أشكال المرسيدس S-Class الجديدة الى الأن - شالسالفه

[Ascari]

السلام عليكم يا شباب سوالف


هذي اول مشاركه لي في المنتدى اللي صار لي اكثر من سنه متابعه :confused:


:D


اتمنى اني ما اكون عضو ثقيل عليكم وانشالله القى منكم الترحيب



بالنسبه للموضوع .... طلعت للفياغرا الجديده أو ال S-class موديل 2005 او 2006 صور كثيره الى الآن

كل فتره تطلع لها صورة زياده ... ولو تلاحظون كل الصور تعديل فوتوشوب


ما عدا ال spy shots اللى السياره تبين فيها بدون هيكلها حقيقي أو بهيكل اسود


خل نستعرض ال Spy shots في البدايه

(معليش الصور كبيره شوي)

http://bilder.autobild.de/bilder/1/41670.jpg
http://www.autoexpress.co.uk/picture_library/dir_19/car_portal_pic_9900.jpg
http://www.autocity.com/img/actualidad/galerias/20030416182541gal2.jpg
http://www.autocity.com/img/actualidad/galerias/20030416182615gal2.jpg
http://www.digitalpose.com/mbr/1/20811/p/558623_2678134903547650006_vl.jpg

وغيرها كثييييييير


بس الشكل الحقيقي مو مبين


الحين خل نشوف الصور المعدله بالفوتوشوب

http://www.autocity.com/img/actualidad/galerias/20030416183021gal2.jpg
http://www.autocity.com/img/actualidad/galerias/20030416183056gal2.jpg

الشكل هذا واضح انه ملعوب فيه بقووه وما اتوقع انه الحقيقي

وفيه الشكل هذا

http://bilder.autobild.de/bilder/1/41404.jpg

وهذول

http://www.stern.de/_content/50/17/501708/sklasse400.jpg

http://bilder.autobild.de/bilder/1/41672.jpg

http://a298.g.akamai.net/7/298/5382/092103194329/www.ll-0.com/autospies/word_images/8261200_image007.jpg

وهذا آخر شكل طلعوه

http://membres.lycos.fr/aissein/newS1.jpg


مهما كان صعب الواحد يحدد الشكل الحقيقي

لأن لو تلاحظون فيه اختلافات كبيره بين ال spy shots والصور المعدله من الفوتو شوب .. منها :

1- شكل الاصطبات (اللمبات) الأماميه

2- ارتفاع الشبك الأمامي

3- مستوى الاصطبات الخلفيه مع الشنطه

4- اهم شي اللي مو موجود بأي صوره ... ارتفاع مستوى الأبواب الخلفيه ... تلاحظون الدريشه الخلفيه تصغر والباب يرتفع ... مو موجود بأي من الصور المعدله

5- الفتحات فوق مقدمة السياره .. امام المساحات .. منفصله او متصله؟


ولو تلاحظون هنا


http://www.freestyle-racing.de/temp_kai/bild2.jpg


انوار التنبيه للرجوع الى الخلف (الريوس) تحت في الزاويه ... يختلف عن بعض الصور


كل هذا يشير الى انه الى الآن ما طلع الشكل الحقيقي لل S-class الجديده


الى وقت الخبر الأكيد نستمتع انشالله بالمزيد من صور الفوتوشوب :D


وهذي صوره للسياره من الداخل ... (تشبه البي ام :confused: )

http://216.73.106.70/S-class06.jpg
http://a298.g.akamai.net/7/298/5382/092103194329/www.ll-0.com/autospies/word_images/8261200_image012.jpg



اللي عنده استفسار او مداخله او تعقيب او اعتراض او اضافه او تنبيه الى شي ما انتبهت له او او او لا يبخل علينا :D




اسكاري

[مشاكس أفندي]

مشكووور

[E240]

وعليكم السلام ورحمة الله وبركاته
حياك الله اخوي Ascari:)
مشكور جدا للموضوع الممتاز وانا اشوف فيك انشاءالله العضو المتميز اللي راح تفيد به المنتدى:banana: .
بس ليش بيغيروا الشكل وهو توه جديد وبعدين شكله ناجح والشكل القديم اللي هو الشبح غيروه لان في عيوب في الوزن و .........الخ و انه ما كان ناجح في اوروبا لكن الشكل الجديد ناجح .
عالعموم مشكور على الطرح الجيد.;)

[king_prelude]

مشكور على الموضوع وعلى مجهودك الراااائع


:help: :help: :help: :help:

[A7medo]

تسلم حبيبي على الموضوع أو باين عليك أتحب ال S-CLASS

[Ascari]

مشاكس أفندي

العفووو اخوي :)



E240

تسلم حبيبي على اطرائك ... وانشالله افيد واستفيد

وبالنسبه للشكل هذا صار له فتره طالع ... من عام 99 .... وهذي عادتهم 6 او 7 سنين ويتغير شكل السياره ...

خصوصا وان التكنولوجيا اللي في البي ام الجديده خلتهم غصب يطلعون الشكل الجديد .... ويبكرون موعده الى بداية عام 2005 ... في معرض فرانكفورت



king_prelude

حياك الله اخوي :)


A7medo

الله يسلمك ... انا عشقي الأوربي كله .... ومرسيدس وبي ام وأودي عندي سواااا :D



مشكورين على الترحيب :)

[X_RaYs]

تسريب صور سياره مثل الـS-Class شي مستحيل خاصه اذا كان من شركة مثل مرسيدس !!

انا من ناحيتي .. اشك في مصداقيه كل الصور هذي .. واعتقد ان الشكل النهائي للسياره بيكون بعيد كل البعد عن التصاميم البشعه هذي .. وأكيد أجمل !!

مشكور Ascari

[زورو الامارات]

السلام عليكم ورحمة الله وبركاته

هلا والله

شوف الشكل الرسمي هو المغطى بالاسود

الاختلاف بيكون فقط في شكل الانوار الاماميه والزوايد وكم شغله


اما باقي قصات وحواف البدي بتكون نفسها

هذا والله اعلم بس تو الناس عليها
يبي لها على الاقل 3 سنوات لان الاس كلاس بعد التعديلات الي نزلت عليه 2003 اصبحت مبيعاته اكثر خصوصا ان شكله احلى

وكذلك زبائن البي ام الفئة السابعه بتصميمها الثوري او الخرافي او اي اسم سموه ماحقق مبيعات كبيره فانصبت المبيعات الى خانة مرسيدس بنز

[AU (TT) DI]

أهلين فيك أخوي ..:)

أنا بعد جديد بالمنتدى ولو إني مثلك من زمان أتابعة بس من وقت لوقت

بصراحه أول مره أدري عن هالموضوع .. ولو غيروا شكل المرسدس بهالسرعة تصير سابقة بالنسبة لشركة مرسيدس

شكرا لك على موضوعك الرائع

[Ascari]

X_RaYs

أكيد التسريب صعب جداً ... والصور هذي مجرد تعديل فوتوشوب وبعدين يبين انها كذب .... ماعدا الصور اللي تبين فيها السياره سودا ... اللي هي الصور التجسسيه ... فهذي غالبا حقيقيه

وتسلم اخوي :)


زورو الامارات

ما اتوقع ان التغيير بيكون بسيط زي كذا ... التغيير أكيد بيكون جذري ... لأن التغييرات اللي صارت في موديل 2003 كانت لمجرد زيادة المبيعات...

يوم نزلت بي ام دبليو الفئه السابعه الجديده .. مرسيدس خافت أن بي ام دبليو تاخذ السوق منها ... فقررت اصدار طراز جديد من ال s-class فيه بعض المواصفات اللي كانت مخططه انها تنزل في الموديل الجديد ..

يعني شكل 2003 مجرد تحسين بسيط لمده قصيره ... ونزل خبر رسمي من مرسيدس بأن S-class الجديده بيعرضونها في بداية عام 2005 في معرض فرانكفورت ...

يعطيك العافيه :)


AUDI S

تسلم اخوي على ردك واطرائك ... الحقيقه ان مرسيدس لو ما نزلت S-class جديده بتروح عليها ... لأن البي ام دبليو والأودي نزلوا موديلاتهم الجديده .. فلازم مرسيدس تواكبهم لا تروح عليها :D

[بيتل]

السلام عليكم


أتوقع راح تكون أكبر حجم و عليها مكينه روعه :p

و يكون فيه نظام تحكم منافس للبي إم I drive

و راح يكون فيها شبه بالمايباخ و CLS

و ننتظر الكم الهائل من الإبتكارات الي فيها كالعادة :black:

تحياتي
بــيــتــل :D

[Dentist]

مشكوووور على الموضوع الحلو

وإذا هذي بداياتك فما أقول الا ماشالله :eek:

وبخصوص الصور

اذا بتجلس تتابع هالموضوع اعتقد ماينزل الموديل الجديد الا وانت في حاله يرثى لها :banana: :banana:

ويا مخ مابعدك مخ :p

[mustang cobra]

بسم الله الرحمن الرحيم
الموضوع ممتاز وازيدكم من الشعر بيت سمعت ان ال(s 500)بتكون قريبه جدا من 400 حصان
فما بالك في الوحش المفترس (s600)اذا كان الحين هي 500 حصان كيف الجديده واتوقع بعد 10 سنين من الان بتصير المنافسة من 800 حصان وطالع و400حصان بتكون نظرتنا لها مثل 200حصان حاليا الله يحينا لذيك الساعه وسلامتكم