جنوط كابرس على مكسيما

[V8]

السلام عليكم

صديقي عنده مكسيما

يبغى يركب عليها جنوط كابرس SS


بس خايف انها تسبب مشاكل في السياره

وانا سمعت ان القيربوكس ممكن ينعدم

وش رايكم انتم؟


:help:

[srab2001]

؟؟

[عاشق التضبيط]

والله انا ما اتوقع تركب جنوط كابرس على ماكسيما وتقريبا متاكد لان المسافه بين البلوط في جنوط الكابرس تختلف عن المسافه في جنوط الماكسيما بس يمكن مع الخرط تركب واذا ركبت ما اتوقع فيها اي مشكله من ناحية القير

[560SEL]

اذا كانت جنوط الكابرس 17 فركبها و انت مرتاح لكن أكثر من كذا لا تغامر أبدا

فيه و احد من الشباب كان معاه BMW 728il ركبلها جنوط BBS مقاس 19 و أعدمت له الموتر ... القير عنده ما صار يعشق الرابع اذا كان على وضع D فكان يضطر انه يستعمل التبترونك و بعدين يرجعه على الD



هذا اللي أقدر افيدك به






تحياتي

[mtayam]

بالنسبه للماكس فهي ما تتحمل جنوط 17 لانها تعدم عليك التعليك الامامي كاااااااامل وانا اقول لك هذا الكلام من خلال تجربتي الشخصيه السياره صلحتها بحوالي الـ 5000 ريال غيرت خلالها كل ما تتخيله في التعليق الامامي من اصغر ربله الى اكبر قطعه في التعليق وارجوا اني اكون افدتك.

والسموحه




اخوك متيم

[922]

رد مقتبس من mtayam
بالنسبه للماكس فهي ما تتحمل جنوط 17 لانها تعدم عليك التعليك الامامي كاااااااامل وانا اقول لك هذا الكلام من خلال تجربتي الشخصيه السياره صلحتها بحوالي الـ 5000 ريال غيرت خلالها كل ما تتخيله في التعليق الامامي من اصغر ربله الى اكبر قطعه في التعليق وارجوا اني اكون افدتك.

والسموحه




اخوك متيم



طيب مكسيما 2003 جنوط 17

:confused: :confused:

[560SEL]

أنا متأكد ان ال 17 ما يضر المكسيما لكن أكثر من كذا أقوللك لا تغامر مهما كانت سيارتك














تحياتي

[mill_955]

الـجنوط مقاس 17 انش اذا كانت اصليه ماتضر السياره باذن الله اما اذا كانت تجاريه تكون ثقيله مررره وتعدم السياره

[560SEL]

رد مقتبس من mill_955
الـجنوط مقاس 17 انش اذا كانت اصليه ماتضر السياره باذن الله اما اذا كانت تجاريه تكون ثقيله مررره وتعدم السياره



صح لسانك

[Blue King 903]

اصلاً ماتركب خير شر :damp:







الا اذا ناوي تخرط وتوسع البلوط .. فهذا شي ثاني .. بس بيضرك بالنهاية وانت وكيفك :Sad2:

[V8]

ما شاء الله 9 ردود في يوم واحد:OO:

سانك افري بدي على تفاعلكم معنا:D


الجنوط الي ناوي يركبها 17 انش ميد ان تايوان:help:

بس يقول انها خفيفه مره



----------------------------
رد مقتبس من mtayam
بالنسبه للماكس فهي ما تتحمل جنوط 17 لانها تعدم عليك التعليك الامامي كاااااااامل وانا اقول لك هذا الكلام من خلال تجربتي الشخصيه السياره صلحتها بحوالي الـ 5000 ريال غيرت خلالها كل ما تتخيله في التعليق الامامي من اصغر ربله الى اكبر قطعه في التعليق وارجوا اني اكون افدتك.

والسموحه
---------------------------


كم مقاسات الجنوط الي ركبتها؟؟



وعندي سؤال ثاني:

كم مقاسات جنوط المكسيما والكابرس؟؟

[mtayam]

[QUOTE]رد مقتبس من 902
طيب مكسيما 2003 جنوط 17

:confused: :confused: [/QUOTE
جنوطها 17 من الوكاله يعني السياره تعليقها مصمم على جنط 17 بس مكسيما 2001 و2000 و2002
ما تستحمل الجنوط 17 لان تعليقها ماهو مصمم على جنط 17

والكلام كلله على التعليق وتصميمه على اي مقاس



وسلامتكم

[mtayam]

الجنوط اللي انا ركبتها 17 انش
والكابرس تجي شد بلد 17 اما الماكس تجي شد بلد
2000 و2001 15 انش
2002 16 انش
2003 17 انش

اما بالنسبه اذا اصليه ولا لا المهم مقاس الجنط وهل السياره تستحمل ولا لا انا زي ما قلت الجنوط اللي انا ركبتها 17 وشوف وش سوت لي في السياره الفرامل كل ثلاث شهور اغير فحمات واسوي لها وزن اذرعه ومقصات وتشييك كامل ومع كذا اعدمت علي كل التعليق الامامي ورحت غيرته صحيح انه مهم لازم تكون اصليه علشان حتى وزنها يكون محسوب بالملي من المصنع بس التجاري بس يالله جب لك قالب وعبيه وارمي في السوق ولا حسيب ولا رقيب لاكن اذا سيارته من 2000 الين 2002 ما انصحه ابدا يركب لانه بيفرح بها اول ما يركبها وبيندم عليها بعد سنه على الاقل

والسموحه

[ACCORD_559]

اذا كانت الجنوط


من الالمنيوم

ماتضرر السياره لئنها خفييففه

مره


اما اذا كنات حديد


تئثر كثير يرروح عزم السياره وتستهلق بترول

[V8]

mtayam

شكرا على التوضيح


LUMANI_SS

احنا مانتكلم عن الضرر من ناحية الوزن
لأن التركيب بيكون مؤقت ...يوم او يومين بس
وعلى العموم شكرا:)

=====

شباب انا كلمت صاحب المكسيما واخذت منه التفاصيل

الضاهر كان في سوء فهم لأنه كان يقصد شكل كابرس بس اما المقاس فهو يختلف :damp:

الجنوط مقاس 17
والعرض ماأدري كم بس انحف من جنوط الكابرس
ومابيطول مركبها يومين بالكثير

الحين وش اقله هوه ينتظر مني رد اليوم المغرب

:help: :help:

[mtayam]

مسيكم الله بالخير

اذا كان التركيب زي ما تقول يومين بس فا نصيحتي له انه يتجنب المطبات وينتبه منها لانها العله الوحيد في الجنوط الكبيره وخصوصا المركبه على سياره ماهي مصممه لها


وسلامتك واسف على التاخير

[gs300_2003]

تبغى النصيحة خلي جنوطها شد بلد او ركبلها نفس النوع تبع المكسيما احسن لك و خر عن عوار الراس :rolleyes: :rolleyes: :rolleyes:

[شرخشين2000]

V8
الموضوع قديم شوي لكن حبيت اكتب الكلام اللي يوقف على الشارب :D
مكسيما - كامري - جالانت - كل سيارات مرسيدس وبعض السيارات الثانية اللي مو متذكّرها ،، تركب عليها جنوط بحيث يكون البعد بين كل
بلط و بلط ( مسمار أو برغي ) 114 ...

أما اللومينا و الكابرس و البي ام تركب عليها جنوط أبعاد بلوطها 120


انتهى...

[V8]

اييييييه الحين عرفت ليش بوش مصر يضرب العراق:D

[شرخشين2000]

يبغالك وزن أذرعة