---- (( لاندكروزر & نيســـــان باترول )) ----

[Mr_CoRvEtTe]

هلا شباب ,,,,,,,,,,,,,,,,, بعد التحيه :)

* انا حاب استفسر من اصحاب الخبره عن الاندكروزر والنيسان بترول وهذا الفورويلاين اكثر الفورويلات شعبيه عندنا في الخليج بس حاب اعرف اراكم عن السيارتين وأي وحده اقوى وايش الشبه بينهم وايش هيا نقاط الضعف والقوه فيهم وايش الفرق بين السيارتين :confused: :confused:


** ارجو من الشباب ان يبدو اراهم في الموضوع دون التحيز او التعصب :corsair: :corsair:

----------------------------------------------------------------------------------

اما عن نفسي :D والله انا مالي خبره في الفورويل ابد لكن اشوف انه الاندكروزر اكثر منتشر من النيسان لكن ليش الله يعلم ؟؟؟

----------------------------------------------------------------------------------


والحين دوركم يلا كل واحد يبدي رايه في السيارتين :) :)

[زورو الامارات]

بسم الله الرحمن الرحيم

نبدأ بالاندكروزر:
المميزات :


جودة تصنيع عاليه + عمر استخدام طويل
سعر عالي عند اعادة البيع
تجهيزات داخليه رائعه فخامة وشخصية متميزة
قطع غياره متوفره ورخيصة

العيوب :
محرك ليس بكفؤ على تسمية 8 سلندر
ارتفاعه منخفض تحت الاكسلات الامامية ( يتعلق في الرمل كثير)
مكابح ليست بالمستوى المطلوب
استهلاك مرتفع من الوقود

الباترول:

المميزات:

محرك جبار لايعرف المستحيل
تعليق فضييييييييييع مريح وشديد للرمال
جير عادي تماتيك في علبة واحدة
من افضل السيارات في اجتياز الرمال بكفاءه
سعر مناسب جدا بالنسبة لهذة التجهيزات
سهولة تصليحه لبساطة التجهيزات
العيوب
اسلوب تصنيع قديم قليلا
قطع غيار غاليه من نيسان
يصدر اصوات وقرقعات بعد فتره من الاستخدام القاسي او الشبة قاسي
يحتاج لمحرك من 8 اسطوانات بسعة لاتقل عن 5200 سي سي


هذا مالدي والله اعلم
http://www.nissan-me.com/patrol/images/patrol_gal_b_img6.jpg
http://www.nissan-me.com/patrol/images/patrol_gal_b_img8.jpg http://www.toyota.com/images/shop/vehicles/gallery/land_cruiser/exterior/photo_3.jpg

[Mr_CoRvEtTe]

مشكور زورو الامارات على مشاركتك المتميزه ودائما انت متميز في ردودك ومشاركاتك وشكرا



وين ردود بقيه الاعضاء ؟؟:confused:

[زورو الامارات]

العفو

ولو حاضرين للطيبين :)

[560SEL]

و الله الاندكروزر لا تدور فيه الا ال VX-R

و أنا أرى ان الVX-R أفضل بمراحل من الباترول

لكن ما أتفق من زورو الامارات بأن مستوى التجهيزات فيه ممتاز أنا أرى ان تجهيزاته الداخليه متواضعه بالنسبه لسعره و الباترول يتفوق عليه في النقطه هذي

خلاصة الكلام الVX-R ماعليه أي كلام في الأداء و الباترول ال 4800 غير معروف لدي لكن الباترول ال 4500 أدائه كان متواضع جدا مقارنة بالGX-R و حط تحت ال GX-R خط




تحياتي

[gs300_2003]

و الله الإثنين جيدين بس انا افضل الاند كروزر وانت جرب الإثنين و خذ الي ترتاح عليه.

[كـيـمـو]

أنا مع الاخ زورو الامارات

[®Lumina ss 2002]

بنسبه لي اذا كنت تفضل فخامة وترف فعليك بلاند كروزر اما اذا كنت تفضل سيارة للكرف وحق البر ولا تقول "اق" فعليك بنيسان باترول
هذا رأي الشخصي فشو تقولون يا شباب

[LAND CRUISER]

زورو الامارات

قطع نيسان ليست غاليه جدا

هيه اغلى من التويوتا
لكن ارخص من المتسوبيشي والهوندا والمازدا

تقريبا ارخص قطع غيار بعد التويوتا في السوق

النسيان باترول افخم من اللاندكروزر

وارخص واقوى

ولا تنسى النفيجيشن

:)

عموما سعر الباترو مع النفيجيشن 165000 درهم

لكن الاندكروزر بدون نفجيشن ب186000 دره

فرق 21000الف درهم

بخذ بيهم سني :)))))))))))

[روح الامارات]

السلام عليكم

شوف اخوي ابدا بالكروزر لانه عندي واعرف ميزاته وعيوبه ;) ;)
ميزاته : 1- محرك جبار من 8 سلندرات بقوة 4700 د.د 250 حصان.
2- الفخامة قمة في الروعة من الداخل والخارج.
3-صرفيته معقولة داخل المدينة تانكيين يمشونك 550 كم اما في الخط يمشونك 720 كم. وهذا من تجربتي

4- ثباته في الخط.
5- قير جديد بخمس سرعات اوتوماتكية اضافة قوة للمحرك .
6- قطع الغيار سعرها مناسب ورخيصة .
7- صيانتها غير مكلفة.

عيوبه: 1- ثقل وزنه.
2- الاكسل الامامي منخفض بشكل كبير وهذا يخليه يتعلق في الرمال.
3- بريكاته ليست ملائمة لحجم السيارة بسرعة تخترب.

النيسان 4800 VTC الجديد كليا
ميزاته : 1- محرك قوي ب 6سلندرات بقوة 4800 د.د 290 حصان
2-ملك الصحراء بلا منازع .
3- تعليفه ممتاز للصحراء والاماكن الوعرة.
4-جير قوي بخمس سرعات اوتوماتيكية تيبوترونيك اضاف قوة للمحرك.
5- هيكله صلب وقوي

عيوبه : 1- اول ثلاث شهور يكون الموتر على اشد قوته ويعدين يبدأ عزمه يقل عن اول .
2- صيانته غالية جدا .
3- بسرعة بيقرقع بعد مرور سنه من الاستخدام .
4- يصرف بترول بشكل كبير تانكيين يمشون 470 كم في المدينه اما الخط ماجربت
5-يحتاج لمحرك من 8 سلندرات حتى يكون اقوى .
وهذا اللى اعرفه واذا في معلومة خاطئه ارجوا من الشباب تصليحها لان الانسان مب معصوم من الخطء.
وفي النهاية تقبلوا تحياتي:) :)

[Mr_CoRvEtTe]

مشكورين كل الشباب الي ردو على الموضوع والصراحه ردودكم كلها جميله

[DR.CAMARO]

رد مقتبس من روح الامارات
السلام عليكم

شوف اخوي ابدا بالكروزر لانه عندي واعرف ميزاته وعيوبه ;) ;)
ميزاته : 1- محرك جبار من 8 سلندرات بقوة 4700 د.د 250 حصان.





النيسان 4800 VTC الجديد كليا
ميزاته : 1- محرك قوي ب 6سلندرات بقوة 4800 د.د 290 حصان




حبيت اعلق على كلام اخوي روح الأمارات الحين محرك الكروزر محرك جبار
انا ما اقول هالكلام لأني احب الأمريكي بس اليوكن

قوته 327 في5200د.د
وعز قدره 325 قدم\رطل@4000د.د



واما عن السفاري انا اللي اعرفه انه 280حصان فما ادري هل هذي معلومة صحيحة او لا


الرجاء تأكيدها لي




وشكرا


Dr.Camaro

[روح الامارات]

تصحيح ياشباب النيسان باترول 4800 د.د 280 حصان مش 290 حصان وشكرا اخوي DR.CAMARO على التنبيه واوافقك الراي بان المحركات الامريكية لايعلى عليها في القوة وبالذات الشفر :) :) واتذكر عضو عزيز دوم كان يقول.
خل الشفر على بالك:mad:
تحياتي للك وللجميع

[مكسور الخاطر]

احمممممم
من جاب سيرة الكروزر ؟؟؟
:)
ياجماعه هالموضوع تكرر كثير وانا اعطيكم الخلاصه
اولاً .. اذا تبون نقارنون السفاري مع الاند كروزر نصحيه لا تقارنونه مع الفي اكس ار VX-R لان هالموتر احس انه عار على الاند كروزر والله من خلال تجربتي .. 8 سلندر و 32 صباب .. والله اشك انها في بطنه ‍‍!!
اذا تبون تقارنون من ناحية الآداء و القوة
قارنوا السفاري مع GX او G
اما من ناحية الكماليات و الكشخه :D قارنوه مع VX-R
لكن للي يقول ان السفاري ملك الصحارى صدقني انه النيسان الجديد ما يجاري G او GX من موديلات 2000 و طالع ..
وحتى العزم و التسارع ..

تحياتي للجميع

[Mr_CoRvEtTe]

مشكورين اخواني على ردودكم
G-Stander
روح الامارات
DR.CAMARO


:D :D

[M5]

Mr_CoRvEtTe

اذا انت ناوي تستخدم السيارة في البر بشكل أكبر من استخدامها في المدينة فعليك بالنيسان باترول ... ممتاز في البر

لكن من حيث نعومة القيادة والراحه والهدوء والثبات في الخط .. فعليك باللاندكروزر .. سيارة ناعمه وهادئه بشكل كبير ..

بس الـ VX-R في البر مش بطال .. بس النيسان أفضل بكثير .. والكلام هذا من واقع تجارب ومشاهدات ..

أنا أقصد الباترول الجديد 4800 ليتر و 280 حصان .... هذا بصراحه عنيف



على فكرة ..
ترا الهوندا الـ MR-V .. أقوى من الـ VX-R في البر :confused:
لو ماني مجرب كان ما صدقت .. بصراحه الـ MR-V يمشي في الطعوس بسلاسه


وقبل لا أنسى .. اذا ما عندك عايله كبيره .. خذ نيسان باثفايندر الجديد قير عايدي و 240 حصان ... هذا بعد جباااااار





تحياتي لك ،،
تحياتي لك ..

[زورو الامارات]

السلام عليكم

والله صعب تختار السيارتين عسل

احيانا تشوف الكروزر احسن واحيانا الباترول

اهم شي ان الموتر يبرد قلبك في نهاية الاسبوع