View Full Version : هل يمكنني تركيب كمبروسور تويوتا على هوندا ؟
السلام عليكم ،،
بغيت أعرف إذا يمكنني تغيير الكمبروسور تبع المكيف
لسيارتي هوندا أكورد 2002 وأركب كمبروسور كرسيدا 96
أو تويوتا كامري أو تويوتا كورلا أو أي كمبروسور تنصحوني فية
لإنه بصراحة مكيف الهوندا في النهار أي كلام ،، لازم أخلية على
3 عشان أحسن إنه شغال ،، طبعا أنا في الرياض وبديت أحس
بالصيف المشعلل من الآن:banana: ،، ودرجة الحرارة في الصيف خمسنية
تطبخ البيض من على الكبوت :):damp:
:help:
تحياتي للجميع
كابريس
11-05-2003, 01:35 PM
رد مقتبس من 3D
:
تحياتي للجميع
أنا أعرف واحد معاه اكورد 99 خرب معاه المكيف
وفي الشركة قالو له يكلفك 3000 ريال
قام راح الصناعية وعملو له توليف لمكيف لاندكروزر على ماأعتقد
المهم سيارة من تويوتا :D
وبيتمتع بالجو البارد دحين :D
على فكرة واحد من اصحابي اكورد 2002 برضو يشتكي يقول المكيف مايبرد الا بعد ماتمشي فترة طويلة :rolleyes:
مدري هوا العيب من السيارة من السواق ;)
الأنصاري
11-05-2003, 02:12 PM
صحيح انا جربت مكيف الهوندا هو ممتاز اذا كانت السيارة في الظل بس اي كلام في الشمس يمكن عشان السيارة تسخن شوي
عكس مكيفات تويتا ونيسان ومستوبيشي
اعتقد انك تقدر بس ما اعرف اذا بتكون في مشاكل مترتبة على ذالك
الارهابي
11-05-2003, 03:34 PM
اخوي 3D
مافي شي ما يركب
اهم شي ترهم الbrakets حق تثبيت الكمبرسر
و اذا كانت البكره تختلف عن التيوتا و الهوندا
ركب عليه بكره الهوندا
و بعدين يمكن تواجه مشكله في اهواز الفريون
تقدر تزبطهم في محلات كبس الاهواز
بالتوفيق
الكمبريسور تبع هوندا هو Denso (على الأقل هذا إللي مكتوب على مكينة سيارتي).
وأيضاً إللي يجي في سيارات تويوتا هو Denso ، فأيش هو الفائدة من التغيير؟؟
من ناحية التركيب نعم فهو يركب بس السالفة تحتاج إلى ترهيم كراسي او تلحيم ، عمي عنده مرسيديس ليموزين (يعني طويل مش تاكسي :D ) وركب كمبريسور كريسيدا عليه وهو شغال بشكل جيد.
وفي شغلة ثانية عن كفاءة المكيف ، السيارة تكون واقفة تحت الشمس لمدة 4 ساعات فكيف تريدها تبرد في 5 دقائق؟
علشان يبرد مكيف أي سيارة كانت بكفاءة لازم تتخلص من السخونة الشديدة داخل مقصورة الركاب بأستخدام بعض الطرق أنا أعرف طريقة واحدة وأترك البقية للشباب:
لما تركب السيارة شغل المحرك ، نزل جميع النوافذ .
أنتظر عدة ثواني وشغل التكييف على أعلى سرعة ، وأنزل من السيارة لمدة 20 ثانية .
بعدها أركب السيارة وأبدأ بالتحرك بسرعة منخفضة
بعدها أرفع النوافذ وأستمتع بالهواء البارد.
كابريس
12-05-2003, 04:41 PM
رد مقتبس من NFS
علشان يبرد مكيف أي سيارة كانت بكفاءة لازم تتخلص من السخونة الشديدة داخل مقصورة الركاب بأستخدام بعض الطرق أنا أعرف طريقة واحدة وأترك البقية للشباب:
لما تركب السيارة شغل المحرك ، نزل جميع النوافذ .
أنتظر عدة ثواني وشغل التكييف على أعلى سرعة ، وأنزل من السيارة لمدة 20 ثانية .
بعدها أركب السيارة وأبدأ بالتحرك بسرعة منخفضة
بعدها أرفع النوافذ وأستمتع بالهواء البارد.
تفتحه على اعلى سرعة ؟
اعتقد الثانية كفاية ولمن تركب بكيفك سواء تخليه على اعلى سرعة او اقل منها
عن نفسي احطها على الثانية
واستمتع بالهواء البارد :banana: في خلال اقل من 5 دقائق
ACCORD-V6
12-05-2003, 05:08 PM
حرام عليك اخوي
الهوندا في الموديلات الجديده تطور مكيفها بشكل كبيييييييييير جدا
وانا كان عندي ACCORD 2001 مكيفها 100% ولا عليه اي كلام لكن الكتروني مب عادي
اسف على الاطاله
الارهابي
12-05-2003, 05:40 PM
عندي كابرس 85
عليه كمبرسر اصلي جديد اخدته من 6 شهور
ماشاء الله يبرد زي الحلاوه
بس عيبه اذا وقفت السياره
ما يبرد كويس
الحل
ركب مروحه تبريد قويه قدام المكثف حق المكيف اللي قدام الرديتر :D :D :D
zx300
14-05-2003, 06:32 AM
اخويالارهابي
هالطريقه ينفع مع كابرس 91 ؟
ولا في طريقه ثانيه احسن لأن انا متأذي مع الحر :confused:
الارهابي
14-05-2003, 06:43 AM
و الله نا اشوف ان مكيفات الكابرس _ الصابونه _ من 91 - 96 من افضل المكيفات ثلوووووج ما شاء الله
حتى داخل البلد و على السرعات المنخفضه
اول شي تأكد ان الكمبرسر اللي عندك شغال اوكيه
لانك لو حبيت تركب كمبرسر ياباني لازم ترهم البراكيت حق الكمبرسر
و البكره و اهواز الفريون
بس حط في بالك سالفه التكلفه
الكمبرسرات اليابانيه غاليه
zx300
14-05-2003, 06:52 AM
يعني اركب واحد جديد زي اللي فيها
لأن اللي عندي تعبان مايبرد الا لما تمشي السياره
الارهابي
14-05-2003, 06:28 PM
تأكد اول من الفريون
و من رديتر المكيف ( المكثف اللي قدام رديتر السياره الكبير )
و من الثلاجه حق المكيف ( يمكن يسموها اسم ثاني ) اللي تصير في الزاويه عند دبه الفريون
و في شي ثاني مهم
احيانا المكيف ما يبرد على السرعات المنخفضه او اذا السياره واقفه
و احيانا على السرعات العاليه ما يبرد
غالبا يكون الخلل في فاكيوم صغير داخل الطبلون يتحكم في دخول الهوا
اذا الفريون في سيارتك معبيه من زمان
روح سوي تنظيف للثلاجه و لمواسير الفريون و فحص عام للتكييف
بعدين عبيه فريون مره ثانيه وانشاء الله تزبط
و بالتوفيق
zx300
15-05-2003, 06:26 AM
مشكور اخوي الارهابي
الحين بروح اسوي كل دا
وادا زبطت بدعي لك :glasses:
الارهابي
15-05-2003, 06:30 AM
:D
شوف لك كهربائي محترم
مو اي واحد
خله ينظف لك المواسير حق الفريون و يتأكد ان ما فيهم تسريب اول
VIPER GTS-R
15-05-2003, 08:43 AM
السلام عليكم
و الله نا اشوف ان مكيفات الكابرس _ الصابونه _ من 91 - 96 من افضل المكيفات ثلوووووج ما شاء الله
حتى داخل البلد و على السرعات المنخفضه
اخوي الارهابي ؟؟؟؟ ماهقيتها والله
:confused:
أنا عندي تويوتا كرونا 1988 و ماكسما 1998 ،مكيف الكرونا يبرد أسرع بكثير من المكسيما:OO:
الارهابي
15-05-2003, 05:11 PM
رد مقتبس من VIPER GTS-R
السلام عليكم
و الله نا اشوف ان مكيفات الكابرس _ الصابونه _ من 91 - 96 من افضل المكيفات ثلوووووج ما شاء الله
حتى داخل البلد و على السرعات المنخفضه
اخوي الارهابي ؟؟؟؟ ماهقيتها والله
:confused:
و الله عندنا صابونه 91
مكيفها ثلج ما شاء الله
و مجرب اكثر من صابونه
مكيفاتهم بارده و ممتازه
خاصه على الخط تقول فريزر:D :D :D
HaKeM
15-05-2003, 05:40 PM
أنا كنت اركب مع صاحبي في الكابريس موديل 93المكيف في النهار بارد لكن مو هذيك البرودة لكن في الليل ماشاء الله تلاجه.
بصراحه مكيفات الأمريكي في البلد تعيسه لكن في الخط بارده.
الياباني من أفضل المكيفات برأيي.
تحياتي:D