ممكن معلومات عن الرخصة الجديده ومتى بتنزل؟

[Blue Ice]

بسم الله الرحمن الرحيم

اخواني الاعضاء

انا خلصت إجراءاتي بإصدار الرخصة بس قبل ما استلمها قالي الوالد خلي ملفك معاك وانتظر اسبوع لما تنزل الرخصة الجديده:confused:

ممكن اعرف متى صدورها بالضبط وماهي مميزاتها؟؟

شكرا لإعطائي من وقتكم الثمين:D

اخوكم المحب Blue Ice

[S8]

اذا انت في الرياض فالرخصة الجديدة قد تم اصدارها يوم الثلاثاء الماضي بتاريخ 26/12/1424هـ

واذا انت خارج الرياض فتستطيع الحصول عليها بعد 6 اشهر فقط !!!

عموما هي ممتازة لانها بحجم بطاقة الصراف الالى وبطاقة الاحوال المدنية وبطقاه التأمين وو الخ

ان شاء الله ان الشباب بيفودوك عن الباقي

[SeSo2003]

السلام
ان رخصتي تنتهي في 29/2/1425 هـ

اجدده او اصبر الي شهر سته وتالي اجدده

[S8]

رد مقتبس من SeSo2003
السلام
ان رخصتي تنتهي في 29/2/1425 هـ

اجدده او اصبر الي شهر سته وتالي اجدده

انتبه من غرامة الـتأخير ياحلو :rolleyes:

[Blue Ice]

هذي أول رخصة لي:rolleyes:

يعني لو قدمت خلال ذا اليومين أبستلمها في نفس اليوم ((علما بأني في الرياض))؟؟

شكرا لسرعة ردكم :D

اخوكم Blue Ice

[ACCORD-V6]

يقولون صار فيها لخبطه ماادري هي والاستمارات الجديده

لكن اظن بكرا بيبدون
انتظر يومين ثلاثه وطلعها

بالتوفيق ....

[SKYLINE GTR]

في 1 / 1 / 1425

الرخصة والاستمارة كلهن بتتغير

[Net Master]

ياشباب هل في غرامة على تاخير تجديد الاستمارة؟

[SKYLINE GTR]

فيه غرامة على التأخير اكثر من 15 يوم و هي 100 ريال

[FSM]

رد مقتبس من SKYLINE GTR
فيه غرامة على التأخير اكثر من 15 يوم و هي 100 ريال


طيب ..و غرامة التأخير .. تقريباً.. 3 سنوات ؟؟؟ :help: :help: :help:

:cry:

[SKYLINE GTR]

3 سنوات

والله كثيرة ياخوك

انا ما ادري والله عن هالمدة لكن انا سمعت من واحد من الشباب لكن ماني متأكد يقول انها نفس الغرامة

[loolicpolic]

مبروك إصدار الرخص الجديده.. تقولون مثل الصراف الآلي، ليش هي كيف كان شكلها؟؟

تحياتي..

[SKYLINE GTR]

رد مقتبس من loolicpolic
مبروك إصدار الرخص الجديده.. تقولون مثل الصراف الآلي، ليش هي كيف كان شكلها؟؟

تحياتي..

كنها دفتر :D

[922]

رد مقتبس من SKYLINE GTR
كنها دفتر :D

في هاذي صدقت :laugh: :laugh:

[عاشق التضبيط]

السلام عليكم ورحمة الله وبركاته



http://www.filaq.com/upload/Pictures/5885.jpg


تبدأ ادارة المرور بمنطقة الرياض صباح غد الثلاثاء اصدار رخص القيادة الجديدة المقروءة آليا.

وأكد مدير ادارة المرور بالمملكة العميد فهد البشر ان الرخصة الجديدة تتضمن سبعة حقول خصص الأول منها للاسم الرباعي بالعربية والانجليزية وخصص الثاني لرقم الرخصة المكون من 12 رقما, فيما خصصت الحقول الخمسة المتبقية لنوع الرخصة وتاريخ الميلاد والانتهاء, والهاتف ليتم الاتصال بقريب في حال حدوث مكروه لا سمح الله, فيما خصص الحقل الأخير للقيود نافيا ان تكون الحقول شاملة نوع (الجنس).
واوضح العميد البشر انه سيتم غدا اصدار الرخص الآلية فقط لطلبات الرخص الجديدة ويستمر استقبال الطلبات مدة ستة أشهر في مدينة الرياض, فيما سيتم تعميمها على مستوى المملكة بعد انتهاء الأشهر الستة.

واضاف ان الرخصة الجديدة تتكون من مادة بلاستيكية شبيهة ببطاقات الائتمان الخاصة بينما تحمل مواصفات أمنية عالية تمنع عمليات التزوير

منقوول

[ACCORD-V6]

رد مقتبس من FSM
طيب ..و غرامة التأخير .. تقريباً.. 3 سنوات ؟؟؟ :help: :help: :help:

:cry:

اظن اظن كل سنه ب 100 ريال

والله اعلم

[Blue Ice]

عطوني رخصة عادية!
والهندي اللي جنبي رخصة جديده:confused:
شو المشكلة؟؟

على فكرة هذي اول رخصة لي:damp: