صاعقة.. باترول يودع الخليج قريبا

[كانكار]

الخبر الصاعق هذا ليس محض افتراء.. بس المعلومات من بعض وكلاء نيسان أن باترول يمكن يتم سحبه من الخليج لضعف المبيعات. يقال في آخر اجتماع أن كارلوس غصن نهر الوكلاء في المنطقة. وكلاء السعودية والكويت قالو نريد الشكل أكثر حضاري مثل لاندكروزر.. بس وكيل الامارات طلب بس تغيير المحرك بأخر متعدد الصمامات.. غصن قال لهم غيرنا المحرك وعدلنا بالشكل والمبيعات ضعيفة.. المسؤولين في السعودية قالو قلنا لكم الشكل لا حبه الناس خشن وصلب، وفي الكويت أكدو نفس الامر أن السيارة يريدونها الناس ناعمة ولطيفة على الشوارع وغير متوحشة مثل ما هي الان. ويقال أن غصن الآن سيقرر اذا كان سيغير الشكل بالكامل حسب طلب السعودية والكويت وأيضا عمان والبحرين وقطر.. أو سحب السيارة بالكامل من السوق واستبدالها بسيارة ثانية لم يعرفها لهم. وتشير المعلومات أن وكيل الامارات حصل على نهر شديد اللهجة من غصن لأنه هو الذي أصر أن يكون التغيير أكثر في المحرك.

المشكلة الأساسية أنهم لم يعرفوا حتى الان أن هناك في اختلاف كبير في الذوق بين أسواق المنطقة، يعني حين كانت كريسيدا السيارة رقم واحد في السعزدية كانت كابريس رقم واحد في الكويت، وفي الامارات بين هذا وذاك.

http://www.nissan-me.com/patrol/images/patrol_gal_b_img5.jpg

[SLR]

تعال شوووف سوق النيسان بالامارات كيف ماشي..
لدرجة انه صعب اتفرق بينه وبين الكروزر...
حيث ان معظم الشباب يمتلكون النيسان ويفضلونه عن الكروزر اكثر نظرا لقوته وشكلة شبابي اكثر..

بغض النظر عن المواصفات .. سوق النيسان ماشي بشكل واضح في الامارات.. اما اذا المشكلة بالسعودية فاسمح لي لان هالشي يفرق عندنا في الامارات... لان السفاري له شعبية بالامارات منذ القدم فماعتقد الاستغناء عنه... بالفلوس تقدر اتسوي كل شي حتى لو سيارة توقفت بس مقابل مبلغ من الدراهم يتم تصنيعها لك من جديد...


تحياتي..

SLR

[S8]

رد مقتبس من SLR
تعال شوووف سوق النيسان بالامارات كيف ماشي..
لدرجة انه صعب اتفرق بينه وبين الكروزر...
حيث ان معظم الشباب يمتلكون النيسان ويفضلونه عن الكروزر اكثر نظرا لقوته وشكلة شبابي اكثر..

بغض النظر عن المواصفات .. سوق النيسان ماشي بشكل واضح في الامارات.. اما اذا المشكلة بالسعودية فاسمح لي لان هالشي يفرق عندنا في الامارات... لان السفاري له شعبية بالامارات منذ القدم فماعتقد الاستغناء عنه... بالفلوس تقدر اتسوي كل شي حتى لو سيارة توقفت بس مقابل مبلغ من الدراهم يتم تصنيعها لك من جديد...


تحياتي..

SLR

طيب كم عدد سكان الامارات وكم عدد سكان السعودية ؟

عارف ليه امريكا تعتبر السوق الاكبر في العالم ؟

[كانكار]

رد مقتبس من كانكار
حين كانت كريسيدا السيارة رقم واحد في السعزدية كانت كابريس رقم واحد في الكويت، وفي الامارات بين هذا وذاك.

http://www.nissan-me.com/patrol/images/patrol_gal_b_img5.jpg

نعتذر للأخوة السعوديين على الخطأ غير المقصود (السعزدية) والمقصود هو السعودية..

[SLR]

S8
الحمدالله ان حجم سكان الامارات متوافق مع حجم المساحة وهالشي نعمة من الله علينا...

اما بخصوص السكان فهذا ماله داعي بالمبيعات... لان المبيعات تحدد بنسبة حتى لو كان عدد السكان انشاء الله 100 وعدد ملاك نيسان 70 فهذي نسبة كبيرة بالنسبة للمبيعات تكفي السوق المحلي...

اما اذا عدد السكان 9 مليون وعدد السيارات المستخدمة يمثل حوالي 100 سيارة لنفرض فهذا من حق الشركة تمتنع في استيراد النوعية الغير قابلة للتسويق.. فأنظر الى المخطط او الاحصائية عند نهاية كل عام من انتاج سياارة لمقارنة حجم تسويقها...كم تغطي من اجمالي المشتريات بالمقارنه مع حجم السكان!!!

في فرق ...

هذا التسويق لانه تخصصي...


SLR

[corvette indiana police]

حتى لو كان عدد السكان انشاء الله 100 وعدد ملاك نيسان 70 فهذي نسبة كبيرة
=========================
عزيزي SLR تدري كم يمثل السوق العربي مقارنه مع السوق العالمي 7%

تعتقد ان الشركه راح تهتم للنسبه التافهه هذي

21 بلد يجتمعون على 7 %

عارف كم ((كامري فقط كامري)) انباع في امريكا عام 2002 ؟؟

240 الف سياره من الكامري وحدها

وعندك النيسان كامل في المملكه اللي عددها يفوق 25 مليون انباع 40 الف سياره نيسان في 2003

فما بالك بسوق الامارات والكويت ؟؟


لا تقارن نسبة المبيعات بالنسبه للشعب
هذا شي ما يهم الشركه
الشركه تهتم بارقام كبيييييييره تنباع مو بنسبه زي ما قلت اذا كان هناك بس 100 شخص يكفي ان ينباع 70

اختلاف الرأي لا يفسد للود قضيه

تحياتي

[infiniti]

يا شباب ملاحظة بسيطة اجتماع كارلوس غصن في السعودية و بقية دول الخليج كان عبارة عن زيارة بروتوكولية بمناسبة 50 سنة لنيسان في السوق السعودي و لم يناقش كارلوس غصن اي شيء من هذا الكلام حيث ان زيارته عبارة عن زيارة احتفالية وليست زيارة عمل بالاضافة ان باترول 2004 سينزل بنفس مواصفات 2003 دون اي تغيير سوى الغاء محرك الكاربوريتر

[كانكار]

رد مقتبس من corvette indiana police
حتى لو كان عدد السكان انشاء الله 100 وعدد ملاك نيسان 70 فهذي نسبة كبيرة
=========================

عارف كم ((كامري فقط كامري)) انباع في امريكا عام 2002 ؟؟

240 الف سياره من الكامري وحدها


الصحيح هو أكثر من 420 ألف كامري سنويا.

[كانكار]

رد مقتبس من infiniti
يا شباب ملاحظة بسيطة اجتماع كارلوس غصن في السعودية و بقية دول الخليج كان عبارة عن زيارة بروتوكولية بمناسبة 50 سنة لنيسان في السوق السعودي و لم يناقش كارلوس غصن اي شيء من هذا الكلام حيث ان زيارته عبارة عن زيارة احتفالية وليست زيارة عمل بالاضافة ان باترول 2004 سينزل بنفس مواصفات 2003 دون اي تغيير سوى الغاء محرك الكاربوريتر

لم يتحدث أحد عن توقف السيارة في 2004.. لكن في دورتها القادمة وهذا احتمال منوط بغصن. وبالنسبة لزيارته، هناك دائما خلط العمل مع المناسبات. يعني استغلال المناسبة في العمل.

[corvette indiana police]

معليش كانكار
خطأ مطبعي

[كابريس]

رد مقتبس من corvette indiana police

عارف كم ((كامري فقط كامري)) انباع في امريكا عام 2002 ؟؟

240 الف سياره من الكامري وحدها




420 الف وليس 240 اخي :) :banana:

[comondor--GTSR]

انا شايف الاخطاء المطبعية كثرت






اما بالنسبة للباترول صحيح انه مبيعاته منخفضة بس مااعتقد انهم راح يوقفونة عندنا في السعودية





وبننتظر موديل 2005 يمكن يكون محقق للامال



تحياتي رعد:black:

[الشرقاوي]

اييييييه بيقفونه السفاري والاندكروزر والجمس والكامريبعد:D
(لا اقصد الاهانه:D )

[IMPALA SS '96]

رد مقتبس من corvette indiana police
حتى لو كان عدد السكان انشاء الله 100 وعدد ملاك نيسان 70 فهذي نسبة كبيرة
=========================
عزيزي SLR تدري كم يمثل السوق العربي مقارنه مع السوق العالمي 7%

تعتقد ان الشركه راح تهتم للنسبه التافهه هذي

21 بلد يجتمعون على 7 %

عارف كم ((كامري فقط كامري)) انباع في امريكا عام 2002 ؟؟

240 الف سياره من الكامري وحدها

وعندك النيسان كامل في المملكه اللي عددها يفوق 25 مليون انباع 40 الف سياره نيسان في 2003

فما بالك بسوق الامارات والكويت ؟؟


لا تقارن نسبة المبيعات بالنسبه للشعب
هذا شي ما يهم الشركه
الشركه تهتم بارقام كبيييييييره تنباع مو بنسبه زي ما قلت اذا كان هناك بس 100 شخص يكفي ان ينباع 70

اختلاف الرأي لا يفسد للود قضيه

تحياتي

[Lamborghini]

لو علـى سوق البترول في السعوديـة فهو من زمان ظعيف وتعبان قبل الشكل اليديد ماينزل .. في المنطقـة السيارة ماشيـة بس في الإمارات وقطر طبعا هالشي يرجع لطبيعـة الشباب عندنا .. :)

[lumina]

لاااااااااااااااااااااااااااااااااااااااااااااااااااااو اكبر مستحيل يشيلونه من الإمارات إنتو لو تعرفون الشباب هابين هبه حلوة في النيسان الجديد وخاصه 2003 و طبعا من قوته ماعليه كلام اولا ريشه على الرمال وحش على الطرقات وانا ناولي على واحد بس شويه الميزانيه تعبانه ولكن انا اشوفه احسن عن اللاندكروزر لأنه ثقيل جدا صح هو قوي في الرمال لكن مو مثل اللاندكروزر .. لكن فكرة يشيلوونه والله خله نيسان تطلع قيمة الأرباح من البريميرا والمكسيما:D هم احسن مافيها النيسان بس بعد يشيلوونه اصلا سمعتها متعلقة بهذه السيارة ... الله يعينها على الخساير .:D

[corvette indiana police]

يا جماعه ما يسوى علي مع العجله بدلت الارعه مع الاثنين ذبحتوني آآآآآآآآآآآآسف والله اسف 420
:D :D


1-ويقال أن غصن الآن سيقرر اذا كان سيغير الشكل بالكامل
2-أو سحب السيارة بالكامل من السوق واستبدالها بسيارة ثانية لم يعرفها لهم.

يا جماعه فيه خيارين يا انهم بيبدلونه او بيجيبون موديل جديد
انتوا ليش خليتوه سحب نهائي .. ويمكن الطراز الجديد يكون افضل من هذا بمراحل وهذا المتوقع

[الفرعون GT]

:mad: :mad: :mad: بسوي اضراب اذا وقفوا تصدير النيسان للامارات:mad: :mad: :mad:

:cry: :cry: :cry: :cry: :cry: :cry:

اوكيييييييي:cry: :glasses2:

[فاهم]

الكلام هذا كله اشاعات بشاعات

ولباترول غلطان الي يقول سوقه مو ماشي بالكويت عندنا اذا بتشتري الوكاله تقولك انطر لانه خلص

مانبي اشاعات شباب

وكارلوس هدفه الاول حق الزياره هذي لانه يبي يدخل الشركه بالسوق العراقي او قاعد يفتر يستشير لانه السوق العراقي راح يزدهر وعينه عليه

وسلامتكم

[كانكار]

رد مقتبس من فاهم
الكلام هذا كله اشاعات بشاعات

ولباترول غلطان الي يقول سوقه مو ماشي بالكويت عندنا اذا بتشتري الوكاله تقولك انطر لانه خلص

مانبي اشاعات شباب

وكارلوس هدفه الاول حق الزياره هذي لانه يبي يدخل الشركه بالسوق العراقي او قاعد يفتر يستشير لانه السوق العراقي راح يزدهر وعينه عليه

وسلامتكم

سلم لي على البابطين.. هم يقولون انطر لأنهم بالاساس ما يطلبونها، لأنه أي طلبية لازم ما تقل عن 100 سيارة، وهذه الكمية تتكدس لفترة طويلة عنده حتى يخلصها، لذلك هو لا يطلبها إلا مرة أو مرتين بالسنة.