View Full Version : سوال بس
حر اليدين
17-10-2003, 09:11 AM
السلام عليكم ورحمة الله وبركاته
كيف الحال وشلونكم كلكم انا عضو جديد وابي اتثيقل عليكم هالمره واسألكم سوال بس يا ريت القى رد
بغيت اشتري سياره وانا حاط في راسي كابريس رويال وش رايكم ترى محتار
وفي الاخير الشرف لي اللي دخلت معكم
بااااااااااااااااااااااااااااااااااااااي :banana: :banana: :banana: :glasses2: :glasses2: :glasses2: :glasses2:
حبوب بوظبي
17-10-2003, 09:19 AM
زين ما اخترت
الكابرس رويال ------> سيااااااااااااااره بالفعل
فخامه
قوه
ثبات
رحابه
(و من عيله طيبه):D :D
اتوكل على الله
حر اليدين
17-10-2003, 09:22 AM
حبوب بو ظبي تسسسسسسسسسسلم على الرد الحلو اللي يفتح النفس والله اقنعتني
الله يعطيك العافيه
King 4x4
17-10-2003, 11:14 AM
مبروك أخوي دخولك لذى المنتدى العزيز :D
(طولها)
بس شووووووووف
الكابرس من الداخل
حلللللللللووووووووووووووووووووو
من برى
حلووووووووووووووووو
في الخط
حلووووووووووووووووو
في اللفه (80 وما فوق و عاديه بعد)
فاااااااااااااااااااااشل
في الصيانه
فااااااااااااااااااااشل
في القطع
غاليه مقارنه بجودتها
ولك الاختيار
بس أنصح بشيء ثاني
ياباني أو ألماني
الامريكي الحين عامه الجديد ما يتحمل كثير
الامريكي 95 و تحت و لا تدور غيره
:black:
King 4x4
17-10-2003, 11:20 AM
ايه صح نسيت
واحد من الشباب عنده كابرس أس أس 2003
ماخذه فوق ال110 ألف
الحين ما يجيب له حتى 60 الحين
و يبغى الفكه منه :sleep:
بو مروان
17-10-2003, 11:37 AM
بسم الله الرحمن الرحيم
أخي حر اليدين
أنصحك نصحية لوجه الله
أبعد عن الكابريس وعن الامريكي عموماً
عندي أثنين من الربع
واحد عنده كابريس 2002 LS
والثاني عنده كابريس 2001 SS
مأخذينها وكاله . والحين طفشانين منها ويبون يبعونها
تخيل تشتري السيارة جديده بمبلغ فوق 100 الف وبعد فترة من استخدامها لو تبي تبيعها ما تجيب نصف قيمتها
ولااهم من كذا انها
الصيانه كما قالو الاخوان فااااااااشلة بمعنى الكلمة
وقطع الغيار غالية بالحيل ومبالغ في قيمها .
هذا كل الا عندي واتمنى لك حظ طيب وبالتوفيق
( ترى أنا كنت من عشاق الكابريس )
واحد متأثر بي (( كيف نعيش بلا كابريس ))
وفي النهايه فشلتنا كابريس . وخلتني عميل مع الورش .
تصدق لو أقلك سالفتي مع الكابريس : بتضحك علي
في كل مناطق المملكة زرت الصناعية .. والسبب كابريس
حتى سواقين الساطحة خزنة ارقامهم عندي بالجوال وهذا كله عشان كابريس
اسف على الاطالة
وارجو من عموم الاخواة جماعة كابريس أن لا يزعلو من كلامي . فهذا الحقيقة المرة التي عشتها اربع سنوات مع كابريس .
تحياتي
حبوب بوظبي
17-10-2003, 12:26 PM
الكابرس تاخذه وكاله و لا مستعمل نظييييييييييييييييييييف
و يكون جديد مب من سنة جدي
و بتكون لك مثل ما قالوا "خير رفيق فالطريق كابرس" :D :D :D
اللي يبغي يرتاح ما يقول ااااح :D :D
:D :D :D
حر اليدين
17-10-2003, 03:02 PM
تسلمووووووووووووووووووووووووووون كلكم على هالردرود اللي تقنع الواحد وتشككه في نفس الوقت بس انا الى الان ما دريت ناس مرتاحه مع كابريس وناس لا مثلا واحد من عيال عمي اشترا له كابرس ومرتاح على الاخر وينصحني فيها ويقول بو مروان انه عانا منه وش الحل اخذ ويش اذا قلتو ياباني يعني ما فيه فخامه اللي تبي اذا قلت الماني ما فيه فلوووووووووووس تجيبلك مرسيدس ولا بي ام وش رايكم ابي سياره فخمه
شيك:glasses2:
مكينه على كيفك:shock2:
تعمر معاك
ابي الحل تكفووووووووووووووووووووووووووون
bashar_255
17-10-2003, 03:20 PM
خلك على:
ما يخرب السفر الاعلى ظهر الشفر:D
و ما عليك من :
كيف نعيش بلا تابرس:damp:
علي عبدالله
17-10-2003, 03:44 PM
رد مقتبس من King 4x4
ايه صح نسيت
واحد من الشباب عنده كابرس أس أس 2003
ماخذه فوق ال110 ألف
الحين ما يجيب له حتى 60 الحين
و يبغى الفكه منه :sleep:
والله اعرف ناس كثار يستعملون الشفر (اولهم الوالد وغيره من الاهل والاصدقاء وماصادفت اي واحد فيهم يشتكي من الكابرس او اللومينا او
حتى (التاهو ) سيارة الوالد(طبعا ممكن ماتعرفون التاهو راح اشرح بطريقة سهلة هو عبارة عن يوكن بس عليه علامة شفر بدل جمس )
المهم اعطيك ضمان انه احسن شي ركبته في الاسفار الطويلة ولا عمرنا اشتكينا منه ولاعمرنا واجهنا مشاكل ميكانيكية معاه
الشفر عموما جيد
(لكن بعض الناس ممكن يكونون تأثروا بمقاطعة البضائع الامريكية وترجموها ناحية الشفر )والمثير للغرابة ان اعضاء المنتدى اللي يهاجمون الشفر اغلبهم من السعودية وانا رحت السعودية كثير جدا (الدمام والاحساء وجدة) والسيارة الوحيدة هناك اللي لها شعبية رهيبة وانتشار واسع جدا هو السوبربان (شفر ايضا) والله ان له انتشار عظيم
هناك بشكل لفت انظار حتى الاطفال الصغار وعلى الرغم من هذا تلقى بعض السعوديين ينتقدونه في المنتدى (سبحان الله)
ليش تنتقدونه في المنتدى وتشترونه في بلادكم ؟؟؟؟؟؟؟؟؟؟
(سؤال بحاجة لاجابة):)
اقولك نصيحة خذه ولا تخاف من اي شي الموتر زين وماعليه كلام
واعرف واحد عنده الموتر وماشي معاه على خير والحمدلله
لكن هذا مايمنع ايضا انك تلقي نظرة على السيارات اليبانية والالمانية
لان اغلبها ممتازة وتستحق النظر ايضا وقيمتها فيها
حر اليدين
17-10-2003, 04:45 PM
مشكور اخي بشار واخي راعي البيج بس تضارب كبير في الاراء ما ادري ليششششششششششششششش بس يا ريت اخوي راعي البيج تعطيني سياره واحد يابانيه تتفوق على الكابريس وبنفس السعر او مقارب لاني ابدا ما لقيت زي الرويال في فخامتها وسعرها المنااااااااااااااااااااااسب جدا جدا جدا
و اخوي بشار كلامك جدا مناسب مع توقيعك
(((((((ارهابي كل من اشترى من بضاعه يهوديه))))))
تحياتي / حر اليدين
A7medo
17-10-2003, 04:51 PM
الكابرس توقف سنة 96 أما الي الحين طالع هذا من شفر هذا هولدن أسترالي
حر اليدين
17-10-2003, 05:04 PM
انا مالي اي دخل اذا كان هولدن او شفر المهم هو زين ولا لا وارجزا الرد السريع منك يا a7medo
A7medo
17-10-2003, 05:10 PM
رد مقتبس من حر اليدين
انا مالي اي دخل اذا كان هولدن او شفر المهم هو زين ولا لا وارجزا الرد السريع منك يا a7medo
تبي الصراحة أنا بقولك رأيي
الموتر طايح من عني سمعته في الأرض
حر اليدين
17-10-2003, 05:14 PM
من اللي قالك سمعته في الارض بالعكس مررررره قوي مررررره فخم مررررره حلو
طلعلي عيب فيه بس
A7medo
17-10-2003, 05:23 PM
من ناحية المحرك وأدائه 100%
السلامة 100% :(
الراحة 100%
الفخامة 100%
الثبات ......أنسى :headshak:
ما في شي أسمه ثبات
شي ثاني أنت لما أتكون عندك كابرس ( هولدن ) بعد كم سنة من الأستخدام أتحس أن شغلهم تلصيق في تلصيق
بس شوف نصيحتي ألك أذا شي عاجبنك لا تسمع كلام الناس
أتوكل على الله أو أخذه
( وكان الله غفوراً رحيما )
حر اليدين
17-10-2003, 05:34 PM
تبي تقولي ان الكابرس مو ثابت يا اخي حرام عليك اذا الكابرس مو راسي اجل الامريكي كله مو راسي بعدين الكابريس راسي اذا انت بغيته يكون راسي بس اذا قمت تنطلها يمين وشمال صدقني ما راح يتثبت ليه لانه كابرس اذا نطلها نطلها :glasses2: :glasses2: :black: :glasses2: :glasses2:
تحياتي / حر اليدين
A7medo
17-10-2003, 05:36 PM
رد مقتبس من حر اليدين
تبي تقولي ان الكابرس مو ثابت يا اخي حرام عليك اذا الكابرس مو راسي اجل الامريكي كله مو راسي بعدين الكابريس راسي اذا انت بغيته يكون راسي بس اذا قمت تنطلها يمين وشمال صدقني ما راح يتثبت ليه لانه كابرس اذا نطلها نطلها :glasses2: :glasses2: :black: :glasses2: :glasses2:
تحياتي / حر اليدين
يا حبيبي الكابرس الي تتكلم عنه مو أمريكي
((((( أسترالي ))))))
حر اليدين
17-10-2003, 05:44 PM
لا لا انا متأكد انه امريكي مو استرالي لان الكلام اللي طلع كله اشاعات
بالله عليك شركه بكل هذي العالميه وتقول انها امريكيه وتطلع استراليه بالله عليك يعني الحين ملعوب على العالم كله لو زي ما تقول انها استراليه ما كان احد طالع فيها اصلا ولا تصدق اللي تسمعه ابدا ابدا
تحياتي / حر اليدين
علي عبدالله
17-10-2003, 05:50 PM
رد مقتبس من A7medo
يا حبيبي الكابرس الي تتكلم عنه مو أمريكي
((((( أسترالي ))))))
والله سيارات كثيرة تصنع في استراليا هذي الايام ...مثلا جزء من سيارات تويوتا يصنع في استراليا ومع ذلك الاقبال لسة ممتاز
هذا مو مقياس والكابريس روعة
اما بالنسبة لك اخوي حر اليدين اذا بغيت سيارة بنفس مستوى الكابريس من الالماني مثلا في عندك الفئة الخامسة بي ام بعد حلوة وكشخة وسعرها ماراح اقول معقول لكنه زين (طبعا ادري ان مكينة الكابريس اقوى ) لكن ما اظن هذا يفرق معاك
في عندك الافالون في تويوتا ايضا جميلة ولو ان محركها اضعف من الكابريس ايضا
بس اسمع انا ترى ما احاول اغير رايك ....مثل ماقلت لك سابقا اذا انت مقتنع في الكابريس فالله يوفقك ... ولاتهتم
حر اليدين
17-10-2003, 06:04 PM
الله يسلمك راعي البيج على الرد اللي يريح الواحد:glasses2: :glasses2: :black: :glasses2: :glasses2:
DodgE
17-10-2003, 06:26 PM
ياناس شفيكم الكابرس واللومينا الجديد أسترالي وهذا شي مايختلف فيه ثنين
أما أخوي راعي البيج تقول سيارات كثيره تنصنع صحح معلوماتك ماتنصنع
تتجمع فقط
هه
SnoopY
17-10-2003, 11:31 PM
رد مقتبس من حر اليدين
تبي تقولي ان الكابرس مو ثابت يا اخي حرام عليك اذا الكابرس مو راسي اجل الامريكي كله مو راسي بعدين الكابريس راسي اذا انت بغيته يكون راسي بس اذا قمت تنطلها يمين وشمال صدقني ما راح يتثبت ليه لانه كابرس اذا نطلها نطلها :glasses2: :glasses2: :black: :glasses2: :glasses2:
تحياتي / حر اليدين
سؤال بس ..انت جالس تستشير الشباب والا ميت في الكابرس و تبي تتجادل مع اي واحد عنده راي ثاني ....
ترا الناس اذواق و المنتدى هنا معروف الاغلبيه ما يحبون الهولدن ( لعده اسباب ما نبي نتطرق لها )
اذا السياره عاجبتك خذها ... و مبروك مقدما و كفا الله المؤمنين شر القتال
سلام
حر اليدين
18-10-2003, 03:50 AM
اخي الكريم snoopy انا ما اقتنعت فيه الا بعد عدة اشهر من البحث عن سياره حلوه بس الحين انا ما ابي اخذ السياره بعدين اتحسف و
بس ابي اقولك اذا تعرف سيارة حلوه وقويه غيرها ومقاربه في السعر لو سمحت
تحياتي / حر اليدين:glasses2:
علي عبدالله
18-10-2003, 05:55 AM
رد مقتبس من DodgE
ياناس شفيكم الكابرس واللومينا الجديد أسترالي وهذا شي مايختلف فيه ثنين
أما أخوي راعي البيج تقول سيارات كثيره تنصنع صحح معلوماتك ماتنصنع
تتجمع فقط
هه
يا اخي انا مدري ليش كل هذي العداوة لشركة الهولدن ...يا اخي شجعوا الصناعة الاسترالية وهي احسن من غيرها (الكوري والماليزي)
غير كذا اعرف ناس جربوا الكابريس الجديد ووالله مرتاحين معاه والحمدلله
SnoopY
18-10-2003, 06:16 AM
بغيت سياره ثانيه .... امممممم :rolleyes:
اوكيه ايش رايك في هذه
http://www.saab.com/main/image/branding/2004/93_s_intro.jpg
Saab 9-3 Aero Sport Sedan
http://www.saab.com/main/image/photo_gallery/2004/93s_int_1.jpg
للاسف ما عندي وقت اسرد لك مواصفاتها ... بس انا اقولك روح الوكاله و مو تشوفها ... لا " جربها !! "
واذا حاب معلومات اكثر عن السياره عندك السايت تبعهم
http://www.saab.com/main/GLOBAL/en/model_intro_93s.xml
وهذا اللي عندي الحين.... للاسف ما عندي وقت اعطيك اوبشنز ثانيه لانه عندي الفاينلز بعد اسبوعين
سلام
حر اليدين
18-10-2003, 09:10 AM
حلووووووووووووووووووووووووووووووووووووووووووووو مره بس تبي تقنعني ان السياره راح تنزل عندنا بالشكل ذا مستحيل بعدين انا حبيتها من داخل بس من برا عليها وجهيه بايخه مره بس في النهايه مستحيل تكون بقوه الكابريس وفخامتها انا اشوف انها اختيار موفق بسس صراحه ما هي اللي اذا اخذتها وشفت واحد راكب كابريس ما تتحسف ولا لا يا سنووووووووووووووووووووووووووبي
تحياتي / حر اليدين
ACCORD-VETIC
18-10-2003, 04:33 PM
HOLDEN=:help:
please belive me Really
there is no any constant after 90KM if there is any emergency state front you
:(
A7medo
18-10-2003, 04:58 PM
أخوي يا حر اليدين
أذا أنت مو مصدق أنه أسترالي
أنزل تحت كابرس أو لومينا موديلات فوق ال 96
بتشوف دبة الكزوز مكتوب عليها هولدن
مكيكان
18-10-2003, 05:08 PM
يا حر اليدين
انت جاي و مصمم انك تشتري كابرس
فليش جاي تستنصح
و دام انك ما تتقبل الذم في الكابرس حتى مو مصدق انها استراليه
بقول لك
الكابرس
طويل
عريض
واسع
فخم
احسن من المرسدس
احسن من الرولز رويس
راسي
مكيفه بارد
يمسك سعره عند البيع ما شاء الله
و من الوكالات اللي تبيعه الجميح اللي هو افضل وكيل GM في العالم :banana:
و هو ما شاء الله ما يخترب ابد ابد
و قطع الغيار من ارخص ما يكون
تبغى شي زياده
^
العكس صحيح :rolleyes:
silver
18-10-2003, 05:14 PM
السيارة لو كانت أمريكيه أمريكيه كان نزلت في أمريكا ....
لكنها استرالية بقلب امريكي (LS-1)
A7medo
18-10-2003, 05:43 PM
رد مقتبس من silver
السيارة لو كانت أمريكيه أمريكيه كان نزلت في أمريكا ....
لكنها استرالية بقلب امريكي (LS-1)
صحيح كلامك هو ما ينزل في أمريكا ما ينزل ألا في الخليج والله أعلم ويننزل
Eclipse
18-10-2003, 09:21 PM
وين S8 ?!!!:D
مبروك مقدما :)
حر اليدين
19-10-2003, 07:45 AM
الله يلعن ابليسك يا مكيكان والله العظيم اقنعتني وانا لي الشرف انك اعطيتني رايك في الموضوع وانت يا اخوي a7medo وش فيك علي انا قلت لك عطني رايك ما قلت وين السياره تصنع والله لو انها تصنع في الهند وهي سياره حلوه ان ناخذها بس المشكله ان فيه زي ما قلت لكم ناس مرتاحين وناس لا هل هو عيب في التصنيع يعني سياره تطلع زينه و عشر سيارات لا
بعدين الوالد الله يطول في عمره معاة لاند كروزر 2001 وجاني وقال لي ان يحس ان السياره اذا جا يربط بريك تهتز وهذا الكلام كان قبل الصيفيه يعني داخلين على سفره وانا رحت للوكاله وشيكت على السياره ويوم شيكتها في الوكاله اللي في الخبر قالو سليمه قلت مو معقوله ياناس يا عالم انا نفسي ركبت واحد من الفلبينيين اللي معي حس بالهزه بس قال عاديه قلت طيب انا اوريك واروح للدمام للفرع اللي هناك و اشيك ويقولون المشكله في الرنقات قلت وش فيها قال الرنقين اللي قدام مايلين شوي قلت اكتبها في التقرير حق الفحص قال لي طيب طيب بابا
واروح لوكاله toyota بالخبر وحطيتهم قدام الامر الواقع وجبت الوالد معي عطاهم ابوي من الكلام اللي يعطيني اياه دايم وخقوا وقال بارسل للناس اللي فوقكم قالوا ما يحتاج وفي ظرف يومين غيرو لنا 4 رنقات وقالوا السبير سليم ومع الاربع رنقات خمس كفرات وش رايكم شديد ولا
تحياتي / حر اليدين :glasses2: :glasses2: :black: :glasses2: :glasses2:
السلام عليكم ورحمة الله وبركاته
بسم الله الرحمن الرحيم
شوف اخوي اذا بتسمع كلام الناس عمرك ما راح تشتري عندك مثال الي اهو انا
قبل لا اشتري الباترول الكل قالي يتفكك او خراباته واجد او مو شوي بس انا كنت مقتنع فيه وشريته ولحمدالله السياره مافيها شي من الي ذكروه
انت اشتر السياره الي تعجبك وكلام الناس لاتهتم فيه واجد
وشكرن
ابو نواااف.....
19-10-2003, 10:23 AM
والله ياخوي الكابريس ماعليه كلام ..
موتر يطربك على الخط ومن ناحية الخرابات ماعليك من كلام الناس
ولد عمي عنده واحد موديل 2001 LTZ ولاعن والديه تفحيط كل يوم
وقومات وماشاالله هذا الموتر صاحي ليومك
وبيني وبينك الموتر رزه وفخامه وقوه وخذا ولا عليك من كلام الناس
ولا يهمك ان كان امريكي ولا استرالي ............
وشكرأ
حر اليدين
19-10-2003, 01:01 PM
:black: :black: :black: :black: :black: :black: :black:
مشكور اخوي فاهم واخوي ابو نواف اراء حلوه بس بغيت اعرف وش قصدك يا فاهم يعني اشتري
تحياتي / حر اليدين :glasses2:
A7medo
19-10-2003, 02:45 PM
رد مقتبس من ابو نواااف.....
والله ياخوي الكابريس ماعليه كلام ..
موتر يطربك على الخط ومن ناحية الخرابات ماعليك من كلام الناس
ولد عمي عنده واحد موديل 2001 LTZ ولاعن والديه تفحيط كل يوم
وقومات وماشاالله هذا الموتر صاحي ليومك
وبيني وبينك الموتر رزه وفخامه وقوه وخذا ولا عليك من كلام الناس
ولا يهمك ان كان امريكي ولا استرالي ............
وشكرأ
أنا معاك
أقولك ولا عليك من كلام الناس
أذا بتسمع كلام الناس بتضيع
أتوكل على الله أو خذ كابرس
وأدعوا لي