كورفيت (الكنج اس اس) شغل وكاله والله

[corvette c4]

السلام عليكم ورحمة الله وبركاته
والله يالكنج لي اكثر من يومين كل مااكتب رد على موضوع الكورفيت مايرضى يترسل يمكن كتبت اكثر من عشر ردود كلها تتكنسل ويجيني لايمكن عرض الصفحه عشان كذا قلت خليني ارسل ردي عن طريق موضوع لعل وعسى وسامحنا على كتابت الرد على شكل موضوع

اولا لك جزيل الشكر على انك مارديتنا خايبين يوم سالناك عن الكورفيت وقلنالك نزل لها صور مع انها شغله متعبه فعلا وتطفش لاكنك ماغليتها علينا ومارديتنا خايبين فالله يجزاك خير ويكرم اصلك الطيب ومشكور على الاطراء في اخر الموضوع بقولك اتمنى تطلع الصور مع التحيه خاصة للاخ corvette c4 الف الف شكر لك وعلى روحك الطيبه

ثانيا السياره // ماقدر اقولك غير ماشاءالله تبارك الله الله يعطيك خيرها ويكفيك شرها بالذات انك حاط فيها مصحف شوفه في الصوره الاولى فالله يوفقك والسياره والله العظيم كانها وكاله يعني ماكانها 89 الموديلات هذه دايما تلقى جلد الابواب ناشفه ومقطعه والبلاستيك مشطب والاكسسوارات منتهيه وووو بس اللي معاك شكلها كلفك كثير لاني انا سالت عن جلد الباب الواحد فقط اللي تمسك القزاز من اليمين واليسار لاقيتها ب500 ريال مابالك بالجلود كلها وبعدين التنجيده ممتازه جدا والله كانها خارجه من المصنع فلوانت مسويها بورشتكم كم ممكن تكلف من غير المقاعد السياره كامله طبعا مع الطبلون؟؟؟
وبالنسبه للجنوط انا اقلك انها اكثر من ممتازه وترى ماراح تبان فايدتها الا بعد ماتلغم السياره عارف ليه لانه ارتفاع الكفر كبير نسبيا بالنسبه للكورفيت بس هذا الشي راح يخلي السياره لينه شوي يعني مطباتها لينه ويخليها تتمسك بالارض اكثر غير شكلها الحلو ماشاءالله ونصيحه من اخوك وطلب تكفى لاتغيير الجنوط وبعدين ناسبتني حركه الهوبات الرياضيه بس من فين جبتها وكم سعرها تقريبا وانا لو ابغى اجيب شغلات زي كذا ممكن اطلبها عن طريقكم وياليت ماتبخل علينا بكل جديد عن الكورفيت يعني لو تركب عليها مسمار اكتب عنه في المنتدى لانه بصراحه انا سويت شي اتمنى انك ماتزعل منه لاني مسوي سي دي خاص خليته للكورفيت حقتك يعني اي شي تنزله بالمنتدى تلقاه عندي يعني كانه ارشيف للسياره وهذا الشي طبعا من حبي الكبير للكورفيت وكيف عاد اذا طاحت بيد الكنج

بس عندي اقتراح وهو ليه ماتغيير واجهتها وتخليها حقت 92 وفوق لانها احلى انا مغيرها عندي اما الخلفيه لا خليها مثل ماهي لانه الخلفيه هذه احلى خلفيه على الكورفيت

بس عندي استفسار انت قلت في احد الردود انها تقريبا 200 حصان :confused: ماكأنك غلطان يالكنج لانه اللي معاي موديل 88 TBI راس المنيوم تقريبا 280 حصان واللي عندك اكيد نفس الشي

والكورفيت ماشاءالله جايبها من امريكا اكيد لانه مستحيل تلقى بالنظافه هذه هنا بالسعوديه لانه للاسف الكورفيت ماتعمر الا مع اللي يعشقها بسبب قطعا الغاليه عشان كذا ماتشوفها الا نادرا

عموما يالكنج للحديث بقيه بس اتمنى انك ماتبخل علينا بصور الكورفيت وبكل جديد فيها مع التفصيل طبعا

والف شكر لك والله يوفقك بمشروعك ويسهله عليك وسامحنا على الطواله ولنا جيه عندكم بجده قريب انشاءالله

[760IL]

89:shock2: اقسم بالله طول هالمده افكرها موديل 96

[الامير الاحمر]

:confused: :confused: :confused: :confused: :confused: :confused: :confused: :confused: :confused: :confused:
صباح الخير

[الأهبل]

مساء الخير

[الأكورد العنيد]

وين الصور :help: :help:

احد يعطينا الرابط :help: :help:

[King_SS]

هلا بالغالي ...

جزاك الله كل خير والله وتسلم على الرد والموضوع يا ولد الناس
ناس تفهم وتقدر المجهودات

حبيبي
السيارة مثل ما قلت لك كلفت الكثير عشان نرفعها من حالة اليأس الى الوضع الحالي اللي انت شايفه

بالنسبة لسؤالك فهو بالطبع حتكون الاجابة عليه بنعم ...

نعم في ورشتنا سوينا كل هالشغل

وبالنسبة للتكلفه فسيارتك لو جيت تشوف الحسبة من الداخل

الفرش الارضيات والجلود كاملة وبيبان يمين ويسار كاملة وغطاء الطبلون من فوق والبلاستيك حق الطبلون وحق الجير والتكاية او المسندة وولاعة جديدة مع علبة الطفاية ورأس الجير بالجلد اللي حول هوالضغاط اللي في وسطه

كل هذي بتكلفك في حدود ال 2500 دولار يعن يبيطلع عليك حدود جال 9000 ريال ... واصلك لبيتك

طبعا انا كلفتني اكثر من كذا لاني طلبت معاها الهوايات حق الرديتر ورديتر جديد ومروحة رديتر جديدة ومساعدات القزاز الخلفي جديدة ودينمو مروحة رديتر

مممم طلعت عليا في حدود ال 4200 دولار واصلة لبيتي يعني ب15.750 ريال سعودي

بالنسبة للواجهة .. انا في نظري الاحتفاظ بالكلاسيكية هو اللي يجعل السيارة مميزة ..
صدقني الكورفت منظرها خرافي على مر الاجيال

ورونقها في منظرها الكلاسيكي

انا حبيت اضيف ليها هالنوع من الجنوط عشان اضيف نوع من الخشونة على كلاسيكية السيارة

========
حكاية ال 200 حصان صحيح .. الكورفت زمان كان عليها مكينة في حدود ال 400 حصان ..

وفكيناها ورجعنا مكينة عادية جدا جدا حقة كابرس .. (( تأهيلا للخطوة القادمة لتغيير المكينة ))

يعني لا تخاف هذي مؤقت بس لين اجيب المكينة الثانية من امريكا
==========
وفعلا كلامك صحيح الكورفت هذي اتحصلنا عليها في سنة 1990 وهي صنعت في اواخر ال 1989 يعني تقدر تقول جديدة .. وكانت مملوكة لوحدة عجوز عمرها خمسين سنة :laugh:

امكن لقت قلبها طاح في الشارع يوم دعسات والا شي :laugh: قامت باعتها

وهاهي معنا من عام 1990-2003= يعني 13 سنة
والحمد لله ما زالت عايشة

وهذي صور السيارة مررة اخرى للناس الجديدة على الموضوع

ممكن تلاقوها في موضوعي
عودة الملك باقوى كابرس في العالم (http://www.swalif.net/sforum1/showthread.php?threadid=147810&perpage=25&pagenumber=58)

وعلى فكرة .. سستم الصوت بس كلفني 5 الاف ريال

وترقب مني شرح وافي وكافي في هالموضوع عن الكورفت وبحاول احط فيه معلومات قدر المستطاع

وتحياتي لك وبالتوفيق للجميع انشالله

[durango]

بسم الله ماشاء الله لا قوه الا بالله









ما اقدر اقول الا : هدا صاحب السياره اللي عارف قيمتها















الله يعطيك خيرها و يحفظك من شرها هي و غيرها











































EMO

[ACCORD-VETIC]

الا أبي أقولك يا أخي king SS
انك والله <<<<<<<<<<<<<<<<<:confused:
اسطورة بس>>>>>>>>>>> ما شاء الله عليك
:banana: :shock2: :banana:

[الأكورد العنيد]

رد مقتبس من King_SS
[
ممكن تلاقوها في موضوعي
عودة الملك باقوى كابرس في العالم (http://www.swalif.net/sforum1/showthread.php?threadid=147810&perpage=25&pagenumber=58)


وترقب مني شرح وافي وكافي في هالموضوع عن الكورفت وبحاول احط فيه معلومات قدر المستطاع

[/B]

في اي صفحه الموضوع فيه فووووق الخمسين صفحة ؟؟

اخوي King_SS ليش ماتسوي موضوع مخصص للكورفيت زي موضوع الكابريس

[King_SS]

في الصفحة رقم 58 عزيزي

وانشالله هالموضوع حيكون فيه كل جديد عن هالسيارة

اشكرك

[corvette c4]

السلام عليكم ورحمة الله وبركاته

سامحنا على التاخير بالرد اخوي وشكرا على ردك علينا وتصدق انه سعر التجديد يعتبر ممتاز بالنسبه للكورفيت لانه في ناس راح تقول هذا سعر خيالي بس اللي معاه كورفيت يعرف انه سعر حلو ماشاءالله كل هذه التغييرات بهذا السعر والله في الشركه (التوكيلات العالميه) بس سعر جلد الباب الواحد طبعا خارجيه وداخليه مع حقت القزاز ب3500 ريال خلي بالك الباب الواحد يعني شغلكم لايعلى عليه والله بس حرام ماتسوي دعايه لورشتكم وشغلها كذا
وبعدين يوم تقولي هذه الناس اللي تقدر اذا ماقدرنا الشغل هذا اش راح نقدر والله العظيم السياره كانها وكاله عيني عليها بارده ماشاءالله تبارك الله الله يعطيك خيرها ويكفيك شرها
بالنسبه للجنوط اختيار موفق 100/100 وماعليه اي كلمه
وبالنسبه للسستم واضح انه مكلفك من غير ماتتكلم الشغل النظيف يبان ومايحتاج له شرح
وبالنسبه للماكينه ريحة بالي 200حصان :confused: والله انفجعت عموما ال200حصان هذه انشاءالله تصير1000حصان وانت قدها
وبالنسبه للكورفيت اصلن لازم تسويلها شرح وافي حتى لا:black: :corsair: :glasses2: :corsair: لانه الصراحه حرام شغلك فيها مايعرفه احد لازم الناس تشوف انه في عندنا ناس تسوي اللي مايسويه الامريكان نفسهم

مجرد اقتراح // ليش ماتسوي موضوع خاص عن الكورفيت فيه كل شي عنها مثل موضوع الكابرس مثل ماقال اخوي اكورد العنيد لانه موضوع الكابرس بدا يصير ثقيل في التحميل يعني يطول على مايفتح وصدقني راح يكون موضوع يتكلم عنه كل الناس ويصير فيه مثل ماصار في موضوع الكابرس ماشاءالله 1500 رد تقريبا

ومشكورين على التفاعل >>>>>الى الامام ياكنج وخلي الناس تضوف شباب السعوديه والخليج وش عندهم

[King_SS]

والله بيني وبينك راح اسوي موضوع عنها بس ابغ اركب المكينة الجديدة اول شي .. لاني زي ما يقولون ما ابغ ادخل ويدي فاضية ... لازم ادخل ويدي مليانة

وناوي نية حلوة على السيارة بس صبرك عليا شوية


عموما ترا انا حبيت اخبرك .. يمكن اسوي طلبية اخر الشهر (( الحين مافي فلوس )) فاذا حبيت تطلب شي معايا اسير خير وبركة .. وانا عموما قبل الطلبية بكم يوم راح اعطيك خبر ..

بس على الاقل اذا عندك نية اسير اكتبلي لستة القطع اللي نفسك فيها عشان اقللك سعرها

[corvette c4]

ماتقصر اخوي احمد

بس انا ماني عارف من فين ابدا طبعا على خفيف يعني انت ايش رايك السياره عندي شد بلدها مافيها اي شي ماعدا اسلاك بواجي رياضيه 8ملم
فانت رايك ايش الشي اللي لازم ابدا فيه بس طبعا حاليا على خفيف لانه الصراحه الجيب طفران عندنا زواج في نهاية هذا الشهر اخذ اللي فوقنا واللي تحتنا وياليت تقدر تجي المدينه كان تشرفنا فيه

اذا في شغلات خفيفه ماهي مشكله انا جاهز بس المهم انت تقولي اهم الشغلات

وشكرا لك

[King_SS]

تسلم يا غالي ما تقصر والف مبروك

عموما تبغ نصيحتي لا تزنق نفسك خليها وقت ما تتوفر معاك ..

انا كان قصدي اذا اشياء داخل الكبينة جلود طبلون بلاستيكات او شي
لانو المكينة ترا مكلفة شوية ..

زي ما قلتلك خليها لما تتوفر حتى انا بيني وبينك مؤجل العملية شوية

[ACCORD_559]

السلام عليكم ورحمة الله وبركاته



ماشاء الله اخوي احمد جهود مبذوله الله يعطيك خيرها ويكفيك شرها


هي الي كانت مغطيها عند البيت؟

[King_SS]

YESR SIR:cool:

[King_SS]

YESR=YES:D