سوالف للجميع - الرشاغه

راعي الأوله

25-01-2004, 07:51 AM

الاخوة الاعزاء :

السلام عليكم ورحمة الله وبركاته

احد يعرف القصيدة التى تقول

للزين قالوا من قديم علامات == عين (ن) و مبسم والجسم والرشاغه

و من شاعرها .... سمعتها ذات مرة بصوت اظنه كويتي لانه يقلب القاف غينا

القصيدة جميلة و رشيقة و طريفة و اسلوب الملقي لذيذ

shahnaz

25-01-2004, 05:41 PM

بسم الله الرحمن الرحيم

السلام عليكم ورحمة الله وبركاته

أسعد الله أوقاتك .. راعي الأوله ..

... الرشاقة ...

للزين قالوا من قديم علامـات &&عين ومبسم والجسم والرشاقه

لاكن كسر هالقاعده هالمتينات&& من واقع ماهو كلام وبلاغـه

اللي محليهن ولو هن ثقيــلات&& دايم خفاف الدم وفيهن لباقه

الله ياهن ياجماعه لطيـــفات

الله ياهن ياجماعه رقيقـــات&&وعن الكلام الحلو فيهن طلاقه

ماهو ضروري بالرشاقه رشيقات&& وزود الوزن ماهو بيعني اعاقه

صحيح بعض اللبس يعني اهانـات&& الوزن بالضيق عديم العلاقه

بس مو ضروري يلبسن السترتشات&&يازينهن واللبس واسع نطاقه

لابارك الله فيك يالضيق بالـذات&& ترا السعه مرات تعطي اناقه

وقالوا الرجيم اليوم هم البنيات&& قلت الرجيم ادري يبي له فراغه

وقالوا الرياضه قلت ماهن مريضات&& للسكري لا مامعهن بطاقه

قابلهن الله بلا ريجيم ورياضات&& بأهدي لهن مني من الورد باقه

هن دفئ هذا المجتمع هن رقيقات&&هن ملح هن سكر لذيذ مذاقه

هن لاسألتوني عن الحب بسكات&& بقول هن فيهن من الحب طاقه

ماهو كلام اللي كتبته وإشاعات&& انا ربطتني مع متينه عـلاقه

....

لا علم لي بكاتبها !!

راعي الأوله

26-01-2004, 09:33 AM

اشكرك اخي Shahnaz على سرعة الاستجابة و طريقة الكتابة كالالقاء

كل الشكر والامتنان

راعي الأوله

26-01-2004, 09:36 AM

من فرحتى بالقصيدة نسيت اسأل عن اسم الشاعر ، ما تعرفه ؟

:banana: :banana: :banana: :banana: