تقديم 90 سيارة لكزس على مدى أيام مهرجان دبي

[CRX]

هلا وغلا

تبدأ اليوم الخميس فى خمس نقاط بيع مختارة فى جميع أنحاء دبى بيع بطاقات سحوبات سيارت اللكزس التى تعتبر من اضخم الحملات الترويجية لمهرجان دبى للتسوق والتى تكتسب فى الدورة التاسعة للمهرجان منتصف الشهر القادم شكلا جديدا .وتتضمن السحوبات تقديم 90 سيارة لكزس على مدى أيام المهرجان حيث يحصل فائز واحد يوميا على سيارتى دفع رباعى لكزس أر أس 330 قيمة السيارة الواحدة 159 ألف درهم وسيارة لكزس صالون إى إس 300 قيمتها 132 ألف درهم.


وقد جرى الاتفاق مع الفطيم للسيارات على السماح للفائزين بالسيارت بإعادة بيعها للشركة والحصول على ثمنها نقدا حيث ستقبل الشركة دفع 134 ألف درهم نقدا للسيارة اللكزس ذات الدفع الرباعى و113 ألف درهم للسيارة الصالون . وأكد خالد فياض مدير المبيعات والتسويق في لكزس ان سحوبات لكزس خلال مهرجان دبي للتسوق حققت نتائج مذهلة خلال السنوات الماضية، وقد وصل صداها الى مختلف أنحاء العالم بسبب ضخامتها وقيمتها المادية الكبيرة موضحا ان جوائز لكزس اليومية تتضمن أحدث موديلات السيارات إضافة الى المبلغ النقدي.


اتمنى لكم الفوز بها
:banana:

[Corvette_Stingray]

نصهم للجاليات الأسيوية ..... فهمتو قصدي ;)



واحنا ولا شي :cry:

[RED Chevy]

السلام عليكم ورحمة الله وبركاته
شكراًَ أخوي على الموضوع، وذي شي عادي على دبي، أتذكر قبل سنه أو سنتين، كويتي فاز برولز، وعقب كم يوم سووا سحب ونفس الشخص فاز برولز ثاني، لكن لو حاطين بنز أو BMW أفضل من لكزسين.

[السائق المثالي]

أفكار رائعة ، على الأقل أفضل من الاكسنت والايكو اللي ببعض المهرجانات .

[ابو دانه]

هذا اسمه قماررررررررررررررر


لو تشتري منتجات ويعطوك الكوبونات هديه لمشترياتك مافيها شي حلال

لكن تدفع فلوس مقابل الكوبون هذا القمار بعينه وعلمه

[bashar_255]

يا حظ الهنود فيهم:laugh:

[SLR]

ياحظهم الهنوووووود:)

:laugh:

[Dreams_Maker]

بيجي يوم..اللي يغسل سيارتك بالجامعه..يجيك باللكزس تبعه...وإذا سألته من وين جايبنها...يقولك "هذا فيه روه دبي ياخذ سياره وبأدين يرجأ"....
خخخخخخخخخخخخخخ..هزلت

والله قايم سوقهم هالهنود...

شكلي باخذ جنسيه هندي..وبدخل السحب..وأكيد بربح..
:D:D:D

جنسيتهم تجيب لهم الحظ بقوووووووووه

سلامي للجميع

:banana:

[CRX]

هلا و غلا
اخ CORVETTE_STINGRAY انا اتفق معاك كل الجوائز تكون من نصيبهم هل هو سحر ولا شنو ؟؟

RED Chevy انا اعتقد انه ما كان في تنظيم مناسب يعني الواحد يفوز مرتين و ين صارت و لا بسياراتين يعني لو قلنا جوال معقوله لكن سيارتين !!!

شبابي ايه والله تقول كانه بقاله مش مهرجان :banana:

ابو دانه لا تعليق على كلامك لانه يبيله فتوه والله العالم .

bashar_255 و SLR والله انا اقول ان حظهم قوي في كل شي والدليل الوضايف الي مستلمينه الهنود احسن من اهل البلد ( صرت خبير وظايف )

Dreams_Maker هههههههه كل شي جايز ليش لا

:cry:

[RED Chevy]

السلام عليكم ورحمة الله وبركاته
و أي سيارتين، رولس رايس، سعر الوحده مايقل عن80000 دينار يعني تشتري بها شي وشويات، آخ بس آنا لو فزت فيهم، كان أخلي كل واحد في سوالف يسوقهم.

[Corvette_Stingray]

رد مقتبس من RED Chevy
السلام عليكم ورحمة الله وبركاته
و أي سيارتين، رولس رايس، سعر الوحده مايقل عن80000 دينار يعني تشتري بها شي وشويات، آخ بس آنا لو فزت فيهم، كان أخلي كل واحد في سوالف يسوقهم.


لو تفوز فيهم سنة ما راح نشوف ردودك واذا مو أكثر بعد :D

[RED Chevy]

السلام عليكم ورحمة الله وبركاته
آنا إنشاء الله مابوقف عن سوالف لو صار شنو، ماقجر، آنا ليله الإمتحان كنت مجابل سوالف، يوم صار خلل في الكبيوتر صادتني حاله نفسيه5 أيام مادشيت سوالف، لكن إنشاء الله دوم في سوالف.

[Corvette_Stingray]

تصدق اخوي RED CHEVY قبل فترة يوم كان التسجيل متوقف كنت ادخل سوالف واطالع الصور وكان ودي ارد على المواضيع لكن كنت اتحسر ويوم قال لي رفيجي ان سوالف فتحوا التسجيل شنو استانست :D :D من الفرحة شقيت البوز:D