فطوووووووووورك يا صائم .. مائدة سوالف

[أسير الليل]

السلام عليكم

خليوني أسرح بمخيلتكم وارهق حاسة الذوق
والشرب وكل شئ .. خلونا نتعرف على سفرة سوالف الاصدقاء
طبعا بالاكلات والمشروبات الشعبيه اللي اشتهرت برمضان :)
يعني يجيني واحد مثلا يقولي فتوش وتبوله على اساس انها اكله
قدييييمه حساابي معااااه بعد الفطور :mad:

نرجع للموضوع ( ونسير ) على مائدة اهل جده
ومكه والمدينه :) وجده بالتحديد ..

الشربه طبق أسأسي
والفول ( وتقديمه خاضع لبرستيج معين ) :)
ومع الفول .. عيش السحيره .. وهو مخلوط معاه حبات الحمص ..

السمبوسه وبالتحديد المثلثه ..
فهي سيدة المائده وما عداها فهم دخلاء :)
خاصة فرقة المعجنات بقيادة ( سبرنق ولد رول ) :laugh:

طيب نجي للحلى
عددهم بسيط مقارنة باصنااااف ( ابله ... ) ياااساااتر فجعة حلا
المهم الحلا وعلى قولهم يدفع البلا :glasses2:
قمرالدين .. تطلي .. سيقادانا .. مهلبيه :)

اما ام علي وعصابتها يحاولوا يحتلوا مكانتهم عبر بوفيهات المناسبات ;)

نجي للعصير
سيد المشروبات (( السوبيا )) وعلى قول مدردش الغفله صوبيااا :D في كثير ينزعجوا من سالفة السوبيا
لكن ما ينلاموا معلم عن معلم يفرق .. ومو كل مدردم بطيخ ;)
يمكن في معلومه ما يعرفوها ربعنا
ترى السوبيا تعتبر لها فوائد طبيه :)

والعصير الثاني طبعا (( عصير التوت ) والبعض يفضل
الفيمتوا .. وناس تقولك لااا التونوا افضل .. مزاااااااااااج ..
وما ننسى عصير التمر الهندي .. وايضا عرق السوس

هذه تعتبر مختصر مائدة رمضان لاهل جده
واي اضافه بعد كذا فهي الاختراعات النسائيه وتبادل الثقافات في
كيفيه الاتفاق على الاستهلاك :) وكذا نشوف مائدتكم العامره بالخير :)

[مرايا مبعثرة]

خووووش موضوع

اول شي عندي كم سؤاااال

اش هي ال سوبيا و ال تطلي .. سيقادانا

ماعرفهم :confused: :D


احنا عندنا اكلات يم يم كثيييرةةةة بالبحرين

مثل ...

الاطباق الاساسية

الشوربة ... الهريس

الجريش... الرز بانواعه (( كبسة وبرياني ))

وطبعا السمبوسك والكبااااب


الحلالالا

مافي شي معين بس الشعبي

هو الحلوى البحرينية والزلابية

طبعا اغلب الناس تحب القيمات والخنفروش (( هذي تهبللل ));)

الشرررراب والعصيرات

الفمتوووو هذا عاد ما يختلف عليه اثنين ولو انه مو شعبي بس الشكوى لله :D

لا تنسا تانج الليمون وربعة :D :D

طبعا اهم شي اللبننن << يعنني افتي الحين :p


بس خووووش موضوع

يسلمووو :)

[أسير الليل]

هلا مرايا مبعثره

شوفي وانا اخوك ( السوبيا ) مشروب مكوناته
البعض يستخدم ( العيش ) انتبهي مو رز يعني :)
والبعض يستخدم الشعير
طبعا يضاف لهم مقدار محدد من الماي + الخميره
والبعض يحب يدلعها ويضيف ( هيل )
طبعا كل هالوصفه لازم تاخذ ساعات حتى يتم تفاعل المكونات
مع الخميره يعنى مو اقل من 10 ساعات :)
طبعا تصوري فائدة ( البيره بدون حكول ) نفس الشئ ..
اشتهرت بالمدن الغربيه لانها تروي العطش مقابل الصيف الشديد فيها

التطلي .. سهل بس انا حبيت اوديكم بعيد :) هو طبعا ( الكاستر ) :)
اما السيده سيقادانا .. حلى لونه ابيض وخفيف وتجي معاه حبوب
صغيرووونه .. لا ونسيت اقولك الماسيه كمااان ..

اقول
وش وش ذا لا تقول رز على الفطور :shock2:
بعدين يمكن اتفقنا بسالفة لقيميات (( اللي ساروا يدلعوها لقمة القاضي

مرايا .. وين تانج الله يرحم والديك .. مررره قديمه انتي :)

وانا بسالك عن ( اللبننن ) لبن والا قصدك فتوش وربعها :)

على كلا حيااااك .. وسفره بحرينيه دائمه
بس ياحبكم للبريااااااني :)

[حروف سوالف]

السلام عليكم ورحمة الله وبركاته


والله شغلتكم شغله

الموضوع حلو لكن الي ابي افهمه النظام المتبع ..

يعني
احنا بالاول شيء خفيف مثل القهوه والتمر وماء ولقيمات اذا موجوده (ما ادري تعرفونها:):))وممكن حركتات حلوه من الحلويات الخفيفه جدا :)..وعصير طبعا :)..
وبعدين بعد صلاه المغرب تجي الشوربه والسنبوسه والمعجنات(الدخيله) ومعكورنه احينا او اشياء من العصر الحديث :)
الطبق الرئيس يكون الشوربه :) وتتبعه السمبوسه :)

تحياتي ..................


حروف سوالف

[MUSLIMAH]

ماشاءالله سفرة جداوية دايمة رغم اني نص الكلام مافهمت منه شي :OO:

وينج ياهايدي انقذيني من لهجة اسير :cry:

السفرة الكويتية لا تخلو من الشوربة و التشريبة ( هذا صج الطبق الرمضاني ) و السمبوسة و القطايف و اللقيمات و الهريس و اليريش و المجابيس و ساعات برياني :rolleyes:

أما مأكولات العصر الحديث فما أحبذها برمضان مو وقتها كلش :o

أقول أسير .. غريبة سفرتكم ما فيها فوفل :damp:

[مؤيد اف1]

مشكور على الموضوع بس انا واحد مااكل الا قليل التانكي صغير :D

[مرايا مبعثرة]

أسير

السوبيا << اول مرة اسمع عنه :)

الكسترد ... هذا تراث رمضاني

البرياني ... ترا مش دوم عالسفرة بس لازم الرز او الثريد اللي هو مرقة وخبز رقاق

وهذي السيقادانا << اسمها درب طووويل :D

لالا قصدي اللبن الابيض اللي يشربونه
وش فتوشه انت الثاني :D

رمضان كريم يا خوي :D

شاااو << الحين بيقولون لي ردي بتحية الاسلام ;)

[أسير الليل]

السلام عليكم
هلا بالكل والجميع .. اللي جا وراح .. واللي جالس واللي واقف :)
المعذره جدا على الرد المتأخر .. أخوك كان بوعكه صحيه
جابتني اسبوع وتكه .. وانعفس النظام .. لكن الحمد لله :)

ودحين نجي ونقول يافتاح ياكريم ونرد عليكم

هلا وغلا حروف
فعلا يازين الفطور يوم يبدء بالخفيف .. بس انتوا ما عندكم مشاكسين
ضد النظام زيينا :)
بعدين تعال تقول خفيف واكتشف بالاخير تقول شوية حلى ولقيميات
لو فيه :) اشوفك قمت تحلي قبل .... ;)
حروف وانا ليه ما نعرف ( القيمات ) على بالك عايشين في
موزمبيق :) الله يوفق مخك بس .. ويا حبي لك ..


هلا مسلمه
يعني انتي مو محصله غيري .. حاطه نقرك بنقر لهجتي :cry:
مسلمه شكلك قاعده تضحكي علينا عشان ما نعرف لهجتك
الشوربه وعرفناها ( و التشريبه ) والهريس وعرفناه ( والبريش ) :help:
بس بيني وبينك الله يديم عليكم النعمه سفرتكم دسمه :)
يعنى كذا السحور بيكون جبنه وحلاوه :)
اقول مسلمه ردينا لسالفة الفوفل .. مايسير برمضان ..
ويرجع من اول العيد وتفننوا فيه وساروا يحطون فيه العيديه قرينقش :)
ومع صباح العيد يجيك الفطير او الشعيريه وكمااااااااااااان

الدبيااااااازه :) يالله روحي دوري هايدي تترجمها :glasses2:


هلا مؤيد
الله يسعدك ويخليك كون الموضوع عجبك :)
وماشالله عليك باين عليك ما تحب شغلة ( الدور الثاني ) :)
يعني جلسه وحده وبس .. وفي الليل تدور النقنقه :)


هلا مرايا مجددا
وانا اخوك السوبيا حتي تنتشر بالخليج يبغالها قرن :) وبعدين حنا محتفظين بسرها وماركة مسجله :)
والثريد اتفقنا عليه بس اختلف المسمى ..
وخلي السيقدانا للسنه الجايه بجيب تفصيل عنها من عند
( ستيته ) :) اسالي مسلمه عن الكلمه تراااها خبره لهجات :)
وفي الاخير سفره دايمه .. وعسى الله يتقبل الصيام
ولا يحرمنا من اجر ما تبقى من الشهر الفضيل ..
وعليكم السلام ( وواثق انك مو مختلفه بالتحيه ) :)

تحيااااااااااااااااااااتي للجميع

[MUSLIMAH]

السلام عليكم ،،

تقبل الله طاعتك مشرفنا :)

و ماتشوف شر ان شاء الله ، أجر و عافية :)

شسوي يعني اذا ما افهم جداوي ، ياخي ما علمونا في المدرسة هاللهجة :damp:

ليش اضحك عليكم ؟؟ بالعكس لهجتي بسيطة و مفهووومة ، بس شكلك ما تشوف مسلسلات كويتية ;)

التشريبة الله يسلمك هي الثريد ( خبز و مرق )
و الـيـريش و ليس الـبـريش اللي اهو الجريش ، بس هذا بالكويتي :D

بالنسبة للسحور ، صراحة كل بيت شي ، احنا سحورنا نفس فطورنا ، يعني هم السحور دسم :glasses:

الفوفل حاط دوبه دوبي لي الحين ماعرف شنو اهو :cry:
دبيازة دبيازة .. امممم سامعة فيها بس نسيت اهي شنو ، بس اذا ماني غلطانة هي فواكة مجففة صح ؟؟ :rolleyes:

خااااااطري اترمض في مكة او جدة علشان اشوف هالاكلات ، إن شاء الله رمضان الياي بروح حق هايدي :o

[مرايا مبعثرة]

مسلمة ودوني وياكم << ماصدقت احد بيروح مكان :D

[هايدي]

أخي الكريم .. أسير الليل


ماشاء الله على السفرة الحجازية :)

نسيت بعد الزلابية وبيض الكوكو ودجاج البر ...
واللدو واللبنية ... :D
--------

قيمة الترجمة للكلمة الواحدة ( دينار كويتي ) ;)


---------

مرايا مبعثرة .. حياك الله أختي إنتي ومسلمة عندي بالبيت :)

[MUSLIMAH]

مرايا ، أمر عليج بطريقي ، بس انتي من وين :OO:

هايدي .. رمضان كرييييييييم و انتي تقولين لي على كل كلمة دينار :cry: انزين ميخالف خلي الكلمة بريال سعودي أحسن :D

[أسير الليل]

هلا اختي هايدي

شفتي كيف .. هذه السفره والا بلااااااش

يعني انتي جيتي بتمكلي الناقص كفاااايه عليهم

قال بريش مدري فريش ;)

مسلمه الدبيازه تتكون من ( حلاوة شعر وزيتون وقرنفل وحبتين برتقال
ومقدار كاس صغير رز ) وتخلط بالخلاااااااط ولا تنسي ترسلي لهايدي ;)

هايدي .. قولي لهم قفلنا باب العمره :)

مع السلااااااااامه

[مرايا مبعثرة]

هايدي تتشكووورات

مسلمة انا من البحرين يالله بسرعةةةةةةةةةة عزميني على اي شي :D

[هايدي]

أخي الكريم .. أسير الليل

ما شاء الله مكة مزدحمة بأهل الخير ..
الله يجعلها عامرة دوم .. :)


--------------

أختي الحبيبة .... مرايا مبعثرة

عازمتك على قلابة وتميس :)


حياك الله :)



أختكما ..
هايدي

[MUSLIMAH]

لاااااااااه أسير فصل على آخر رمضان :damp:

كل هذا دبيازة !! هذي خبيصة و ما تنوكل بعد :shock2:

أسير بسويها و برسلها لك ، و هذا ويهي اذا القطو اللي عند بيتكم كلاها :OO:

========

مرايا نطري بس خل ألقى مناسبة و أمر عليج ، خلج زاهبة في أي وقت
:p

========

هايدي أنا أبي تميس :banana: شكلي بستفسر من أسير شلون يسوونه ، الله يستر من المكونات و الطريقة بس :help: