سوالف للجميع - للمناقشة ..هل تفضل الــCD ام تفضل الكاسيت

27-11-2003, 07:24 AM

بسم الله الرحمن الرحيم
السلام عليكم ورحمة الله وبركاته
حبيت اخذ ارائكم حول الــCD والكاسيت
ولكل واحد منهما ايجابيات وسلبيات

اذكروها هنا لو سمحتم مع العلم
اني افضل السي دي
لسهوله البحث فيه ولخفته ولكن مشكلته انه سريع العطل

انا مستغرب من حاجة وحدة بسسس
وهو ان الحقيبة الي عندي الخاصة بالسيديات حق السيارة طبعا
المشكله ان السي دي كلها خربت وعلى كلام احد الاخوان ان الشمس تعدمها

طيب وين احفظها من الخراب ؟
والسيارة واقفه تحت الشمس وفي الشارع ؟

هل هناك حل ؟

سردال

27-11-2003, 07:43 AM

شخصياً أفضل CD، وإن شاء الله قريباً أتخلص من كل الأشرطة عندي، خصوصاً إن أشرطة القرآن والأناشيد بدأت تنزل CD باقي المحاضرات لا زالت على الأشرطة لأنها طويلة والسي دي ما يقدر يضم محاضرات طويلة.

على أي حال، إذا السيدي ما تسمعه، حطه في شنطة خاصة، روح أي محل كمبيوتر وبتحصل شنط صغيرة تقدر تحفظ لك 20 أو 50 سيدي، وحطها بعيد عن الشمس والحرارة العالية، وإلا راح تخترب.

King_SS

27-11-2003, 08:12 AM

سياسة التكنلوجيا الجديدة تنعدم فيها الاشرطة الممغنطة والاسباب عدة منها عدم امكانية تشفير او عمل decode للاشرطة الممغنطة وبالتالي يتم سرقة محتواها بسرعة

وغير كذا فهي قابلة للتلف والعطل في اي وقت وبعض الاحيان يكون بسبب مصادر خارجية مثل حرارة او كهرباء او مغناطيس بالقرب

واحد الاسباب ايضا هو حجمها الكبير

وكمية المعلومات اللي تشيلها اصبحت ضئيلة جدا مقارنة باحتياجات العصر والفرد

كانت في السابق تكتب المعلومات على وجه واحد من الشريط الممغنط واصبحت من ثم على وجهين والان اصبحت على وجهين ومضغوطة ..

بينما لو تلاقي امكانيات السي دي تلاقيها عالية جدا ومساحته كبيرة والان مع وجود سيديهات ال DVD اصبح من الممكن انك تشيل 5 جيجا بايت بدون مشاكل

لدرجة انو اصبحت بعض الشركات مثل سوني وباناسونيك ينتجون كميرات تحمل في داخلها DVD للتسجيل عليه عوضا عن الشريط الممغنط

وهذا نفسه ينطبق على الكميرات الفوتوغرافية الديجيتال حيث اصبحت بكروت ذاكرة

وهي خطوة تمهيدية لمحو الاشرطة الممغنطة والاعتماد على التكنلوجيا الحديثة ..

وعندي خبر عن شركة يابانية في صدد انتاج كمبيوتر تحطه بدل مسجل السيارا ويحوي في داخله على انترنت عن طريق الستالايت وقرص صلب صغير جدا ذو سعة تخزينية تصل الى 200 جيجا بايت

انا لقيت احداها في شركة بايونير ( في اليابان طبعا ) ويحوي في داخله هاردسك 10 جيجا بايت ..

يا راجل انا شريت جهاز ياباني من شركة اسمها اركوس وهو عبارة عن فيديو بحجم المحفظة اللي تشيل فيها الفلوس .. فما بالك بتكنلوجيا تخزين المعلومات

king_prelude

27-11-2003, 08:15 AM

من جهتي السي دي أفضل لأنه

1 _ أصفى
2_ أرخص لأن أسويهم في البيت
3_ أسرع
4_ مااااياخذوا مكان كبير زي الأشرطة

ومشكور S8 على الموضوع الحلو

CRX

27-11-2003, 08:20 AM

رد مقتبس من king_prelude
من جهتي السي دي أفضل لأنه

1 _ أصفى
2_ أرخص لأن أسويهم في البيت
3_ أسرع
4_ مااااياخذوا مكان كبير زي الأشرطة

ومشكور S8 على الموضوع الحلو

loolicpolic

27-11-2003, 04:35 PM

طبعا السي دي ومن غير تردد، وأكيد بيكون للأسباب إلي ذكروها الشباب..

تحياتي.

ملاحظه: لا يمنع ذلك من الحنين إلى الكاسيت في بعض الأوقات!

A7medo

27-11-2003, 04:48 PM

والله أنا أفضل الCD لأنه براحه الصوت أوضح من الشريط أو أن الحين ما أستعمل الكسيت خير شر حتى في غرفتي ما عندي مسجل

560SEL

27-11-2003, 05:03 PM

السلام عليكم ورحمة الله وبركاته

ألف شكر يا أخوي S8 على الموضوع المتميز

الشريط الممغنط أصبحت أيامه معدوده و يستعد لتوديع الساحه التكنولوجيه . فهذه الاداة لم يعد لها مكان في وجود التقنيات الحديثه مثل MMC و SD و CD و DVD و غيرها

انا افضل ال CD على الكاسيت بمراحل لأنه أصبح أقل تكلفه و أسرع و اقل مشاكل و أسهل في الاستخدام و أكبر في المساحه التخزينيه ...الخ

قد يعترض أحد الاشخاص على كلمة "أقل تكلفه" و لكن هذا هو الواقع حيث في وجود الانترنت أصبح بالامكان ايجاد جميع ملفات الصوت و الصوره تقريبا و في وجود ال CD writer أصبح بالمكان تصميم ال CD بكل يسر و سهوله و حسب الرغبه

تحياتي

AU (TT) DI

27-11-2003, 05:03 PM

ماقدر أصوت سامحوني ..:help:

تطلع لي صفحه ماأدري وشلون ..

المهم أنا أفضل CD

مثل ما قالوا الأخوان تخزين أسهل وأوضح صوت ونقاء ..

بس للآسف بالسعودية ما عندنا متوفر لهالدرجخ مثل الكاسيت

تحياتي

DDesigns

27-11-2003, 06:33 PM

بالتاكيد السيدي افضل بكثيـــــــــــــــــــــــــر من الكاسيت ..

واصلا ما يبيلها انتشار في السعوديه لان النيت مليان مواقع تنزل منها الاغاني اللي تبيها طبعا الا العربي فا هو غير صافي ....

اما بخصوص الاشخاص الذين يشتكون من خراب السيدي بسرعه فا الحل هو انكم تتركون سيديات ابو 70 هلله او ابو ريال لانها هي افضل شيء وهي اللي ما تعمر معاك .

وجرب تاخذ سيديات ام 1.9 ريال او ام ريالين ونصف ..

ولو تحكها في يدك ما راح تخرب بهذه السهوله .

وبخصوص الشمس فا انا سيدياتي اتعمد احطها في الشمس ابشوفها تخرب ولا لا ..

ولكن الحمد لله كل شيء تمام والسيديات ما تخرب الا فوق حرار 50 او 60 ..

الفيصل

27-11-2003, 06:47 PM

أفضل ال CD طبعاً ... لكن المشكلة ألبوم الكاسيت

ينزل أول ... عكس ال CD .. ألبوم CD ياخذ له اسبوعين

على الأقل ... هذا نقطة سلبية لشركات الاننتاج العربية ..

و عندي استفسار للخبراء ... هل يحتاج CD Changer تنظيف ؟

و كيف الطريقة ؟ لاني على حسب علمي ال CD مع التشغيل

و بعد مدة يوسخ الهيد Head مال CD Player ... !!!

و تقلبوا تحياتي ... و شكراً

HOLDEN-SSX

27-11-2003, 08:40 PM

رد مقتبس من king_prelude
من جهتي السي دي أفضل لأنه

1 _ أصفى
2_ أرخص لأن أسويهم في البيت
3_ أسرع
4_ مااااياخذوا مكان كبير زي الأشرطة

ومشكور S8 على الموضوع الحلو
:glasses:

27-11-2003, 11:12 PM

الأفضل الاثنين معاً

ACCORD-V6

27-11-2003, 11:32 PM

اكيد السي دي
اسهل في البحث
اسرع
اوضح صوت

لكن الاخ 560
السي دي مب اقل تكلفة
اقل تكلفه
اذا نستخته انت من جهازك
لكن شركات الانتاج ماراح تترك المواقع على كيفها راح تضيق عليها حتى تمنعها من تنزيل الملفات الصوتيه

الاخDDesigns
وش رايك في سيديات Verbatime
data life plus
data for life
اشتريها الواحد بريالين

بصراحة مارضى يصوت من جهازي

مشكورS8
على الموضوع الرائع والمتميز
فعلا هذا الموضوع كان شاغلني من زمان

اشف جدا جدا على الاطالة...

HaKeM

28-11-2003, 09:44 AM

أفضل الCD لأنه أصفى وأسرع في البحث وتقدر تحط فيه أي مقطع صوتي من جهازك ويحمل ملفات صوتية كثيرة الMP3

أما الشريط العادي أبغى أشيله وأحط بداله شاشة

تحياتي:)

560SEL

28-11-2003, 05:50 PM

رد مقتبس من ACCORD-V6
اكيد السي دي
اسهل في البحث
اسرع
اوضح صوت

لكن الاخ 560
السي دي مب اقل تكلفة
اقل تكلفه
اذا نستخته انت من جهازك
لكن شركات الانتاج ماراح تترك المواقع على كيفها راح تضيق عليها حتى تمنعها من تنزيل الملفات الصوتيه

الاخDDesigns
وش رايك في سيديات Verbatime
data life plus
data for life
اشتريها الواحد بريالين

بصراحة مارضى يصوت من جهازي

مشكورS8
على الموضوع الرائع والمتميز
فعلا هذا الموضوع كان شاغلني من زمان

اشف جدا جدا على الاطالة...

كلام جميل جدا

الكلام هذا صحيح اذا كنت تنزل الملفات من مواقع لكن الان فيه برامج تلقا فيها كل اللي تبيه من ملفات الصوت و الفيديو مثل Kazaa و iMesh و WinMX كل هذي البرامج توفر لك ملفات الصوت و الصوره من ((مستخدمين)) يعني مهما فعلت مؤسسات الانتاج ما راح تقدر تضيق الخناق عليهم و لو بعد حين

تحياتي

كرمبع

28-11-2003, 06:11 PM

بصراحة بصراحة وبصراحة وبدون زعل...

انا افضل الراديو...

ياكثر محطات الاف ام هالايام كل شي موجود عربي انجليزي شامي خليجي هندي اوردو فرنسي ايراني بالاضافة الى الاذاعات المتميزة القران الكريم والشارقة...

مع انه صحيح كل شي موجود بس ماستخدم الاثنين..

بس السي دي اكثر استخدمة عن الكاسيت...

Dreamer

28-11-2003, 07:30 PM

اعتقد ان الموضوع صار مسألة وقت فقط

ومهما كانت الرغبات الCD راح يكون في جميع السيارات و الكاسيت راح يختفي.
اول ماجيت امريكا استاجرت هونداي اكسنت2003 و ماكان فيها الا سيدي. قلت الله يعين الين اشتري سيارة لان كل الاشرطة الي جايب معي كانت كاسيت. المهم قدر الله و اشتريت سيارة موديل 2000 و كانت نفس الشي مافيها الا CD

المهم بعد استخدام الCD وجدت انه افضل من الكاسيت لسهولة البحث و جودة الصوت.

و التوجهه الان الى استبدال الكاسيت بالCD

الغريب ان اغلب الشباب فضلوا الCD هنا وهذا المتوقع ......بس لما نزلت الهوندا الاكورد بCD بس انا لاحظت ان الكثير من الشباب كان يتذمر من هالشي و اعتبروها من سلبيات السيارة.

Dreamerd

STS4ever

28-11-2003, 11:23 PM

جربوا سيديات سوني وشوفوا بتخرب ولا لا :) وخلك من ابو 100 حبه بـ 100 ريال :)

سلام

بوخالد

29-11-2003, 07:19 AM

السلام عليكم

انا شخصيا افضل الCD لا هذا ما يمنعني اني استخدم الكاسيت لانه
لانه في بعض الاشرطه ما تحصلهم على السي دي (ادري بتقولي لي دخلها على الكمبيوتر وبعدين حطها على السيدي :laugh:) لكن ايضا الكاسيت له فوائد

وانا ما اشجع شركات السيارات الي تنزل مواترها سيدي بدون الكاسيت
مثل الهوند
والشفر(لومينا)
والبيجو

والسموووووووحه:corsair:

760IL

29-11-2003, 09:45 AM

رد مقتبس من M5
الأفضل الاثنين معاً
انا اتفق معاك في هذي

DDesigns

29-11-2003, 03:45 PM

اخوي ACCORD-V6

بالتاكيد Verbatim تعد من افضل الشركات لانها تصنع من قبل مصانع

Mitsubishi Chemical

ولكن يجب ان تتاكد من انه مكتوب عليها DataLifePlus

واذا كنت شاك انها اصليه في برامج تحطها تقولك ايش الشركه المصنعه .

لانه في Verbatim تقليد ..

اما السوني فا كله تعبان ما عدى اللي مصنوع في اليابان لانه مصنوع من شركه Tayio Yuden .

وهي افضل من Verbatim .

عاشق التضبيط

30-11-2003, 11:38 AM

انا بصراحه افضل ال CD لان مميزاته احسن مثل ماقلتو

وبنفس الوقت ما استغني عن الكاسيت

انا عندي بالسياره CD و كاسيت

وانا ماستغني عن الكاسيت لان اول شي اذا نزل شريط جديد ابي اسمعه على طول فاضي انا احوله سيدي ؟ مشوااار:D

ثاني شي كثير اللي اعرفهم يجيبون اشرطه معهم عشان يسمعوني اقولهم حولوه سيدي وجيبوه ؟:D

عشان كذا مريح نفسي وحاط سيدي وكاسيت واستني اليوم اللي يقول عنه الكنج وابدلهم بكمبيوتر:banana:

الأنصاري

30-11-2003, 12:10 PM

طبعا السي دي افضل من جميع النواحي
بس الكاسيت رخيص وهو المنتشر
مع الوقت بيختفي الكاست ويبقى السي دي وهذا حاصل من زمان في الدول الغربية

ACCORD-V6

01-12-2003, 01:11 PM

***************************************************
كلام جميل جدا

الكلام هذا صحيح اذا كنت تنزل الملفات من مواقع لكن الان فيه برامج تلقا فيها كل اللي تبيه من ملفات الصوت و الفيديو مثل Kazaa و iMesh و WinMX كل هذي البرامج توفر لك ملفات الصوت و الصوره من ((مستخدمين)) يعني مهما فعلت مؤسسات الانتاج ما راح تقدر تضيق الخناق عليهم و لو بعد حين
********************************************************

تحياتي

اخوي 560SEL
كلامك صحيح
بصراحة ماكان عندي فكرة من هذه الناحية
لكن وين احصل هذي البرامج لان ماعندي فكرة عنها واسف جدا على الازعاج

ACCORD-V6

01-12-2003, 01:17 PM

DDesigns
****************************************************
اخوي ACCORD-V6

بالتاكيد Verbatim تعد من افضل الشركات لانها تصنع من قبل مصانع

Mitsubishi Chemical

ولكن يجب ان تتاكد من انه مكتوب عليها DataLifePlus

واذا كنت شاك انها اصليه في برامج تحطها تقولك ايش الشركه المصنعه .

لانه في Verbatim تقليد ..

اما السوني فا كله تعبان ما عدى اللي مصنوع في اليابان لانه مصنوع من شركه Tayio Yuden .

وهي افضل من Verbatim .
**********************************************************
اللي اشتريها اخوي
لون العلبة ازرق
ومكتوب تحت كلمة VERBATIME
بالخط الصغير datalifeplus

وفيه مكتوب ايضا بالخط الكبير data for life

اسف على الازعاج وشكرا....

BMW745Li

02-12-2003, 12:15 AM

وعليكم السلام ورحمة الله وبركاته

أكيد CD أفضل

وأما طريقة الحفظ فأنصحك تحفظها تحت المرتبة :banana:

المبتسم

02-12-2003, 03:02 AM

أنا عن نفسي افضل السي دي بكثيييييييييييير..
لانه مرتب ...وتقدر تبحث فيه بسهوله عن الشئ اللي تبغاه :)..

بعكس الكاسيت...
لكن برضو الكاسيت وجوده شئ اساسي في السيارة ....
وبالنسبة للسي دي ..

فيه ZIP خاصة بالسيديهات ...تحميها من الشمس ..
ولزيادة الامان حطها في درج السيارة :D<<< جاب شئ جديد !

وبالنسبة للاعطال ..
فيه سي دي خاص بتنظيف العدسة ...يفضل انك تستخدمه كل اسبوعين
لتنظيف العدسة ...

تحياتو:)

02-12-2003, 07:48 AM

ماشاء الله تقريبا اتفق الجميع على ان السي دي افضل من الكاسيت وقد قدموا بعض الحلول والنصائح لحفظه من التلف ولنوعيه السي دي المفضله

ولكن لم يتكلم احد عن برنامج النسخ الخاص به

فمن منكم يستعمل الميديا بلاير مثلي ؟

او ليقترح احد ببرنامج افضل منه لانه بطيييييي جدا:(

560SEL

02-12-2003, 03:14 PM

رد مقتبس من ACCORD-V6
***************************************************
كلام جميل جدا

الكلام هذا صحيح اذا كنت تنزل الملفات من مواقع لكن الان فيه برامج تلقا فيها كل اللي تبيه من ملفات الصوت و الفيديو مثل Kazaa و iMesh و WinMX كل هذي البرامج توفر لك ملفات الصوت و الصوره من ((مستخدمين)) يعني مهما فعلت مؤسسات الانتاج ما راح تقدر تضيق الخناق عليهم و لو بعد حين
********************************************************

تحياتي

اخوي 560SEL
كلامك صحيح
بصراحة ماكان عندي فكرة من هذه الناحية
لكن وين احصل هذي البرامج لان ماعندي فكرة عنها واسف جدا على الازعاج

حياك الله يا أخوي

بالنسبه للبرامج أفضلها هو ال Kazaa لكن المشكله كيف تحصل كراك للبرنامج أو الرقم التسلسلي ((السيريال)) .. أما برنامج WinMx فهو مجاني و سهل الاستخدام و نتائجه مبهره و بتحصله في الموقع التالي :

WinMx (http://www.winmx.com)

أخوي S8
البرنامج اللي دايم استخمه في النسخ هو برنامج Nero و انا من وجهة نظري انه افضل بنامج نسخ موجود

تحياتي

STS4ever

02-12-2003, 06:36 PM

S8 انا بعد استخدم الميديا بلاير بعد مااحولها الى MP3 44H وتطلع صاااافي

لا والنسخ عندي سريع تماام

انت كم سرعة الناسخ عندك ؟

SKYLINE GTR

03-12-2003, 05:10 AM

برامج النسخ اللي اعرفهم هم النيرو و الايزي سي دي كريتور

اما برامج التشغيل هي الميديا بلير والريل ون

03-12-2003, 08:03 AM

560SEL
انا بالفعل في البداية استخدمت برنامج النيرو ولكن تفاجأت ان ان السي دي يشتغل مرة وحدة بس وبعدين يعطيني ايرور ((خطأ)) افادني العضو الاخ LH ان النيرو برنامج متقدم جدا ولا يصلح لاستخدام العادي بمشغلات السي دي من شركة كلارويون اليابانية لذلك اوصاني بالعمل على برنامج الميديا بلاير وبالفعل ولكن كان البرنامج جدا بطي ...ففي بعض الاحيان ينسخ السي دي في حدود 20 دقيقة واغلب الاوقات في ساعة واحدة كامله والمرة الاخيرة نسخ لي السي دي في ساعتين 2 تصدق؟:(

STS4ever
هلا والله فيك
بالمناسبة سرعة السي دي بلاير اللي عندي هي 52X24X52X

بالمناسبة
هل تستعمل ستريم بوكس ريبير في تحويل الملفات الصوتية الى MP3?

ارجو الافادة والتوجيه :)

أبوالزين

03-12-2003, 09:41 AM

بصراحة مو يهم , السي دي احسن لانه اوضح و انك تجدر تبدل في الاغاني على راحتك
و تجدر تسمع 2pac و انت مرتاح :D

STS4ever

03-12-2003, 01:17 PM

وانا بعد 52*24*52 وسريييع نسبيا يعني دقيقتين ويكون السي دي جاهز اما السيدي رايتر الاول كان سرعته 12 :) اروح واشرب شاي وارجع والاخ توه مخلص :) بس الحمد لله تعطل وانفكينا منه :)

سلام

03-12-2003, 01:29 PM

طيب في رايك وش الحل؟

silver

03-12-2003, 11:58 PM

بالنسبة لي ... افضل السيدي مع أن سيارتي ما فيها سيدي لكن إنشاء الله قريب نركب

بالنسبة لي استعمل برنامج النيرو في النسخ
وبرنامج StreamBox في التحويل

S8 ... الأفضل إذا جيت تنسخ سيدي صوتي أنك تخلي سرعة الكتابة على أقل سرعة ممكنة ولا ماراح تشغلها معظم الأجهزة ... إلا الكمبيوترات ... يعني سرعة 4X او 8X او 12X بالكثير ... هذا إلي لاحظته عندي LG-RW 48x16x48

ماراح ياكلها إلا يسمع السامري والجلسات :D
;)

ACCORD-V6

04-12-2003, 03:50 AM

S8
انا استخدم نيرو
وماشي معي تمام ماشاء الله
صديقي كان مثلك
وظن ان المشكلة من النيرو
لكن غير السيديات اللي يستخدمها الى verbatime
السيدي الواحد بريالين
وماشي تمام

اسف على الاطالة

ACCORD-V6

04-12-2003, 03:53 AM

***************************************************
حياك الله يا أخوي

بالنسبه للبرامج أفضلها هو ال Kazaa لكن المشكله كيف تحصل كراك للبرنامج أو الرقم التسلسلي ((السيريال)) .. أما برنامج WinMx فهو مجاني و سهل الاستخدام و نتائجه مبهره و بتحصله في الموقع التالي :

WinMx
****************************************************

اخوي 560SEL
مشكور اخوي وتعبتك معاي
راح اشوف الوصلة

silver

04-12-2003, 05:41 AM

ليش الكازا يحتاج كراك ... :confused:

انا من زمان استعمله بدون كرك ولا شيء
http://www.3rb.cc/upload/up/silver_kazaa.gif

04-12-2003, 05:55 AM

المشكله اللي محيرتني اكثر وراح تحيركم معايه زيادة ان السيديات اللي نسختها عن طريق النيرو تشتغل مرة واحدة فقط في سيارتي وعند تجربتها على نفس سيارة خويي من نفس النوعية وبها نفس المشغل فانها تشتغل عنده على طول وفي اي وقت ...لكن عندي لا ....

طيب ممكن تفيدني كيف اقدر اغير في السرعة ؟ بس ماادري انت تقصد سرعة السي دي رايتر ؟

STS4ever

04-12-2003, 10:16 AM

الحل سوي اللي اقلك عليه بالضبط وبتشوف السرعه واذا ماضبطت معناته السيدي عندك مش مضبوط يبغاله وزن اذرعه لانه يتفتف :)

شوف ...

اول شي شغل الميديا بلاير ( لايشيخ )

بعدين رح اختر من القائمه ادوات > خيارات > الاجهزه

بعدين اضغط ضغطه وحده على درايف السيدي رايتر

بعدين اختر خصائص اللي موجوده في الاسفل فوق موافق والغاء والشغلات هذي

الحين فتحلك نافذه جديده اضغط من فوق على كلمة تسجيل

في قائمه منسدله ( الثانيه ) افتحها بتلاقي فيها السرعات الان اختر سرعه 52

وموافق موافق موافق ... وافق على اي شي حتى يرجع للميديا بلاير

والحين انسخ ... اذا مانسخ سريع فمعناته في مشكله وتعددت المشاكل وانا ماادري ايش هيه << جاب مثل جديد

يالله اي خدمه

سلاااام

560SEL

05-12-2003, 06:01 AM

رد مقتبس من silver
ليش الكازا يحتاج كراك ... :confused:

انا من زمان استعمله بدون كرك ولا شيء
http://www.3rb.cc/upload/up/silver_kazaa.gif

صحيح لكن المشكله اني طحت في برنامج Kazaa Gold و هذا البرنامج يتطلب كراك

بالنسبه ل Stream Box هذا البرنامج جيد لكن مشكلته ان يحول بعض مسارات الصوت و ليس كلها و لا حتى أغلبها

S8

انا جربت النيرو و اشتغل معاي في كل السيديات

تحياتي

عاشق اليوفي

05-12-2003, 06:16 AM

مسا الخير.....انا افضل السي دي.....واشتريت واحد سي دي محمول بس تعبت معه لانه يشتغل على سلك محول 220 او على البطاريه وانا استخدم البطاريه وتخلص بسرعه ماادري هل عندكم حل بديل عن البطاريه العاديه...لانها فعلا تعبتني..؟؟

05-12-2003, 06:40 AM

رد مقتبس من 560SEL

S8

انا جربت النيرو و اشتغل معاي في كل السيديات

تحياتي

ماادري وش نوعية المشغل عندك؟ وهل هو من النوع المتقدم ؟

مثلا يظهر لك اسم المقطع واسم قائله مثلا وطوله وحالته وووالخ ؟
ام يعطيك اسم المقطع على اساس انه تراك؟

05-12-2003, 06:44 AM

عاشق اليوفي
شكرا على المشاركة

المشكله انك اخذت مشغل لا يعمل الا على الكهرباء او البطارية الخاصة به

هناك انواع موجودة في السوق تعمل على بطارية السيارة وهذا النوع اللي انا ناوي اشتريه قريبا ان شاء الله

موجود في السوق من شركة سوني وسعره في حدود 450ريال والله اعلم