View Full Version : سؤال عن الشنطة اللي يركبونها فوق الجمس
mill_955
23-07-2003, 10:24 PM
السلام عليكم
يا شباب حبيت اسألكم عن الشنطه اللي يركبونها فوق الجمس انا انشالله بركب وحده بالجمس حقي عشان السفر
لكن لقيت نوعين واحد عند الوكاله سعره 1100 وواحد عند السليماني سعره 1000
اللي بالوكاله شكلها افضل لكن اللي بالسليماني اكبر ولكن كلهم حجمهم صغير وانا اذكر شفت واحد مركب على فان شفر كبير شنطه كبيره بنفس طول السقف ماتدرون وين القاها وشكرا
مانجو
24-07-2003, 08:47 AM
وعليكم السلام..
إذا كنت تقصد الشنطة المصنوعة من البلاستيك أو الفيبر ماأدري!
فهي زي ماتفضلت صغيرة ومساحتها محدودة ، ولو تشوف شيء ثاني مثل شنطة مصنوعه من القماش هذي حلوه وأكبر !
وبصراحة التربيط بالحبال(وفيه ترى أنواع من الحبال ) أحسن بس شوي متعب ..
وتروح وتجي بالسلامة .
comondor--GTSR
24-07-2003, 07:00 PM
احسن شيء في الجمس وقت السفر الطربال كبير وبسحاب
ومن النوع الممتاز
وعلى فكره العفش فيه مايرتفع لفوق
يكون بالتساوي
اذا كنت بجدة اقدر اسلفك اياه
رعد
TOP-SECRET
24-07-2003, 09:28 PM
اخوي اذا كنت تقصد الشنطه الي لونها فيبر اسود فانا مانصحك فيها ابد اول شي ماتشيل اغراض كثير وثاني شي مره ركبناها وفي طريق البر طاحت كل الاغر اض من فوق بسبب قوة الهوى وصغر حجمها:( بس في نوع حديد وكبيره صحيح شكلها مو حلوه لكنها افضل نوع للسفر:) وتروح وترجع بالسلامه
corvette c4
25-07-2003, 03:12 AM
احسن مافي هذه الشنطه انها ماتطلع صوت وفي الخط لانه صوت العفش في السفر يحرق الدم ويرفع الظغط
فالشنطه هذه ممتازه بس انها صغيره اذا بتركب لاتركب غيرها حتى لاتندم واذا ماحصلت كبيره خذ صغيره ومشي حالك
ابو دانه
25-07-2003, 08:33 AM
شكلها مب حلو وصغيره
انصحك تروح لمحلات الي تفصل الخيام في شارع الغرابي ، يفصلون لك شنطه قماش على مقاس التنده وبالارتفاع الي تبغاه ولها حبال للتثبيت
وتكون كذا اخف وتشيل كثير واذا خلصت مسافر فكها ولا تشوه سيارتك ولا شي
mill_955
25-07-2003, 07:40 PM
مشكورين ياشباب على ردودكم
واسف على التأخير بالرد بسبب حادث صار علي امس
وباسبه للشنطه القماش اللي يفصلونها انا جربتها بس ماتنفع بسبب صوتها المزعج وصعوبة التعامل معها وشكرا
comondor--GTSR
25-07-2003, 08:27 PM
سلامات والله ماتشوف شر ان شاءالله
HaKeM
26-07-2003, 05:26 PM
سلامات اخوي mill_955 ماتشوف شر
والحمدلله على السلامة
روح الامارات
26-07-2003, 05:59 PM
رد مقتبس من حاكم العدل
سلامات اخوي mill_955 ماتشوف شر
والحمدلله على السلامة