وش رايكم في الكابريس رويال

[الحبيب]

مرحبا شباب
سؤالي كما هو موضح بالعنوان سألني واحد من ربعي عن الرويال يبغي يشتري واحد بس ماله معرفة في الرويال
هل له مشاكل؟ هل له سلبيات معروفة؟
شو هي ايجابياته؟
ثانكيو

[ACCORD-V6]

خله يبعد عن الامريكي وخصوصا الكابريس الاسترالي

اظن انها فاشله وسعرها غالي عليها ومشاكلها وحوادثها كثيره
الكثيرين يختلفون معي لكن هذا رأي شخصي

واذا معزم على كابريس SS اصرف مليون مره

[RED Chevy]

السلام عليكم ورحمة الله وبركاته
السيارة ممتازة وأحسن له من الياباني (خصوصاً اللكزس ES)، والسيارة ماشاء الله ثبات على الشارع كأنك تسوق الماني والمحرك الجبار نفس الSS،والمكيف ولا أحلى ومنافساتها أغلى منها بالضعف ونظام ترفيه DVD وميموري سيت ورحابة داخلية ونظام صوتي مميز من12 سماعة(12)، و6CD بدون كاسيت وكمبيوتر رحلات وكل اللي تمناه تحصله وإذا صاحبك ناوي عليه قوله بالبركة وعليه بالون الأسود وماعليه من اللي يقوله ما يصلح.
(ترى الموتر في البحرين عليه حجوزات لي شهر واحد والقطع اللي توصل تنباع أول بأول فهاذا أكبر دليل على نجاح السيارة)
نظام الDVD باناسونك وكهربة السيارة من الشركة المشهورة (ديلفي) و نظام التعليق (بوش)مثل اللي ينحط في البنز.

[Corvette_Stingray]

رد مقتبس من RED Chevy
السلام عليكم ورحمة الله وبركاته
السيارة ممتازة وأحسن له من الياباني (خصوصاً اللكزس ES)، والسيارة ماشاء الله ثبات على الشارع كأنك تسوق الماني والمحرك الجبار نفس الSS،والمكيف ولا أحلى ومنافساتها أغلى منها بالضعف ونظام ترفيه DVD وميموري سيت ورحابة داخلية ونظام صوتي مميز من12 سماعة(12)، و6CD بدون كاسيت وكمبيوتر رحلات وكل اللي تمناه تحصله وإذا صاحبك ناوي عليه قوله بالبركة وعليه بالون الأسود وماعليه من اللي يقوله ما يصلح.
(ترى الموتر في البحرين عليه حجوزات لي شهر واحد والقطع اللي توصل تنباع أول بأول فهاذا أكبر دليل على نجاح السيارة)
نظام الDVD باناسونك وكهربة السيارة من الشركة المشهورة (ديلفي) و نظام التعليق (بوش)مثل اللي ينحط في البنز.

كلامك كله صح ....
ياخذ امريكي موديل 1965 ولا ياخذ ياباني :D

[@elmalghoom@]

وإذا تبي نصيحتي لا تسأل في المنتدى عن سياره أمريكيه وخصوصاَ GM والسبب واضح:corsair:

خذ لك لفه على المواضيع السابقه في المنتدى وقوللي رايك:help: :help:

[RED Chevy]

السلام عليكم ورحمة الله وبركاته
وليش مايحط مواضيع عن الGM اللي عنده كلام يقوله وإحنا نرد عليه.ترى مو بس منتدانا اللي حاطين على الشفر كل المنتديات أي حادث يصير يقولك هذي الشفر لكن حط عيوب الياباني أو الألماني يقولك قضاء وقدر أو الله يرحمه، بس مادري ليش حاطين العداوة حق الأمريكي مع إن الكامري أثبتت رداءة المواد المستخدمة فيها وإحنا مجربين الكامري و ماتم شي ماتفلل فيها السقف يطيح تسرب هواء لين طفت الثمانين الليتات يحترقون المسجل يخترب هل هذي عيوب تصنيعية أو لا، ماشفنا أحد كتب عن الكامري شي تطرح أي موضوع ماتلاقي ردود لكن إطرح موضوع يخص الGM وشوف الردود شلون اللي يقول نصب على العرب واللي يقول خراباتها كثيرة واللي يقول مافيها أمان.
آنا أقولهم إذا نصب على العرب ليش ودوا اللومينا كوبيه أمريكا هل بينصبون على نفسهم،وعن الأمان أتحدى أي واحد يجيب ياباني تنعرف صورته ويكون داعم على 220 مثل اللومينا اللي حطوا صورها الإخوان الياباني إدعم 80 وشوف شيصير.
كمثال بس الماكس عند ولد خالتي طقه واحد طقه خفيفة وهو واقف،تتوقعون شنو صار تعور البمبر والبانيت والشخال وإنكسروا الليتات شتبغون أكثر وبدل كل هذي القطع.
آنا ماقول الأمريكي أقوى من الألماني لكن أقول الياباني أضعف من الأمريكي.وسلامتكم.

[@elmalghoom@]

ألحين شفكك من الباقيين

ومادورت إلا الكامري والماكسيما تستشهد فيهم

ماقول إلا الله يكون في عونك:cry: :help:

[RED Chevy]

أصلا أنا مب داش المنتدى إلا يوم الأربعاء لأن بكرة والأربعاء علي إمتحان خلهم يكتبون وباكون فاضي حق الردود، وهل الحقيقة تزعل أحد آنا ما قلت سوى اللي شفته بعيني وعن واقع تجربه ما ألفت كلام على الطاير.

[RED Chevy]

لإيجابيات ذكرت لك نصها بس السلبيات عندك شي واحد بس أنو الشباب في سوالف مو عاجبهم ولا بيعجبهم شي إسمه شفر.
واللي يقول عن الهاند بريك أنو مكانه غبي وحاطينه على اليمين لتفادي الخساير لأن السيارة تنزل سكان يمين في أستراليا أقول لهم سؤال واحد بس
س:هل الكورفيت ينزل سكان يمين في أمريكا وخلوا الهاند في اليمين لتفادي الخساير؟

[MuGeN]

مقاطعة وش فيك :D

red chevy انا مستغرب من كلامك مو معقولة الكل يعيب اللومينا خراباتها و مشاكلها انت ترد بإن الياباني بعد يخرب ؟

ياخي انا اواقفك الامريكي ما يخرب لكن الكابرس و اللومينا بعد 2000 استرالي و الاستراليين أكييد خبرتهم مو زي الأمريكيين أكيييد ..

وش رايكم في سعر الرويال 130 ترى مو قليلة :D

[RED Chevy]

الرويال الفل أوبشن 120 وإذا بدون فتحه ب115، وإحنا عندنا واحد اللحين ومرتاحين منه ومافي ولامشكله ولا خرابات ولا عوار راس و حتى الآن ماسمعت أحد عنده كابرس (جميع الموديلات)ومايمدحه (طبعاً أكيد برى المنتدى) إنتا لو تشوف الموديل الأخير(2000-2003)شلون إنتشر في البحرين عقب تقدر تحكم، ترى أغلب اللي يذمون في الكابرس أغلبهم ما جربوه عشان يحكمون عليه، وأنا يوم قلت الياباني يخرب قلت عن واقع تجربه إحنا أحين عندنا كامري كحلي 99 وكان عندنا واحد نفس الموديل بس ذهبي(الحمد الله تخلصنا منه) وفيهم المشاكل اللي ذكرتها فوق أتذكر الذهبي الساعة إذا ماتشتغل تضربها بعدين تشتغل(حتى الكابرس 83 ماسواها) وعن إن الكابرس واللومينا إستراليين أقولك هم الكامري استرالي= الكامري مصنوع في استراليا يعني اللي صنعه ماعنده خبرة الياباني، وإنت لو تقارن(مع أنو مافي مقارنه مقارنه بالسعر فقط) بين مميزات الياباني اللي بسعر الرويال ومميزاته تطلع النسبة 20% مثال:
اللكزس ES شنو فيه:كامري قراندي+ 6CD/سيتات ميموري/زينون.حتى تحكم بالمسجل من السكان مافيه.
والكابرس واللومينا مكاينهم توصل من أمريكا والأستراليين ماغخترعوا شي جديد عشان تقولي ماعندهم خبره كفاية بس الشركات اللي ذكرتها فوق (خاصة البوش) فإذا نظام التعليق جاهز والمكينة جاهزة قولي الأسترالي شبيسوي
لكن شوف مميزات الرويال وإحكم. آنا أبي أعرف الشباب ليش حاطين عداوة شخصية للكابرس واللومينا.وسلامتكم

[RED Chevy]

وعن المقاطعة في ناس وايد نسوها أولهم رئيس جمعية التربية الإسلامية(عادل المعاودة)مطلع جمس سوبربان 2002

[مؤيد اف1]

خذها والله مابتندم 2004 غير عن الموديلات الي راحت

والسياره مجنونه بشكل :D ...

اذا انت شباب خذ لك اس اس واذا لا رويال ;)

والله لما تركبها تحسها الماني خصوصا على الخط :eek: ثبااااااااات واذا تبي تتجاوز بس شمم السياره بنزين مو لازم تدوس زي السيارات الي قبلها :rolleyes:

والي يقولك صرفيه انا اقوله لا... انت ورجلك ;)
ونا ناوي على واحد ..من اشوفه على الخط اسوي :shock2:

مابتندم ولا عليك من الي يقول استرالي وخرابيط بالعكس بتحسها قمة الامريكي ..
وسلامتكم :corsair:

[L u m SS i n a]

سلام عليكم

الحبيب :

توكل على الله وخذ كابريس رويال ! ما عليك من اللي يقولك خراباتها كثيره ..

عندنا 3 سيارات لومينتين وكابريس ما فيه مشاكل .. انت واستخدامك ..

اللي يقولك حوادثها كثير اقولك ايه صح كثير لكن ليش؟؟ مواتر بقوه هائله جداً ويسوقونها متهورين يجيبون الطبلون وش نتوقع اذا واحد لف عليه او قطعت الشارع قطوه ؟ اكيد بيخش في عمود ويروح فيها .. !!

اذا انت تحب الاداء الرياضي القوي .. المقاومات .. الشكل الجذاب خذ كابريس اس اس (تسارع من 0 - 100 في 6,8 ثواني فقط)

اذا تحب الراحه والهدوء والرفاهيه .. كابريس رويال بدون نقاش ..

لا تدخلون في مقارنات مع بي ام او مرسيدس لان كابريس حسمت موضوع القيمه مقابل المال بالضربه القاضيه وفي الخشم بعد :) سعرها رخيص جداً ..


بعدين وش جاب لكزس اي اس الكحيانه لكابرس رويال ؟؟

ويييين ويييين

[RED Chevy]

أخواني LUMINA SS ومؤيد F1 بردتو قلبي وخليتوني أرد غصب مع إني قايل ما بدخل المنتدى اليوم بارك الله فيكم وزيدولنا من الردود السنعه.

مؤيدكم RED Chevy

[MuGeN]

رد مقتبس من RED Chevy
أخواني LUMINA SS ومؤيد F1 بردتو قلبي وخليتوني أرد غصب مع إني قايل ما بدخل المنتدى اليوم بارك الله فيكم وزيدولنا من الردود السنعه.

مؤيدكم RED Chevy


لااااا تزعل عاد اخوي شفييك مو قصدي شي :OO:

عجبتني سالفة عادل خخخخخ ...

علشان ما تقول ما جربناها .. أول كنت اسمع ان اللومينا كلها من اولها لآخرها خراب .. اخدنا LS 2000 ما شفنا مشاكل غير مشاكل راعيها الأولي .. قالوا لي المشاكل في ال SS .. وش رايكم :D ?

[L u m SS i n a]

سلام

اجل المشاكل في الـ SS اجل :)

انا بالنسبه لي مشاكل عاديه تجيني .. يعني تغيير بطاريه اذا خلصت .. كفرات .. اشياء بسيطه !!

واعرف مجموعه كبيره معهم اس اس من موديل 2000 الى 2004 ... ما فيه مشاكل !!



بعدين الكابرس الموديلات الجديده ممتاز اكثر من موديل 2000 (اول ما نزل)

[الحبيب]

ماقصرتوا شباب شكرا لكم جميعا ومن لديه اضافة لايستحي:D سواء بالإيجاب أو بالسلب.
بصراحة انا اليوم شفت السيارة في المعرض عالم آخر:shock2:
شكلي انا بسحب لي واحد بعد:banana:

[RED Chevy]

توكل على الله والموتر أكثر من محترم وهيبة في الشارع كأنك راكب بنز وإذا شغلت الDVD شوف الناس اللي جمبك شلون بيطالعون الموتر سينما متحركه (لاإله إلا الله) .

[ES 300]

السلام عليكم ورحمة الله وبركاته


من جد في بعض الأعضاء ما عندهم سالفه ..

الحين كابريس زينه ؟؟؟ اخوي الكريم مع ان خبرتي مو ذاك الزود بس بقولك وش صار لسيارة واحد خوي كابريس ...

اول شهرين .. السيارة توب حصان .. بعد انتهى الشهرين .. خرب المسجل قلنا عااادي نوديها لاقرب محل يصلحه رحنا قالنا ما نقدر نصلحه وديه الوكاله ... على الضمان مو مشكلة ودينااها الوكاله ... الوكاله تقول ما نعرف نصلحه لازم نرسله لجددددة .. ؟؟؟


وخذ تأجيل واعذار .. الي هنا مو مشكلة لكن تخيل تخرب المسجل والفتحه في نفس اليوم ؟؟؟ وكل هذا لان التقنيه الامريكة رائعة وتوب ... اوكي الي هنا مو مشكلة ..

طيب وش رايك بعد ست شهور بتشوف ان السيارة مو مضبوطه تحسها تبي تتفكك كل شي بجهة وهذا عموما بكل الأمريكي .. السيارة صرفيـه بانزين بقوة يعني كل يومين احسب 55 ريال تعبي التانك .. يا ليـــل ما اطولك .. يبغالك ميزانية خاصه لهلأمر ...

وأخير مين يدفع 20 الف ؟؟؟ على سيارة امريكية خصوصا انها ما تسوى يعني من شفر ومنظرها بالشارع عاااادي جدا ... وبالنهايه اسمها كابرس ... هع والله حرام عليها 120 الف وهي خرطي .. :)

وانصحك بأفضل شركة يابانية لكزززززس وبــس .. من جاب لجاب من جد .. :shock2: :shock2: :shock2:

[أبوالزين]

ما عليها اي كلام فظيييييييييييعه

[TOP-SECRET]

والله انا اشوف ان الكابريس بشكل عام شكله جميل وعاجبني كثير خاصه ال SS ...ولكن من خلال تجربتي القير مايتحمل دعس يعني (حنين)انا مادعست في سيارتي السابقه الا مره او مرتين القير طق عندي وقبل لا ابيع السياره مايركب القير ابد :rolleyes: مادري شباب فيه فرق بين قير الومينا اس اس و الكباريس رويال او ال اس اس :help:


تحياتي