View Full Version : المساعده من اهل السعوديه و قطر و الكويت
Crower
20-09-2003, 07:23 PM
السلام عليكم
الحكايه و ما فيها يا شباب اني معزم و داخل خاطري جمس بيكب 2003 كابينه وحده, و مثل ما تعرفون انا من الامارات و المشكله انه ما يتوفر الا بطلب و ما تقدر تطلب الا 5.3 ليتر و يكون فورويل
انا المواصفات اللي اريدها يا شباب هي انه يكون دفع خلفي فقط و ان كان ممكن انه يوفرونه بمحرك 6.0 و يكون نفس هاي الصوره بالضبط و اللون ما يفرقhttp://www.gmc.com/gmcjsp/sierra/images/brand_thumb1.jpg
او ان كان موجود الدينالي نفس ها الصوره
http://www.gmc.com/gmcjsp/sierra/images/brand_thumb3.jpg
ارجو المساعده يا شباب للضروره و ارجو الاستفسار عن السعر و ان كانت السياره متوفره حاليا او لا
انتظر الردود من الاخوان و شكرا مقدما:help:
TOP-SECRET
20-09-2003, 07:54 PM
اخوي انا من قطر ومتوفر عندنا الدفع الخلفي فقط من غير الفورويل بس الدينالي ماعتقد انه موجود واعتقد المتوفر عندنا 5.3 لتر والسياره روووعه بس ناقصها تهبيطه وبوالين :laugh: وتطلع شي والعزم جاااااامد:) وسعر السياره عندنا ماعرفه بالضبط كم لكن الوكيل عندنا متعاون ويخفض في السعر احنا عندنا جمس سوبر بان فل اوبشن طلبيه موديل 2001 سعر الوكاله 180 الف وعطونا اياه 150 الف وطبعا الحين نهاية ال 2003 واكيد بيراعونك كثيرررررر في السعر :)
الأنصاري
21-09-2003, 02:43 AM
تويوتا وبس قالها :D :D
الأهبل
21-09-2003, 03:24 AM
السلام
والله ما شفت مثلهم عندنا في السعوديه
بس يوم رحت الكويت قبل ثلاثه اسابيع شفت منهم عدد حبات الرمل بس مو وكاله في المعارض والموديل من 2001/2002/2003
والسيارات وكاااااااااله الي يشوفهم
بس للأسف ما سالت عن اسعارهم
ممكن اي واحد كويتي يفيدك بالسعر
زورو الامارات
21-09-2003, 10:10 AM
السلام عليكم ورحمة الله وبركاته
http://www.gmc.com/gmcjsp/sierra/images/brand_thumb1.jpg
هلا كراور
تحاول تدوره مثلي ؟
كنت ادوره بس ماحصلته مستعمل بسعر حلو
بنفس مواصفاتك واذا تتذكر كنت مكلمنك على نفس هالموضوع من قبل 6-7 شهور يمكن
الظاهر انك اقتنعت بفكرتي بعد ماصرفت النظر عنها
هذا ما ايي 6000 سي سي فقط 5300 او 4800 سي سي 8 سلندر
وكذلك ينزل 6 سلندر بعد
السعر بيكون غالي شوي اذا جديد احسب من ال 108 الف وانت طالع
سألت عنه في وكالة الوطنية في دبي وكذلك في الشفر (يوسف حبيب) لكن الشفر ماردوا علي ابدا مرتين اقول لهم سووا كوتيشن لكنهم باردين وايد وضيعوا عن انفسهم بيعه
تحياتي
STS4ever
21-09-2003, 10:42 AM
شباب في واحد بـ 35000 الف موديل جديد وهو الظاهر بدون دبل ولونه زي الصوره صخري بس ماادري كم لي فتهر من الاعلان اذا تبون ادوره مره ثانيه انا حاضر
سلام
Crower
21-09-2003, 02:19 PM
زورو الامارات: انا ما زلت على الراي القديم بس صارت شغله خلتني اغير الراي, و ابشرك السياره انطلبت و لله الحمد السياره انطلبت و نفس المواصفات اللي قلت لك عنها و المكينه 6.0 و السعر ممتاز الحمدالله:glasses2:
و بعد في امكانيه اني اطلب 8.1 بس المشكله لازم انتظر لين شهر واحد لين ما يوصل
silver
21-09-2003, 02:32 PM
ما ادري بس اذكر أن في احد الأخوة هنا ... قال مره إنك تقدر تطلبه من الوكيل وتكون مكينته 8100 وقير عادي بـ 6 سرعات ... اظن قال ان سعره في الـ 120 الف ... واظن إن هذا الشخص كان من الأمارات ... لكن ماني متذكر بالظبط من هو :damp:
SVT-COBRA
22-09-2003, 09:15 AM
السلام عليكم ورحمة الله وبركاته
فكر بالدودج RAM انا ارى انه افضل من ال GMC
و يا حبذا لو كان V10
و سلامتكم
TOP-SECRET
22-09-2003, 03:11 PM
الدوج رام ثقيل والجمس من وجهة نظري شكله احلا وعزمه قووي :) وفي الشارع مايتفاهم تدعس له يشيل الارض معاه:laugh:
زورو الامارات
22-09-2003, 03:32 PM
السلام عليكم ورحمة الله وبركاته
هلا كراور
بالتوفيق ان شاء الله
وخبرنا بكل المستجدات اول بأول ادري فيك داش بمشروع جديد حاس قلبي فيك :)
Crower
22-09-2003, 05:14 PM
الرام يا جماعه مش من الفئه اللي ادورها لانه كبير وايد و انا اللي ادوره الفئه القصيره و هي فورد لايتننغ او داكوتا ار تي او الجمس بو رفارف و اعتقد انه الافضل لتوفر قطع الغيار و بعدين تقدر تجيبه من الوكاله على عكس السيارتين الباقيات
بس يبقون الفورد و الدودج من احلى السيارات عندي لاني مجربنهم و كنت استعمل الداكوتا ار تي في امريكا و ما عليهم كلام بس ليش تعور راسك بشي ما تقدر تجيبه من الوكاله و بدون ضمان
روح الامارات المشروع بسيط , لو رايدر او ايرباق مع رنقات 22 محترمات و سياره غريبه و مريحه في الاستعمال