View Full Version : الباثفايندر علامة تحسب لنيسان !!!
الأنصاري
14-04-2003, 12:56 PM
في فترة وجيزة استطاعت سيارة الباثفيندر ان تفرض نفسها في اسواقنا خاصة انها بدات تنتشر ولما لا والسيارة تاتي بمحرك 3.5 وبقوة حصانية تقدر ب240 حصان وسعر مناسب جدا جدا
طبعا السيارة تتدرج من فئة عادية الى فئة عالية ((كالمة الزيادات)) توفر رفاهية عالية من تطعيمات خشب ومكيف الكتروني وكراسي جلدية وغيرها
والشئ الجميل ان السيارة اثبتت انها تمتلك قدرات ممتازة في الطرق الوعرة حسب ماسمعت
مميزات
سعر ممتاز -مواصفات عالية-قطع الغيار سعرها معقول
عيوب
الكثير حضى بمحرك 3.2 - مشكلة نيسان المعتادة انك بتسمع قراقيع بعد 3الى4 سنوات استخدام وهذا صار شئ عادي
http://www.nissanusa.com/m/cma/i/3pa/3pathfinder_gal_med09.jpg
http://www.nissanusa.com/m/cma/i/3pa/3pathfinder_gal_med11.jpg http://www.nissanusa.com/m/cma/i/3pa/3pathfinder_gal_med03.jpg
Oettinger
14-04-2003, 01:31 PM
السيارة في الحقيقة جدية جدا
بالنسبة لمحركها فهو 3.5 لتر ، VQ35 يعني نفس محرك الماكسيما ال 255 حصان ونفس محرك الزد 350 وكبعا باختلافات معينة خاصة بكل سيارة
تحياتي
Faisal20o0
14-04-2003, 06:38 PM
السياره حلوه
لكن ياشباب ياريت تذكرون لنا اسعارها في السعوديه
وشكرا
بوعبود
اتفق معاك في جميع ما قلته ..
ولكن أنا بعطيك عيوب اضافيه للباثفايندر بحكم تجربتي لها :
- وضعية الجلوس في المقاعد الخلفيه غير مريحه خصوصاً عند الركوب لفتره طويله ( سفر مثلاً )
- منطقة الدخول من الباب الخلفي ضيقه بشكل ملحوظ عند الصعود والنزول
- صوت المحرك عالي بالنسبه لسيارة V6 ( أنا أتكلم عن الـ 3.3 )
- سعر الفل أوبشن يعتبر نوعاً ما مرتفع خصوصاً وأن السيارة لا تخدم العائله بشكل كبير نظراً لعدم وجود صف ثالث من المقاعد
( يعني سيارة ستيشن واجن بدفع رباعي ) سعر الفل أوبشن منها بـ 96 ألف
- نوعية المواد البلاستيكيه المستخدمه ( تطقطق ) ان صح التعبير ،، بعد فترة من الزمن في حالة وقوف السيارة في الشمس !! ( مجربه في عدة سيارات باثفايندر )
تحياتي للجميع ،،
black scorpion
15-04-2003, 09:54 AM
السلام عليكم
انا احد مالكي نيسان باثفايندر بس للأسف 3.3:cry:
فعلاً من العيوب ارتفاع صوت المحرك بعد 120كم /س
- وضعية الجلوس في المقاعد الخلفيه غير مريحه خصوصاً عند الركوب لفتره طويله ( سفر مثلاً )
- منطقة الدخول من الباب الخلفي ضيقه بشكل ملحوظ عند الصعود والنزول
بس هي سيارة عائلية لعائلة مكونة من 5 اشخاص
لأن الباترول ( بالنسبة لنيسان) يشيل عدد اكبر
اي استفسار للباثفايندر انا جاهز :cool:
زورو الامارات
15-04-2003, 10:36 AM
السلام عليكم
موضوع جميل وهادف
من وجهة نظر شخصية
ارشح هذه السيارة للشراء
لو اعددنا مميزاتها وعيوبها نجدها افضل من غيرها بكثير
مثل ماقالوا الشباب
يمكن الضيق في الدخول والخروج من السياره وكراسيها غير مريحة
لكن في المقابل توفر لك محرك جبار بقوة 250-240 حصان وبعزم لا يستهان به
حجمها حجم سياره صالون ماتشعر انك تقود سياره كبيره مثل الباترول او اليوكن
يعني تصلح للاستعمال اليومي
مادري عن استهلاكها من الوقود بس اتوقع انه عالي شوي لانها يابانيه لو امريكية كان بيكون اقل بالطبع ( التقنيات المستخدمه)
سعرها منافس جدا
الطراز الاساسي بجير اتو + زجاج آلي سعره يبلغ عندنا 74-75 الف
لو قارناه بالبرادو او الباجيرو سنجد ان السعر احسن
البرادو 4 ابواب بمحرك 4 سلندر يبلغ سعره
86 الف واذا طلبت محرك ال 6 اسطوانات تجد ان السعر يصل لل 94 الف
اذا كلما دفعت اكثر حصلت على قيمة اكثر
سؤال لصاحب الباثفايندر كيف استهلاكه من الوقود ؟
وكيف اسعار قطع الغيار + الصيانه ؟
وهل انت فعلا وبكل صراحه مرتاح مع هذي السياره ؟؟
ViPEr_&_7 sERieS
15-04-2003, 12:46 PM
زورو الامارات
كلامك منطقي ....
في واحد من الربع .. كان عنده مكسيما موديل 90 .. باعها من عدة شهور ... و طول الفتره و هو يدور سياره اتكون متازه و اتريحه .... و من يومين خذ باثفايندر .. الي أعرفه انه لون أسود فقط :D ... و أنا ما شفت سيارته لين ألحين .. و لما أشوفها .. بقلكم رايي فيها بكل صراحه ... بس أكييييييييد أحسن و أرخص من البرادو ... اسأل مجرب و لا تسأل حكيم ... البرادو زينه .. لكن الأمان منعدم فيها كليا ... :(
فأعتقد .. انه الباثفايندر أفضل بحكم مواصفاتها .. و سعرها .. و العيوب الي فيها بسيطه
بوخشيم
15-04-2003, 12:51 PM
بالنسببه (للطقطقه) هل هي موجوده في الانفنتي الجيب...:cry:
لان بصراحه عجبتني السياره مره
محمد دريهم
15-04-2003, 01:03 PM
هههههههه
والله لي مع الباثفاندر حكايه
ذاك اليوم سيارتي الماجنا خذها واحد من زملاي المهم..من سوء الحظ كان عندي موعد وماعندي سياره حلوه...واخذ سيارت واحد من زملاي مااامون عليه لكن قطيت وجهي وسيارته كانت باثفاندر ...
وانواع الهستره والله مواصفات ممتازه وعزم ممتاز ....
black scorpion
16-04-2003, 02:27 AM
كيف استهلاكه من الوقود ؟
من الفل الى النص يمشي مسافة اكثر من النص الى الاخر
وفي الخطوط الطويلة ما يستهلك بنزين كثير
وكيف اسعار قطع الغيار + الصيانه ؟
اسعاره معقولة الصيانة في الشركة مرتفعة شويه
وهل انت فعلا وبكل صراحه مرتاح مع هذي السياره ؟؟
الحمدلله مرتاح بها
الأنصاري
16-04-2003, 07:43 AM
مشكورين على التفاعل
بس اتوقع ان صرفية الباثفايندر مش حلوة لأن 3.3 كان يصرف والحين انعمل 3.5
اما مقارنتها في البرادو -------اقول ان الباثفايندر افضل لشاب او عائلة صغيرة اما البرادو حلو لعائلة متهما القوة والمواصفات
وملاحظتي ان نيسان تنزل كم سيارة فاشلة وتتبعها سيارة قوية مثل الماكس والباثفايندر وبعدها يقوم وكلائنا بتصفية الجو