View Full Version : سؤال ينتظر الأجابة:-ماهو التوين توربو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مسيكم او يصبحكم بالخير ياشباب
طبعاً السؤال هذا محيرني جداً وما ادري وشهو التوين تيربو ووش هي وظيفته؟؟؟؟
مع العلم انوه المرسيدس S600 موجود فيه التوين توربو
وسؤال ثاني على الماشي
في الفئة سي في مرسيدس بعضها يجي مكتوب عليه من ورا كومبريسور.....وش معناه؟؟؟
والف شكر مقدماً:help: :help: :help: :help: :help: :help::shock2:
الأنصاري
27-01-2003, 10:19 PM
اول شئ انا خبرتي متواضعة في هذة المواضيع
بس اول شئ لازم تعرف التيربو
التيربو اداة تضعها مع المحرك لزيادة قوة السيارة لدرجة كبيرة
التوين تيربو
2 تيربو ((تيربو مزدوج)) المفروض يعطيك ضعف القوة التي تحصل عليها
اما كلمة كمبريسر اتوقع نوع المحرك الي في السيارة ((بخاخ اويضاعف اداءة على ما اعتقد))
اما المرسدس 600 اتوقع هو 12 سلندر ما اتوقع يحطون فية توين تيربو من الوكالة
زورو الامارات
27-01-2003, 11:40 PM
السلام عليكم ورحمة الله وبركاتة
جهاز التوربو
http://www.cs.tufts.edu/~askulte/ttt/turbo.jpg
وهذي صورته وكيفيه عملة
http://www.turbokits.com/images/turbo-parts.gif
جهاز التيربو هو جهاز منفصل عن المحرك يركب فيه
عمله بكل بساطة انه يدور ويسحب اكبر كمية من الهواء ويضغطها ويدخلها المحرك ولما تحترق يرد يسحبها مره ثانيه بسرعه اي كل مازاد الادخال زاد الاخراج حسب سرعة دوران محرك السيارة
لماذا تلجأ له شركات السيارات ؟
اولا: لانه يعطي قوة كبيرة على محركات صغيره
ثانيا: سهل التركيب ولا يحتاج لتعقيدات كبيرة مثل ماهي بعض الانظمه في السيارات شأن في تيك او نظام فانوس في بي ام دبيلو
من ابرز عيوب التيربو
1- يرفع من حرارة محرك السيارة - لذلك يلجأون لتركيب مبردات خاصة للتيربو
اما التوين تيربو يعني 2 تيربو على محرك واحد
يعملون بشكل تدريجي يعني على سرعة عادية يفتح تيربو واحد بس
ولما يزيد الضغط على المحرك يفتح الثاني وينتج قوة رهيبة
خصوصا على المرسيدس اس 55 اي ام جي
http://www.turbokits.com/images/turbo-plumbing.gif
لمزيد من المعلومات المفصلة عن جهاز التيربو راجع هذي الصفحة
اضغط هنا (http://www.turbokits.com/how_turbos_work.html)
اما جهاز الكمبريسر كما تطلق عليه مرسيدس او سوبر تشارج بالعربي ضاغط حجمي فهو يعمل على ضغط الهواء والوقود وادخالهم الى المحرك فقط بدون ان يصاحبه مراوح تساعد على اخراج هذا الخليط
قوة السوبرتشارتج اقل من التيربو لكن اسهل في التركيب
تحياتي للتيربو :) :)
uae speed
28-01-2003, 01:57 AM
مراحب ::
اخواني مشكورين عالموضوع الحلو ..
لكن بغيت صور للسوبر تشارجر اذا سمحتوا .. وكيف يركب عالمكينه ..
بالانتظار :)
760IL
28-01-2003, 02:45 AM
اووووووووه والله ماتوقعت ان عندك المعلومات الخطيرة هذي يازورو ...بصراحه اول مرة تمر علي ..مشكور
VW-609
28-01-2003, 05:00 AM
خخخخخخخخخخ
انا سيارتي تيربوو وتوني اعرف كيف يشتغل او كيفيه شغله :D
شكرا إلى S350
عشان انو طرح السؤال
و للمشرف شكر لأنه جاوب ولكافة الأعضاء :banana: :banana:
ويلووو
28-01-2003, 09:00 PM
حيووو شباب ...
عندي سؤال ...
هل اقدر اشيل التيربو من سياره لنفرض مثلا انها نيسان او تويوتا... واركبه على سياره من نوع ثاني مثلا سوبارو...
وعندي بعد سؤال ثاني خخخ
لو عندي مكينتين سوبارو حجمهم مختلف ... وحده سيربو والثانيه بدوون ...
هل اقدر اشيل التيربو من مكينه واركبه في المكينه الثانيه ؟؟؟
وحيووووو
ويلوووو :D :D
الله يعطيكم العافية ياشباب على المشاركة والأجابة على استفساري
اخوي بوعبود
انا قريت في الكاتالوج حق الفئة S انه في تيربو مزدوج على ال600
وعشان كذا استغربت!!!يعني 12 سلندر وش بعدها!!!
زورو الامارات
ماقصرت اخوي كفيت ووفيت
ومرة ثانية الف شكر ياشباب على المشاركة
gs300_2003
29-01-2003, 06:20 AM
مشاء الله تبارك الله عليك يا زورو الله يحفظك من العين ان شاء...
مشكور على هذا الرد تعلمت اشياء جديدة و رهيبة
رد مقتبس من ويلووو
حيووو شباب ...
عندي سؤال ...
هل اقدر اشيل التيربو من سياره لنفرض مثلا انها نيسان او تويوتا... واركبه على سياره من نوع ثاني مثلا سوبارو...
وعندي بعد سؤال ثاني خخخ
لو عندي مكينتين سوبارو حجمهم مختلف ... وحده سيربو والثانيه بدوون ...
هل اقدر اشيل التيربو من مكينه واركبه في المكينه الثانيه ؟؟؟
وحيووووو
ويلوووو :D :D
السؤال الاول
لاماتفدر لان كل مكينة ولها التربو المخصص لها
السؤال الثاني
تقدر بس لازم تعدل في اشيلء كثيره مثل..راس المكينة البساتم برمجة الكمبيوتر
زورو الامارات
30-01-2003, 06:42 PM
جزاكم الله خير ياشباب
هذا من طيب اصلكم
ويلووو
31-01-2003, 02:58 AM
تسلم اخوي على الرد;)
سي ياا
تحيه للتيربو وتعظيم سلام للتون :D
SnoopY
25-05-2003, 07:25 PM
زورو الامارات :
عمله بكل بساطة انه يدور ويسحب اكبر كمية من الهواء ويضغطها ويدخلها المحرك ولما تحترق يرد يسحبها مره ثانيه بسرعه اي كل مازاد الادخال زاد الاخراج حسب سرعة دوران محرك السيارة
-------
تصحيح :
التوربين الاول اللي على الاكزوست يدور بسبب تحرك الاكزوست داخله ( يعني المحرك يحتاج انه يضغط غازات الاكزوست داخل التوربين هذا وهذا اللي يسبب رفع الحراره (المحرك مكتوم)) ويلفه وتنتقل الحركه الى التوربين الثاني (الانتيك) اللي يستعمل القوه هذي لضغط الهواء داخل المحرك http://www.turbokits.com/images/turbo-parts.gif
Oettinger
25-05-2003, 08:02 PM
SnoopY
اخوي الرسمة اللي حاطها انت عبارة عن تيربو واحد ، وفيه رسم مقطعي يبين الهوا الحار اللي يدور المروحة ، والمقطع الثاني يبين الهوا البارد اللي ينسحب من الهواء الخارجي وينضغط!
هل هذا ما تحاول توصيله؟ لانو يمكن ما فهمت عليك!
SnoopY
25-05-2003, 09:04 PM
انا ما كنت اتكلم عن التون تربو
الرسمه هي لتيربو واحد !!
انا بس حبيت اصحح الكلام اللي قاله زورو الامارات ( التربو يسحب غازات الاكزوست من المحرك ))!!
حفيد الفاروق
29-11-2003, 08:58 PM
رد مقتبس من SnoopY
انا ما كنت اتكلم عن التون تربو
الرسمه هي لتيربو واحد !!
انا بس حبيت اصحح الكلام اللي قاله زورو الامارات ( التربو يسحب غازات الاكزوست من المحرك ))!!
بكل بساطة وبطاطا:D
التربو يستمد حركته من اكزوز السيارة (صار معلوم:D )
في التربو نوعين من المراوح
إلي يطلع من الأكزوز ويدخل عليه يسمى توربين
وأي توربين في الدنيا وظيفته هو تشغيل الشئ مثل (المضخات والكمبريسور والتوربو الخ....)
بالمضخات والكمبريسور يدخل على التوربين بخار ماء أو غاز فيضرب الريش (ريش التوربين) وتحركها ولما تحركها تحرك معاها ريش المضخة أو الكمبريسور .(لأنهم موصولين ببعض)
فنفس فكرة العمل نطبقها على التربو :
غاز العادم يطلع من الأكزوز ويدخل على ريش التوربين تبع التربو وبعدين يحرك الريش الثانية (لأن الريشتين موصولين ببعض) إلي بدورها تضغط غاز العادم وتدخلها إلى المكينة .
أكيد الحين صار معلوم :D
زورو الامارات
29-11-2003, 09:00 PM
السلام عليكم ورحمة الله وبركاته
ياحفيد الفاروق احنا نبهنا بعدم رفع المواضيع القديمة وانذرنا اكثر من مره
راسلني على ايميلي