View Full Version : ايش افضل 4 اوتو ولا 5 اوتو
الأنصاري
23-06-2003, 04:37 AM
دائما يوم تاخذ سيارة اوتو في شركات تخليها 4 وفي شركات تخليها 5
تشوف الكامري على ما اعتقد 4 غيارات وتشوف الأكورد 5 غيارات وحتى في الفورويل اعتقد ان الباترول والباجير 5 غيارات ولاندكروزر 4 غيرات
ايش افضل انا احس ان الخمس غيارات حلوة على الخط السيارة تكون مرتاحة بس يمكن اللأربع غيارات تعطي عزم وسرعة
هل حجم المحرك يؤثر قوتة تؤثر على هذة المعادلة حيث انك تجد السيارات السريعة فيها غيارات كثير 6 او اكثر
SnoopY
23-06-2003, 09:39 AM
انا اقولك
بكل بساطه كل ما زاد عدد نمر القير قله النسب ما بين التعشيقات و صار تسارع السياره احسن و مشيها انعم !
المشكله الوحيده اللي تواجه الشركات في التكلفه
الى وقت قريب ما كانت اغلب الشركات عندها التكنلوجيا الازمه لتصميم الشغله هذه فكان ما فيه جدوى اقتصاديه من بيع سيارات مجهزه بالشغلات هذه
اما الحين تجد سيارات زي البي ام و الجاغوار ما عندها مشكله تعطيك قير 6 اوتو ( و على ما سمعت المرسيدس جالسه تطور 7 اوتو الحين )
وزي ما انت شايف شركات ثانيه متخلفه زي تويوتا ( مع احترامي لكل محبيها ) لين الحين ماشيه مع ال4 سرعات
سلام
560SEL
23-06-2003, 04:16 PM
على فكره الاندكروزر ال 2003 قيره خمس سرعات
و الله انا ما رى ان هذي مقياس لجودة السياره لأن فيه سيارات قيرها اوتو ب 3 سرعات فقط
تحياتي
SKYLINE GTR
23-06-2003, 05:34 PM
كل ما زاد عدد السرعات كان افضل للسيارة واقل استهلاك و اقوى في الاداء
والمرسيدس قدمت الجير الجديد اللي اسمه جي 7 ترونيك اذا ما كنت غلطان
الارهابي
23-06-2003, 05:43 PM
كلامكم صحيح
كل ما زادت السرعات
بيكون اريح للسياره بس على الخط
و اقل صرف للوقود
لكن سالفه تصميم القيور ولو انها اصبحت اسهل الحين تعتبر صعبه جدا
و مكلفه جدا جدا
و بعدين الشركه لما تصمم قير
بتراعي انه يخدم في اكثر من موديل و اكثر من سياره
فمن الصعب ان شركه تعدل في مكونات القير الرئيسيه عشان عيون سياره وحده بس
و كل سياره لها متطلباتها
و تبعا لذلك لها القير المناسب
مثلا سياره عائليه بحجم السوبربان
قير ب 4 سرعات بيكون مناسب لها
اما سياره رياضيه مثلا الكورفت
قير ب 6 سرعات راح يكون عليها رائع
طبعا بيتيح لها الوصول لسرعات عاليه و يكون المحرك في نفس الوقت على RPm منخفض
و اللي صاير الحين
ان مصنعين السيارات يشتروا القيور من شركات متخصصه بس في القيور :D
رد مقتبس من 560SEL
على فكره الاندكروزر ال 2003 قيره خمس سرعات
و الله انا ما رى ان هذي مقياس لجودة السياره لأن فيه سيارات قيرها اوتو ب 3 سرعات فقط
تحياتي
النوع الـ V8 فقط .
الأنصاري
24-06-2003, 06:25 AM
مشكورين يا شباب للتوضيح
560SEL
24-06-2003, 04:50 PM
رد مقتبس من M5
النوع الـ V8 فقط .
و كمثال على ذلك موستنج SVT Boss قيرها أوتو بثلاث سرعات فقط و تسارعها من 0--100 في 1.9 ثانيه
تحياتي
رد مقتبس من 560SEL
و كمثال على ذلك موستنج SVT Boss قيرها أوتو بثلاث سرعات فقط و تسارعها من 0--100 في 1.9 ثانيه
تحياتي
اخوي 560SEL
اتمنى انك تراجع النقطة من جديد بخصوص الانطلاقة... بصراحة قويه وتودي السييح...
والسموحة..
SLR
560SEL
26-06-2003, 03:11 PM
رد مقتبس من SLR
اخوي 560SEL
اتمنى انك تراجع النقطة من جديد بخصوص الانطلاقة... بصراحة قويه وتودي السييح...
والسموحة..
SLR
أولا احب أرحب بك يا أخوي SLR بعد الغيبه الطويله
ثانيا : انا حطيت موضوع عن الموستنج ال SVT-Boss و تقدر ترجع له في أي وقت ... و الا تدري بس
ادخل على الموقع هذا :
http://www.mygt.itgo.com/svtboss.html
و شوف في أسفل الموقع بتلقا PERFORMANCE بتلقا فيها كل المعلومات اللي تبيها
:)
تحياتي