سوالف للجميع - الـــــوداع ..

مهوس العين

01-07-2003, 02:40 AM

الســـــــلام عليكم ....

و الله كانت ايام حلوه كنت وياكم .. و اشراك في مواضيعكم و الله السعاده عمرتني ,, لكن الحين زال كل شي ..
و انتهى عيناوي للابد عند هاي النقطه .. و اذا الواحد بيسالني ليش تترك المنتدى بجواب عليه بكل صراحه .. و الله احس عمري ان مكاني
مب في هذا المنتدى و ان في اعضاء يبوني اترك المنتدى من حيث
تعاملهم وياي ... و حتى المواضيع نفس الشي .. يعني مواضيع جديمه
و .... و .... و ,, الصراحه انا برد بــــس يوم كل شي يرد كما هو عليه
و الـــــوداع يا سوااالف

تراني ما برد على اي شخص في هذا الموضوع ... وبرد لكمـ بعد ان يتحسن اامور المنتدى

:( :(

و الله اسمحولي اذا ضايقت احد بكلمه او اي شي
ترا مابا اطلع و حد حاط في خاطره مني

الــــوداع ... و ما قصرتوا :)

ملاحظه : يلي يبا يشوفني بيحصلني اما في قسم الرياضه او الشعر .. هذا اذا ما غيرت راي ..

نواف بن أحمد

01-07-2003, 03:26 AM

والله حالة :OO:

كل شوي جاي واحد ويقول الوداع ...:mad:

لا حول ولا قوة الا بالله ...:headshak:

روتي

01-07-2003, 03:50 AM

موضوعك هذا قديم .......
غبااااااااار الله يهديك :D

عالعموم شكرا على الكاريكاتير الحلو <==== واحد منافق :D

CAMARO4EVER

01-07-2003, 03:51 AM

حبيبي عيناوي, انت بالعكس اعطيت القسم

نشاط اكثر وكلنا كنا مرتاحين مررره منك وانت

ماسويت اي شي غلط .

ياريت تتذكر الردود والمواضيع الحلوه والمقالب وترجع لنا .

اتمنى ذلك اتمنى اتمنى اتمنى .

لاحول ولاقوه الا بالله

كـيـمـو

01-07-2003, 03:58 AM

افااااااا يعني كلمه قديم تزعل
واصلااا مايقولوا قديم اللي قصدهم يمزحون

وأنت عارف ان المنتدى ماشي على هذا الصياغ بالنسبه للمواضيع القديمه

إذا كان فيه موضوع قديم أكيد بيقولون قديم ليه يعني كذبوا ويقولوا جديد

ويجاملوا

أحسن ما في المنتدى صراحتهم

على العموم لأزم ترجع ونشوف مواضيعك وردودك وصرقعتك :D

ترى لأبد أن ترجع

الله يعطيك العافيه

:)

المبتسم

01-07-2003, 04:51 AM

افااا يالعيناوي..
ياسيدي اللي صار شئ عادي..
ما راح تنتهي الحياه عند موضوع قديم كتبته ..وعلق عليه بعض الاعضاء انه قديم !!..

روح مثلا لصفحة البحث...وأبحث في مواضيعي القديمه عندمــا كنت عضو مبتدئ في سوالف

راح تجد اول صفحة في مواضيعي...كلها بدون اي ردود !!...
والصفحه الثانية بعض المواضيع تحمل رد واحد او ردين بالكثير !!!...

لكن الانسان لا يجب ان يستسلم بهذه السهوله عند اول مطب يواجهه .

راجع نفسك اخي الكريم ...وثق بأن أبواب سوالف مفتوحه دائما لك في اي وقت :)..

تحياتي ...

سيومة

01-07-2003, 02:40 PM

اقول عيناوي

انت تزعل لان الاعضاء يقولون قديم
هذا شيء عادي وهنا بالمنتدى الصراحه اساس في تعاملنا
لو احنا مو اخوان كان جاملنا بعض
تبي احد يقولك موضوعك حلوو وجديد وهو يكذب منافق
خل كل شيء فرري عندك ولاتطلع

:)

مهوس العين

01-07-2003, 02:55 PM

و الله مشكووووووورين لمشاعركم وياي .. انا اتوقعت ان محد بيعطيني ويهه .. لكن الحين الحمدالله الكل رد علي و ما قصرتوا ..
و ترا كنت ما بطلع بس كنت اختبركم في شغله و الحين عرفت و ارتحت
ومابا حد يزعل مني لاني سويت هاي الحركه و يحط في خاطره ...
خلاص الموضوع انتهي ...

نواااااااف شوووووووف شغلك ....... احم احم

احذف الموضوع ..... لكن لا تحذفني ويا الموضوع

;) ;) ;) ;) ;)

مشكوووووووووووووورين على ردودكم و مشاعركم اتجاااهي ;)

حمامه

01-07-2003, 02:56 PM

عيناوي للابد أفأأأأأأأأأأأ
وين رايح و بتتركنا :(
ولاتاخذ الأمور بهذي الحساسية
عادي إحنا هني خوات و اخوان
إنت تقولي موضوعي قديم أنا أقولك موضوعك قديم مافيها شي
إنت بس ليش قالوا عن أحد مواضيعك قديم عادي عيل لو قافلين موضوعك ولا حاذفين رد جان سويت :rolleyes:
ترا مابا اطلع و حد حاط في خاطره مني <<< كلنا ماخذين بخاطرنا منك بشوف شلون الحين بتطلع :glasses2:

دبدوووبه

01-07-2003, 03:05 PM

طيب وجهي حلوووووو

على جيتي بطل عيناووووووي يروووووح :D

اهلاً وسهلاً بيك مره ثانيه :)

مهوس العين

01-07-2003, 03:10 PM

حمامه ....

خلاص ما بظهر .. والله السبب مب يلي انتوا حاطين في باالكم انه موضوع قديم او غبااار لا والله
في سبب ثاني احتفظ لاسباب خاصه و لاني ما با اجرح اي شخص ..
مشكوووووره على مشاعرج وياي

دبدووووبه ...

اتصدقين وجهج نحس ....... كل الاعضاء الجدد شردوا منج

لا تزعلين تراني امزح ويااااج ... مشكوووووره على الرد

:) :) :)

ايميل مغبر

01-07-2003, 03:19 PM

:damp: :damp: :damp: :damp:

حمامه

01-07-2003, 03:23 PM

عيناوي للابد يعني الحين يحقلنا إنحنا نزعل وناخذ على خاطرنا منك :mad:

مهوس العين

01-07-2003, 03:31 PM

alashwaq

:p :p :p :p :p :p :p :p

حمامه .....

و الله حرااام .. مابا حد ياخد من خاطره علي او يزعل مني
و اسمحيلي اذا لعبت باعصابتج اشوووووووويه ...
لا تزعلين و مابا حد يزعل مني ;)

خذيها بروووووووح رياضيه .... :)

حمامه

01-07-2003, 03:54 PM

بــس اللي ســويـتـه مايــدل على الروح الرياضيه :headshak:

مهوس العين

01-07-2003, 04:05 PM

حمامه ....

لكن و الله كان عندي سبب قوي و هو يلي خلاني اسوي كل هذا ...
خلاص انسي السالفه ...... و لا تزعلين مني و لا تاخذين بخاطرج علي.

تيـــــكت ايــــــزي تيــــــــكت ايـــــزي

:)

تعبان

01-07-2003, 04:10 PM

خلاص دامك موجود عيل ليش أتكلم واااااجد :D

هما كلمتين : إنت بين اهلك وناسك

وولكم باك .. :)

http://arabic.planetarabia.com/ecards/ar/cards/bunch-roses.jpg

نواف بن أحمد

01-07-2003, 04:53 PM

عيناوي للأبد ...

مابي:mad:

بشرط... احذفك انت والموضوع سوا:mad:

امزح معاك ... كنت عارف انك راجع لنا ...;)

ابو الفياصل

01-07-2003, 05:26 PM

اقول روقنا.:D

مهوس العين

01-07-2003, 05:40 PM

تعبان ...

مشكووووور ..و هذا من ذوقك ;)

نواف بن احمد ...

احذفني ..... تراك انت بتكووون الخسران الوووحيد

تراااني امزح ;)

ابو الفياصل ....

صح اني ما فهمت ..... لكن مشكوووووووور

;)

عمرTarga

01-07-2003, 06:59 PM

اي والله نبي مواضيعك الي تروق:D

سويره الطقاقه

01-07-2003, 08:34 PM

رد مقتبس من دبدوووبه
طيب وجهي حلوووووو

على جيتي بطل عيناووووووي يروووووح :D

اهلاً وسهلاً بيك مره ثانيه :)

بو علاء

02-07-2003, 02:35 AM

اخوي عيناوي
مع اني عضو جديد لاكن كنت اتابع المنتدى بشكل شبه يومي
وصراحه لو بطلت انت ابطل انا وياك :( :(

وان شاء الله ماكون زعلتك بشيء كذا ولا كذا
حتى اذا كنت زعلتك بشيء وانا عصو جديد فسامحني
بس لا تروح عنا :( :(

بليززززززززززز:Sad2: :( :Sad2: