View Full Version : سؤال...اتمنى من الجميع المشاركة في الرد...
بسم الله الرحمن الرحيم
السلام عليكم ورحمة الله وبركاته يامعشر سوالف...
لدي شؤال يتردد في نفسي..اود ان اتعرف على اجوبتكم عليه...
ماذا تعني لك سيارتك؟ هل تغير معاملتك لها بعد ان تكبر في السن؟ هل تشبها بشيء معين؟او تذكرك بشخص ما؟
ارجوا من الجميع ان يشاركوني بردودهم لكي نأخذ فكرة عن درجة اهتمامهم لسياراتهم
بالنسبة لي... السيارة عبارة عن حيوان له شعور و احاسيس ويحبك و يهتم بك إلى الأبد طالما كنت تعتني به و لن يخذلك مهما حصل...ستضحكون علي عندما اقول لكم اني لا املك النية او القدرة على بيعها...السبب...هو اني اجدها اصبحت جزء من جسدي لا استطيع ان افارقه...ربما لآن الذكريات التي امضيتها خلف مقودها و الأوقات الحرجة التي انقضتني منها ترفض ان تزول من ذاكرتي...
اعتقد ان للبعض قد اكون مجنوناً:damp:...ولكن هذا شعوري الحقيقي نحو سيارتي...
اتمنى من الجميع ان يبدو اجوبتهم و ارائهم في هذا الموضوع...
تحياتي للجميع...
اخوكم
007
:cool:
سيارتي بالنسبة لي شيء كبير وأحسها جزء مني ولما ادخلها الوكالة للتشييك أحس اني فقدت شيء عزيز علي طبعا مادامك مهتم بسيارتك فأكيد سيارتك بتبادلك بنفس الشعور :glasses:
Twin Turbo
19-12-2003, 08:51 AM
بسم الله الرحمن الرحيم
نفس راي اخوي 007;)
بس مب في كل الاحوال مرات تخذلك السيارة انا لما اخذها الوكاله اوادفع لها من عرق جبيني .
وآخر شي تخذلني وتخترب لي !! هذا وانا احافظ عليها اتقول عندي فيراري..
:D
واعصب منها في هذاك الوقت بصراحة ابا ابيعها في نفس الوقت ،:mad: بصراحة
هذا راي :cool: واتقبلوا مني الاعتذار
AMG
مشكور اخوي العزيز على الرد...وأكيد انها تبادلك نفس الشعور اذا اهتميت بها...كل ما تخدمها افضل خدمتك افضل و تحاول ان تقدم لك أفضل ما عندها بقدر المستطاع..
Twin Turbo
اشكرك على مرورك اخوي...وانا معاك ان عندما تخترب و توديها الوكالة ترجع تخرب عليك ثاني...اخوي...السيارة يوم تخرب فهذا يدل على انها مريضة...لاتوديها عند اي احد لكي يكشف عليها لأنها قد يزيد من خرابها و مرضها بأخذ احد القطع الأصلية منها...واذا قلت لي وكالة...كل وكالات السعودية توفر لك ضمان شهر على الأقل، على القطع المستبدلة الجديدة...
تحياتي..
760IL
19-12-2003, 02:15 PM
والله كلامي من كلام AMG لاازيد ولاانقص
وشكرا على الموضوع
أبوالزين
19-12-2003, 02:36 PM
انا بصراحة مو عندي سيارتي الخاصة
بس استخدم سيارة البيت لحد ما احصل سيارتي
بس بصراحة احس انه سيارت البيت كانها جزء مني و مو ارضى انه احد يبيعها
:glasses:
760IL
مشكور اخوي العزيز على الرد..
تقبل تحياتي..
racing_guy
ربما لانك ستخدمها اكثر من اي احد في البيت...وتحس كأنها سيارتك...
مشكور اخوي على الرد...
تحياتي...
سنـاري
19-12-2003, 07:16 PM
بسم الله الرحمن الرحيم
:D
طبعا معاملتي معها مبني على الاحترام و الثقة المتبادلة
و ان كنت احيانا قليلة جدا جدا اشد عليها بس هذا كله لمصلحتها
و الحمدلله انا مدلعها و معطيها كل اللي تتمنى تشوفه
يعني حتى الزيت اغيره احيانا بعد 1800 كيلو
البنزين ما ينقص عن 80%
حتى في احد المرات رحت المحطة و قلت للرجال عبي فل تمام
طلع الفل حقي بستة ريال بس
لا افحط لا اسرع لا اقاوم و حتى المسجل صوته منخفض
و موية الراديتر فوق الفل
و موية البطارية كل 2000 كيلو اتاكد منها
و استخدم عبوة تنظيف البخاخات في الفينة و الاخرى
و اذا احتجت قطع غيار ليس لي مصدر الا الشركة
وفرت لها كل اساليب الراحة و الفخامة و الحمدلله انها تبادلني بالمثل
احيانا يطلبها بعض الاصدقاء مني لرقتها و نعومتها و عند ذهابهم بها
اقف عن الباب اودعها على امل الا يطول بعادها عني
و اضفت لها ثلاث ميزات من عندي ...
شمعات اقوى 100 \ 90 و السابق كان 60 \ 55
كفرات اعرض و نوعية افضل بريجستون طبعا
و تضليل مضاد للحرارة
و لا تلوموني في هواها ... قلبي ما يعشق سواها
و ادعوا معايا
الله يعطيني خيرها و يكفيني شرها
تحياتي ....
:glasses2:
عاشق التضبيط
19-12-2003, 10:04 PM
انا مع احترامي لسيارتي:D بس ماني بحاس باحساسكم
يعني انا بالعربي من النوع اللي احب اغير بالسيارات اطول فتره قعدت عندي السياره سنتين وكانت السياره صني وطفشت منها طفش مع انها ماتعبتني كثير بس جاتني حالة قلت لازم اغيرها وغيرتها واخذت لي ماكسيما ماكملت معي سنه وغيرتها والحين عندي موستنج وحاط في بالي انه راح يقعد سنه بالكثير ولازم اغيره وافكر السياره الجايه تكون جيب ان كتب ربي :black:
احب امتلك و اجرب جميع السيارات اللي اقدر عليهم طبعا:D اللي ما اقدر عليهم خلهم بمكانهم :D
ولا احب اجرب سيارة صديق او سيارة اخو
بس احب استمتع بتعديل سيارتي يعني احط جنوط واصبغ اشياء واستكرات وسستم واشياء داخليه واحب اشوف سيارتي وهي تتغسل او تتلمع وتقفل معي لما اشوف (شمخ) او حكه خفيفه او اسمع صوت
Checo
ماشاء الله عليك اخوي..تدلع سيارتك دلع ما شافته سيارتي(من نواحي معينة)
الله يعطيك خيرها و يكفيك شرها اخوي...
تقبل تحياتي..
عاشق التضبيط
اخوي عملية تغيررك للسيارات لا تعني انك لا تحبهم و لكن انت كالذي يعدد الزوجات :D (لاتروح اكثر من اربعة:D ) وهذا طبيعي...
مشكور على ردك اخوي...
تحياتي...
رد مقتبس من Twin Turbo
بسم الله الرحمن الرحيم
نفس راي اخوي 007;)
بس مب في كل الاحوال مرات تخذلك السيارة انا لما اخذها الوكاله اوادفع لها من عرق جبيني .
وآخر شي تخذلني وتخترب لي !! هذا وانا احافظ عليها اتقول عندي فيراري..
:D
واعصب منها في هذاك الوقت بصراحة ابا ابيعها في نفس الوقت ،:mad: بصراحة
هذا راي :cool: واتقبلوا مني الاعتذار
:glasses2: Z06:glasses2:
cruiser2000
21-12-2003, 04:30 AM
السلام عليكم ورحمة الله وبركاته
بقول رايي
هذا كلامي انا اكتبه لكم
سيارتي اعتبرها الشي الوحيد اللي يفهمني
لكن ما اخلي حبي لها اكثر من حبي لله ورسوله وللوالدين طبعا
انا احط فيها شي جديد مب دايما يوم هفة الراس فقط
حطيت فيها اشياء احتياطية
مثلا بم سبحان الله بنشر التاير والسبير مبنشر اكون اعبيه وعادي
معطر للجو واشياء ثانية
سيارتي اهتم فيها وايد فقط يوم اسوقها
انظفها يعني مب دايما متى اخذ لي حمام انظف السيارة يعني مرات 4 مرات في الاسبوع وهكذا حسب يعني يعتمد
سيارتي احافظ عليها لكن مشكلتي الفلوس انا مش من
النوع اللي يحب الفلوس لكن اشوف ان مرات لازم يكون عندك فلوس
مثلا اخر مرة وديتها تشييك اوكالة كان يوم كملت
مممم متى؟
65000 كلم
لكن الحين كملت 85500 تقريبا
ولا وديتها الوكالة
اللهم اغير الزيت وانظف الفلتر من محطة ادنوك للتوزيع
لا درامات ولا شي غيرته ولا فلتر زيت ولا فلتر بترول :(
لكن صدقوني وقت ما اشتغل ما بخليها كذا ابد
طبعا الراديتر كل يوم اشيكه اذا شفته شوي ناقص ازيده
والزيت كل 5 الاف كيلو اغيره
السيارة شي مهم لنا تلحق للصلاة وللدوام خاصة اللي دوامه بعيد
بس لازم نراعي الاشياء الثانية طبعا
مثل الصلاة والمذاكرة والاذكار والأهل
ما نخلي حبنا للسيارة اكثر منهم طبعا
حبها عشان نحافظ عليها اوكيه
هذا كلامي
تحياتي لكم
اخوكم
كروزر2000
SAARY
21-12-2003, 04:17 PM
رد مقتبس من 760IL
والله كلامي من كلام AMG لاازيد ولاانقص
وشكرا على الموضوع
وشكرا على الموضوع
Z06
مشكور على ردك اخوي...
تحياتي..
cruiser2000
مشكور على إبداء رأيك اخوي...ولا تخاف..انا متأكد ان الشباب لا ينامون في سيراتهم و اكيد لن يضيعون عنهم صلاة الجماعة...
تحياتي..
SAARY
مشكور على الرد..
تحياتي..