سوالف للجميع - افففف من زمااااااان ما اعدل في سيارتي!! شوفوا اخر شي سويته

Oettinger

04-07-2003, 07:37 PM

هلا شباب

صار لي فترة طويلة ما عدلت شي في سيارتي!
يوم الاربعاء العصر رحت وكالة بايونيير واشتريت هالحلو هذا: http://www.pioneer.com.sg/image/bg_deh_p9450mp.jpg
وركبته في سيارتي بالليل ، طبعا بنفسي! مستحيل افوت المتعة!!

اسمه: Pioneer DEH-P9450MP
سعره: 2200 ريال
المواصفات:هنييييييييييييييييييي (http://www.pioneer.com.sg/products/ca_scdtuners/deh_p9450mp.asp )

الصور في سيارتي:
http://clubvdub.com/OLD/P9450MP/100_0001.jpg
http://clubvdub.com/OLD/P9450MP/100_0005.jpg
http://clubvdub.com/OLD/P9450MP/100_0006.jpg

ايش رايكم؟

الارهابي

04-07-2003, 07:39 PM

شكله رهيب :D
بس كأنه غالي
و مع كدا
ما ينفع لي :D

وش الاضائة الزرقا القويه تحته ؟؟؟ :eek:

Oettinger

04-07-2003, 07:54 PM

هههههههه

تسلم اخوك على الرد
حبيب قلبي انت والله

الاضاءة اللي تحت عبارة عن LEDs انا مركبهم في الفضاوة اللي تحت ، تعطيك انارة مرة رهيبة في الليل
وترى مو قواي واجد ، وشابكهم انا مع ال Dimmer حق الطبلون ، يعني تقدر تتحكم في القوة عادي

على سعره صدقني يستاهل!:D :banana:

كتوت

04-07-2003, 08:52 PM

بففففففففف ويش هالمسجل بصراحة ماعجبني وسعره غالي عليه وكأني محصلنه في محل ابو عشرة ههههههه ياخوي اتأكد من لزقة البايونير يمكن ملزوقة لزاق وهو اصله متالمنبامبليسكمنبل ههههههه شركة تيلندية او تايوانية ههههههه وبالنسبة للإضاءة التحتية انا اشوف انها ماليها داعي وقاعد تتفلسف علينا صاير الينا صندوقي وقاعد تقول بأنك اليي مركب المسجل وشابك الدنيا والسالفة مايبغى اليها هندي مايفهم شيء ويركبها :laugh: :laugh: :laugh: :laugh:

اوكيه هادي الكلمة برد بها على قلبك يا اورتجر خخخخخ المسجل مو خاش مزاجي مرة ثانية 1/0 ههههههه:p

Oettinger

04-07-2003, 09:14 PM

لما كتوت راح تفوت! عصير بقر لا يفوتكم هع هع

يا شيخ والله وحشوني الناس الحفلات اللي زيك!!:banana: الله يجيبهم بس ويكثرهم ، من زمان ما اضحك

حياك يالمتكتوت:p

922

04-07-2003, 10:27 PM

الف مبروك

واعجبتني طريقة التركيب بس ياليت لو تحط صور بالنهار

عشان توضح طريقة تركيب الاضاءة اللي تحت المسجل

واسف ان كان ثقلت عليك:p :p

Oettinger

04-07-2003, 10:33 PM

الله يبارك فيك عزيزي 902

اخوي الاضاءة اللي تحت المسجل من زمان مسويها ، سالفتها بسيطة
بس يطول شرحها وتحتاج خلفية بسيطة في الالكترونيات

هع هع اخوك في الله تخصصه هندسة كمبيوتر

المهم ، لا ثقلت علي ولا شي حبيب قلبي ، خليني اشوف صور قديمة انا مصورنها لما ركبت الاضائة عشان اشرح لك بالتفصيل هنا لو في موضوع منفصل ، لانو تركيب المسجل ماله دخل في الانوار

922

04-07-2003, 10:53 PM

يعطيك العافيه اخوي

وماتقصر

انا في انتظار موضوعك

corvette c4

05-07-2003, 12:02 AM

مع السماعات ولا بدونها لاني شايف سعره غالي شوي

وشكله اللي قبله مو بشد بلده ولا كان قعدت في تركيبه الليل كله

بس تصدق مافي احلى من تركيب اي شي بنفسك لانه له طعم خاص

بس برضه ترى غلبك بالسعر والف مبرووووووووووووك

كتوت

05-07-2003, 12:04 AM

دقي دق دقي دق :laugh: :laugh: دعاية حليب البقر لمحبي البقر وحليبهم هههههه دقي دق دقي دق :laugh: :laugh: يا أطفال إشربوا الحليب

والله انه غالي حبيت تسمع الكلام لو لأ انا اشوفه غالي ووايد والمفروض بسرعه يطلع معاك املبيفاير وسماعات كامله وهدية اليك اوفره بعد خخخخخخ :laugh: واااق وااااق واااااااااااااااااااااااق

حبوب بوظبي

05-07-2003, 12:46 AM

حلو ممتاز
بس بغيت اسألك هذا يشغل mp3 ؟
شو نوع سيارتك ؟ مرسيدس؟
:D :D :D

و مبروووووك و الله يكفيك شره و يعطيك خيره:D :D :D

E_TYPE

05-07-2003, 12:59 AM

اهلللللللللللللللين
هلا والله اوتنقر مبروك :glasses: .
ــــــــــــــــــــــــــــــــــــــــــــــــــ
هلا حبوب بوظبي السياره باسات 2000 معدل كل يوم اشوفه عند بيتهم واقف :D .
وشكرآ

BLACK-ICE

05-07-2003, 01:55 AM

رد مقتبس من كتوت
دقي دق دقي دق :laugh: :laugh: دعاية حليب البقر لمحبي البقر وحليبهم هههههه دقي دق دقي دق :laugh: :laugh: يا أطفال إشربوا الحليب

والله انه غالي حبيت تسمع الكلام لو لأ انا اشوفه غالي ووايد والمفروض بسرعه يطلع معاك املبيفاير وسماعات كامله وهدية اليك اوفره بعد خخخخخخ :laugh: واااق وااااق واااااااااااااااااااااااق

الصراحه زيك حفله ماشفت داخل بموضوع الرجال وتسوي نفسك تنكت:banana:

بعدين اسمه ووفر مو اوفره

HOLDEN-SSX

05-07-2003, 04:26 AM

ممتاز والله وحلو ومناسب على ديكو السيارة زبط ...الله يهنيك فيه:)

الراوي

05-07-2003, 08:34 AM

لا لا ابداااع يا اوتنجر وانا كنت مركب واحد نفسه اللي يجيك 1 DIN من ماركة سوني Xplod لكن المحل اللي ركبه كان مأساه وخربلي التخشيبه (التيك) اللي في السياره وكرهت المسجل بكبره وبعته .. وبعدين ركبتلي 2DIN وضبط معاي صح ولين الحين وانا شغال عليه من ماركة JVC ... ومركب سماعات بيونير وامبليفير Kenwood 720 واط بس ناقصني ال Subwoofer :)

مبروك عليك السيدي ويعطيك خيره ويكفيك شره

وبخصوص الأخ كتكوت , الصراحه لين الحين العلماء عجزوا يعرفوا ايش هو يعني من ايش يتكون , عملوا ابحاث كثره ولغايه الحين مش لاقيين اجابه شافيه ,,

بس ابغي واحد يحطلي ايش هو تعريفه ؟ يتصنف ضمن ايش ؟

تحياتي لكم \\ عبدالله // :D

Oettinger

05-07-2003, 12:00 PM

corvette c4
لا من غير سماعات!
ولا مهو غالي ، لانه هذا احسن مسجل طلعته بايونيير الى يومك!! واللي احسن منه يفرق بينه وبين اللي شريته بس الهاردسك اللي داخل
ومواصفاته موجودة فوق ، لو عندك خلفية في الانظمة الصوتية راح تعرف يستاهل ولا لأ
وتشكرات على مرورك!!:)

******************************

كتوت
هلا بيك ولدي
تكفى كل موضوع اضيفه رد فيه! عشان تضحك الشباب:D
صدقني انك حفلة ولا تفهم شي في كل شي هع

******************************

حبوب بوظبي
الله يسلمك ويبارك فيك
يا طويل العمر سيارتي باسات موديل 2000
والمسجل نعم يشغل mp3 ويشغل بعد WMA اذا سمعت عنهم!
وطبعا يشغل السيديات العاديين

******************************

E_TYPE
الله يبارك فيك!
ويش فيك هاليومين؟؟ تلاحق الناس؟ هع هع:banana:

******************************

HOLDEN-SSX
تسلم حبيب قلبي ، وعقابلك;)

******************************

ShaY6ooN
تسلم على مرورك حبيبي ، وعلى طاري السوني ما انصحك تشتري من عندهم ولا شي للسيارة! كلو معفن صدقني
ومبروك عليك ال JVC تراه جيد ، واذا بغيت اي استشارة بخصوص التركيب او توزيع او اي شي ترى حاظر وبالخدمة

بالنسبة للكتكوت الناقص "ك" اللي هو كتوت ، فقريبا سيكتشف العلماء خارطة ال DNA خاصته اللتي تتكون من جين واحد خخخخخخخخخ

الارهابي

05-07-2003, 12:12 PM

رد مقتبس من Oettinger

بالنسبة للكتكوت الناقص "ك" اللي هو كتوت ، فقريبا سيكتشف العلماء خارطة ال DNA خاصته اللتي تتكون من جين واحد خخخخخخخخخ

اذا ما عرفتوه
انا اعرفه :D :D

اقولكم مين ؟؟ :D خلوها بعدين ؟؟ :banana: :banana: <<< من كثر ما سمعتها في الاف ام هع

-X-

05-07-2003, 12:14 PM

السلام عليكم

مبروووك والمسجل راكب مع انوار الطبلوون

بس ماقلت لنا انت مركب معاة سيستم والا لا ؟؟؟ لانة بدون سيستم ماراح تستفيد منة كثير

وسلامتك

GS 430 -V8-

05-07-2003, 01:45 PM

السلام عليكم أخوي

الصراحه المسجل حلو و ابداعاتك عليه أحلى ;)
واللون طالع حلو مع السياره

بس سعره غالي :glasses2:

والله يعطيك خيره ويكفيك شره

غالية

05-07-2003, 02:20 PM

مشا الله مميزات روعه ...با البركه عليك اخوي...

Oettinger

05-07-2003, 02:29 PM

الارهابي ، اعتقد الاميبا!! من ذوات الخلية الواحدة ، بس ما ادري عن الجينات اللي في ال DNA

=======================
-X-
اخوي فعلا من غير سيستم كامل ما راح استفيد من مميزاته! بس انا اعيد واكرر النواة الصحيحة لاي سيستم صح هو المسجل المتمكن
وانا بديت باول خطوة والجاي احسن ان شاء الله
وشكرا على مرورك

=======================

GS 430 -V8-
تسلملي يا غالي على الاطراء اللطيف زيك
بالنسبة للسعر اعيد واكرر صدقوني يستاهل! كفاية شوف مواصفاته وزيادة على انه من بايونيير وصناعته يابانية

=======================
غالية
الله يبارك فيش خيتي
يلا متى بتركبين زيه في الباسات؟ عشان تصير زي سيارتي هع هع
:D

تحياتي للجميع

A7medo

05-07-2003, 03:13 PM

أخوي Oettinger أنت كنت في البحرين يو الأربعاء

TOP-SECRET

05-07-2003, 03:24 PM

Oettinger والله اخوي خوش مسجل روعه ومواصفاته اروع:laugh: مبروك اخوي وراكب مع الاضائه الي داخل:laugh: :banana:

وبالنسبه حق الاخ ترى ماقول لك اخوي Oettinger الله يعينك على العذال:laugh:

باااااي

760IL

05-07-2003, 03:32 PM

رووووعه وخصوصا الاضائه متناسبه مع لون العدادات ...

HaKeM

05-07-2003, 04:41 PM

مبروك أخوي Oettinger على المسجل الله يعطيك خيره ترى مسجل سعره فيه ويكفي انه يشغل ميديا بلاير

تحياتي:D

E_TYPE

05-07-2003, 04:46 PM

اهلللللللللللللللللللللين
هلا اخوي اوتنقر اشوفها في الخامسه واقفه وانا ادور امر عند بيتكم :D .
وشكرآ

Oettinger

05-07-2003, 06:22 PM

A7medo
لا والله اخوك صار لي فترة ما رحت بسيارتي البحرين

========================

TOYOTA - OBAS
الله يبارك فيك حبيب قلبي وشكرا على مرورك الكريم
وبالنسبة للعذال ما اقول الا : ما يبلك ماي يا فلتر هوانا هع هع
واعتقد عرفته منهو هذا البقلة كونسبت

==========================
760IL
انت اللي رووووووعة وتسلم على مرورك

=========================
حاكم العدل
اخوي الله يبارك فيك
وانا ما شريته الا بحكم خبرتي المتواضعة في هالمجال وادري انو يستاهل سعره

Oettinger

05-07-2003, 06:24 PM

رد مقتبس من E_TYPE
اهلللللللللللللللللللللين
هلا اخوي اوتنقر اشوفها في الخامسه واقفه وانا ادور امر عند بيتكم :D .
وشكرآ

اخوك لا يكون تنط من فوق السور وتدش الكراج تطل عليها بعد؟؟ لانها دايم في الكراج خلف ابويي
:banana: هع هع

E_TYPE

05-07-2003, 06:29 PM

اهللللللللللللين
هلا اخوي يعني قاص على اخوك ومخلي البور بره :o .
وشكرآ
:sleep:

Oettinger

05-07-2003, 06:41 PM

خلاص اخوك صارت تشات السالفة! ما تسوى قدام العالم خلف ابويي

حيوووو:OO:

الغامدي عبدالله

09-07-2003, 05:37 PM

السلام عليكم
اولا مبروك على التحفه الفنيه
وثاني شي اش رايك بالموديل الاقل منه الي يجي ب 1300 mp3
وسلامتك

الراوي

10-07-2003, 09:31 AM

:) Oettinger

بصراحه السوني كان مأساه لكن الحمدلله تخلصت منه ,,,

وما اعرف اخوي اذا تقدر تساعدني بخصوص توزيع السماعات ,

انا ركبت سماعات بيونير 180 واط , لكن صوت ال Bass يطلع قبيح ومشوش ؟

واكتشفت اني احتاج Subwoofer واذا ركبته لازم يكون في channel بروحه في الamplifier ,,

المهم انا محتاج اني اركب سماعات اقوى , يعني مثلا سماعتين كل وحده 1000 واط , (اذا موجوده اصلا) وSubwoofer 1000 watts و Tweeter وبكذا اكون استخدمت ال 4Channels اللي في ال amplifier

ماعرف انت ايش رايك , وايش اقتراحاتك , واشكرك مره ثانيه على عرضك لمساعدتي , وتراني غشيم بهالأمور

تحياتي لكم جميعا \\عبدالله//

Oettinger

10-07-2003, 08:56 PM

الغامدي عبدالله
هلا بيك والله يبارك فيك
عطني موديله!! عشان اعطيك راي فيه

----------------------------------

ShaY6ooN
اخوي المشكلة هنا ما احد يفهم في السيستمات!! وخاصة المحلات نص في نصب وكل واحد يفتي من لا شي!!

المهم قولي كل اللي عندك من اغراض سواء سماعات او سب ووفرات او مسجل او امبلفايرات وكل شي ، عشان نجلس على رواقة ونخطط

بس صدقني الوات اللي مكتوب على السماعات او الامبلفايارت او المسجلات هذا مو القوة الحقيقة! هذي اقسى قوة ممكن يوصلها في اجزاء من الثانية

الراوي

11-07-2003, 09:05 AM

اوكى ,

الأغراض اللي عندي سلمك ربي هي :

JVC CD Cassette Receiver KW-XC777

http://www.jvc.com/Resources/00/00/28/57.JPG

و اربع سماعات Pioneer 180 watts

وامبليفاير Kenwood 720 watts

لكن مثل ما قلتلك انا اموت في شي اسمه Bass ,, والBass يطلع مشوش لما اعليه حده ؟ راعي المحل قالي افصل سماعه وركب Subwoofer بيطلع كل شي تمام ,,

ماعرف شرايك في الموضوع انت ؟

تحياتي \\عبدالله//

عاشق التضبيط

11-07-2003, 09:25 AM

السلام عليكم

اخوي ShaY6ooN

اسمح لي على الدخله بعد اذن Oettinger

اشوف سماعاتك ضعيفه 180

حاول تغيرهم وتحط بدالهم 300 او 400 وانشالله يضبط معك الصوت

واذا كنت من النوع الي تحب البيس عالي ولا عجبك الصوت بعد ماغيرتهم ركب سب ووفر ;)

الراوي

11-07-2003, 02:44 PM

هلا وغلا باخوي عاشق التضبيط

وافا عليك مسموح , عزيز وغالي

وبخصوص السماعات ال300 واط كنت ابغي احطهم لكن الهندي الغبي اللي في المحل قالي هذولا ما يركبون محل السماعات الأصليه يعني حجمهم كبير شويه , قلتله انا وش الحل يعني ؟ قالي اقصلك الباب :headshak: , قلتله انسى الموضوع , الصراحه ما أأمن على سيارتي عند الهنود , يطرقعلي الباب ولا شي ... وركبت السماعات المأساويه 180 واط :help: :help:

يالله مب مشكله , على العموم انا مفكر اخذلي سياره ثانيه قريب ان شاء الله

لأني مليت من المكسيما وابغي سياره 4x4

واو ما اطلع السياره ان شاء الله انتوا اول ناس بشاورهم بخصوص السستم :)

اشكركم على اهتمامكم

محبكم في الله \\عبدالله//

الغامدي عبدالله

11-07-2003, 06:02 PM

DEH-P7450MP

والموديل DEH-P900MP

مررره روعه وخاصه ميزه حفظ 200 اسطوانه
الغامدي عبدالله

Oettinger

14-07-2003, 11:36 AM

ShaY6ooN
اخوي يا اليت تعطيني اذا تقدر موديلات السماعات والامبلفاير عشان اشوف الموصافات التقنية وخاصة ال RMS power حقهم
وما عليك من اللي قولك 180 وات مو كافية! لانو هذي فقط القوة القصوة في لحظة من اللحظات! ولا تعني شي ، للاسف الشباب كلهم هنا يعتقدوا انها اللي توثر وياخذوا سماعات اقوى وبعدين يطلع الصوت معفن والسبب انو هالسمعات تحتاج RMS pwoer اكثر من المسجل وهو ما يقدر!!
ونشوف لك السب ووفر بعد ما تعطيني مواصفات البتاع اللي طلبتهم

--------------------------------
الغامدي عبد الله
اخوي المسجل الثاني اغلى من اللي عندي ، وفيه هاردسك ، اذا حصلته هنا وعجبك سعره اشتريه!!

اما الموديل الاول فهو جيد وحركته حلوة ، بس في المنظر يعجبني اللي اشتريته انا اكثر وخاصة الالوان والاضائة
من ناحية الموصفات فمتقاربين بس طبعا كل ما تدفع اكثر يعطوك اكثر

الا انت ناوي يعني تغير مسجل سيارتك؟؟ وكم ميازنيتك؟

الغامدي عبدالله

14-07-2003, 12:05 PM

Oettinger

الا انت ناوي يعني تغير مسجل سيارتك؟؟ وكم ميازنيتك؟

من زمان افكر اغيره لاني بدلته مره على الضمان بس تراه حلو
ومسجلات البايونير خاصه الجيل الجديد منها مره حلوه خاصه ان الواحد بيغير نظام شراء الكاست والاشرطه الى الاسطوانات اوضح وانقا واوفر
وموديل الي عندك حلو والاعلى منه خاصه لما تربطه بالكمبيوتر او لابتوب
افكر اركب مره وحده مع السماعات ولاووفر والامبليفير بس

نظام التوزيع داخل السياره عندي محيرني من ناحيه اختياري للسماعات وتوزعها
وطبعا ما انسى عامل التكلفه مع اني اتهور بعض الاحيان آخد الافضل والاجود حتى لو كلفني او انتظرت فتره اطول

المحرقاوي

14-07-2003, 03:27 PM

السلام عليكم ورحمة الله وبركاته

والله فعلا اخوي الغالي حلو المسجل ؟

بس سعره وايد غالي ياخي

انا شاري واحد من امريكا

مو نفسه

سوني .. ماخذه على حول 600 ريال

ام بي 3 بلاير

بس ما فيه سي دي شاينجر

بس يعني سوني .. و شغل مش بطال

بس السعر يفرق وايد يا خوك

يعني 2200 وايد صراحة

هذا مال تركب لك سيت كامل

و على العموم يعطيك خيره ويكافيك شره

بس ما قلت لي الشيخ .. هل هذا فيه شي تشبكه على الكمبيوتر و توصله ولا بس سي دي ام بي 3

على العموم يعطيك خيره ويكافيك شره

Oettinger

14-07-2003, 07:03 PM

الغامدي عبدالله
مستعد اسوي معاك السيستم! وحتى اذا تبغى اساعدك في اي شي انا حاظر

اخوي المحرقاوي ، مع احترامي لك بس مسجلات السوني مو زينين ، مقارنة بالشركات الثانية ، والمسجل اللي شريته ترى سعره فيه ونص!! لانو مواصفاته لو تشوفها في الصفحة الاولى جدا جدا ممتازة وخيالية!
وفي له قطعة تنباع عشان تشبكه في الكمبيوتر وتغير الخلفيات اللي فيه وتعدلها

وشكرا على مرورك

M.A.M

15-07-2003, 04:22 PM

مبروك اخوي Oettinger ولو انها جت متأخرة شوي لكن اعذرني
وحبيت اسألك كم سعر المسجل اللي يفرق عن مسجلك بالهارددسك؟ وهل مواصفاته نفس الشي مع مسجلك ولا فيه اختلاف؟ وهل يوجد في السعودية ولا؟
ومشكور مقدما
تحياتي للجميع

S55AMG

15-07-2003, 11:09 PM

ممبروك على المسجل

بس عندي سؤال اخوي
انا عندي مازدا 6
طبعا صعب تغير المسجل لانو يجي مع المكيف كلو ديكور واحد تيتانيوم
بس سمعاتها جيده بس ابغا اغيرها
ايش السماعات التنصحني بيها ابغا سستم كامل سستم مجانين :banana:
الميزانيه من 2000 الى 3000 ريال كحد اقصى من غير التركيب
سيبك من قيمه التركيب

و مشكور اخوي:help:

Oettinger

16-07-2003, 12:57 AM

M.A.M الله يبارك فيك
والله اخوي ما شفته موجود هنا!
بس بالنسبة للمواصفات ما يفرق بينه وبين اللي عندي

------------
S55AMG

امممم ابغى اعرف مقاسات السماعات في سيارتك ، وهل السماعات الخلفية داشرية وفي الابواب او بيضاوية وفي الرف الخلفي؟؟

عموما انصحك اول شي تشتري الامبلفيار الصح ، وانصحك حسب الموجود بالسوق هنا

بالبايونيير GM-X564

http://a1964.g.akamaitech.net/f/1964/452/24h/sc.dealtime.com/cctool/PrdImg/images/pr/177X150/00/01/35/9a/3d/20290109.JPG

والسماعات الامامية البايونيير TS-D160R
http://www.pioneer.com.sg/image/bg_ts_d160r.jpg
بس ان شاء الله يركبوا عندك لانو عميقين! بس اذا تعرف كيف تركبهم مو مشكلة
بالنسبة للخلف ، اذا كانت السمعات مثل مقاس الامامية ، فركب مثل اللي فوق
واذا كانو بيضاويين انصحك تركب ال 6 في 9 انش TS-D690R
http://www.pioneer.com.sg/image/bg_ts_d690r.jpg

لحد الحين الصوت راح يكون ممتاز ، بس يمكن تحتاج تضيف تويوترات على ذوقك في الامام

بالنسبة للBASS
طبعا اكيد تحتاج امبلفاير ثاني!!
واحسن شي في رأيي ، تاخذ امبلفاير زي اللي فوق مع سب ووفرات ثنتين في صندوق كل وحدة قوتها 400 او 500 وات!! راح الامبلفيار يشغلهم صح ويعطيهم قوة كافية

تحياتي

S55AMG

16-07-2003, 09:45 PM

شكور اخوي :glasses:
بس انا مركب على السيارة اوفر كينود و امبلي فاير بس تصدق ما اعرف ايش نوعه:confused:
بكره اقلك نوعه:D ان شاء الله

و السيستم اللي قلت عليه كبيرو شهرين و يكون راكب
ان شاء الله

مشكور اخوي :glasses: :glasses: :glasses:

S55AMG

16-07-2003, 09:50 PM

[QUOTE]رد مقتبس من Oettinger

امممم ابغى اعرف مقاسات السماعات في سيارتك ، وهل السماعات الخلفية داشرية وفي الابواب او بيضاوية وفي الرف الخلفي؟؟

اشوف لك السماعات و ارد عليك ان شاء الله

Oettinger

16-07-2003, 10:36 PM

انتظر ردك

بس انت كيف شابك الاوفر الكينوود؟ ماخذ خط من السمعات على طول صح؟
بس هل الامبلفاير اللي مركبنه فيه فلتر عشان يفلتر الترددات للاوفر؟
يعني هل فيه LPF
Low Pass Filter

IMPALA SS '96

16-07-2003, 11:42 PM

مغامرات الفضاء
في هذه الحلقة وحش الفضاء كتوت كتوت....

دكتور آمون: أوتينقر هناك يوفو على الرادار.....ويظهرمعه أن معه وحش من وحوش فيقا...
أوتينقر فليت: سأخرج إليه يا أبي.....
دكتور آمون: لا يا أوتينقر فليت قد يكون الوضع خطيرا...

تكتككتكتكتككتكتكتككتك "صوت الجري حق أوتينقر فليت يجري مطنشا الدكتور آمون"
سيووووووووووط "صوت القفزة في النفق حق الباسادايزر"
تيتي تيتي تيري ريري رييي تيتي تيتي ري ري ري....."الموسيقي الحماسية المعهودة وطبعا من المسجل البايونيير الجديد :D وبالمناسبة ألف مبروك ومسجل نايس أوي "
أوتينقر فليت (بصوت عال) : دايزر إنطلق..........."ويتحمس الجمهور"

دكتور آمون "من القاعدة الأرضية": أوتينقر فليت كن حذرا .....

" يقابل باسادايزر 17000 مركبة يوفو ويدمرها كلها بدو أية مشاكل "
الـBASS الداعس ....... الـ TREBELE ** الصانج.......الـ LED تو المزدوجة......

"وفي هذه الأثناء نسمع"
طييييين طيريير ييييه
" موسيقى حضور الوحش كتوت كتوت "

وتبدأ المعركة بين باسادايزر و وحش فيقا -كتوت كتوت-...

و لا داعي للقلق فقد قضى على الوحش بالـLED تو المزدوجة......

وتنتهى الحلقة ولاكن لا تنسوا أن فيقا مايزال موجودا وأكيد أنه سيرسل وحوشا أخرى فتابعوا معنا " مغامرات الفضاء --- باسادايزر "

:D :D :D :D :D

أوتينقر مبارك عليك المسجل الحلو وبصراحة ماشالله طبلون السيارة فعلا قمة الروعة في الليل.....و ألف مبروك.....

كلمة أخيرة لأخوي كتوت....:)
لا تحط في بالك ترى الموضوع مزح بين أصدقاء إن شا الله ...بس الله يهديك تراك مرة حاط نقرك من نقر أخونا أوتينقر ...كل ما كتب موضوع نطيت في حلقه....أخي العزيز أنا حبيت أقول بس لو في مشكلة بينك وبينه فاتفاهم معاه بطريقة أخرى عالميل مثلا بدل ما تتعرض له في مواضيعه و ردوده.... وفي النهاية يا أخي تراه أخوك المسلم.... الله يهدينا ويهديك وجميع المسلمين...

تحياتي للجميع.... :) :)

Oettinger

17-07-2003, 12:39 AM

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

ويلي بطني عورني من الضحك!! رحم الله امك وابوك ذكرتنا بايام الطفولة وافلام الكرتون الرهيبة!!

تسلم اخوي والله من زمان ما اضحك من قلب!

بس في ذمتك اخوي ما عرفته منهو كتوت؟؟:banana: :D
راجع الصفحة الاولى من الموضوع او شوف اخر المواضيع في المنتدى هع هع

وتسلم الف على التهريحة الحلوة زيك:D
والله يبارك فيك والحمد لله عجبك المسجل