والمرجله بنت هنوف ستيره **** كلن يبيها مير من دونها كود

[دمدم]

قالوا تسير قلت مامن فضى بال **** دور عند الاجواد مابه وناسه
قم سو ياراع المعاميل فنجال **** كيف الى جى الراس يجلي عماسه
اشـوف دنيـا ياعـرب شـيلها مـال **** من وين ماعـدلـتها ماتـواسـه
قامت بصاع المنكر الناس تكتال **** دلت تباع الجوهرة بالنحاسـه
هذا زمان من قوافيه انا ذال **** وقت به الحصني يدور الفراسـه
ياحيف يا لباست الجوخ والشال **** قامت تفرسهم عيال البساسـه
راع الجـحـش شـره على طرح خيال **** متحزم فوقه بدرع وطاسـه
ياراعـي الخـصرين والطوق وهـلال **** اللي بخدينه نـظيف العـاسـه ؟؟
اصبر وعند الله تصاريف الاحوال **** والناس مرجعها على بني ساسه
*********************
شعر : ابو زويد الشمري

********************************************
اني لأجحد حبكم وأسره
والدمع معترف به لم يجحد
والدمع يشهد انني لك عاشق
والناس قد علموا وان لم يشهد

*******************************************
لاتزعلين تضيق فيني الوسيعه **** لاتزعلين اظن مافيه داعي
بيني وبينك ماتصير القطيعه **** خلي الزعل للي هواهم صناعي
لك بالوفى يانور عيني طبيعه **** اريدك تمحي الزلات , روفي وراعي
الخل مايرضى لخله هزيعه **** وانا الطماني ينزله بالرفاعي
انا وقلبي يالعيون الوسيعه **** لاجلك ترانا مادخرنا مساعي
اشواق قلبي تندفع لك سريعه **** وانا على شانك سريع اندفاعي
امرك يلبيه الخفوق ويطيعه **** لو هو بحلاة النوم فزيت واعي
لاتجرحين القلب وانتي ربيعه **** خلي الزعل لايصير سبة ضياعي
حب البشر لو تجمعينه جميعه **** حبي لك اكبر والوفى من طباعي

***************************************
اه من قلب تعذب يافهد **** من حبيب صار في وصله بخيل
الحبيب اللي نسى ذاك العهد **** لاذكرته يافهد دمعي يسيل
منه والله صار في نفسي لهد **** كيف يجفاني ولايترك دليل
في عذابي كامل الزين اجتهد **** مايشوف الحال بأسبابه عليل
اه من قلب تعذب يافهد **** من حياة تجعل العاشق ذليل

**********
شعر : صنيتان المطيري

***************************************
هذه القصيدة قالها الشاعر ( درعان بن فارس ) وقد بعث بها الى الشاعر ( سليمان بن شريم ) :
يالله يامرجع على كل ديرة **** ياغافر الزلات ياواسع الجود
ياعالم بالبينه والسريره **** مسامع دبيب النمل فوق الصفا السود
تفرج لعين من سهرها ضريرة **** ذالي لياليي كن في حجرها عود
اقنب قنيب الذيب واغمر غميره **** وانط في روس الطعاميس وحيود
اقنب قنيب الليل واسهر كثيره **** والصبح يطرقلي مع السوق جالود
على اللذي شوفه لحالي بريره **** شوفه مع اقصى الناس جنات وسعود
الراس ذيل اللي تكف المغيره **** لا دكها العرقوب والراس مشدود
غرو الا منه شبح في نظيره **** كنه يهمز ثومة القلب بارود
في عينه اليمنى سيوف شطيره **** وفي عينه اليسرى مزاريق وجرود
والخد براق بخطو النديره **** تلقى العرب في دربها صدور و ورود
وزمة نهوده توها مستديره **** يشدن رمامين تدلن بعنقود
العنق مسلوب وصخيف ضميره **** وردوف يطون الملابيس عرجود
ماشفت لونه بالبحر والجزيره **** عندي وقابل راعي الصنف مشهود
من عام الاول ماتغير مسيره **** ولاقط باشرني بغيضات وصدود
واهف له ايام ورجله قصيره **** له حابس عني وانا عنه مردود
والله لولا الخوف وادرى الستيره **** ومن خوف هرج ينقله كل مقرود
ومن واحد يدعي الصغيره كبيره **** يفطر على الغيبه ويبني لها زود
لمضي عليها مع دروب عسيره **** لو حال من دونه نواطير وحيود
طرد الهوى الحين مثل المعيره **** عند الزلايب ياسليمان منقود
اليوم مايامن قصير قصيره **** لزمن يخونك لو توثقت بعهود
الاحضى المردود خمس قريره **** ايضا ثلاثين وخمس بعد زود
وصلوا على المختار ياهل البصيره **** ماهب نسناس الهوا واحترك عود

************************
ورد عليه ( سليمان بن شريم ) بهذه القصيده

حي الجواب اللي لفاني بشيره **** فرحت به فرحت خلوج لمفرود
او فرحت الغالي بشوفة عشيره **** يوم اوهفت له عقب غيبات وصدود
حيه عدد ماهل وبل المطيره **** وما بالحفيظه بان شاهد ومشهود
جاني وانا قلبي مسج لغيره **** ريع ورايع له وهو قبل ملهود
من واحد كنه بحام الكسيره **** يقول جالدني من البين جالود
قلت الخبر , قال المصيبه كبيره **** ضاعت ذلولي بين جاحد مجحود
وانا وجيع القلب حالي ضريره **** تنقص وحالي كل يوم بها الزود
قمت بلزومه حق رفقه وجيره **** لازمك يادرعان تلقاه ماجود
وش خانة اللي مايساعد قصيره **** ماتحوج القصره مواثيق وعهود
والطيب له جملة دروب كثيرة **** ونفس تحب الهون ماتدرك الجود
والمرجله بنت هنوف ستيره **** كلن يبيها مير من دونها كود
لو هامها خمع بتوعه قصيره **** يحسب مراقيها سميحات وركود
عود على مافات يلعن مشيره **** يموت لافاقد ولاهوب مفقود
وكل عليه من الليالي مغيره **** شيب المحاقب بيض ونحورها سود
والناس كل له جنود وعشيره **** وكل معه طبعه من الجد ماجود
ولا كل من تهوى تحطه ذخيره **** ولا كل يوم به طرابات وسعود
والطير يشبك بالسبب والمريره **** والذيب لابده على الصيد مصيود
والرزق للمخلوق في كل ديره **** يمشي بالبحر , بالفلك , والبر محدود
وترى ردى الحال ماله بهيره **** يهوم لاكن عن هوى النفس مردود
مثل اللذي ضاعت عليه البصيره **** يحسب غصون المعوشزه جني عنقود
المحجره نوم عليها خطيره **** واخاف يظهر لك من الجحر رامود
وصلوا على سيد البرايا نصيره **** ماثار بارود وماسل مغمود

وسلامتكم

__________________

[إرث أحزان]

بسم الله الرحمن الرحيم
السلام عليكم ورحمة الله وبركاته

والطيب له جملة دروب كثيرة **** ونفس تحب الهون ماتدرك الجود
والمرجله بنت هنوف ستيره **** كلن يبيها مير من دونها كود

صححححححححححححححححححححح لساااااااااااااااااااااااااااااانك


سلمت يداك على هذا النقل لا عدمناك

تحياتي

[ابن شعلان]

كل اللي سبقونا كفوا ووفوا

يقول ابن شعلان:

وا قلبي اللي فجروا به دناميت ****وزودن على التفجير دكوا شراعه
ويا روحي اللي في عبار وتناهيت **** ادري دواك بدار ذيك الجماعه
من عقبهم بالنوم ما قد تهنيت **** وعيني تهلهل دامعن باندفاعه
اصبحت انا في لو وامسيت في ليت ** مثل الشجاع اللي عطيبه ذراعه
ونيت من فرقا الاحباب ونيت **** ونة سراحين الخلا بالمجاعه
وجاوبت صوت الظاميه يوم حنيت **** على عشيرن حال دونه قطاعه
يا ليتني عن دارهم ما تعديت **** ويا ليت ما لي في هواهم ولاعه
ويا ليتني عن وادي الحب هفيت ****حتى بسوقه ما حصللي بضاعه
ويا ليت من فنجالهم ما تقهويت **** ولا ذقت طعم الحب لو ربع ساعه
انا وفين لو سقوني حلاتيت **** لو جرعوني سم الافعى جراعه
لو يحرقوا يديّ في حامي الزيت **** لو قلطوني للوجوش المجاعه
وش عاد ينفع لو هرجت وتمنيت **** ما فات مات ولا تضيع الوداعه

والقصيدة أطول مير الوقت ما هوب يدي

وسلامتكم