View Full Version : شباب أستودعكم اللــــه------- من زوروا الإمارات وAMG الدخول...
PHENEX
19-04-2003, 11:44 AM
شباب من اخر فترة الأحداث الي صارت إكتشفت إني لمدة أكثر من 6 شهور وانا عضو غير مرغوب فيه والي كشفلي مشاعركم تجاهي اخر موضوع ووجد إن كل عضو طلع مابداخله لذلك ياشباب سامحوني إذا كنت قد اهنت أو جرحت مشاعر أي واحد فيكم وانا ياشباب من اول موضوع لاخر موضوع وانا نواياي حسنه في هذا المنتدى ونظرا للخلافات الي سارت بيني وبين عاشق التضبيط شفت إنك جميعكم وقفتم ضدي بإستثناء الصديق الوفي (كابريس) جزاه الله ألف خير... وكذلك من وقفوا إلى جانبي وفي الأخير ارجو من المشرفين فصلي من المنتدى ولي كلمه اود ان اقولها لـ عاشق التضبيط وايطالي ومسيطر...
(عمري ما أكنت في قلبي حقد على اي منكم بعد ماقلتموه عني)
:) الله يسامحكم:)
عاشق التضبيط
19-04-2003, 12:14 PM
السلام عليكم
ماعليه ياخوي PHENEX انا آسف على الكلام اللي قلته
وانا بصراحه والحق ينقال ماشفتك غلطت على احد
بس ابي منك طلبين
الطلب الاول تثبت لنا كلامك ان عندك بي ام 760 وعند ابوك بي ام 760 بعد يعني صوره او اي شي ثاني
الطلب الثاني: واسمح لي بهالكلمه لاتشوف نفسك علينا وبكل موضوع تكتبه تقول البي ام ال 760 حقتي
وتحطم بالسيارات الثانيه
وبس
AbO-QaZe
19-04-2003, 12:19 PM
السلام عليكم
بصراحة انا ما ادري شنو بينكم بس الي فهمته على انه انا عندي
سياره وابوي عنده والله ذكرتوني ابأيام الطفوله الي اقول حق واحد ابوي
يطق ابوك لوول ابوي اقوه من ابوك يطقه بكس لوووووووووووول
اسمحولي اخواني ما عندكم سالفه واخوي فونكس انا ما اشوف عليك
شي وكلامك حلو وطريقتك احلى اخوي عاشق حتى لو عنده يعني
عليه بالعافيه السياره ما اشوف فيها شي ان الموضوع يكبر على سياره
عندك اياها ولا لأ وانشاء الله تعقلون وتنسون الي صار واتردون اخوان
ابسوالف وتنسون المشاكل واتسوون كل شي لصالح المنتدى واخر
شي كلكم خليجيين وكلكم مسلمين وكلكم عرب يعني ماله داعي
الي صار بينكم وبس اتمنى اني ما اطلت عليكم
PHENEX
19-04-2003, 12:59 PM
إنت تدري اصلا وش سيارات بيتناشوف والله الحقيقه يا اخ اول طلب نفذت نصه الي هو إني انا عندي صور مصورها مع السياره ولو تشوفها تضحك علي لأني مره واقف فوق الكبوت ومره واقف فوق التنده بس المشكله ماعندي سكانر اما الطلب الثاني وهو اني اتفاخر عليكم ترى مو صحيح إنت تدري اصلا وش سيارات بيتنا؟ إنت تحسب انها كلها كشخه واحنا ناس اغنياء لكن اقرأ وش سيارات بيتنا..
1.BMW 760LI 2002 (هذي حقت الوالد) لونها ابيض.
2.BMW 760LI 2003 (هذي سيارتي)لونها احمر غامق (عنابي)
3.GMC SUBERBAN 2002 (هذي سيارت العائله) لونها ازرق غامق
4.LEXUS LS430 2002 (هذي سيارت أخوي الكبير) لونها اسود.
5.LEXUS LS400 1992 (هذي سيارت الوالد قديما مع إنه يستخدمها اكثر من البي إم)لونها ابيض.
6.TOYOTA HILUX 1998 (هذي سيارت النقل الخفيف والخرفان يوم الأضحى واغراض البيت)لونها ابيض
7.قريبا TOYOTA CAMRY 2003 فضي للسواق BECAUS الوالد واخوي وانا مستحيل نعطي السواق اي من سياراتنا يروح يصدم لنا فيها مثل ماسار في سيارة الوالد يوم كنت جاي التجمع لسيارات الجولف كما إن الجمس كبيره عليه والوالده ما وافقت والهايلكس ما تليق بالسواق كيف يجيب الأهل والأغراض والحاجات....بعدين الوالد قال الله يغربل إبليسكم الحين بتخلوني أدفع أقل شئ 60 ألف للكامري....
وهذي سيارات بيتنا يعني مو كلها توب فيه من 760 إلى هايلكس وانا لما اقول طبعا سيارتي 760 مو للتفاخر ولكن لأتجنب سؤال الأعضاء لي بقولهم...إنت أي سياره كانت معك لما كنت في المكان الفلاني فعلشان بدل ما اهدر الوقت والمال والجهد واضيف رد علشان اقول نوع السياره اقولها مره وحده في أساس الموضوع.....
ومشكورين....
شباب
هدوا اللعب شوي
مايصير اخوي فنكس على كم كلمة تسيب المنتدى وتمشي
اخوي عاشق
ممكن سؤال
لوهو عنده بي ام ووالده عنده بي وسواقهم معاه فياقرا ياخي لازم التكذيب
انت لو قلتلنا انه معاك بي ام باصدقك
فشباب مايصير كذا والله
يالله شباب هدوا اعصابكم وصفوا النفوس
اخوكم
معدل,,,
PHENEX
19-04-2003, 01:14 PM
سراحه يا معدل أنا أشكرك على هذي الكلمه الطيبه... بس وين مسيطر إلي اخلاقه تقطر عسل وكذلك ايطالي....:) :) :)
اخوي فينكس
ماسوينا الا الواجب
كلمة حق وانقالت مع اني ماحبيت اتدخل بينكم من الاول
وياليت ياشباب تصفوا النفوس كلنا اخوان هنا
اخوكم
معدل,,,
gs300_2003
19-04-2003, 01:57 PM
ماصار الا الخير مادام انك صادق ما عليك من اي احد عليك من نفسك انا مصدق انه عندك 760 يعنى ما فيها شي اذا ما شاء الله تبارك الله , الله معطيكم فلوس و ممتعين نفسكم (ماشاء الله تبارك الله)
SKYLINE GTR
19-04-2003, 02:01 PM
ما يصير اخوي انك تترك المنتدى
مع اني ما اعرفك لكن انا ما شفت منك الا كل خير
انا ضد انك تترك المنتدى لانك ما شاء الله لك معرفة ماهي بسيطة في السيارات وعالمها وتركك للمنتدى خسارة
اتمنى انك ما تترك المنتدى وارجو انك ما تردني :)
ما اعتقد انك لازم تترك المنتدى يا اخ فينيكس خلك في حالك وابعد نفسك عن المشاكل أفضل لك وهذا الكلام أيضا أوجهه لبقية الاعضاء لا تجيبون لنفسكم المشاكل :headshak:
1100R
19-04-2003, 02:19 PM
ولا انا مافضل انك تترك المنتدى:)
صراحه سبب ما يستاهل
والي مو مصدق انو عندكم عساه لا صدق المهم انو عندكم 760
الله يعطيكم خيره ويكفيك شره
بـــ{{جراح}}ـــو
19-04-2003, 02:29 PM
الغالي كل متميز وله أعداء ..
طبعا اي واحد يغار لازم يسب ويقول لأنه ماعنده شي غير هذا ... وفي ناس شغلتهم التكذيب ..
لو إنته قلتلي عندنا رولس رويس بعد بصدقك لأني إنسان عارف نفسي من الداخل .. فهمت عليي فإذا مو مصدق خله والأيام تثبتله المهم الثقة بلنفس.
E_TYPE
19-04-2003, 02:39 PM
رد مقتبس من 1100R
ولا انا مافضل انك تترك المنتدى:)
صراحه سبب ما يستاهل
والي مو مصدق انو عندكم عساه لا صدق المهم انو عندكم 760
الله يعطيكم خيره ويكفيك شره
اهلللين
عدله كلامه ليه تسيب المنتدى على حاجه ماتسوى .
وشكرآ
اخوكم
:glasses2: E_TYPE:glasses2:
زورو الامارات
19-04-2003, 02:39 PM
السلام عليكم ورحمة الله وبركاتة
فونكس افا عليك بس يعطيك قلبك تترك المنتدى وتعيش بدون سوالف ؟
ما اضن تقدر تسويها :) يمكن عاتب علينا شوي
خذ الكلام المضبوط:
يمكن البعض فسر كلامك بشكل او بآخر وهذا شي طبيعي لان الناس تفكر بأكثر من شكل وتفهم بأكثر من شكل وهذي طبيعة البشر
لكن سالفة انك تترك المنتدى اقول مالها داعي ابدا كلنا مسلمين واخوان
ومصراين البطن احيانا مثل مايقولون تتهاوش فمبالك بمنتدى فيه الكثير من الشباب وبعدين اخوك الي زعلك هذا هو اعتذر منك وانا بعد اعتذر منك وياه
يالله عااااااااااااد اضحك كركر خلنا نشوف البسمة في المنتدى مافي داعي لأي زعل او اي شي انسى والكل ينسى
abu_nasser
19-04-2003, 02:50 PM
الله يفشلكم بس:D
الحين البي ام و المرسيدس من افخم نوع إلى افضل نوع او فئة
صارت ليموزين فطبيعي الكل يملك سيارة من هالسيارات و برايي من السهل للغاية اني املك روز رايس او بي ام
كلها خذ لك صفقة من اول شركة تشوفها بالطريق و خذ الفلوس و احجز لك او طيارة لخارج دولتك و كل شيء بيصير تمام
<-- MaFia:black:
و سلامتكم
السائق المثالي
19-04-2003, 05:19 PM
أخوي :
ما معك حق تترك المنتدى ،
أنا شخصيا أذكرك وأذكر بدايات موضوعك يوم كنت تبي الشباب يقارنوا بين الـLS430 وبين الفئة السابعة ...........
وأنا أشوف ان اللي صدّقك على العين والراس ...
واللي ما صدّقك عساه ...
المهم انت تكون صادق ومقتنع بكلامك ولا تشيل هم ّ للآخرين ...
أتمنى أنك ترجع عن رأيك ،
وتقبل تحياتي
عاشق التضبيط
19-04-2003, 05:45 PM
ماعليه ياشباب لي كلمه بسيطه انا ردي كان واضح انا ماكذبته ولا شي
قلت هي وحده من ثنتين ياما ان عندك بي ام 760 وماشفت خير لانك غاثنا كل شوي البي ام حقتي والبي ام حقتي ويدخل نفسه بمواضيع ماله دخل فيها مثل تجمع سيارات الفلكس واجن راح دخل بالموضوع وقال انا بجي بالبي ام حقتي بس خلوني الزعيم
الحين الاجتماع حق فلكس واجن اش يبي هو بالبي ام حقه ؟
لا وياليته جابها بعد شوفو هالموضوع
http://www.swalif.net/sforum1/showthread.php?s=&threadid=152370
وشوفوا كمان هذا الموضوع
http://www.swalif.net/sforum1/showthread.php?s=&threadid=150885
وانا جيت وتأسفت منه وقلت له
ابي منك طلبين اثبت لنا ان عندك وعند ابوك البي ام 760
ويرد علي هذا الرد؟
اقتباس
رد مقتبس من PHENEX
إنت تدري اصلا وش سيارات بيتناشوف والله الحقيقه يا اخ اول طلب نفذت نصه الي هو إني انا عندي صور مصورها مع السياره ولو تشوفها تضحك علي لأني مره واقف فوق الكبوت ومره واقف فوق التنده بس المشكله ماعندي سكانر
بالله اش اللي فوق الكبوت وفوق التنده وين قاعدين ؟
في احد عاقل يصدق هالكلام واضح انه يتهرب
والطلب الثاني قلت له لا تتكبر علينا وتتفاخر وتقعد تغثنا بالبي ام حقتك بكل موضوع
وآخر شي يجي يقولي كل سيارات بيتهم لا ونسى اللومينا اس اس بعد يعني بالله كل هذا مايرفع الضغط ؟؟:confused: :confused:
وبالنسبه لسالفه التكذيب
ياناااس خلكم واقعيين ايش اللي خلي الواحد يكذب على كيفه وين قاعدين
حنا خاشين المنتدى عشان الواحد يستفيد بمعلومات صحيحه موب جايين نسمع نصبات وكذبات ؟
اي واحد يقول شي يجيب اثباتات واذا ماجاب يتحمل مايجيه
الحين الموضوع اللي فوق يقول ما انباعت ولا سياره 760 وهذا يقول عندنا ثنتين ؟
الله يخليكم ياشباب لاحد يرد الا هو داري وش الموضوع
وعلى فكره اذا هو بيضل يكذب وعاجبكم الوضع قولوا على المنتدى السلام
يالله سلاااام
fahoodi
20-04-2003, 01:33 AM
عاشق وربي كلامك مضبوط 100%
وربي انك حجرت للرجال من جد
لوووووووووووووووووووووووووووول
وبعدين ياشبااااااااااااااااب
اذا وفقط اذا PHENEX صادق في كلامه
ليه مايجيب صور؟؟؟
ولايصرف ويقول ماعنده سكانر ولا مدري ايش
يروح وينقز لاقرب كوفي شوب من بيتهم
ويطلب من ابوهنود انه يدخل صوره بالسكانر ويخزنها في ديسك
ويجيب لنا الصور
يعني مااتوقع انه صعب انه يسوي كذا
عشان يثبت لكل المنتدى ان عندهBMW760Li 2003
وبس
:D
kin porch
20-04-2003, 04:55 AM
PHENEX
اذا عندك 760 او غيرها ... الله يباركلك فيها، واذا كل عضو تعرض لانتقاد وانسحب مابيبقى احد ...
ولا تظن ابدا ان الكل ضدك.
عاشق التضبيط
انا احترم وجهة نظرك لكن دام الموضوع يسبب مشاكل اكثر فما اعتقد انك بتكون مرتاح لهذا الجو ...
تقبلو تحيات اخ يحب مواضيعكم ...
:)
AVANTGARDE
20-04-2003, 05:24 AM
بس في امان الله واتمنى لك التوفيق
وكلمة لعاشق التضبيط
بصراحة اسمح لي اقولك لاتدخل في امور الناس... نته شو يهمك اذا ابوه وهوه عنده 760 والا ماعنده!! هالشي شو بيغير فيك يعني لو عنده والا لا؟؟؟!!! عجيب امرك الصراحة.. هل هو نوع من الغيره والحسد على صاحبك؟؟ قول كلام طيب مثل الله يحفظها لك ويكفيك شرها افضل من كلمة اثبت لنا وتصير خلافات مالها اي داعي!!
والسموحة
silver
20-04-2003, 05:57 AM
رد مقتبس من fahoodi
عاشق وربي كلامك مضبوط 100%
وربي انك حجرت للرجال من جد
لوووووووووووووووووووووووووووول
وبعدين ياشبااااااااااااااااب
اذا وفقط اذا PHENEX صادق في كلامه
ليه مايجيب صور؟؟؟
ولايصرف ويقول ماعنده سكانر ولا مدري ايش
يروح وينقز لاقرب كوفي شوب من بيتهم
ويطلب من ابوهنود انه يدخل صوره بالسكانر ويخزنها في ديسك
ويجيب لنا الصور
يعني مااتوقع انه صعب انه يسوي كذا
عشان يثبت لكل المنتدى ان عندهBMW760Li 2003
وبس
:D
:)
Infiniti Q45
20-04-2003, 06:09 AM
رد مقتبس من fahoodi
عاشق وربي كلامك مضبوط 100%
وربي انك حجرت للرجال من جد
لوووووووووووووووووووووووووووول
وبعدين ياشبااااااااااااااااب
اذا وفقط اذا PHENEX صادق في كلامه
ليه مايجيب صور؟؟؟
ولايصرف ويقول ماعنده سكانر ولا مدري ايش
يروح وينقز لاقرب كوفي شوب من بيتهم
ويطلب من ابوهنود انه يدخل صوره بالسكانر ويخزنها في ديسك
ويجيب لنا الصور
يعني مااتوقع انه صعب انه يسوي كذا
عشان يثبت لكل المنتدى ان عندهBMW760Li 2003
وبس
صادق ياخوي و اذا فينيكس صادق مانبي صور
نبيه يقابل عاشق التضبيط و يوريه سيارات كراجهم
و نذكر منها اللكزس و البي ام 760 الابيض و الاحمر الغامق و البي ام 2002 750 الاسود
و بعدين نحطك مشرف ياأخ PHENEX:banana: :banana:
CL 600
20-04-2003, 06:14 AM
:(
بصراحه يا أخ PHENEX راح نفتقد مواضيعك المميزه ..
على العموم لا تنسانا .. ونشوفك على خير
في أمان الله
abu_nasser
20-04-2003, 06:53 AM
عقولكم صغيره و اللهِ صغيره ناس و ين و انت وين
عقل طفلا يتجاوز السنتين افضل منكم اسمحولي
اولاً تذكروني بالاطفال ابوي عنده و ابوي عنده صحيح اطفال
ثانياً قوات التحالف انتم الاطفال كبار عليكم انت شنو بتستفيد اذا هو عنده بي ام و الا بيجو و الا مازده و الا كرسيدا موديل 60
هذه الاشياء ما تهمني اذا كان الشخص الذي يملكها محترم معي و برايي هو افضل من صاحب السيارة الفلانيه المغرور صح و الا لا
عموماً لا اعلم الفائدة من انكم تضحكوا اعضاء المنتدى على شخص اخطا و كذب او لم يخطأ و لاتنسوا و اوجه هذا الكلام بالتحديد إلى عاشق انه من اضحك الناس على شخص اضحك الله عليه العالم كله يوم القيامة:)
و الاخ فونكس رجاء ضع الصور ان كنت تملكها و ان كنت عكس ذلك وصدقني الاعتراف بالحق فضيلة
و سلامتكم
AVANTGARDE
20-04-2003, 07:05 AM
لاتستغرب ...
ترى جد في صغار بعدهم ماكلموا 16 سنة معترضين ومصرين على شوفة الصور..
صدق انهم بزران ....
وماعتقد الاخ طارح الموضوع راح يستمر في المنتدى بعد كل هالتصرفات الحمقه ضده... انا بصراحة مالومه...
واعتقد انهم لو شافوا الصورة راح تصيبهم نوع من الغيره اعوذ بالله منها.. يعني نصيحتي لك لاتضع اي صورة ونحن كلنا مصدقينك ومشاركتك معانا في المنتدى مش تواضع بل انك عضو تستحق المشاركة وتنضم الينا كاخوه متحابة ...
والسموحه..
عاشق التضبيط
20-04-2003, 09:27 AM
AVANTGARDE و abu_nasser
عن الغلط الله يخليكم ايش اللي بزران وعقولكم صغيره ؟
احترموا نفسكم يااكبار
انا غيران وحاسد ؟ اوكي مو مشكله
لما يجينا واحد ويقول لنا انا عندي بي ام 760 والسياره مانزلت اصلا وش معناه انه يشكك في معلوماتنا ويغالطها
تصور يجينا بعد كم يوم ويقولنا انا شريت كورفيت موديل 2009 ايش تبينا نقول له مبرووووك والله يعطيك خيرها ؟
يااكبير انت وهوا افهموا الموضوع زين وبعدين تعالوا حطوا الغلط على مين ودافعوا
انا كل اللي طلبته صوره ما اتوقع صعبه واحد عنده بي ام 760 ومستخسر يشتري سكانر؟
خلاص انا مستعد اقابله واحط لكم الصور اذا كان صادق
وياشباب انا الين الحين ماتلفضت بالفاض ولاغلطت على احد يعني كل واحد يحترم نفسه
AVANTGARDE
20-04-2003, 10:59 AM
السيارة موجودة اصلا ... يمكن انته ماتصدق لانها مانتشرت رسميا بس هذا مايمنع انه مب اي شخص يمتلكها...
طال عمرك الفلوووووووس اتسوي كل شي لاتستغرب وانا اشهد هالشي... لو عندك فلوووس تقدر بنفسك اتسوي سيارة محد شافها من قبل ولاسمع عنها... يعني لاتستغرب...
ومافي داعي للصور ترى جد الموضوع تافه ماله داعي لهذي الردود ...
CAMARO4EVER
20-04-2003, 12:35 PM
انا ضد انك تترك المنتدى ,,,
PHENEX
20-04-2003, 01:13 PM
كل ما أود قوله إني عندي سياره اسمها BMW 760LI 2003 إعتبرها يا اخ عاشق مثل ماتبغى افهمها زعاطه ولا نفخه ولاتواضع ولا تكبر افهمها زي منت تبغى على قولت المصريين:
كل واحد بينام على الجنب الي بيريحه... وبعدين إذا المايباخ إنباعت يعني أكيد البي إم إنباعت....:) :) :)
PHENEX
20-04-2003, 01:15 PM
نسيت أقول شئ......................
بطلت أطلع من المنتدى...:rolleyes:
السائق المثالي
20-04-2003, 01:19 PM
رد مقتبس من PHENEX
نسيت أقول شئ......................
بطلت أطلع من المنتدى...:rolleyes:
هذا شيء مفروغ منه :D
لأن اللي يحب شي ما يقدر يفارقه بسهولة :D
شباب رجاء اذا كنتوا ناوين تدخلون في مشاكل راح أضطر وأوقف البعض منكم أرجوكم التزموا بالحدود وهذا الكلام موجه للجميع بدون استثناء وانا راح اغلق الموضوع.........