فكره مجنونه ولا لا ؟

[الراوي]

السلام عليكم

شلونكم شباب

عندي استفسار صغير بخصوص المكاين (Engines) , مثلا اذا عندي سياره ابي اغيرلها المكينه , واحطلها مكينه اكبر مثلا مكينة سياره 4x4 ؟

ايش الشروط اللي لازم تكون موجوده ؟ مثلا لازم يكونوا هم الاثنين اوتوماتيك ودفع خلفي ولا ؟

واذا كانت سيارتي دفع امامي هل اقدر اغير الدفع الى خلفي ؟ والقير الى قير عادي ؟

على بلاطه مثل ما يقولون ؟ عندي فكره مجنونه في راسي ؟ ماعرف ممكن تتطبق ولا لا , عشان كذا حبيت اطرحها عليكم ونبغي المشوره من اهل الخبره

عندي ماكسيما 2002 اوتو وابغي اركب مكينة نيسان باترول 4800 او اكبر

:laugh:

قلتلكم فكره مجنونه

وفكرت اني اودي المكسيما الامارات واسوي التعديلات اللازمه هناك

والحمدلله الميزانيه موجوده وان شاء الله تكفي

نبغي نشوف افكاركم واقتراحاتكم وايش التعديلات اللي لازم اسويها بعد تغيير المكينه

واذا زادت الفلوس وطلعت التكلفه ارخص من اللي في بالي يمكن اركب توربو بعد

لكن نسمع الآراء اول :) :glasses2:

اخوكم صاحب الافكار المجنونه

عبدالله

[uae speed]

هلا اخوي ..

اللي فهمته انك تبا تركب مكينة نيسان باترول على ماكسيما !!

عاد انا ما اتوقع انه يركب .. واذا ركب .. لازم تغير اشياء وبلاوي وتقص وتحف وترفع وتنزل .....

امممممم

والله حرام بصراحه ... موترك يديد يعني .. وبعدين ترى مكينة المكسيما بروحها طياره .. يعني لو بتركب لك تيربو .. كافي ..!

اذا نويت تزور الامارات - دبي .. لا تتردد بزياره قراج بن سليم بيرفورمانس ..

صحيح انه غالي .. لكن شغله أحلى عن العسل .. لا ويعطيك ضمان على التيربو .. ويعطيك نصايح ويشرح لك شو سوى وشو ما سوى ....

يعني شغل محترفين مثل ما تقول .. بس اهم شي ----> $$$$ :D

انزين انته ما قلت لنا كم ميزانيتك ؟

[Third Eye]

ترا لازم تحولها دفع خلفي
لأنو مكينة الباترول مصممة بالطول
والمكسيما بالعرض
هذا إذا ركبت مكينة الباترول لانها كبيرة
أقصد الإرتفاع

[فـهـد]

ركب سوبرتشارج , واذا ناوي تغير المكينه ركب مكينة ماكسيما امريكيه.
واذا ناوي تقلبها دفع خلفي ركب مكينه Z350 بتكلفك من 60 الى 80 الف ريال :damp:

[Third Eye]

ركب سوبرتشارجر
أنا أفضل أنك تنزل الموضوع مرة أخرى بس العنوان خليه مناسب
علشان خبراء المكسيمات يشوفوه ويفيديوك

[TOP-SECRET]

والله اخوي ترى حرااام تغير مكينة المكسيما ترى السياره الي عندك جديده:Sad2:

اخوي انا انصحك تروح الامارات وتركب لك سنقل تيربو وتعبث شوي بكهربة الموتر بيكون احسن لك واصرف :laugh:

الي يفكرون يغيرون مكاين تكون سياراتهم في الاصل مكينتها قوتها محدوده لكن المكسيما مكينتها قويه جدا ً اخوي فماعتقد تحتاج انك تغير مكينتها :damp: انا اشوف تروح وتزودها في بعض القطع من عند بن سليم يكون احسن اخوي... هذي حسب وجهة نظري المتواضعه:glasses:

[الراوي]

اخواني الأعزاء : uae speed - a.w.t - فهد2 - TOYOTA - OBAS

اشكركم على ردودكم الحلوه

وصحيح كلامكم ان مكينة المكسيما قويه , لكن اللي خلاني ما افكر في سوبرشارج انه قوته محدوده , يعني سوبرشارجر Stillen يوصل المكسيما من 0-100 في 5,9 , ,, وهذا التسارع ما يرضي طموحي

ففكرت اني اركب شي اكبر واقوى , والتيربو قالولي ان خراباته كثيره واحنا في قطر ماعندنا كراجات تعرف للتيربو

والميزانيه في حدود 70,000 وقابله للزياده

اخوي ما قلتلي كم يكلف اكبر تيربو عند كراج بن سليم

تحياتي لكم جميعا

اخوكم , ShaY6ooN

[الارهابي]

اخوي ShaY6ooN
اذا بتغير المكينه
و ودك تبيع مكينه المكسيما فاحنا انشاء الله بنشتريها
بس تكون مكينه + ظفيره + كمبيوتر


و رد لي خبر اذا نويت تغير المكينه :)

[MAD MAX]

70 الف وقابله للزياده ماشاء الله
طبعا انا اقول لك شوف لك سياره ثانية وعدلها سوبرا او شئ ثاني
بس اذا انت مصر على الماكسيما
طيب ويش رائيك في 550 حصان او اكثر
وتسارع في حدود ال 4 ثواني
طبعا نتكلم عن التيربو وصدقني اذا كان الشغل اوكية ماراح تحصل اى مشاكل
في ورشة في البحرين يقدر يسوى لك هاذا الشى ومسوي مكسيمات تيربو قبل راح يساعدك في الموضوع اذا تبى
وراح ارسل لك رقم تلفونه على ايميلك واسمه وتقدر تتفاهم معاة

[الراوي]

اخوي الارهابي , ابشر اخوي لين جيت ابيع المكينه انت اول واحد اخبره

,,

اخوي MAD MAX تسلم على ردك , وبخصوص اني اشتري سياره ثانيه فأنا ما افكر , لأن اهلي رافضين فكره اني اشتري سيارة سبورت , خصوصا مثل السوبرا , لكن المكسيما محد بيدري عنها :) :)

وبخصوص التيربو اللي تقولي عنه الحقني به , كم سعره ؟

وهذا هو ايميلي ShaY6ooN@hotmail.com

وشكر خاص لجميع اللي ردوا على موضوعي والله يقدرني واردلكم الجميل

اخوكم عبدالله

[الراوي]

تسلم اخوي MAD MAX سوري والله توني مشيك على الايميل وشفت رسالتك

تسسسسسسسسلم والله وماقصرت , وانا ناوي الاسبوع الجاي اروح البحرين , وباكلمه اول ما اوصل

تحياتي لك اخوي

عبدالله