View Full Version : استفسار عن تخشيب وتلبيس الجلد للاكورد الجديدة
M.A.M
23-12-2003, 02:55 PM
السلام عليكم
واحد من الشباب اشترى سيارة اكورد جديدة ماشاء الله عليه ويعطيه خيرها ويكفيه شرها .
وهو يبغى مساعدتكم انكم تدلونه على محلات تلبيس الجلد ويكون شغلها مضبوط مرة زي الوكالة او على الاقل قريب منها
ويبغى يسأل عن التخشيب بعد .. فياليت اي واحد يعرف محلات شغلها نظيف مرة في هذي الاشياء واذا كان عنده خلفية عن اسعارهم
والمحلات لو تكون متوفرة بالشرقية كويس ولو مو متوفرة مو مشكلة الرياض
ولكن لاحظوا اهم شي الشغل النظيف اللي زي الوكالة او مقارب لها
ومشكورين مقدما
وتحياتي للجميع
ACCORD-V6
23-12-2003, 02:58 PM
الجلد
في الرياض
محلات السماعيل في الغرابي
شغلهم ماشاء الله تمام
اما التخشيب
ماعندي فكره
ان شاء الله يساعدونك باقي الشباب
واظن الوكالة عندهم تخشيبه
M.A.M
23-12-2003, 03:04 PM
مشكور اخوي ACCORD-V6
تعرف احد معه اكورد جديدة ولبسها حلد وشفتها بنفسك
يعني انت شفت اكورد ملبسها جلد من السماعيل ولا؟؟
وانا قايل لولد عمي ان السماعيل هو المعروف عندنا بالرياض بس انا لم يسبق لي ان شفت اكورد جديدة ملبس منه علشان كذا مااقدر احكم فياليت اخوي ACCORD-V6 اذا كنت شايفها بنفسك تقول لنا انطباعاتك واذا عندك خلفية عن السعر
ومشكور مرة ثانية على سرعة ردك اللي دخلت موسوعة جينيس :D
وياليت البقية اللي يعرفون مثل هالمحلات يساعدونا
وتحياتي للجميع
ACCORD-V6
23-12-2003, 03:14 PM
رد مقتبس من M.A.M
مشكور اخوي ACCORD-V6
تعرف احد معه اكورد جديدة ولبسها حلد وشفتها بنفسك
يعني انت شفت اكورد ملبسها جلد من السماعيل ولا؟؟
وانا قايل لولد عمي ان السماعيل هو المعروف عندنا بالرياض بس انا لم يسبق لي ان شفت اكورد جديدة ملبس منه علشان كذا مااقدر احكم فياليت اخوي ACCORD-V6 اذا كنت شايفها بنفسك تقول لنا انطباعاتك واذا عندك خلفية عن السعر
ومشكور مرة ثانية على سرعة ردك اللي دخلت موسوعة جينيس :D
وياليت البقية اللي يعرفون مثل هالمحلات يساعدونا
وتحياتي للجميع
هلا حبيبي
الكذب خيبه
ماشفت اكورد 2003 مركب جلد
لكن شفت مودل 92 اكوردوVXR 2003
بصراحه ظابطينها ظبط
والسعر
الاكورد ب 300 ريال
وصدقني شغلهم نظيف جدا
وسبق شفت كم اكورد جديدة مركب جلد من محلات غير السماعيل ومظبوط
والسماعيل يعتبر الافضل
وبالنسبة للشغل اذا تبغاه مظبوط اجلس على راسهم من يبدون حتى ينتهون احسن لك
وايضا اللي اعرفه غالبا مايصير جاهز يواعدونك بعد يومين او شي زي كذا
بالنسبة لسرعة الرد
حاظرين للطيبين
اسف جدا علىالرد الطوييييييل
وشكرا..
M.A.M
23-12-2003, 03:20 PM
تسلم اخوي ACCORD-V6 ومشكور وماقصرت
وانا شايف شغل السماعيل ومعجبني والله ماعليه
لكن عيال عمي واحد معه كامري 2000 وواحد ماكسيما 2000 كلهم لبسوها جلد بس عكس ماكنت متوقع ضبطوا الماكسيما والكامري بصراحة رايحة فيها لدرجة انها ماكملت سنة الا وراعيها شايلها !!!
وهذا اللي خلاني اسألك اذا كنت شايفها بنفسك
ياليت اذا كان عند الاخوان مساعدة يفيدونا
ومشكورين مقدما
وتحياتي للجميع
ACCORD-V6
23-12-2003, 03:50 PM
مثل ماقلتلك
اذا تبغاهم يظبطونها
اقعد على رأسهم
شفهم وهم يشتغلون وعلمهم بملاحظاتك
وراح بشتغلون صح
وبالتوفيق
silver
23-12-2003, 05:59 PM
الشرقية شوف السلام ... وخلهم يوروك شغلهم قبل ما تسوي عندهم
كابريس
23-12-2003, 06:35 PM
الكوثر في جدة
تخشيب الدركسون للأكورد الجديدة 1600 ريال
راجع موضوع S8 المثبت عن تجربة اكورد V6
عاشق التضبيط
23-12-2003, 09:21 PM
السلام عليكم ورحمة الله وبركاته
مثل ماقال سلفر مجموعة السلام شغلهم ميه ميه
وهذي كم صوره للسياره اللي كانت عندي
http://badory911.jeeran.com/max-6.jpg
شوف الطبلون كله جلد انا صراحه طارت عيوني يوم شفت الشغل اللي اعرفه ان الطبلون ينصبغ بس هذولا حطو جلد عليه تشوفه تقول وكاله
وهذي الابواب
http://badory911.jeeran.com/max-8.jpg
الابواب بعد كلها جلد
وشوف شغل السنادات
http://badory911.jeeran.com/max8.JPG
تقول كانها فياقرا :D
ترى والله تستاهل المشوار واذا عزم قريبك يسوي عندهم قولي عشان احط لك الايميل واوصف لك محلهم زين
SAARY
24-12-2003, 07:22 AM
السلام عليكم ورحمة الله وبركاته
في الرياض //// الغرابي وبس
== جدة /// كيلوا 6
حطة سيارتك عندهم واعطهم طلبك وبس ازهلها
تحياتي
king_stratus
24-12-2003, 07:21 PM
رد مقتبس من silver
الشرقية شوف السلام ... وخلهم يوروك شغلهم قبل ما تسوي عندهم
انا اقول السلام مو طبيعي انا اعرف ثنين مسوين اقولك شغل وكاله ماتوقته لهدرجه:shock2:
M.A.M
25-12-2003, 12:27 PM
تسلمون لي ياشباب وماتقصرون والله
بس عندي سؤال بسيط جداً :
السلام او مجموعة السلام في الرياض ولا بالشرقية ؟؟
ووالله اغلب كلام الشباب يمدحون في السلام وشكل شغلهم حلو مثل ماشفت بالصور حقت الاخ عاشق التضبيط
ومشكورين مقدماً
وتحياتي للجميع
silver
25-12-2003, 01:53 PM
اظن ان مجموعة السلام لها فرع في الرياض وفي الشرقية ...
انا جربت إلي في الشرقية وشغلهم ما عليه كلام ... حتى أول مارحت لهم العامل إلي هناك وراني كرسي يقول حق لكسز ... وكان الشغل زي ما قال عاشق تظبيط كأنه وكالة :)
M.A.M
25-12-2003, 01:58 PM
مشكور اخوي silver
وكويس انه في الدمام لان صاحب السيارة بالدمام :)
وياليت لو تقول لي اخوي وين موقعه فيه
وشكرا مقدماً
وتحياتي للجميع
عاشق التضبيط
25-12-2003, 08:29 PM
قوله بشارع تويوتا او شارع الزينه او شارع الملك سعود (ترى كلهم شارع واحد بس بعدة اسماء) في محلين كبار ومحل صغير
على العموم هذا ايميلي اذا اللي يقربلك ماعرف خله يضيفني او انت اضفني مع اني اتوقع انه بيعرفه
b_hilal96@hotmail.com
M.A.M
27-12-2003, 12:55 PM
مشكور اخوي عاشق التضبيط وماقصرت وعلى العموم انا اضفتك للتعارف وتبادل الفائدة ;) خصوصأ بالسيستم الصوتي وبالنسبة لشارع الملك سعود انا من الرياض واعرفه :D
وشكرا لكل اللي شاركوا
واسف على تأخري بالرد لكن اعذرونا ... اختبارات x اختبارات :cry:
والله يعين ويوفق الجميع ان شاء الله
تحياتي للجميع
كوبرا
19-01-2004, 04:26 PM
كم يكلف تلبيس اكورد او لومينا بجلد كامل ؟ وتخشيب للدركسون و
الطبلون و القير عند السماعيل ؟
M.A.M
22-01-2004, 12:21 AM
اسف اخوي على التأخير :damp: لكن انا مثلي مثلك كنت استفسر:)
لكن انا اذكر عيال عمي ملبسين عنده جلد
واسعارهم تختلف لان الجلد يختلف والسيارات تختلف
والسيارات هي : كامري وهذا ركب الجلد الكوري على مااعتقد او الياباني الرخيص ب 300 ريال اذا ماخانتني الذاكرة والماكسيما ركب جلد ياباني احسن من حق الكامري ولبس الابواب معه وسعره ب 500 ريال اذا ماخانتني الذاكرة ايضاً وعلى مااعتقد ان الاكورد سعرها ب 500 وترا الدعوة تختلف مع الابواب ولا بدون يعني بدون الابواب يكون ارخص ومعها يكون اغلى
وبالنسبة للتخشيب اعرف الاقصى والمميز لكن اسعارهم مااعرفها
واتمنى اكون افدتك
تحياتي لك وللجميع
silver
22-01-2004, 03:51 AM
كوبرا
انا كلفني التنجيد كامل 1800 ريال ... تنجيد الأسيات لونين + تنجيد الأبواب + تنجيد التكايه والدركسون والقير + الكتابة على الجلد
التنجيد لحاله ممكن يكلف 600 ريال ... بجلد أمريكي او ألماني أو ياباني ... سعر الثلاثة واحد
الكتابة على الأسيات كلفتني 400 ريال حق 4 كراسي
وأكيد السعر راح يفرق من سيارة لسيارة :)
طيب ايهم افضل , الامريكي او الياباني او الالماني وكذلك يوجد هندي ؟؟
وبالنسبة للسقف من الداخل , هل يمكن تنجيده ؟؟
ABD 911
22-01-2004, 03:01 PM
واحد من الشباب منجد أكورد 2003 في الدمام (والظاهر إنه قال لي في السلام) بس ماشالله شغلهم رهيييييب ماعدا زاوية لواحد من الكراسي من فوق ماجابها صح ... الولد حالياً في جده وبيرجع بعد العيد .. ممكن أسألك إياه إذا رجع .. ولكن والله أعلم إنه عند السلام ..
silver
31-01-2004, 08:54 AM
كون
------
الهندي ابعد عنه ... صحيح سعره رخيص لكن يتقطع بسرعه ويسحب حراره غير عن الأنواع الثانية ...
بالنسبة للسقف ما فهمت عليك :confused: يعني تبغي تنجده جلد ؟ تنجيد السقف العادي (قماش) يمكن يكلف 250 ريال لسيارة بحجم الكابريس الصابونه