View Full Version : باسات Vs الـES 300 .. شباب برأيكم وش هي الأفضل ؟؟
ES 300
11-09-2003, 05:21 AM
السلام عليكم ورحمة الله وبركاته
يا شباب حبيت اشوف رأيكم الشخصي طبعا حول سيارة الفلكس واجن باسات .. ولكزس ES 300 ..
الأفضل من ناحية المواصفات ... قوة المكينة .. الفخامة .. الأمان .. السعر .. وطبعا المظهر الخارجي الي اعتبرة اهم مافي السيارة ...
PASSAT
http://www.cardesignnews.com/events/paris2000/features/vw-passat/images300/vw-passat-frts.jpg
ES 300
http://www.familycar.com/RoadTests/2002-LexusES300/Images/RightFront.jpg
اتمنى التفاااعل ...
المظهر الخارجي
باسات
والبقية تأتي
PASSAT V6
11-09-2003, 06:57 AM
انا انصحك في الباسات خاصة اذا كانت V6 :shock2:
سرعة....فخامة... والمظهر الخارجي:OO:
بعض المزايا في الباسات:
محرك قوي وقير تيبترونيك...حساسات خلفية..انوار زنون...ذاكرة للمقاعد والمرايا..مقاعد مدفأة
760IL
11-09-2003, 07:38 AM
من كثر مااعضاء المنتدى هنا يذمون في الباسات تعقدت منها ....
ايضا الباسات ضيقه من الداخل
ايضا الباسات غاليه مع الاوبشن
ايضا الباسات مضهرها الخارجي صار عادي جدا
أبو عتب
11-09-2003, 08:20 AM
والله ياخوك زي ماقال اللي فوقي ضيقه من الداخل
عكس اللكزس تحس براحة بالداخل .. وصدقني اذا خذيت اللكزس
ماراح تندم بيوم ..
أبو عتب
زمردة
11-09-2003, 10:00 AM
السلام عليكم ورحمة الله وبركاته
اللكزس مامثلها سياره ..
مريحه من جميع النواحي :)
وكفايه انها تقنية تويوتا
وانا عن نفسي باخذ الماني وبسسسس
وجهة نظر
زورو الامارات
11-09-2003, 11:14 AM
السلام عليكم ورحمة الله وبركاته
هلا بعد مايبغي لها كلام هذي
لكزسسسسسسسسسسسسس بدون تفكير
كابريس
11-09-2003, 02:55 PM
شوف الرابط هذا
http://www.swalif.net/sforum1/showthread.php?s=&threadid=174767
أعتقد بعد نزول ES330 ..... الباسات صارت ماضي .....
Streets_Outlaw
11-09-2003, 03:33 PM
طبعا الكزس..
أولا الباسات ضيييقه من داخل...
فاخمتها اقل من اللكزس بمراحل خاصه واني اشوف ان es300 لفخم من ال 430 من داخل وشوف المسجل. طبعا هذي وجه نظري
ثالثا الباسات تحت كبوتها مافي مكينه.
شكله الباسات الخارجي جيد واللكزس مو مره
وكاله باسات سيئه وصاينتها غاليه عكس اللكزس.
والامان اتوقع لكزس
غير كذا لكزس لها سيستم صوت جبااااااااار.
اترك عنك خرابيط هالتقنية الاوروبية وكذابها
اعرف كثير من اخوياي عندهم سيارات فولكس واجن ....
عمرها الافتراضي من ناحية الديكورات وبلاستيك الابواب لا يتعدى سنتين بالكثير مع الاهتمام والمحافضة ...وبدون الاهتمام سنه والله كثيرة
لذل انا انصحك باللكزس مع اني متحفظ عليها لاسعار قطع الغيار الفاحشة وان كانت هي اقل انواع اللكزس اسعارا في قطع الغيار
مافي خيار اخر؟
مدردش متقاعد
12-09-2003, 12:34 AM
السلام عليكم ورحمة الله وبركاته
مرحبا أخوي...
أنا مثلك كنت في حيرة من أمري قبل عدة شهور عندما قررت شراء سيارة .. و تجولت في كثير من وكالات و معارض السيارات..برفقة الأخ سردال.. و من ضمن السيارات التي كنت أفكر بها الباسات..و أيضا اللكزس ES300.. و في النهاية قررت شراء اللكزس..قل لي لماذا؟
أولا... اسمها يكفي.. لكزس:)
ثانيا: سعة المحرك في اللكزس أفضل من مثيلتها في الباسات..
ثالثا: شكل اللكزس من وجهة نظري أجمل و أكثر (رياضية) من الباسات.. خصوصا إذا ما قمت بشراء الطراز ذو الزوائد على الجوانب و الجناح الخلفي..مما يعطيها منظر أجمل بكثير من الشكل العادي..( تفرق 5000 درهم زيادة)
رابعا: السيارات اليابانية بصفة عامة أكثر ملاءمة لجو الخليج.. و أكثر تحملا و تعيش مدة أطول.. خصوصا إذا كانت صناعة شركة تويوتا..
خامسا: هدوء السيارة عندما تقوم بقيادتها... و هذا ما تفخر به شركة لكزس دائما..و ذلك لأنها زودت قاعدة المحرك بطبقات تقوم بامتصاص الصوت..حتى عندما تكون السيارة واقفة و المحرك شغال من الصعب أن تميز صوت المحرك!
سادسا: فخامة اللكزس تفوق برايي فخامة الباسات..فالمقصورة الخلفية في اللكزس أكثر رحابة و الطبلون و العدادات المضيئة.. إضافة إلى نوعية المسجل و نظام الصوت أفضل من نظيرتها في الباسات...و تأتي اللكزس مزودة بتحويلة ثابة لجوال نوكيا 8320 مع جوال بلاش:D .. بينما وكالة الباسات تشرط عليك إضافة مبلغ لا يقل عن 2000 درهم كي يقوموا بتركيب التحويلة كإضافة اختيارية....
أخيرا..اللكزس موجودة عندي صار لها 9 شهور تقريبا.. و الحمدلله ما اشتكيت منها شي.. اللهم واحد من الشباب عطاني عين.. و حرق لمبات البريك الي على الجناح.. و اضطريت أبدل الجناح كامل... بس على حساب الوكالة:)
عذرا على الإطالة..
تحياتي لك
مطر العين
12-09-2003, 01:32 AM
السلام عليكم ورحمة الله وبركاته
الكزس ES300
ذات شكل قبيح بالمره(وجهة نظر)
سياره قيمتها 118 الف درهم ودفع امامي ؟؟؟؟؟؟؟؟؟!!!!
السفايف غاليه 450 درهم للاماميه والخلفيه
لا يوجد بها اي نوع من الفخامه
مطر العين
12-09-2003, 01:35 AM
رد مقتبس من مدردش متقاعد
السلام عليكم ورحمة الله وبركاته
سادسا: فخامة اللكزس تفوق برايي فخامة الباسات..فالمقصورة الخلفية في اللكزس أكثر رحابة و الطبلون و العدادات المضيئة.. إضافة إلى نوعية المسجل و نظام الصوت أفضل من نظيرتها في الباسات...و تأتي اللكزس مزودة بتحويلة ثابة لجوال نوكيا 8320 مع جوال بلاش:D .. بينما وكالة الباسات تشرط عليك إضافة مبلغ لا يقل عن 2000 درهم كي يقوموا بتركيب التحويلة كإضافة اختيارية....
تحياتي لك
يعني بخذ الكزس ب 118 الف درهم الفل اوبيشن
والباسات ب90 الف دره مع جميع المواصفات
يعني فرق السعر 30 الف درهم
؟؟؟؟
HOLDEN-SSX
12-09-2003, 02:27 AM
والله اذا بتفكر فيها من نواحي عديدة فمالك الا لكزس ..اول شبب الوكيل(طبعا بالسعوديه) مافي وجه مقارنة ساماكو مع عبد اللطيف جميل ... ثاني شي بالنسبة للراحه مابدخل بتفاصيلها لكن جرب الباسات واركب ورا خمس دقايق اذا ماجاك شد بالعمود الفقري قابلني:D شي ثاني الديكور اللي داخل اللي اسمع كم عضو يتكلموا على اللومينا مشان ديكورها روح شوف الباسات قطع الباب التخشيبات كلها تتفكك صحيح يبدلوها عالضمان بس شوف الوقت اللي ياخذوه .. هذا غير التبترونك اللي مشتادين لي فيه شوف كم سيارة واقفه برة بسامكو مشكلتها قير وياريت على الهندسة المانيه يجيبوا متخصصين يعني حالهم من حال اي مكان لان الماني مايلمسه الا فني متخصص ...ماطول عليكم باااااااي...النهاية لكزسسسس
مطر العين
12-09-2003, 04:24 AM
السلام عليكم ورحمة الله وبركاته
لكزس سياره متخلفه غاليه على الفاضي
يعني على شووو 118 الف درهم
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مكسيما فل اوبيشن احلى بوايد واريح و اوسع
90 الف درهم
من غير الذاكره للمقاعد
عطني صفه مش موجوده في المكسيما و موجوده في الكزس؟؟
مدردش متقاعد
12-09-2003, 05:02 AM
السلام عليكم ورحمة الله وبركاته
أخي الكريم مطر العين..
اول شي حياك الله معانا في سوالف,.. على امل ان نبادل الفائدة فيما بيننا...
ثانيا... ارجو منك مراجعة هذا الرابط.. و قراءة ما فيه جيدا..و بتمعن..
http://www.swalif.net/sforum1/showthread.php?threadid=174808
تحياتي لك..
deaddly 99 yukon
12-09-2003, 05:18 AM
انا اول شي كنت محتقر اللكزس و اعتبرها كامري و مركبيلها زينون و تخشيبه
لكن قبل اسبوع خويي اشترى وحده صراحه فكرتي تغيرت عنها 180 درجه يعني السياره ما شاء الله عليها رساوه وهدوء و امان و يكفيك انك تقدر تعدل قساوة نظام التعليق من الداخل بين comfort و ال sport
و بالنسبه للوكيل عندنا بالسعوديه عبداللطيق جميل احسن من الف ساماكو و صراحه اكثر شي يعجبك بالسياره هدوئها يعني ما تحس انها شغاله !! اما الفولكس واجن فالشركه هاذي كلها بكبرها مو خاشه دماغي (مع احترامي لعشاقها) ...
و انا انصحك باللكزس و بالنهايه الرأي رآيك
مطر العين
12-09-2003, 05:22 AM
رد مقتبس من مدردش متقاعد
السلام عليكم ورحمة الله وبركاته
أخي الكريم مطر العين..
اول شي حياك الله معانا في سوالف,.. على امل ان نبادل الفائدة فيما بيننا...
ثانيا... ارجو منك مراجعة هذا الرابط.. و قراءة ما فيه جيدا..و بتمعن..
http://www.swalif.net/sforum1/showthread.php?threadid=174808
تحياتي لك..
شكرا
بس انا ما قلت الا انني عبرت عن رايي بدون ما اقول عن شخص اي شيء
كابريس
12-09-2003, 06:18 AM
رد مقتبس من S8
اترك عنك خرابيط هالتقنية الاوروبية وكذابها
اعرف كثير من اخوياي عندهم سيارات فولكس واجن ....
عمرها الافتراضي من ناحية الديكورات وبلاستيك الابواب لا يتعدى سنتين بالكثير مع الاهتمام والمحافضة ...وبدون الاهتمام سنه والله كثيرة
هاذا واضح جداً عند أصحابي ممن يملكون باسات او حتى بورا
:laugh:
الديكورات مكسرة
واحد من أصحابي نحيف وضعيف شوية يقول كان في لفة قام مسك الديكور بيده فأتكسر
:laugh:
لذل انا انصحك باللكزس مع اني متحفظ عليها لاسعار قطع الغيار الفاحشة وان كانت هي اقل انواع اللكزس اسعارا في قطع الغيار
الي يدفع 115.000 في لكزس يقدر يدفع قيمة قطعها
:banana:
رد مقتبس من كابريس
الي يدفع 115.000 في لكزس يقدر يدفع قيمة قطعها
:banana:
واللي ياخذها اقساط ؟ :laugh: ويادووووووبك:damp:
كابريس
12-09-2003, 07:15 AM
رد مقتبس من S8
واللي ياخذها اقساط ؟ :laugh: ويادووووووبك:damp:
مين الأهبل الي ياخد لكزس أقساط ؟ :confused: :help:
وش المانع؟
انا كنت مرة في معرض BMW ...وجاء احد الزباين واشترى له BMW 745LI اقساط .....الدفعة كانت 150 الف ريال تقريبا والاقساط في حدود 15 الف ريال شهريا
:damp:
760IL
12-09-2003, 09:41 AM
رد مقتبس من S8
وش المانع؟
انا كنت مرة في معرض BMW ...وجاء احد الزباين واشترى له BMW 745LI اقساط .....الدفعة كانت 150 الف ريال تقريبا والاقساط في حدود 15 الف ريال شهريا
:damp:
هذا شكله سنه ويخلص الاقساط....
بس على فكره من متى الes300 يتوفر له جناح
ياليت صوره اذا تكرمتو
X_RaYs
12-09-2003, 11:20 AM
اذا اخذتها من ناحية الشكل .. اشوف الباسات تتفوق وبمراحل على اللكزس وخاصة من الخلف ..
اذا اخذناها من ناحية المواصفات .. باذكرلك الآن الاشياء اللي تتفوق فيها الباسات (V6 ) على اللكزس :
1- الجير تيبترونيك وفي اللكزس أوتوماتيك فقط ..
2- تدفئة مراتب وفي اللكزس لا يوجد ..
3- جنوط 17 وفي اللكزس 16 ..
4- كاركيت مع جهاز نوكيا 6210 وفي اللكزس لا يوجد ..
5- أربع حساسات خلفية مدمجة مع الصدام بعكس الحساسات الملصقه فصدام اللكزس ( وعددها 2 فقط ) وهي نفس الحساسات اللي نشوفها على الهايلكس و الايكو !!
وبالنسبه للوكاله يمكن اللكزس تتفوق .. ولك الخيار !!
كابريس
12-09-2003, 02:26 PM
رد مقتبس من S8
وش المانع؟
انا كنت مرة في معرض BMW ...وجاء احد الزباين واشترى له BMW 745LI اقساط .....الدفعة كانت 150 الف ريال تقريبا والاقساط في حدود 15 الف ريال شهريا
:damp:
ممكن تقول لي كم يطلع سعر السيارة اذا الواحد ياخدها اقساط زي كده ؟؟!؟!؟
:OO: :OO: :OO: :OO: :OO:
passat2002
12-09-2003, 07:39 PM
مرحبا شباب
اخوي انا انصحك انك تاخذ باسات صدقني اذا اخذت اللكزس راح تندم اذا ناضرت الباسات وقارنته بالكزس
صحيح اني واجهت بعض المشاكل في الباسات في القير خصوصا بس الحمدلله تغلبت على المشكلة ونحلة والسيارة حاليا من احسن مايكون وعلى فكرة الباسات فئة 6 سلندر مايشتكون من القير مو مثل ال 4 سلندر السبب ان وزن السيارة ثقبل على القير اعتقد ام ال 6 فلا القير اكبر واريح
واقولك بكل صراحة انا استخدم السيارة استخدام اجار والله لدرجة اني انزل القير في الغيار 2 واخلي الضغط الماكينة يوصل الى الاحمر وبعدين اغير الى 3 كأنها قير عادي ورغم ذاللك كل المشاكل الي واجهتها في القير بسيطة بنسبة للاستخدام السيئ صدقني خذ الباسات وخصوصا اذا كانت من فئة 6 سلندر وماراح تندم
اما اللكزس ماله داعي في الاساس خصوص الشكل الي انت مختاره كرييييييييييييهههههههههههه بمعنى الكلمة انت ناظرة من الجنب وشوف الكفرات وبعدين تقتنع صدقني سيارة مالها داعي
يكفيك ان الباسات الماني
والخيار راجعلك
Third Eye
12-09-2003, 08:14 PM
رد مقتبس من 760IL
هذا شكله سنه ويخلص الاقساط....
بس على فكره من متى الes300 يتوفر له جناح
ياليت صوره اذا تكرمتو
هاذي في الإمارات على حسب علمي
bashar_255
13-09-2003, 01:51 AM
رد مقتبس من 760IL
هذا شكله سنه ويخلص الاقساط....
بس على فكره من متى الes300 يتوفر له جناح
ياليت صوره اذا تكرمتو
و الله انا اول امس رحت البحرين
شفت ESبجناح و صدامها الخلفي غير شكلها يهبل
ما عرفتها الا لما شفتها من قدام...
شي
:shock2: :shock2: :shock2: