View Full Version : شو رايكم بالليجاسي
luminaltz
21-01-2004, 01:38 PM
السلام عليكم
شو رايكم شباب بالليجاسي كسياره تتحدي سيارات اقوي منها في القومه والخط بعد. سيايات مثل الماكسيما واللومينا (السته طبعا) والكامري وبخبركم سالفه عن ريس صار بين ليجاسي ومكسيما في مدرج طيران. نبي اراءكم
SLR55
21-01-2004, 03:09 PM
اللينجاسي سيارة ماعليها كلام
بس المشكلة في قطع الغيار
نااااااااااااااااااار :confused:
والحق يقال
شكل جميييييييييييييييل وأزيدك بعد إنها AWD
ثباااااات
والسلااااااااااام
HaKeM
21-01-2004, 04:31 PM
حسب كلام الوكيل الليجاسي حتنزل السوق بالشكل الجديد في حدود ال4 شهور المقبلة
وبصراحة سيارة راسية ودفع رباعي وقوية مع أنها 4 سلندر لكن تعطيك قوة خيالية
تحياتي :D
أبوالزين
22-01-2004, 02:46 AM
بصراحة السيارة حلوة
و اتوقع ال 6 سلندر اقوى من الماكس
Mr_CoRvEtTe
22-01-2004, 03:38 AM
السياره وايد حلوووووووووووووووووووووووووووووووووووووة
ومن يومين جرب جيب رنجلر مع ليجاسي 6 سلندر قومه من 20
والرنجلر قال حق اليجاسي باي باي عطاه مسافه طبعا لين جير 3
الشكل الجديد شفته في الامارات وأتوقع انه موجود في عمان بعد وبصراحة أجمل من منافساتها بوايد :)
السلام عليكم ورحمة الله وبركاته
شوف عيوني سياره سيارة تعدت جمييييع منافسيها وبقوة (بنضري انا)
انا خبرتك مرة ان اخوي عنده لجاسي 2002 صح؟؟؟
سياره من جد يعني ما اعتقد انك بتحتاج اكثر من الي فيها يعني امان قوة (صح انها 156 بس لاكن صدقني تخطت سيارت كثيرة اقوى منها) تشطيب داخل جيد (يكفيك انها السياره الوحيد بفئتها الي تجي جلط طبيعي 100% من بلدها ولاحظ ان الكزس جلدها صناعي !!!) سياره روعة روعة بكل المقاييييش ولو بأتكلم عنها ماني مغلق بس انتضر التقرير انشاء الله مني عن السيارة...
بس المشكلة في قطع الغيار
حرام عليك مو لدرجة نار يعني يعني ماتوصل اسعارها لأسعار قطع الهوندا او المكسما مثلا والسيارتين زي منت عارف كيف منتشرة...
مثل الماكسيما واللومينا (السته طبعا) والكامري
الومنا والكامري اقلك من الحين ماتاااكل عيش ابدا مع السوباروا بس المكسما مع اليجاسي تبع واحد من الشباب اليجاسي تطلع ليع اول نمرة بس وبعد كذا الوضع يختلف لاتنسى المكسما كم حصان وكم وزنها
حسب كلام الوكيل الليجاسي حتنزل السوق بالشكل الجديد في حدود ال4 شهور المقبلة
ياليييييييييال ما اطواااااالك عند بالبيد وهذا انا استنى الشكل الجديد وانشاء الله اول واحد يطلعها ;)
و اتوقع ال 6 سلندر اقوى من الماكس
الستة القديم 212 حصان اما الجدية فراح تنزل بـ250 حصان للموديل الفخم وحوالي 320حصان للموديل الرياضي (الله يعيمكم بتتسحبوا تسحيييييب) بس على فكرة سمعت عن واحد عامل شوية تعديلات بس يعني شئ لايذكر على السوباروا تبعة وطلع على مكسما اول وثاني وثالث فما بالك بالستة سلندر على ايش بتقوم...
ومن يومين جرب جيب رنجلر مع ليجاسي 6 سلندر قومه من 20
:shock2: :shock2: :shock2:
لمن يكون الجيب معدل السياره اقلك ممكن بس بصراحة صعبه (يمنك على شان دحدرة!!!)
على فكرة شباب لا احد يجرب مع ليجاسي قومة ارض
وعلى فكرة بأرسلك ايميل اتمنى ترد علي...
واي شئ عن السوباروا نحن هنا WRX
السلام عليكم ورحمة الله وبركاته
الشكل الجديد شفته في الامارات وأتوقع انه موجود في عمان بعد وبصراحة أجمل من منافساتها بوايد
من جدك اخوي موجدة عندكم اتمنى انك تقلي ويييين...
TOP-SECRET
22-01-2004, 05:20 AM
رد مقتبس من WRX
السلام عليكم ورحمة الله وبركاته
من جدك اخوي موجدة عندكم اتمنى انك تقلي ويييين...
وعليكم السلام ورحمة الله وبركاته
حتى احنا في قطر نزلت عندنا من فتره بس ماعرف عن مواصفاتها اي شي بس شكلها اجمل من السابق ب 1000 مره وشكلها رياضي اكثر ;)
الارهابي
22-01-2004, 11:00 AM
اخوي WRX
الليجاسي من ناحيه القوه انسى :D
كورولا 1.8 قير عادي طلعت عليها بفرق سياره
التيما عليها RB25DE عطتها فرق كبير
و الفضيحه
كابرس 85 مكينته 350 فيها سلندرين شنابرهم مكسره و سلندر بلوفه ما تشتغل ( الlobes في الكام ممسوحه يعني صار flat cam ) يعني 5 سلندر من 8 اللي يشتغلوا طلع عليها :D و سبايكه ضاربه بعد :D
و كابرس 87 عليه 305 طلع على السوبارو و الكابرس ال85 سوا :D
و الكلام هذا مو عن سياره محدده لان وحده من السوباروات جديده و الثانيه مكروفه :D و ثنتينهم لونهم اسود و قير عادي مديل 2003 طبعا محركهم 2.5 و دفع رباعي :D
بالنسبه للتشطيب الداخلي و الديكور
اعتقد من سنه 97 ل2003 الديكور ما تغير الا تغييرات بسيطه جدا جدا
يكفيك المسجل :D
صحيح ال2003 مع الجلد شكلها رائع لكن ما اعتقد انه طبيعي
و اللي يقول لك ان الجلد طبيعي فهو كذاب
تخيل كم بيكلفهم الجلد اذا كان طبيعي و كم سياره تصنع سوبارو :D و كم حيوان يذبحوا عشان يجيبوا هالجلود :D
و بالنسبه للسته سلندر احلموا ان بالبيد يجيبها
انا مو جاي اكسر في السياره
انا اصلا كنت بخذ لي ليجاسي 2003
بس الله ما كتب
و صراحه الليجاسي روعه لكن مظلومه في سوقنا و السبب الوكيل التعبان
سردال
22-01-2004, 12:01 PM
- إذا كان مقايس أفضلية السيارة هو التسارع والتسابق، فالجميع سيشتري فايبر وفيراري وبورش، لذلك من الحماقة أن نجعل التسارع والتسابق كمقياس وحيد لأي سيارة.
- الجيل الجديد من ليجاسي يأتي بتصميم خارجي وداخلي جديد كلياً لذلك لا يعتبر الجيل السابق 2003 وما قبله مقياساً.
- الجلد الطبيعي لا يحتاج من أي شركة أن تأتي بقطيع أبقار، إنما يتم الاتفاق مع شركات متخصصة لتوريد الجلود، وأتمنى أن أسمع حقيقة الجلد من شخص "يعرف" تماماً الحقيقة وليس "يعتقد" أو "يظن" ثم كيف نفرق بين الجلد الصناعي والطبيعي؟
السيارة موجودة في الإمارات، لكن لا أعتقد أن محرك 6 أسطوانات سينزل إلى السوق، لكن ربما تستطيع شراءها من خلال طلبية خاصة.
ABD 911
22-01-2004, 02:10 PM
السلام عليكم ورحمة الله وبركاته
والله شوف أخوي ... أنا عندي ليجاسي بوكس gx (فل) موديل 2000 معطيها للسواق بس اسوقها في الإسبوع مرتين على الأقل .
الصراحه من ناحية العزم تعطييييييييك .. وأقولها مره ثانيه تعطيييييييييييييييييييييييييييييييك خاصة على وضع باور ( مع العلم أن الي عندي أوتوماتيك) ... قومتها تعتبر جيده لفئتها حيث تعطيك من 0 إلى 100 خلال 8.4 إلى 8.9 ماني متأكد بالظبط ... والصراحه تشطيبها من داخل متميز ...
من ناحية الثبات ثباتها غير طبيعي تحس إنك ماسك الشارع بيدك نظراً لأنها AWD دفع على جميع العجلات .
والصراحه سواقتها ممتعه ..
غير كذا السياره قويه .. يعني أذكر مره خش فيني مرسيدس إي كلاس بسرعة 60 تقريباً وأنا واقف ... إنكسر الصدام وإنخفست الشنطه بس!! ( في رأيي قوه مش بطاله) ...
غير كيذا لها شكلها المميز بين الجميع وخاصةً الجديده..
بعد هالمدح خلني أعطيك عيوبها :
1- الصراحه عليها صرفية بنزين مو طبيعيه (مدري يمكن سيارتي فيها بلى) لدرجة إنك تلاحظ عداد البنزين تحرك بشكل واضح عن مكانه آخر كل مشوار عن ماكان عليه قبل ماتمشي (مع العلم إن عندي 4 سلندر) بس الصراحه إني ماأمشيها إلا على وضع الباور ...يعني دعععس
:cool:
2- صيانتها سيئه (عند الوكاله) يعني أنا إختربت علي الحبه حقت الراديو وصار مايفتح إلا بالضغط بقوه ومايرفع الصوت إلا بمجهود أكبر من السابق ... جلست أكثر من 5 شهور أدور وراهم ولا طلعت بنتيجه .. لين ماعدلته برى بطريقه تقليديه مؤقته .
3- عزل الصوت صفر نظراً لعدم وجود إطار للأبواب ( أبوابها مثل باب الكومارو مجرد باب بدون إطار للنوافذ )
4- كراسيها غير مريحه تكسر الظهر ..
5- مستوى الكراسي منخفض جداً يعني تحس إنك راكب سياره سبور .. أنا أشوفها ميزه ولكن البعض يراها عيب :Sad2:
6- سعرها عند البيع يطيح بنسبة 75 % وأقصدها بكل ماتعنيه الكلمه .. سمتها قبل إسبوعين ب 18 الف وسألت عن أوت باك موديل 99 إنباع ب16 بس:shock2: :shock2:
7- الأداة الي ترفع القزاز ( الي داخل الباب ) الماده الي عليها تتقطع مع الوقت وبالتالي تظهر خدوش على القزاز..(العيب هذا موجود في معظم السيارات وخاصة الأمريكيه)
نصيحتي لك إذا بتشتريها وخاشه راسك خذ مستعمل لأن سعرها بالأرض ... يعني يمكن تحصل لك 2003 نظيفه بالعشرينات ..:cool: :cool:
تحيــــــــــ ABD 911 ـــــــــــاتي ..
560SEL
22-01-2004, 04:48 PM
السلام عليكم ورحمة الله وبركاته
أولا : مستحييييييييييييييييييل تكون جلد طبيعي
ثانيا : صرفية البنزين فيه اعلى من صرفية المرسيدس ال 560SEL و أتعتقد ان السبب في ذلك هو انها دفع رباعي
ثالثا : العزم مو لذيك الدرجه يعني بالقوه تطلع على الكامري ال 2002 الاربعه سلندر
رابعا : قطع غيار نااااااااااااااااااااار
خامسا : و كيل ما أدري وش يبي ... انا كنت ناوي اشتري وحده لكن يوم دخلت الوكاله و شفت كيف تعامل المسوق غسلت يدي تماما ... كأنه يقول صرف نفسك و اقضب الباب و لا عاد أشوفك ثاني :confused: :D
هذي العيوب اللي أعرفها عن هذي السياره ... أما مميزات السياره فكثيره جدا و انا أرى بالرغم من عيوبها انها أفضل من الكامري و الهوندا من النواحي الميكانيكيه بالذات محرك ال H و كذلك في بعض نواحي الجوده
تحياتي
السلام عليكم ورحمة الله وبركاته
الليجاسي من ناحيه القوه انسى
اعتقد اخوي انك تقول RB25DE يعني مو غريب RB25DE هذي تقارنها بالسوبارو الضعيفة هذي ام 4 سلندر والله حرام عليك يعني العبرة مش في الالتما العبرة في انها RB25DE طيب ان اركم عليها مكينة دوبني ملاقيها الي هية مكينة WRX ام 2.0 وبعدين نشوف...
كابرس 85 مكينته 350 فيها سلندرين شنابرهم مكسره و سلندر بلوفه ما تشتغل
بالله من جدك لايكون الكابرس تبعك بس :damp: ولا الله لمن يكون على الـ5سلندر هذي تيربو وااااو على العموم هيه تبقى 5 سلندر بمقابل 4 سلندر يعني لو تكسرلك شنبر كمان راااح تطلع ايكد:p :p :p
و ثنتينهم لونهم اسود و قير عادي مديل 2003 طبعا محركهم 2.5 و دفع رباعي
على فكرة لون نفس لون سيارات اخوية ;) ;) ;) ;) ;)
بس على فكرة اخوي تذكرت سالفة قديمة شوي واحد من الشباب كان دوبة مطلع ليجاسي عام 99 وكان يتجاكر مع واحد من اخوياه معاه سنوناتا 6سلندر وكابرس موديل 88 وهوة ضعيف بينهم بهل 4سلندر الي معاه ومااقلك كيف صارت عيونهم في اخر الريس من جد جد كذا
:shock2: :shock2: :shock2:
اعتقد من سنه 97 ل2003 الديكور ما تغير الا تغييرات بسيطه جدا جدا
ما أظنك تدري انه نزل بعد الـ97 موديلات
اخوي فيه فرق كبييير بين الأثنين من ناحية التشطيبات لان بعد عام 97 تغيرت كثيييير من الطبلون الى مسكات الأبواب الداخليه الى ان اصبحت تحمل في خلفها شعار AWD
إذا كان مقايس أفضلية السيارة هو التسارع والتسابق، فالجميع سيشتري فايبر وفيراري وبورش،
انا معاك 100% بس هذي وحدة من الاسباب والسباب الثانية ذاكرها فوق.
6 أسطوانات سينزل إلى السوق، لكن ربما تستطيع شراءها من خلال طلبية خاصة.
قيمة الستة سلندر في اليابان واضن انها الرياضية بعد الي تجي تيربو عوالي 22 الف دولار يعني ارخص من 4 سلندر الي عندنا...
ومع كذا انا ادور لي على 6 سلندر او دبليو ار اكس في الأمرات واااااو لو القي الدبليو ار اكس يا اني بأعمل لاوي في البلد...
معطيها للسواق بس اسوقها في الإسبوع مرتين على الأقل
حرام عليك والله معطيها للسواق على فكرة ترى انا لمن اشوف سوباروا مع سوق تارى من جد يحق لي :cry: :cry: :cry: تصدق اعرف واحد عنده سوباروا موديل 98 ما اخذها هوة وعطي السواق الكامري موديل 2001 تخيل...
وبالنسبة لثبات اقولها وبالفم المليان ثباتها افضل من مرسدس 560 سامعين وهذا الكلام بتجربة شخصييييية.
الصراحه عليها صرفية بنزين مو طبيعيه
مشكلة البنزين موجود في القر الأوتو حتى عند اخوية خصوصا لمن تكون رجلك حاره عليها زية بس لو خففت شوية وشلت البور راح تحس بالفرق...
صيانتها سيئه (عند الوكاله)
دائم سوباروا واقعة مع وكلاء مايقدرونها ابدا وعلى فكرة في خبر من وكالتها هنا بالبيد انها بتروح ل التوكيلات
عزل الصوت صفر نظراً لعدم وجود إطار للأبواب
العازل ما اشوف فيه شئ بالنسبة للموديل 2002 وعلى السرعات العالية ابدا ماتسمع شئ.
كراسيها غير مريحه تكسر الظهر
اجمل مافي السياره هذي كراسيها هية اريح من كراسي سياره مثل الكامري مثلا 2002 عند اخوية الثاني وغير كذا تحضنك يعني شوف انت وقت ماتعمل مناورات شوف مرة اركب قدام والمرة الثانية ارجع ورى (وشيل التكاية الي في النص ) و شوف الفرق كيف ...
دائما اقول السياره هذي رايضية من جميع الجهات
مستوى الكراسي منخفض جداً يعني تحس إنك راكب سياره سبور .. أنا أشوفها ميزه ولكن البعض يراها عيب
من جد ميزة تديك شعور غير طبيعي خصوصا لمن تكون قيرعادي
سعرها عند البيع يطيح بنسبة 75 % وأقصدها بكل ماتعنيه الكلمه
هههههههههه ذكرتني ... اخوية سام حقته جابتله 23الف وهية 2002
بس انا متأكد لو انك تبغى سياره لمدة اسبوعين بس خذلك كامري جديدة من الوكالة واكرفها اسبوعين وارجع بيعيها لو لو يعني من مضارب الخيال فرق معاك السعر راح يكون الفرق اقل من لو استأجرت السياره في الاسبوعين هذي...
الأداة الي ترفع القزاز ( الي داخل الباب )
لساعني ماشفتها المشكلة هذي...
ونجيلك اخوي 560
مستحييييييييييييييييييل تكون جلد طبيعي
الموضوع هذا خليه تحت شوي...
صرفية البنزين فيه اعلى من صرفية المرسيدس ال 560SEL و أتعتقد ان السبب في ذلك هو انها دفع رباعي
انا اقلك ان صح صرفيتها كا 4 سلندر مرتفعه شوي بس هذي مرة مرة مرة صعبه...
العزم مو لذيك الدرجه يعني بالقوه تطلع على الكامري ال 2002 الاربعه سلندر
نجي لموضوع العزم تقول بالقوة تطلع عليها هااااا
اوكي بأقولك على حاجة بسيطة
اي سياره بفئتها يعني (كامري - اكورد - زووم وايش شئ كمان تبغاه....)بالقير العادي خصوصا تطلع عليها سلاااااام سلاااااااااام بس طبعا بأستثناي الـTT والـS2000 ;) ;) ;)
قطع غيار نااااااااااااااااااااار
زي ماقلت فوق ماتصل لقطع غيار منافساتها تقدر تقول هية وسط لاهية ذيك الغالية والرخيصة مرة...
و كيل ما أدري وش يبي
الحاجة الوحيدة الي اتفق معاك فيها.
النواحي الميكانيكيه بالذات محرك ال H و كذلك في بعض نواحي الجوده
صح لسانك ياشاعرنا الكبير خصوصا الـH هذا متعب ناس كثيييييير
امممممممم اش باقي نجي لموضوع الجلد الحين شباب بأقلك على شغله اعتقد الكل متفق عليها اي سياره في فئتها مراح تنزل جلد طبيعي اوكي...
بس هذا مو كلامي بس ولاكلام الوكالة بس الكلام هذا كلام واحد شغال في التنجيد الداخل السيارات هوة شاف الجلد بنفسة وعرف انه طبيعي وبعدين هوة نفسة وراني في المحل جلد الطبيعي والصناعي تروى ابدا ابدا مايتفرق بينهم من برى يعني جاب شريكة قدامي وقاله ايت منهم وماعرف :shock2: :shock2: لاكن تقدر تفرق بينهم بحاجة وحدة بس وهيى في خلفية الجلد او بطانتة يعني ...
وبس اي شئ كمان انا موجد...
وااااااااسف على طواااااالة
luminaltz
23-01-2004, 02:35 AM
هلا شباب اشكركم علي مشاركاتكم الجميله بس بصراحه بعضكم ظلم الليجاسي بالنسبه للقوه ....انا بصراحه ما كنت اعترف بقوه الليجاسي ومنافستها لسيارات سته سلندر لحد ما صارلي مواقف ويا الليجاسي بصراحه ناوي اجرب مع الليجاسي بس متخوف عموما صار سباق بين واحد فني طيران وهو بريطاني الجنسيه وعنده ليجاسي مع واحد من ربعنا ووياه مكسيما الجديده وجير عادي بعد وكان البريطاني واثق من سيارته انه تروح والكل ما مصدق انها الليجاسي حتي بتمسك مع المكسيما ....المهم الريس صار في مدرج تابع لقاعده السيب في عمان من الصفر والليجاسي طلعت من الصفر لحد 200 تقريبا بس ما كملوا اتوقع انها المكسيما بتطوف بعد الميتين وكان الفرق نص عمود تقريبا شو اراءكم
بالنسبه لليجاسي بالشكل الجديد نزلت في عمان وتارسه المكان بالرغم من انها اقوي باالاحصنه من سايبقتها الا انها ضعيفه
وسلمتوا
الارهابي
23-01-2004, 05:02 AM
اخوي WRX
نعم الكابرس لي :D و تونا موضبين مكينته
في سياره من اللي اقصدهم كان رايح يسوي تظليل للزجاج
و لما كانوا يظللوا المثلث الخلفي
نزل على الديكور حق المثلث ( اللي صاير زي القماش او المخمل ) شويه مال ملون بلون ورق التظليل
مسحوه بقطعه قماش و تصدق البلاستك اللي تحت القماش حق المثلث طلع ( قماش السياره تقشر ) بالله عليك سياره خاماتها بهالجوده تتوقع كم سنه تعيش بدون ما يتشقق ديكورها في مثل جونا البديع :D
السلام عليكم ورحمة الله وبركاته
نعم الكابرس لي و تونا موضبين مكينته
شايف كيف كافشك;) يعني السياره هذي للأرهابي اش تتوقعن فيها؟؟؟ بصراحة انا من أول مستني مشروع اقوى كابرس موديل 85 في المملكة :shock2: :shock2: :shock2:
في سياره من اللي اقصدهم كان رايح يسوي تظليل للزجاج
بالنسبة للكلام هذي تصدق قسم بالله اني مافهمت شئ غير انها في حاجة تقشرت في سوباروا!!!
بالنسبه لليجاسي بالشكل الجديد نزلت في عمان وتارسه المكان بالرغم من انها اقوي باالاحصنه من سايبقتها الا انها ضعيفه
فهملي هذي الحين السوباروا الجديدة في فرق عن القديمة 5 حصان بالنسبة للأربع سلندر وتقريبا 40 حصان لستة سلندر :shock2: :shock2: :shock2:
اما بالنسبة للي قام على المكسما فلو كان 6 سلندر راح يكون الأمر طبعي جدا...
ياليت الي عارف اي معلومات عن السوباروا الجديدة يبلغنا والف شكر شباب ...
الارهابي
23-01-2004, 06:16 AM
السالفه و ما فيها
الرجال راح يظلل الزجاج ( يحط تظليل ما ادري وش يسموه تغييم ما ادري ايش :D )
و طبعا اللي يظلل يرش ماي على الزجاج قبل ما يحط عليه التظليل
و نزل شويه ماي على الديكور اللي حول المثلث الزجاجي الخلفي
الرجال حاول يمسحه
مسحه على خفيف بفوطه و تقشر القماش حق السوبارو :D
الارهابي
23-01-2004, 06:19 AM
رد مقتبس من WRX
شايف كيف كافشك;) يعني السياره هذي للأرهابي اش تتوقعن فيها؟؟؟ بصراحة انا من أول مستني مشروع اقوى كابرس موديل 85 في المملكة :shock2: :shock2: :shock2:
لووووووووووووول
لو شفته على حالته لما دعست ويا السوبارو
تيرسل تطوفه
بس هذيك السوبارو ما ادري وش فيها :D
mustang cobra
23-01-2004, 06:32 AM
بسم الله الرحمن الرحيم
الشكل الجديد الي بينزل بهز السوق شكل خيالي وفخامه بس قطع غيار غاليه
HaKeM
23-01-2004, 08:36 AM
بصراحة الليجاسي قوة وعزم وثبات وشكل رياضي مقارنة بمثيلاتها من الكامري والزوم والمكسيما لكن عيبها صرفية وقود عالية وقطع غيار غالية وتشطيب داخلي ليس بمستوى الفخامة المطلوب
وواحد من أصحابي كان معاه سوبارو ل أوت باك بوكس موديل 99 وطرحبها مكسيما قومة وخط لين 200 بعد كذه المكسيما قربت من الصدام
تحياتي:D
ABD 911
24-01-2004, 10:35 AM
أنا سمعت إن سبب ثباتها هو تركيز سوبارو على توزيع الثقل في السياره عن طريق وضع المحرك بالطول (أو بالعرض والله ما أذكر :D المهم إنها غير الطريقه الي تكون عليها باقي السيارات) ..
WRX :
بالنسبه لمشكلة القزاز ... أنا حتى الآن ظهرت لي في الكراون فيكتوريا 96 والسوبارو ليجاسي 2000 والظاهر إنها بسبب تقلبات الجو عندنا بالشرقيه (غبار ورطوبه بعدين حر .. الله يعين) وإحمد ربك إنها ماطلعت لك للحين لأن شكل النوافذ رح يتشوه .... على فكره إنت وين ساكن؟؟
السلام عليكم ورحمة الله وبركاته
أنا سمعت إن سبب ثباتها هو تركيز سوبارو على توزيع الثقل في السياره عن طريق وضع المحرك بالطول
بالفعل هذه وحدة من اهم الاسباب بالإضافة الى الدفع الرباعي المسمر AWD .
بالنسبه لمشكلة القزاز ... أنا حتى الآن ظهرت لي في الكراون فيكتوريا 96 والسوبارو ليجاسي 2000
تصدق اخوي والله الين الحين مافهمت قصد الارهابي في الموضوع ذا وطالعت ادور على قمااش من هنا ولا هنا حول القزاز ابدا بس الحمد لله مافيه شئ متقشر بس المشكلة انوا السياره سار فيها يوم الخميس العن من التقشر والشغلات هذي ...
على فكره إنت وين ساكن؟؟
وجينا للسؤال الصعب !!! انا اخوي من الطائف يعني برد مطر وضباب طول السنة....;) ;) ;)
السلام عليكم ورحمة الله وبركاته
الشكل الجديد الي بينزل بهز السوق شكل خيالي وفخامه بس قطع غيار غاليه
على فكرة سوباروا في الموديل الجديد بدت تتجه للفخامة عكس الأول يوم كانت تتجه نحو الرياضية بس...
السلام عليكم ورحمة الله وبركاته
الشكل الجديد الي بينزل بهز السوق شكل خيالي وفخامه بس قطع غيار غاليه
الشكل هذا فخم اكثر من انه رياضي اتوقع انوا هذا الشئ الي حبت تعملة سوباروا...