شباب الامارات خدمة صغيره لاخوكم :)

[abu_nasser]

السلام عليكم


ان شاء الله ناوي اشد الرحال على الامارات الاسبوع الجاي عشان فيه اختبارات و ما فيه سعودين و بصراحه شكلي صرت مدمن الامارات جيتها خلال 4 شهور مرتين :)

عموما نعود لموضوعنا اخوان واحد انا و الشباب بنجي الامارات احم احم :D

المهم واحد منهم ناوي يشتري مسجل و ازعجنا فيه :D المهم انه نبي نعرف محلات ممتازه للمسجلات انا اذكر يوم رحت لشارع نايف كان فيه محلات للمسجلات لكن ما ادري هل هي مضمونه او لا

المهم و بعد المعارض اللي تنصحوني اشوفها

و القى فيها مثل هذي السيارات Z350 و الـساب و اللكزس ES300

اقصد مثل هذي الفئة ( يعني السيارات اللي تتراوح اسعاره بين الـ100 إلى 125 الف )

و انا راح اسكن في الجميرا بيتش و الحجز الاسبوع الجاي و الطيارة فاضيه عشان الناس داخله اختبارات و هم الله يعينهم

<-- راعي سواليف

[زورو الامارات]

وعليكم السلام

هلا بو ناصر

وحياك الله في الامارات


بخصوص المسجلات ترى ماعندي خبره فيهم ابدا بس والله اعلم شارع نايف وسوق زينة السيارات متروووووووس


ودير بالك من الايرانيين من يشوفونك سعودي او خليجي ابو النصب يشتغل دير بالك منهم وعمرك لاتشتري شي من اول مره في دبي

لف ودور عليه كثير ترى تفرق الاسعار بين محل ومحل


اما بخصوص السيارات فأمس كنت في معارض العوير

لكزس مافي مابتحصل مادري شسالفه لاني بروحي كنت ادور لكزس وماحصلت

وان حصلت بتطلع عليك غاليه

شوف معارض الشارقة بس بعد حاسب قدر الامكان من النصابين هناك

الزد متوفر بس ماعندي خلفية عن الاسعار

اتوقع يكون غالي

ما انصحك تشتريه لانه بينزل ان شاء الله على شهر سبتمر

وبيكون بمواصفات خليجية


تحياتي لك

[Lorinser]

مرحبا شباب .....
هلا بو ناصر .... حياك في الامارات ونحن في خدمتك ... بالنسبة للمسجل . افضل مكان برايي هو اللي في الشارجة في بقعة صغيرة كلها مسجلات وكل الانواع اللي تباها ومضمونة بعد . :)

تحياتي

[uae speed]

هلا ..

الاخ لورنزر قصده ميدان الروله في الشارجه :cool:

بس الله يعينك عاد .. كيف بتوصلهم لأنه المكان معقد .. بين سكيك :D

المهم بالنسبة للمسجلات .. عندك شارع الزينه مقابل فندق حياة ريجنسي .. الشارع هذا كله اكسسوارات للسيارات وزوايد ومسجلات
وكل شي تباه موجود :cool:

بس مثل ما قالك زورو .. اتحمل من الايرانيين .. لا يغرك كلامهم ..

دور بكل المحلات في الشارع .. وبتشوف الاسعار كيف متفاوته :)

-------

على فكره .. فندق جميرا بيتش غااالي وايد .. ما انصحك فيه

اسأل عن مركز البستان في القصيص .. شققهم حلوة ورخيييصه ..

واقرب لك من السوق ..

اما جميرا بيتش بعيده .. وهي مقابل برج العرب مرره .. يعني يبيلك
مشوااار طويل ليما توصل السوق ..

في النهايه الشور شورك .. وحياك الله في الامارات :)

[abu_nasser]

السلام عليكم

يا هلا اخوي زورو الامارات ما شاء عليك اول ما رفعت الموضوع اول رد

بصراحه مشكور لكن اللكزس هل هي موجود عند الفطيم للسيارات و الا حتى في الفطيم غير موجوده و الزد مثل ما كنت متوقع باحصله لكن باسعار مرتفعه وبخصوص الايرانين بالفعل المره الماضيه نصبو علي في محل جوالات في شارع نايف اشتريت جوال 7650 (الكاميرا ) بـ2100 درهم المحل رحت لفونو و اشوفه هناك بـ 1750 درهم :(

اهلا اخوي Lorinser

الشارقة انا ما اعرف فيها غير سينما الماسه و سوق صحارى و محل نوكيا اللي جنب سينما الماسه :) لكن هل هي مضمونه اميه في الاميه


مراااحب بـuae speed

اهلين استاذي
ميدان الروله ما اعرف لكن اسال لليموزينات هناك عنه

و الله يعين على الدواره لكن انا اذكر في دبي كان فيه ورشة للسيارات ( صناعيه ) واذكر اني شفت سيارات سبورت هناك على ما اعتقد انه كان قريب من فندق مشهور اسمه المجمع التجاري او مركزز تجارة دبي ناسي اسمه

و بخصوص الفندق بصراحه انا سكنت المره الماضيه في الجميرا بيتش و كان ممتاز و كان قريب من الفندق قرية العاب مايه

و فندق البستان قد سألت عنه لكن ما مدحوه لي و الجميرا بيتش خلف تمام برج العرب حتى بوابة برج العرب جنب مدخل الجميرا بيتش

<-- مرشد سياحي

عموماً شباب مشكور و ما قصرت لكن و ش الانواع اللي تنصحون فيها

و تحياتي لشباب الامارات