مساعده ياشباب ....

[عاشق الجبال]

السلام عليكم ورحمه الله وبركاته:

الحقيقه هذه اول مشاركه لي في المنتدى واتمنى ان استمر معاكم علطول:)
واشكر الجميع على هذه المواضيع الشيقه:)
المهم انا محتار بين سيارتين :

لكزس 300ES
بيجو 607

فارجوكم ياشباب اعطوني اقتراحاتكم وبايش تنصحوني وسلامه الجميع.

[King 4x4]

همممممممممم

اختيار صعب شوي

اذا كنت تبغى سياره لها قطع غيار أسعارها حلوه خذ لك لكزس :glasses:

و اذا كنت تبغى سياره رياضيه و شبابيه خذ لك البيجو

[زورو الامارات]

السلام عليكم ورحمة الله وبركاته

مايبغي لها يا عزيزي اللكزس وبس

جوده وقله في المشاكل وسعر عند اعاده البيع

يعني صفقه رابحه خصوصا ان صار لها سنتين من نزلت يعني ماراح تتغير الا بعد 3-4 سنوات

[bashar_255]

السلام عليكم ورحمة الله وبركاته

الصراحه انا شفت البيجو من الداخل:cool: اكشخ من اللكزز و من طوايفها:cool:

شي الصراحه:glasses2: و بالنسبه لمشاكلها انا ما شفت وحده في الوكاله داخل الورشه فيها مشكله:rolleyes:

بس العيب في وكيلها :help: اول الأيام يشربنا عصير و آخرها يشوتك برا الوكاله:cry:

[عاشق الجبال]

الصراحه السيارتين حلوه وسعرهم قريب من بعض بس زي ما قلت "العيب في وكيلها اول الأيام يشربنا عصير و آخرها يشوتك برا الوكاله":cry:

طيب في استفسار ثاني:
مين الافضل من بين السيارتين:
1- لكزس 330 RX
2-قراند شيروكي لميتد

من ناحيه السعر والفخامه والصيانه.

[The Crown]

انصحك بال330 RX من ناحية الصيانة والفخامة لكن ماعندي فكرة عن الاسعار و مثل ماقاللك الاخ زورو الامارات : اللكزس صفقة رابحة

[TOP-SECRET]

رد مقتبس من The Crown
انصحك بال330 RX من ناحية الصيانة والفخامة لكن ماعندي فكرة عن الاسعار و مثل ماقاللك الاخ زورو الامارات : اللكزس صفقة رابحة

سعره فل اوبشن ب 158 بالنسبه عندنا في قطر لكن في الدول الثانيه ماعرف السعر بالضبط وفعلا فخمه الكزس الار اكس 330:)

[mustang cobra]

حط صور لها لاني ما اعرف شكل البيجو الي قصد انت تبيها

[SL500]

الشيروكي مب شين وشكله ازين من اللكزس
ولكن انا ما احب اقرب جنب الامريكي لمشاكلة
وخصوصا ان في ذا الجيب مشكلة لو صارت مادري وين على قولة واحد من عيال خالتي فالسيارة قل لها باي باي

[S8]

رد مقتبس من mustang cobra
حط صور لها لاني ما اعرف شكل البيجو الي قصد انت تبيها

هذي هي البيجو اللي اخونا صاحب الموضوع يتكلم عنها

طبعاً هالصورة لسيارتي البيجو 607

http://majed945.jeeran.com/Jul06_84.JPG

بالمناسبة ياكاتب الموضوع

البيجو 607 وصل سعرها الان الى 135 الف ريال سعودي
وسعر اللكزس ES300 هو 110 الاف ريال اي فرق كبير في السعر


انا ومن خلال تجربتي للبيجو 607 والتي استمرت لمدة سنه ونصف
فانا انصحك بالابتعاد كل البيجو وعدم التفكير بها
لانها تحتاج الى صيانه دائمة وتشييك كامل كل فترة بسيطة اضف الى ذلك انها تتوفر بالكترونيات كثيرة جدا ولكنها لا تستحمل اجوائنا الحارة ابدا
اضف الى ذلك خدمة الوكيل بالبيد التي كانت ممتازة ولكنها انحدرت الى الاسفل وهي في انحدار مستمر

مع اني اعلم ان اللكزس بشكلها الموجود الان غير مرضي وفخامتها ليست كفخامة البيجو الا اني انصح بها نوعا ما بحكم اني لم اجربها


الامر لك
ودمتم :)

[الشبابي]

البيجو كمواصفات ممتازة .....
الباقي سيئ من تفكك سريع الى اعطال الى قطع غيار الى طيحة قوية بالسعر عند البيع الى كل شي .....
لكزس شيك .......













اخوكم الشبابي

[عاشق الجبال]

سلام شباب:)
الله يعطيكم العافيه على هذه النصائح الغاليه والمهمه في نفس الوقت,
يعني نتوكل على الله والي اللكزس وانشالله تجينا رزقه طيبه ونسوي ابقريد لي اللكزس 330 rx :)

[هشومي]

رد مقتبس من زورو الامارات
السلام عليكم ورحمة الله وبركاته

مايبغي لها يا عزيزي اللكزس وبس

جوده وقله في المشاكل وسعر عند اعاده البيع

يعني صفقه رابحه خصوصا ان صار لها سنتين من نزلت يعني ماراح تتغير الا بعد 3-4 سنوات

نفس الكلام :cool: