سوالف للجميع - الى اصحاب ال BMW

Never Dies

07-08-2003, 10:53 AM

السلام عليكم جميعا....

الحمد لله و بعد انتظار استمر لثلاث سنوات, استطعت الحصول على سيارة احلامي... BMW 325i coupe و الاهم من ذلك انها جير عادي :cool:

السيارة يا اخوان موديلها 93 و ستاندرد!!! اللي نفسي فيه اني اقدر اركبلها رنجات 17 اصلية و انزلها!! لكن انا احب اعرف اذا في احد عنده خبرة عن اماكن و تكلفة التضبيط في الامارات!!

خياراتي بالنسبة للرنجات تتراوح ما بين ACschnitzer, BBS, Alpina, M Technic .... و بالنسبة للتنزيل, اريد نصيحتكم باحسن الماركات!

اخيرا, شو رايكم لو الرنجات كانت تجارية؟ هل بتاثر على السيارة؟

بانتظار ردودكم :help: :)

corvette c4

07-08-2003, 11:02 AM

والله ياخوي اولا الف مبروك الموتر الله يعطيك خيره ويكفيك شره

وثانيا انا ماقدر اساعدك باي شي الا بشي واحد بس وهو سوالك عن الرنقات (الجنوط) ياخوي لو كانت تجاريه بطفشك لانه بتسبب رجه واي دقه بالرصيف او اكلت مطب وانت مسرع لاسمح الله الجنط بينعوج ولو بشكل غير مرئي بس يسبب لك رجه في السياره ماتروح لو تسوي لها كل يوم ترصيص . يعني لو تاخذ اصليه يكون احسن وخليك بعيد عن عوار الراس

Never Dies

07-08-2003, 11:11 AM

و الله اخوي C4 شكرا عالرد و الله يبارك فيك....

و فعلا ريحتني لاني بس كنت اريد واحد ياكد اللي في راسي و يخليني انسى موضوع الرنجات التقليدية لانها مثل ما تفضلت وجع راس :D :)

ايطالي

09-08-2003, 05:46 PM

هلا اخوي .. وعلى البركة السيارة .. والله يعطيك خيرها ويكفيك شرها انشاء الله

وعلى الجنوط .. فأنصحك بالبينا لانها لشكلها ولانها تطول معاك .. وحاول انك تبعد عن التجاري لانه والله ما تقعد .. واسأل مجرب :glasses2:

Never Dies

10-08-2003, 07:08 AM

شكرا ايطالي عالرد..... بس ممكن اذا عندك فكرة عن اسعار الرنجات تعطيني اياهم؟ :help:

ايطالي

10-08-2003, 03:07 PM

مرحبة اخوي .. الاسعار على حسب الشركات .. بس اللي اعرفة انها نااار .. بس انت قولي تبي بحدود كم ؟؟

Never Dies

11-08-2003, 01:57 PM

و الله تقدر تقول اني راصد بحدود 4000 درهم!! انا اشك انها تكون كافية لجنط 17 مع تواير low profile :headshak:

بالمناسبة كثير ناس حذروني من ال low profile tires لانها تنعدم بسرعة!! شو رايكم؟:damp:

بانتظار ردودكم :help:

Never Dies

15-08-2003, 02:25 PM

يا شباب وين الردود؟!!!!!؟ :headshak: :cry: :shock2: :shock2: :shock2:

SVT-COBRA

15-08-2003, 03:35 PM

السلام عليكم ورحمة الله وبركاته

اولا : الف الف مبروك علىالسياره و يعطيك من خيرها و يكفيك من شرها

ثانيا : مثل ما قالوا الشباب ابتعد عن الجنوط التجاريه . بالنسبه للأنواع فكلها ممتازه و ما اقدر أحدد لك نوع معين مع اني اميل لماركة BBS و هي في النهايه واقفه على الشكل . خذ الشكل اللي يعجبك بغض النظر عن النوع

بالنسبه للتنزيل : الشباب طرحوا عدة مواضيع بخصوص التنزيل و انا انصحك انك ترجع لهذي المواضيع لأنها غطت تقريبا كل طرق التنزيل و ايجابياتها و سلبياتها

و سلامتكم

E_TYPE

15-08-2003, 08:43 PM

ألف مبروك .. اخوي على السياره نصيحه لك تاخد تجاري لانه اعرف واحد عنده بي ام ويسرعه على الخط 180 انكسر عليه الجنط وتقلب لكن ماصر فيه شئ يعني تزيد الفين ثلاثه احسن واامن لك ;) وبنسبه لسعر والله ماادري انا .
وشكرآ

Never Dies

16-08-2003, 02:59 PM

الله يبارك فيكم يا جماعة و ما قصرتوا :glasses:

SVT-COBRA انا شخصيا اميل لجنط ال M-Technic مع انه جميعهم يهبلوا والله :D و بالنسبة لموضوع تنزيل السيارة, يا ريت تتكرم و تعطيني الروابط لها و اكون شاكرلك!! :rolleyes:

E-TYPE المهم سلامة صاحبك والله يحمي الجميع يا رب :Sad2: