشكله كبيره ستندم عليها مستقبلا
ولاتنسى كلامي
قبل كل شي اقول حبيبي هدي اعصابك لايجيك شد عضلي بس:D
وبعدين انت شفيك .ايش تقصد يعني (عقدة نفسية من الصغر ) بعد قول مجنون مرة وحدة وريح نفسك :mad:
والا ليكون نسيت نفسك ..اذا انت تشوفني متعصب حق الامريكي فانت عيوني ماتختلف عني في هذا الامر حيث انك انت (متعصب ضد الامريكي بجنون فائق ) واي موضوع فيه خبر عن اللومينا تعمل فيه سالفة وتتكلم عن المؤامرات السياسية ضد العرب والمسلمين وتحول اللومينا الى سلاح فتاك للقضاء على العرب والمسلمين :D (هذا كلامك انت طبعا )وفي نفس الوقت اذا كان في واحد يتكلم عن عيب من عيوب الهوندا تقوم تعمل له سالفة وتهاجمه (ويمكن تذبحه مرة وحدة );)
كأنه المسكين ارتكب جريمة لما قال ان الهوندا فيها عيب :rolleyes:
فاذا انت شايف ان انا عندي عقدة ضد الهوندا من الصغر ...فيبدو ان انت عندك عقدة عكسية بحيث ان عقدتك ضد الامريكي ومع الهوندا وهذا ايضا شي مانقدر نلومك عليه ..ونسأل الله ان يشفيك :p مما ابتلاك به
...........................................................ز
هذا اللي ورد اعلاه للرد عليك عيوني ...
..........................................................................
اما بشكل عام فأنا بصراحة لا اجد اي داعي حتى اعيد النقد في الهوندا مرة اخرى (لان الشركة اثبتت نفسها رغم انف الجميع ) وهذا حق لابد من الاعتراف به ..وانما كنت انتقدها فيما مضى (السنة الماضية) بسبب وجود بعض الاعضاء الذين كانوا يبالغون في مدحها مما ادى الى ظهور بعض السخافات (مثل ..الاوديسي اسرع من المكسيما ..والمرسيدس هي التي تقلد الهوندا وغيرها وغيرها كثير ) :D ويذكر الجميع هذه القصص الخيالية اللتي كانت تحدث فيما مضى
ولذلك قمت بفعل رد عكسي ضد هذي السخافات ..لكن الان لايوجد عندي سبب لاعيد هذه الحركات ..لان المنتدى بصراحة تغير جذريا في فترة غيابي .حيث لاحظت اختفاء حزب الهوندا الذي كان يغرق المنتدى بمواضيع كثيرة عن السيفيك والاكورد بدون فائدة .... والبعض الاخر منهم تغيرت اهتماماته (والحمدلله) الا واحد فقط بقى على حاله لايتغير :mad: (صرت لما اشوف اسمه في احد المواضيع اقول اففففففففففففف)بس لاداعي لذكره هو ادرى بنفسه ;) (والله من وراء القصد)
وبخصوص ماقلته عن الهوندا في هذا الموضوع فهذا لايتجاوز كونه رأي شخصي انا حر فيه (لاني بصراحة لاحظت ان اغلب الشباب ياخذون الكامري ويقولون انها مريحة وعملية وحلوة ) هذا غير اني مجربها شخصيا والسيارة ماعليها كلام ..ولاحظ ان هذا استفتاء وفي غيري ايضا اشاروا عليه (يغير السيارة ) وهذا يوصلنا الى نتيجة مهمة وهي (كل واحد حر برأيه)
m.a.ة (في وقت لاحق وفي موضوع اخر لان هذا صراحة مو مكان مناسب )
وختاما ابغى بس اعتذر للاخ الظامي لاني بهذا المقال اكون شاركت مع بعض الاعضاء الاخرين في تحويل الفائدة الاساسية اللي كان يرجوها من موضوعه
بس ياخوي مثل ماانت ملاحظ هذا مو ذنبي http://www.ec-co.com/vb/images/smilies/a29.gif
والسموحة
واضافة اخرى ..اذا خويك ماتهمه الاسعار كثير ..ترا حتى الباسات 4 سلندر حلوة وماعليها كلام http://www.ec-co.com/vb/images/smilies/smoke.gif
هلا و غلا
اكيد الاكورد من غير الكلام
وراعي البيج ما يصدق على الله انتقاد من غير اي سبب وزي ما دكر اخوي يجيب لك مقارنه مع سيفيك 80 ومع كامري 2004
ما نبي تعصب
الكامري معرف العيوب الي فيه الخروف الاسترالي وليس ياباني اصلي والاكورد اقدم في الاناتج و مش جديده علينا
ولكن الكامري او غير لا تقارن بيها و اخوي راعي البيج
ياريت ترجع الى هدؤك لانك مهما حاولت ما راح تغير من افكارك على الغير
بخصوص قولك ان هناك من قال ان المرسيد تقلد من الهوندا فياريت تاتي بدليلك ولاكن لا يكون من وي فراغ
اما الهوندا الاوديسي فهو موجود الموضوع وياريت لو تتعب نفسك وترجع الى الموضوع ولان يوجد هناك ادله على دلك وايضا هناك السيفك التي طرحت الفايبر و هو موجود هنا الموضوع و تعب حالك يا راعي البيج حبتين و دور على الموضوع
محمد دريهم
26-02-2004, 03:43 AM
وش فيكم على راعي البيج..الحين الرجال ابدا وجهة نظره,,
مو لازم تكون صحيحه..وبعدين الاحظ ان الرجال يتكلم باحترام..وانتوا تتهجمون عليه بكل عصبيه...
على فكره الاكورد تجنن لكن مخطوبه هههههه..الله يخليها لكم..ومنك المال ومنها الخراب خخخخ<<<يستخف دمه مع الصباح
خخخ<<<مسوي معمر القذافي//مصلح اجتماعي:D
الأنصاري
26-02-2004, 04:45 AM
يا شباب شوي شوي على راعي البيج خلاص هو قال وجهت نظرة ليش هذة النظرة
كل واحد عنه ذوق ووجهت نظر كثيرين يحبون الكامري وكثيرين يحبون الأكورد والعكس صحيح
خلي عندكم روح رياضيه
560SEL
26-02-2004, 06:32 AM
رد مقتبس من M.A.M
وفي شي ابغى اذكر الناس فيه
الكامري = صناعة استرالية
الاكورد = صناعة يابانية
ومع ذلك تسبون اللومينا وتسمونها الخروف الاسترالي !!!! عجبي :D
واتمنى ان تتقبلون المداعبات هذي بصدر رحب :D
وتحياتي للجميع
صحيح ان الكامري تصنع في استراليا لكن لا تنسى انها تصنع في مصانع تويوتا في استراليا مو في مصانع هولدن :laugh:
انا أقترح ان الرجال ينتظر لحد ما تنزل الالتيما الجديده
تحياتي
MuGeN
26-02-2004, 10:06 AM
:D
الله يديم المحبة :D
أنا أنصح بالجلد و بعد خله يركب v-cool :: التظليل العازل ..