View Full Version : سؤال لخبراء الصوتيات !!!@@!!!
StiNGraY_Bhr
14-10-2003, 07:05 PM
السلام عليكم ورحمة الله وبركاته
ما هي وظيفة كل من
Capasitor
و
Coil
في تركيب ال sound system في السيارات ..
و شكرا مقدما
StiNGraY_Bhr
16-10-2003, 11:28 AM
للرفــع ...
:help:
DDesigns
16-10-2003, 02:13 PM
بخصوص Capasitor
فا هي تعني المكثف ..
عمليه المكثف هو القيام بالشحن للكهرباء دفعه واحده ثم اختزانها لمده طويله لحين سحبها عن طريق اي جهاز كهربائ ..
طبعا يستعمل الكثير من الناس المكثفات والتي تكون باحجام 1 او 2 او حتى 15 فاراد ..
حيث تقوم بسحب الكهرباء من الدينمو او البطاريه ومن ثم يسحبها المضخم .
طبعا المثكف يساعد كثيرا كثيرا في تفريغ الكهرباء فا هو سريع جدا في اجزاء من الثانيه وهو اسرع من الدينمو في ارسال الكهرباء الى المضخمات .
طبعا هذه ميزه جيده ولكن لها عيب اذا كانت سيارتك ضعيفه حيث سوف تهلك البطاريه والدينمو .
لان اوكي اول ما يشحن المكثف ويفرغ كل الكهرباء اللي فيه راح يضطر انه يشحن .
طبعا المكثف ما يشحن نصف او ربع بل يشحن كاملا وبخلال ثواني .
طبعا ما في احد راح يأكلها الا الدينمو ( اذا السياره شغاله ) او البطاريه ( اذا السياره طافيه )
بس اذا عندك سياره فيها دينمو قوي مثل الامريكي يعني فوق 120 امبير فا سوف يساعدك كثيرا ...
اما بخصوص Coil فهو الملف الصوتي ..
طبعا بدون الملف الصوتي لن تشتغل اي سماعه نهائيا ..
حيث الملف الصوتي عباره عن سلك نحاسيه ملتفه بطريقه معينه .
حيث اول ما تقترب الى المغناطيس يقو الصوت بالظهور .
طبعا على حسب لفاته يكون شيء يسمى Impadence وهي المعاوقه ..
StiNGraY_Bhr
17-10-2003, 09:43 PM
شــكرا اخوي DDesigns بس انا قصدت الكويل الخارجي اللي عبارة عن اسطوانه بكون فيها LED بعض الاحيان ..
وشكرا مقدما
DDesigns
18-10-2003, 05:25 AM
اسطوانه !!!!! و LED !!!!!!!
اوووووه هذا هو نفسه المكثف capasiter لا يوجد فرق ..
ولكنه لا يسمى كويل .. فا لاكويل امر اخر ..
المكثف يجي انواع فيه ديجيتل وفي عادي انالوج .
StiNGraY_Bhr
18-10-2003, 05:40 PM
معاك حق اخوي DDesigns بس هل لكويل كهرباء السيارة علاقة بتركيب السيستم .
و بشنو تنصح لتقوية كهرباء السيارة بعد تركيب عدة اجهزة تتطلب طاقة كهربائية ؟
خليل أبو سمرة
18-10-2003, 05:41 PM
خليل
A7medo
18-10-2003, 05:50 PM
دخلنا في دروس ألكترونيات
StiNGraY_Bhr
19-10-2003, 04:16 PM
رد مقتبس من A7medo
دخلنا في دروس ألكترونيات
صعبه عليك ؟!!؟
:rolleyes: :rolleyes:
DDesigns
19-10-2003, 05:46 PM
مممممم عرفت قصدك عن الكويل ..
يمكن انت تبي تقصد Alternator والذي يسمى الدينو ..
طبعا شوف لتقوييه كهرباء السياره تحتاج الى عمل كثير من الاشياء ..
انا عملت معضمها بس باقي شي واحد ..
طبعا كل ما تسوي شغله تقوى الكهرباء .
اول شيء واهم شيء هو انك تعمل شيء يسمى Big 3 .
وهي انك تغير الاسلاك التاليه :
1- سلك ألارضي Ground من البطاريه في الاصبع السالب الى هيكل السياره .
2- تغير السلك اللي طالع من الموجب في البطاريه الى الموجب اللي في الدينمو .
3- تغير السلك الموجب اللي طالع من البطاريه الى المكينه .
وهنا سوف تحصل على 10% زياده في الكهرباء ..
وانا مجربها شخصيا ..
طبعا نسيت اقولك ايش الاسلاك اللي تغيرها ..
لازم تحط اسلاك كبيره من النوع اللينه القابله للانحناء و التي فيها شعر كثير ..
وان تاخذ بمقاس 4 AWG اقل شيء او 2 او 1 او نصف AWG . طبعا هذا مقاس امريكي .
انا انصحك يا 4 او 2 .
انا شخصيا مركب 2 AWG .
AWG تعني السمك بالمقاس الامريكي .
طبعا ما تخلص هذه الطريقه والتي لن تكلفك الكثير .. يعني يمكن تكلفك 100 ريال بالكثير مع التركيب .
تبداء في الطريقه الثانيه والتي هي البطاريه .
خل AC DELCO كله يولي لان ما عندهم سالفه .
وخذلك ماركات تكون deep cycle و يكون الكرانك امبير حقها عالي .
انا انصحك بافضل الماركات وهي Optima .. طبعا في عندك EXide ولكن ما ادري عن جودتها ولا اظن انها افضل من اوبتيما .
طبعا اكرر اوبتيما ليست الافضل ولكنها كفايه لاغلب الانظمه وسعرها ممتاز .
في عندك 3 انواع :
Optima Red Top وهي من فوق لونها احمر وهي مخصصه لتعمل كا بطاريه لتشغيل السياره وخصوصا سيارات السباق .
ولكن من قوتها الزائده فا هي تصلح لانظمه الصوت .
سعرها حوالي 150 دولار في امريكا يعني هنا يمكن حوالي 1000 ريال .
Optima Yellow Top وهي من فوق صفراء اللون وهي مخصصه لانظمه الصوت وهي قويه جدا جدا وتتحمل تشغيل ساعات كثير والسياره مغلقه والصوت عالي مررررره .
لا ينصح ان تستعمل كا بطاريه تشغيل ولكن لسيارات عاديه ما في مشاكل والكثير يستعملونها .
سعرها زياده 100 ريال تقريبا .
Optima Blue Top وهي من فوق زرقاء . وهي مثل الصفراء بالضبط ولكنه مخصصه للجيش والاعمال العسكريه حيث ان اصابع البطاريه مختلفه .
طبعا هذه البطاريات عمرها 3 اضعاف عمر البطاريه العاديه . وحتى لو تتركها اكثر من سنه مفصوله في البيت مثلا تشتغل زي الحلاوه وتدق سلف بعد . لانها تقوم شحن نفسها بنفسها بدون دينمو .
هذه البطاريه لا تتاثر اذا قلبت البطاريه فوق او تحت لانها محكمه الاغلاق .
شخصيا استعمل بطاريه Optima Red Top وهي الى الان 3 سنوات و بدون اي مشاكل او اي ضعف .
بعد ما تخلص من هذه الامور تقوم للامر الاكبر والاكثر تكلفه وهو الدينمو .
حيث عندك حلين .
اما تقوم باخذ الدينمو الى ناس محترفين جدا يستطيعون العبث في الدينمو الاصلي وزياده عدد لفاته حيث يجعله اقوى بكثير يعني بدال ما هو يشحن 70 امبير يخليه 120 اممبير مثلا .
او انك تركب دينمو جديد تحصله في الانترنيت .
او انك تحط لك دينمو حق سيارات امريكيه كبيره مثل الجموس وغيرهم بس لازم يدخل داخل السياره .
طبعا عندما تكون السياره طافيه فا لن تحتاج الى قوه الدينمو لان الشغل كله على البطاريه .
ولكن عند تشغيل السياره فا لن تستفيد من قوه البطاريه كثيرا بل يجب ان يكون الدينمو قوي حتى يلحق على كل شيء .
طبعا هذا كله يزيد لك الكهرباء ولكن المكثفات ما راح تعطيك كهرباء ..
هههههههههه هذي عطيناكم دروس خطيره تفيدكم كثير يا اهل السيساتم .
StiNGraY_Bhr
20-10-2003, 11:42 AM
جزاك الله خير كفيت و وفيت والله . هذا اللي كنت ابي اعرفه بالضبط !;)
و انا اللي يهمني الكهرباء و السيارة شغالة لاني حاليا ابدل البطارية كل 6 اشهر تقريبا لان كهرب الدينمو مو كفاية "اعتقد" . فشكلي باخذلي دينمو امبيره اعلى . بس هل هذي الحركة تاثر على كمبيوتر الكهرباء او البخاخات ؟؟ مع العلم ان السيارة هي Range Rover ..
و الف شكر اخوي .
DDesigns
20-10-2003, 05:43 PM
لا تغير اليدنمو لا يأثر على السياره .. فقط تاكد انه 12 - 14.4 فولت ..
واتكد منه يعني هو كم امبير ..
وليس فقط كم امبير ..
يعني لما يقولك 150 امبير فا فيه بعضهم يشحنون 150 امبير لما يصير RPM السياره فوق 3000 دوره ..
ولكن بعضهم يشحن حتى لو الضغط على واحد .
وهنا يفرق السعر والجوده .
خذ لك Optima وما راح تندم صدقني عمرها اكثر من 5 سنوات .
ولكن لو غيرت الاسلاك الي بين الدينمو والبطاريه يفضل وضع فيوز يكون على قدر شحن الدينمو حتى ما يسحب كثير وهذا يؤدي الى خلل في الدينمو ويمكن يحرق لك شيء في كهرباء السياره ..
يعني هذا فقط للاحتياط..
شخصيا ما حطيت فيوزات في هذه النقطه ولكن بحط بعدين لما افضى .
المسافر
20-10-2003, 06:18 PM
DDesigns
اشكرك اخوي المعلومات هذي كنت ابحث عنها
M.A.M
20-10-2003, 07:10 PM
السلام عليكم
هلا والله اخواني اصحاب الاهتمام في صوتيات السيارة او الانظمة الصوتية للسيارات وياليت اي واحد عنده استفسار او سؤال يطرحه هنا علشان ماتصير فيه زحمة بالمواضيع وتكون الاسئلة كلها عن الانظمة الصوتية في السيارة والحمدلله الحين صار عندنا DDesigns
وهو ماشاء الله عليه فاهم في هذي الامور وان شاء الله اي شي بهذا الخصوص راح يفيدكم باللي يقدر عليه وان شاء الله نكتشف المزيد من الاعضاء الخبراء اللي يقدرون يفيدونا بهذي الاشياء
واسف على الاطالة
لكن حبيت اخيرا اني اسأل خبيرنا DDesigns سؤال خفيف وظريف:)
انا عندي في الامبليفاير حقي السوني 444 عندي وظيفة HPF,LPF
فما هي الميزة لهذه الوظائف؟؟
علما باني اقدر احطها على OFF او على ON
فياليت اخوي DDesigns تقول لي وش فايدتها علشان اعرف استفيد منها واختار الخيار المناسب هل OFF ولا ON
ومشكور مقدما اخوي
تحياتي وتقديري لك ولجميع اعضاء سوالف
DDesigns
20-10-2003, 08:02 PM
حياكم الله ..
بخصوص استفسارك يا اخي M.A.M
فا كلمه HPF تعني High Pass Filter ..
كما تعلم ان الموجات الصوتيه لها مجال كبير وهي تقريبا بين 20 هرتز الى 20 الف هرتز بالنسبه لجميع الناس الا بعضهم يقدر يسمع اكثر من كذا .
فا نقطه هذه الميزه او الفلتر هو عمل حجز للموجات الغير مرغوب فيها .
اعطيك مثال .
انت لما تعلي الصوت على السماعات بقوه تحس انها تبي تنفقع وصوت BASS حقها مو جيد لانها متستحمل BASS العالي ( صح ؟ )
طيب لو كان عندك subwoofer واللي هو يبي يشغل الموجات المنخفضه والتي هي ال BASS ..
ليش تخلي السماعات تطلع BASS ما دام السب ووفر راح يطلعها ؟؟
لان السماعات يمكن تخرب عليك الصوت لانها بتقدع تتفقع ..
فا هنا ينفعك HPF .
وهي عمليه حجب الموجات المنخفضه والتي هي تنحصر بين 1 هرتز الى 200 هرتز وهي ال BASS .
بحيث تخليه ON على السماعات علشان ما تطلع BASS ..
وبهذا يمكنك ان ترفع الصوت اكثر واعلى لانه خلاص ما راح يكون فيه تفقيع لان BASS راح .
ونفس الكلام مع السب وففر انت تبيه ما يشغل اصوات الناس او التويتر والطقطقه ..
فا تخليه LPF علشان يشغل من 1 هرتز الى 80 هرتز مثلا .
اعتقد ان الميزه اتضحت ..
طبعا لها استعمالات اخرى للذين يمتلكون سماعات القطع .
هذه النوعيه من الفلاتر تسمى Active Crossver .
M.A.M
20-10-2003, 09:22 PM
مشكور اخوي DDesigns وماقصرت
وتسلم على هالمعلومات القيمة
بس ياشباب بالله اللي يحصل الامبليفاير حق بايونير GM-X944 يقول لي وين حصله وسعره بكم وانا ودي اشتريه من الوكالة لانها مسوية تخفيضات بمناسبة رمضان بس للاسف اغلب الوكالات اللي في الرياض مافيها شي فياليت الاخوة في الشرقية اذا احد شاف هالامبليفاير يقول لي لاني انا ناوي اشتريه قبل مايروح العرض علي
ومشكورين مقدما
تحياتي للجميع
السلام عليكم ورحمة الله وبركاته
اخوي M.A.M بالنسبة للامبلي فاير هذا انا لقيتة عند الوكالة الي بالخبر شارع الملك خالد واخذتة ب1200 بس للاسف كان آخر حبة عندهم
وعندي استفسار للاخDDesigns وين اقدر احصل البطارية الي تقول عنها بالخبر؟؟ وبكم سعرها لان الي عندي ac delco واحس انها مو شي
ومشكوو على الموضوع المفيد هذا
M.A.M
21-10-2003, 08:15 AM
هلا فيك اخوي -x-
:cry: :cry:
والله ياخوي انا حظي شين مع الامبليفايرات . تصدق كل مانويت على نوع يخلص قبل مااشتريه ولا ينقطع من السوق
على العموم اخوي لو شفته في مكان منا ولا منا ولا بوكالة ثانية لبايونير تكفى لاتنسى تقول لي :help:
ومشكور على ردك
وتحياتي للجميع
M.A.M
21-10-2003, 10:24 AM
على فكرة اخوي DDesigns
حبيت اسألك لاني بديت اتخوف شوي
هل فيه اشكال مختلفة من نفس الموديل GM-X944
ولا الموديل هذا ماله غير هذا الشكل لاني اخاف اشتري نفس الموديل وشكل ثاني ويطلع مو بنفس الجودة
وهذي هي الصورة
http://www.pioneerelectronics.com/pio/pe/vgn/images/portal/cit_3442/37358Gm-x944_big.jpg
فهل اشتري نفس هذا الشكل وارتاح ان مافيه شكل ثاني اقل جودة او احسن !!!
DDesigns
21-10-2003, 01:30 PM
اخي X ..
والله يقولون ان فيه محل بالقرب من من شارع محمد عند الزحمه اللي فيها محلات الكهرباء اللي عند بوفيه البنوك ..
يقولون انه يبيع Optima ولكن السعر غالي ما ادري يمكن فوق 700 ريال .
انا شفت Exide بنفس مواصفات Optima وهي ايضا deep cycle وسعرها 750 ريال في شارع مكه بالثقبه .. ولكن لا اظن انها تصل الى قوه الاوبتييما .
عموما لو ما حصلت فيه واحد خويي عنده محل شغل سيارات ويقدر يجيب لك اي شيء من امريكا ..
او يمكن يجيبها لك من قطر لان وكيل Optima موجود في قطر .
ملاحظه : اسعار بطاريات Optima ارتفع ارتفاع شديد جدا جدا حوالي 2000 ريال بسبب ان الجيش الامريكي شغال عليها ..
فا ما ادري اذا الاسعار الى الان مرتفعه ولا لا .
اخي M.A.M
بخصوص GM-X944 فا ما فيه الا موديل واحد ولا ياتي على اشكال انا كان عندي واحد وهو مصنوع في المكسيك .
اصلا السعر يحكم على طول فا 1200 هو سعره .
M.A.M
21-10-2003, 02:23 PM
هلا اخوي DDesigns
الحمدلله ابشرك اخيرا ابتسم لي الحظ ولو لمرة وحدة :)
واشتريته وسعره ب 1150 بمناسبة التخفيضات وكان اخر حبة ويقول انهم جايبينها من الخبر وانها محجوزة بس تأخر اللي حاجزها ماجا وقال لي راعي المحل بنبيعه لك اذا فلوسك جاهزة والحمدلله تم الشراء .. بس الشيء الوحيد اللي خايف منه هو ان يجيهم اللي حاجزه وتكون نفسه فيه :confused:
وتجيني عينه ... الله يستر
على العموم الحين مابقى الا اركبه على سماعاتي ولا اخلي السوني 444 للسماعات والبايونير 944 للسب ووفر مستقبلا :D
ومشكور اخوي على نصايحك
تحياتي وتقديري لك
تحياتي للجميع
M.A.M
21-10-2003, 03:11 PM
على فكرة ياشباب انا راعي المحل كان يقول لي انه مكسيكي وواحد بنفس المحل يقول انه امريكي ويوم ناظرت وش صناعته طلع امريكي:damp: فماادري هل الامريكي احسن ولا المكسيكي ؟؟ ولا مافيه فرق خصوصا انه نفس السعر ونفس الشكل والموديل
فياليت اخوي -x- تقول لي اللي عندك صناعته ايش؟؟
وياليت اخوي DDesigns يقول رايه في هالشي
وترا ماني فاتح الكرتون الا لين اشوف ارائكم علشان مااتورط
واسف على كثرة اسئلتي لكن اعذروني تعرفون هذي 1150 وقهر تكون بشي اقل جودة
فطمنوني اخواني هل فيه مشكلة كونه امريكي الصنع ولاهذي ميزة ؟؟
تحياتي وتقديري لكم جميعا
DDesigns
21-10-2003, 06:21 PM
مبرووووووووك عليك المضخم الرائع ويعطيك خيره ويكفيك شره .
طبعا هو مضخم رائع جدا جدا وصوته ممتاز وينفع تشغيل السب وففرات ولكن النوعيات البسيطه حيث يعطيك حوالي 400 الى 500 واط RMS في حمل 2 اوم . وهو كافي للبايونير .
اما بخصوص امريكي ولا مكسيكي فا والله ما ادري ايش الفرق ..
انا كان عندي مكسيكي وبعته ب 850 ريال بعد استعمال سنه ونصف .
نصيحتي انك تركب عليه اسلاك كهرباء كبيره علشان تعطيه كهرباء مضبوط او انك تحطله سلكين صغار .
حاول ان تثبت المضخم في وضعه الاصلي يعني الوجه فوق او على جنب يمين او يسار عادي ..
ولكن يفضل انه يكون وجهه على فوق .
لان هذا المضخم يرتفع حرارته كثيــــــــــــــــــــــر لانه من نوعيه Class AB .
فا لو خليت وجهه على تحت فا سوف ترتفع حرارته اكثر لانه معروف الحراره تصعد على فوق .
طبعا فيه مروحه صغيــــــــــــــــــــره وهي تشتغل عند الحراره ..
ولكن اللي عندي ما عمرها اشتغلت مع ان الحراره مرات تكون خارقه يمديك تسخن عليها اكل بس ما ادري ليش .! !! ! !
وديته للوكاله وخلوه عندهم كم يوم وجربوه ويقولون كل شيء اوكي بس ليش ما تشتغل ما ادري ..
عموما لا خوف حتى لو ارتفعت الحراره فا هو يتحمل ..
طبعا ارتفاع حراره اي مضخم شيء جيد وليس سيء حتى تظمن ان الحراره كلها تشتت داخل الغلاف الخارجي او المشتت الحراري ..
وتظمن ان الحراره لم تبقى داخل الاجزاء الالكترونيه والتي سوف تتدمر .
طبعا صوت المضخم اقوى لما يكون الجو بارد او في الليل غالبا لانه معروف ان المقاومات داخل اي مضخم عند ارتفاع حرارتها تزيد مقاومتها للتيار مما يقلل القوه .
تحياتي ....... :glasses2: :glasses2: :glasses2: :glasses2:
M.A.M
21-10-2003, 08:37 PM
مبروك اخوي DDesigns
وتسلم والله حبيبي
عاد الحين مابقى الا مشكلة الاسلاك والتركيب لان الرياض مافيها ناس فاهمة بهذي الاشياء مثل الشرقية لكن لو احد يعرف لنا ناس في الرياض تسلك مضبوط وتركب صح وشغل نظيف يدلنا عليهم
ووالله لو الود ودي اخوي DDesigns كان جيتك في الخبر
وريحت نفسي لاني ضامنك
<====== نشبة :D
وعلى العموم الله يعين والله اني شايل هم تركيبه خصوصاً اني طفرت بعد مااشتريته :D
هذي مشكلة الكلية
تحياتي لك اخوي
تحياتي للاعضاء الكرام
السلام عليكم ورحمة الله وبركاته
والله بصراحة ما ادري ايش صناعتة لاني ركبتة بالسسيارة ورميت الكرتون وسيارتي الحين بالورشة اذا طلعتها ابحاول اشوف ايش صناعتة وارد لك
وعلى فكرة انا موصلة على سماعتين بايونير 300 واط يعطي كل سماعة 150
وسب ووفر بايونير من الاشكال الجديدة الي يجي لونة اسود قوتة 800 وموصلة بالامبلي فاير بقوة 500واط طبعا حجم السب ووفر كبير 12 انش والبيس عندي جامد شوي احس انة يدخل في العظام طبعا هذا كلة على المسجل الاصلي وكلها شهرين او ثلاث واركب مسجل جديد انشاء الله
وسلامتكم
M.A.M
22-10-2003, 10:31 AM
مشكور اخوي -X-
بس اخوي حبيت اضيف لك معلومة اكتسبتها من حبيبنا :p DDesigns
الا وهي : ان الارقام هذي اللي يقولون عليها المحلات والمكتوبة بشكل كبير على السماعات والامبليفايرات والسب ووفرات والمسجلات واللي تكون 300 واط و 1000 واط و 50*4 واط للمسجل ... كل هذي اخوي زي ماتقول انها دعايات وهذي مو القوة الحقيقية لها ولكن هي اقصى قدرة يوصل اليها في لحظة من اللحظات وليست هي القوة الحقيقية المستمرة واذا اردت ان تعرف القوة الحقيقية المستمرة دور في المواصفات عن كلمة RMS وهذي هي القوة الحقيقية المستمرة وبالنسبة لسماعاتك اخوي شكلها نفس سماعاتي واتوقع ال RMS حقها يكون 80 واط وهذي المعلومة حبيت افيدك فيها اخوي -X-
وبالنسبة للسب ووفر انا لسا ماعندي وهو بالخطة المستقبلية :D
وعلى فكرة اخوي -X- انت السب ووفر حقك في صندوق ولا بين السماعات الخلفية ؟؟
تحياتي لك
وتحياتي للجميع
السلام عليكم ورحمة الله وبركاته
انا مسوي صندوق حاط فية السماعات والسب ووفر
طبعا السماعات على الاطراف والسب ووفر بالنص وفي حاجز بين السماعات والسب ووفر على شان مايأثر السب ووفر على السماعات
يعني كأني حاط كل سماعة في صندوق منفصل وطبعا مسوي فيها فتحة تهوية ومدخل عليها زي البيب
والسب ووفر نفس الشي بس الفتحة كبييرة
طبعا من داخل مبطنة بمادة مثل القطن بس ما ادري ايش اسمها وتساعد على اخراج الصوت او شي زي كذا
الزبدة ان الصندوق لوحدة كلفني 450 لانة شغل الفلبيني نويل الي في ورشة بايونير يعني شغل محترم
وانا مسوي السماعات بالصندوق لان عندي ستارة خلفية اوتوماتيك بالشتني بس الحمد لله الاسيات الخلفية تتنزل وترجع يعني وقت الطرب نزل وخلاص وسلامتك
M.A.M
23-10-2003, 11:30 PM
طيب اخوي -X- حبيت اسألك : ماادري ياليت لو تشوف لي وش صناعة الامبليفاير حقك ال GM-X944 هل هو مكسيكي او امريكي؟؟
ياليت تقول لي اخوي الله لايهينك
ومشكور مقدما
تحياتي للجميع
السلام عليكم
والله انا قلت لك الكرتون حقة رميتة بس عندي الكتلوج وقلبت فية ومالقيت شي
واذا الصناعة مكتوبة على نفس الاملبي فاير قول لي في اي جهة وانا اشوفها لك لاني حاولت اشوف في الامبلي فاير نفسة ومالقيت شي لاني شفتة بالليل بس اذا عرفت راح ارد لك
M.A.M
25-10-2003, 02:36 PM
هلا اخوي -X-
بالنسبة للصناعة اخوي تحصلها على نفس الامبليفاير بس تلقاها على الجزء السفلي للجهاز على ستيكر من تحت تحصل مكتوب الصناعة ومعلومات بسيطة
شوف ورد لي اخوي
تحياتي لك
اذا كذا ما اقدر اشوفها لاني مثبت الجهاز في الطبلون الخلفي بس ممن تحت جهة الشنطة والمحل الي مكتوب فية الصناعة بيكون تحت ما اقدر اشوفة لازم افك المسامير وشغلة بس اتوقع انة نفس الي عندك اذا كنت مشترية من الوكالة لان الي عندي من الوكالة والوكيل واحد
وسلامتك
M.A.M
26-10-2003, 04:55 PM
على العموم مشكور اخوي وماقصرت
بس حبيت اسألك كم سعر التسليك عند نويل الفلبيني ؟؟
لان لو كان السعر مناسب جيت للشرقية لانهم يمدحون شغله ويقولون مضمون والرجال فاهم بهذي الشغلات
وبالنسبة للسب ووفر حقك بايونير على مااعتقد طيب كيف البيس عندك؟؟ وهل انت شابك ال 944 على السب ووفر بس ولا كيف؟؟
وبالنسبة للصندوق اخوي لو بيسوي لي واحد للسب ووفر بس كم بيكلف؟؟ ومعليش اخوي اعذرنا على كثرة الاسئلة لكن مثل منت عارف اخوي انا ناوي على شغلات وابغى يكون شغلي مضبوط
تحياتي لك اخوي -X-
وتحياتي للجميع
السلام عليكم
انا سويت سيارتي عندة وابقول لك الاسعار
التسليك شغل اليد ب500ريال والاسلاك لوحدها كلفتني 250 ريال
والصندوق ما اقدر اقول لك بكم لان الي عندي ب450وكبير للسماعات والسب ووفر
الصندوق للسب ووفر اتذكر انة يقول 400 ريال
وبالنسبة للبيس واضح وقوي
طبعا لسة ماغيرت المسجل حق السيارة يقول لي نويل غير المسجل وراح يكون عندك البيس والصوت دبل عن كذا
يعني كل شغلي على مسجل السيارة الاصلي وكلها ثلاث اشهر واركب مسجل زي الناس
وانا شابك السماعات مع السب ووفر على نفس الامبلي فاير944
والامبلي فاير مرتااح بعد وسلامتك
M.A.M
28-10-2003, 05:57 AM
مشكور اخوي -X- وماقصرت
والصراحة انا كنت متوقع انه بيكون اقل من كذا بكثير
والله واااااااااااااااو غالي مرة بصراحة :shock2:
على العموم الله يعينني على تكلفته وشكلي ابطول ماشبكته:damp:
والشهر مبارك عليك اخوي وعلى جميع الاعضاء الكرام
تحياتي للجميع
DDesigns
28-10-2003, 10:52 PM
والله انا دائما اركب عند مؤوسسه الدواي على شارع الملك فهد ..
لانه اسعاره رخيصه والهندي اللي فيه فاهم مضبوط .
يعني يمكن بدال 500 ريال يكون 300 ريال طبعا حتى لو كنت تبي تقص للسماعات اللي ورا اذا كنت من راعين القص .
اما شغل الاسلاك فا هو شامل السعر بس اسلاك اقل جوده يحطها ..
اذا كان سعر الاسلاك 250 ريال فا هو غالي شووووي بس ما ادري ايش ماركتهم ؟؟؟
انا ركبت 4 RCA من نوع Monster حيث كلفني الواحد 75 ريال واضربها في 4 يعني 300 ريال !!!!!!!
ابببببببب والله الصراحه توني انتبه انها غاليه ..
اما بخصوص الصندوق فا سويت الصنودق حقي وهو بمقاس ثلاث ارباع شنطه السياره بالضبط يعني كبير حوالي 3.6 قدم مكعب وكلفني 150 ريال عند اي هندي فاهم في اي منجره بشرط تعطيه المقاسات .
اما شغل تلبيس الصندوق في السجاد فا هذا شيء يرجع لك فا انا ما تهمني الزينه .
اخي X لو ركبت مسجل جديد وخصوص من موديل P-7550 وما فوق فا الصوت سوف يتحسن عندك اكثر من 20 % .
بس برضوا الشغل كله في السماعات والتركيب ..
يعني ما يصير تشتري مضخم ممتاز والسماعات اي كلام ( مثل حلاتي ) شاري مضخم اكثر من 3500 ريال والسماعات اللي شغاله حاليا سعرها 100 ريال لوووووووووووووووووووووول . ( الصوت زباله مررررره )
سماعاتي راح توصل خلال اسبوع او 2 وانا متشوق لسماع جوده الصوت .
تحياتي ......
M.A.M
29-10-2003, 09:20 AM
ماشاء الله DDesigns موجود
جابك الله اخوي
انا الحين سويت اول خطوة في تحسين مستوى الصوت ونقائه عندي وهذا بعد استشارتك بالموضوع واللي هي تغيير الامبليفاير وانا الحين محتار كيف اشبك ال 944 ؟؟ يعني اشبكه على ال 4 سماعات البايونير حقتي الى ان يأتي السب ووفر ولا كيف؟؟ ولا اصبر مااشبكه الى ان اشتري السب ووفر وبعدين اشبكها مرة وحدة .. بس كيف بالضبط؟؟ وهل بيفيدني الامبليفاير السوني 444 بشي ولا الى سلة المهملات:)
نبغا نصيحتك ياخوي
وعندي تساؤل اخوي : بالنسبة لل 944 انا سمعت انه CLASS AB !!
فما معنى ذلك وايش تفرق ال A عن ال B عن ال AB عن ال C عن ال D ??? وايش الافضل ؟؟
تحياتي وتقديري لك اخوي
تحياتي للجميع
السلام عليكم
انا الاسلاك الي مركبها rcaبايونير بس المسجل الي عندي مافية rca فالتوصيل من المسجل عادي بس الى الامبلي فاير rca اتعبر فيها لين اغير المسجل
طبعا انا سيارتي اوبل اوميجا ومسجلها كبير يعني لو اغيرة اقدر احط اي مسجل لان المساحة عندي تساعد واذا تقدر تحط لي صورة المسجل الي تقول عنة وسعرة
بعدين انا خاطري احط مسجل كاسيت وسيدي في نفس الوقت ماتعجبني فكرة السي دي بوكس لانها تطول لين تشغل لي السيديهات
وسلامتكم
DDesigns
29-10-2003, 01:12 PM
لا روح شبكه في اقرب وقت لانك كذا ولا كذا راح تشبكه ..
اما بخصوص التشبيك فا شبك عليه كل السماعات ولا حاجه للسوني ..
ولا ترميه بالزباله لائنك يمكن تحتاجه في تشغيل تويتر او ما شابه .
واذا جاء السب ووفر افصل السماعات الضعيفه اللي عندك وركب الوفر بدون اي تعب .
عموما تستطيع ان تقوم بتشبيك السماعات في نفسك اذا كان عندك خلفيه بسيطه لان ما يبيلها شيء بس موجب و سالب - و + وخلاص تشتغل السماعه الا اذا كان فيه شغل ديكور فا هذا شيء ثاني .
بخصوص البايونير فا هو Class AB ..
طبعا افضل شيء معروف انه AB وايضا ياتي بعده A و B كلهم ممتازين ولكن يوجد فيهم عيب حيث انهم يستهلكون الكثير من الطاقه وحرارتهم مرتفعه جدا جدا وعاده الواط حقهم منخفض .
اما Class D او C او T فا هي مضخمات غير نقيه مثل AB ولذلك هي تستعمل في تشغيل السب ووفرات حيث ان نغمات BASS لا يمكن التفريق فيها اذا كانت نقيه ام لا .
ميزه D و T و C انهم لا يستهلكون الكثير من الطاقه ويمكنهم اعطاء واط عالي جدا جدا وحرارتهم منخفظه كثيرا ..
فقط هذه هي الاختلافات .
طبعا يوجد اشياء اخرى تتحكم بقوه الامبلي فاير حيث ليس فقط كم واط يعطيك وحتى لو كان RMS فا اشياء اخرى تتعلق بالفولت
حيث انهم يقولون لك ان المضخم يعطيك 600 واط في 14.4 فولت
فا لو سيارتك شغال فيها المكيف والدنيا كلها والفولت نازل عندك مثلا 11 فولت او 12 فولت فا ما راح يعطيك 600 واط كامله .
وايضا يوجد شيء اخر اسمه Efficiency اي الكفاءه او القدره
وتجدها مع مواصفات المضخم وهي تكون نسبه مئويه ..
يعني لو قالك ان الكفاءه 100% الومضخم مكتوب عليه 200 واط فا هو سيخرج 200 واط ..
ولكن لو قالك الكفاءه 60% والمضخم مكتوب عليه 100 واط فا هو سيخرج لك 60 واط فقط ..
طبعا هذه شغلات ما يعرفونها الناس حتى المحترفين في هذا المجال ما يهتمون فيها او ما يعرفونها ..
لهذا اكرر كلامي لا تستهين في كلمه واط فا هي كلمه كبيره .
تحياتي .....
M.A.M
29-10-2003, 08:49 PM
مشكور اخوي
لكن المشكلة ياخوي اني مااعرف اوزن الامبليفاير وعندي سماعات 60 واط يعني اقل من ال 75 واط حقت المضخم لذلك اخاف اسوي شي ولا شي وتحترق علي وبعدين تشبيكه في البطارية وهذي الامور اليدوية انا للاسف :cry: انسان فاشل فيها بكل ماتحمله الكلمة من معنى:cry:
وانا اكثر الاشياء اللي اعرفها الاجهزة الالكترونية والاشياء اللي فيها تكنولوجيا لاني احبها اما شغل يدوي للاسف مااعرف ابد ودايما افشل:D وماشاء الله على اهل الشرقية عندهم كذا محل فنانين ومعروفين اما حنا في الرياض مافيه محلات معروفة واغلب المحلات دايما تكون بداياتهم على ايدينا ويتدربون علينا الى ان يفهمون ويعرفون لهذي الشغلة . فياليت اي احد يعرف محلات كويسة في هذي الاشياء يقول لي وين في الرياض بالضبط ؟؟
ومشكورين مقدما
تحياتي للجميع
DDesigns
30-10-2003, 06:32 AM
ما يبيلها شيء اخوي ...
اوكي انا انصحك انك ما تركب المضخم بيدك يعني تشبكه على البطاريه لانه توصيله خطاء تحرق ابو الدنيا ..
ولكن انا قصدي السماعه او السب ووفر لو جبته بعدين وقالك يبي ياخذ فلوس فا مالها داعي ..
السب ووفر فيه سلكين واحد - و الثاني + وصلهم في المضخم على طول بس تفكك البراغي و تسكر عليهم ويشتغل كل شيء يعني كانك تركب فيش كهرباء .
تحياتي .....
M.A.M
30-10-2003, 08:03 AM
اوكي اخوي DDesigns
انا خلاص قررت اركبه عند محلي الاول وهو عنده فلبيني ماعليه يمشي الحال لكن الحين الاسلاك ماودي اركب شي ويخرب عندي بعدين ولا يصير الصوت اقل نقاء وابغى اشبك الامبليفاير بدون خطر على كهرباء السيارة او على الامبليفاير نفسه فياليت اخوي لو تدلني على اسلاك معروفة وايش الاسلاك اللي تلزمني بالضبط ؟؟ يعني بالتفصيل .. مع العلم ان عندي اسلاك الامبليفاير القديم السوني 444 فهل اقدر استفيد منها بحيث اقلل الخسارة المادية بالاستفادة من الموجود !!!
واخوي الله لايهينك ابغى تدلني على مكان حلو للامبليفاير في سيارتي الاكورد 98 .. ياليت اذا كنت شايف اكورد مركب امبليفاير بمكان كويس تدلني على موقع هالمكان وهل هو في الشنطة ولا في مكان ثاني واذا كان في الشنطة بيكون وين بالضبط؟؟
والله انا كثرت اسئلتي ياخوي بس مثل ماتعرف انا فرحان بالامبليفاير الجديد وابغا اموري تكون كلها تمام
وتحياتي لك وتقبل الله صيامك وصيام جميع المسلمين
تحياتي للجميع
DDesigns
30-10-2003, 01:28 PM
بخصوص الاسلاك فا الكهرباء ركب اي شيء بس اهم يكون متين شوي يعني اكبر من حجم اسلاك الكهرباء اللي في البيت حق المسجلات وغيرها بشوي .
اما بخصوص اسلاك الصوت فا دور اي شيء يكون Oxygen Free وهي النوع الذي لا يتاكسد مع الوقت.
ويفضل يكون الراس مطلي بالذهب 24 قيراط .
يعني في انواع غاليه وفيه انواع يمكن المتر ب 4 او 5 ريال ..
اما بخصوص مكان وضعيه المضخم فا براحتك انت بس انا دائما اركبهم في ظهر الاسيات الخلفيه ..
لا انصحك انك تركب على فوق ويكون وجهه على تحت لان الحراره راح تزيد .
M.A.M
30-10-2003, 05:44 PM
اخوي DDesigns
ماادري وش الاسيات الخلفية :damp:
اعذرني اخوي ترا اختلاف اللهجات له دور .. بس توقعي انك تقصد المقاعد الخلفية للسيارة :D
اخوي عندي تساؤل ثاني : وش معنى اذا قالوا BRIDGEABLE ؟؟
ووش الفرق بينه وبين اللي مو BRIDGEABLE ؟؟
تحياتي لك
DDesigns
30-10-2003, 10:28 PM
نعم قصدي بالسيت اي المقصعد ... هههه هذه كلمه انجليزيه .
اما بخصوص كلمه BRIDGEABLE فا هي ميزه ممتازه جدا وهي تتيح لك المزيد من الطاقه عن طريق المضخم .
يعني لو قلنا المضخم 100 واط ضرب 2 فا معناها انه فيه اثنين - و اثنين + .
فا لو اخذت السالب من القناه اليمنى واخذت الموجب من القناه اليسرى فا سوف تحصل على قوه اثكر اي انك وحدت القناتين مع بعض حيث سوف يعطيك غالبا 200 واط .
M.A.M
30-10-2003, 10:40 PM
على العموم مشكور اخوي وماقصرت
بس كيف يكون على المقعد الخلفي بالضبط .. لاني الاحظ صعوبة في وضعها في هذا المكان.. وضح اكثر اخوي الله لايهينك
وياليت اخوي لو كان عندك مواقع فيها صور او شرح لطريقة تركيب الانظمة الصوتية .. واذا عندك مواقع تتكلم عن المسجلات اللي تجي في السيارة من المصنع .. يعني مسجلات السيارة الاصلية الشد بلد
لاني ابغا معلومات عن هذي المسجلات ومقارنات لكن مااعرف مواقع
ومشكور اخوي وماتقصر
تحياتي لك
DDesigns
31-10-2003, 03:15 AM
انا قصدي انك تثبته على الكراسي اللي في الخلف من ورى يعني تحفر في الدريل فتحات من وراء .
عموما شوف هذه طريقه ( السياره هوندا اكورد 99)
http://images.cardomain.com/member_images/12/web/360000-360999/360827_28_full.jpg
او انك تحطها بنفس الشكل بس على ظهر الكراسي الخلفيه .
M.A.M
31-10-2003, 01:10 PM
والله هذا الموقع يعتبر حلو بس اخاف اذا حملت اغراض في السيارة تغطي على المضخم وتزيد حرارته
انا اخوي ابغى محل يكون تهويته جيدة ولو مثلا حطيت اغراض في السيارة ماتكون تسبب مشاكل له او تزيد حرارته لان الاغراض تكون تسد اماكن الهواء.طيب تتوقع اخوي ان المحلات اللي عندنا يعرفون يسوون مثل الطريقة اللي بالصورة اللي انت حاطها !!
وياليت اخوي لو كان عندك مواقع فيها صور او شرح لطريقة تركيب الانظمة الصوتية .. واذا عندك مواقع تتكلم عن المسجلات اللي تجي في السيارة من المصنع .. يعني مسجلات السيارة الاصلية الشد بلد
تحياتي وتقديري لك
DDesigns
01-11-2003, 12:51 AM
ههههه ما عندك الا كذا انا حاط مضخماتي في نفس الطريقه تقريبا ..
ولا تخاف على الحراره فا هو يتحمل بقوه وما يخرب يعني مرات ما اقدر احط يدي على المضخم لمده 5 ثواني من الحراره ولكن عادي لا تخاف.
انت لازم تحسب حساب الحوادث يعني يمكن لو حطيته في مكان ثاني ينكب عليه ماي ولا شيء ثاني .
اما بخصوص صور للتركيب فا لا يوجد مواقع فيها تعليم بل يوجد دراسات في امريكا وشهادات يعلمونك فيها التركيب . :D :D
M.A.M
01-11-2003, 01:01 AM
ههههههه
انت اكيد اخوي ماشاء الله عليك تستاهل احسن الشهادات :)
والحمدلله اخوي تصدق بغى يروح علي المسجل
كنت موقف السيارة عند بيت عمي وفجأة سمعت صوت ضربة واشتغل بعدها الانذار ويوم طلعت واشوف قزازة السواق مكسورة بس الحمدلله ماانسرق شي لان مافيه اصلا شي غير المسجل:)
بس اخخخخخ اخخخخ لو مسكت اللي كسرها
على العموم اخوي الله يبعدك عن هذي المشاكل ويبعد الجميع عنها
وبخصوص الاسلاك ال RCA اللي من نوع Monster
انت طمنتني من ناحية السعر بس ماقلت رايك فيها وفي جودتها وهل تنصحني فيها ؟؟
مشكور مقدما اخوي واتمنى اني مااثقلت عليك
تحياتي وتقديري لك