View Full Version : إستشارة : E320 ولا انفينيتي أو GS300
T_zone
11-01-2003, 04:42 PM
إستشارة : بشتري سيارة ان شاء الله
السلام عليكم
صراحة ما أخفيكم ان هذي يمكن المشاركة الأولى معكم بس اتنمنى انكم تعطوني رايكم الي يهمني جداً ، ماشاء
الله قريت كثير من المواضع وفعلاً اقل مايقال عنها انها رائعة ويهمني جداً رأيكم.
واحد من الشباب عزم على E320 افانتقارد 2003 ، قال انه طلب معاها البصمة ونافجيشن ووصلت في المية والتسعين بس انا كان رأيي يبعد عنها لان الناس بتقارنه دايماً بالفياجرا أو الفئة S ومابيكون لصالحة المقارنه. قلت له ماودك تدفع المبلغ ذا يجيك واحد يسومها بستين. بس مش راضي يقتنع، قلت اصبر كم من يوم بسأل الشباب في النت
وياليت لو تعطوني رايكم. انا قلت له خذ انفينيتي الجديدة بس يقول ان خراباتها كثيره وماتقارن بالمرسيدس، قلت له خذ لكزس جي اس 300 قال بيتغير السنة الجايه ( مع اني سألت الوكالة قالو 2005 بس انا اميل لرايه لاني قريت كم من موضوع عن تغييرها) يعني حجر لي بصراحة.
وش رايكم .... نخليه ياخذ الإي ... ولا تنصحونه مثلي بالانفينيتي .. ولا لكم راي ثاني. ( على فكرة هو يقول ابعد عن البي ام عشان القطع غاليه والصيانه مش ولابد لان كانت عنده وحدة).
تحياتي وتقديري وفي انتظار مشاركاتكم المميزة .
كـيـمـو
11-01-2003, 05:26 PM
حياك الله كعضو جديد معنا
بصراحه انا انصحه بالانفنتي والفياقرا
والامر الاخير يعود له ويلي يحس انه مرتاح له
T_zone
11-01-2003, 07:04 PM
هلا والله وغلا بك وحياك، ياراعي الأوله وشكراً على الرد.
الفياجرا، معليش بس تراني مانيب لهناك في المرسيدس ، مش الفياقرا الفئة S ؟
واشكرك على النصيحة يعلم الله انها قيمة وأقدرها عزيزي
وماتقصر نخدمك في الافراح ان شاء الله .
الفياجرا هي الفئةS
وانا انصحه بالفياجرا S320 أو ياخذله البي ام الجديد عند ولد عمي بي ام 728iAL ولا مرة سمعته يشتكي منها وانا انصحه فيها
ونصيحة مني يا اخوي خله يبعد عن الياباني ويجرب الألماني ويشوف الفرق
760IL
12-01-2003, 02:11 AM
e-class وهو نايم حاط راسه على المخدة......السيارة هذي فيها فخامة وراحة ماتووووووووووصف انا ركبتها في الوكالة:sleep: :shock2:
SKYLINE GTR
12-01-2003, 02:47 AM
الانفنيتي الجديدة حلوة و شبابية وسعرها معقول جدا قياسا بفخامتها
وبعدين هي ما لها مدة كبيرة حتى يقول ان خراباتها كثيرة :confused:
السيارة مالها الا سنة وحدة بس وهي مدة غير كافية عشان نقول ان خرابات السيارة كثيرة او قليلة
mill_955
12-01-2003, 03:10 AM
انصحه ياخذ e-class وبدون اي تردد لانه الانفينتي يتفكك بسرعه واللكزس بيتغير شكله وبعدين يكفيك اسم مرسيدس
شرخشين2000
12-01-2003, 04:56 AM
أحلى مرسيدس تم تصميمه على الاطلاق...
http://www.mideast.mercedes-benz.com/e-saloon/gallery/e-class-2.jpg
http://www.mideast.mercedes-benz.com/e-saloon/gallery/e-class-1.jpg
لا تقارنها في أي سيارة ثانية ،، اشترها و حط ببطنك بطيخة ألماني...
تصميم لا متناهي ف الاناقة + فخامة داخلية + جودة ألمانية + عزم ممتاز + تماسك وتعليق خياليان ...
وش تنتظر بالله عليك ؟؟
GS300 '98
12-01-2003, 01:16 PM
السلام عليكم ....
إذا مستعجل خذ الـ E320 .. ترى ماعليها كلام من كل النواحي ممتازة ..
إذا مو مستعجل انتظر الـ GS الجديدة .. (المفروض انها تكون بالمستوى المطلوب) ..
لكن تظل الـ E320 الموديل الجديد اختيار موفق جدًا ..
وسلامتك ..
رد مقتبس من شرخشين2000
أحلى مرسيدس تم تصميمه على الاطلاق...
http://www.mideast.mercedes-benz.com/e-saloon/gallery/e-class-2.jpg
http://www.mideast.mercedes-benz.com/e-saloon/gallery/e-class-1.jpg
لا تقارنها في أي سيارة ثانية ،، اشترها و حط ببطنك بطيخة ألماني...
تصميم لا متناهي ف الاناقة + فخامة داخلية + جودة ألمانية + عزم ممتاز + تماسك وتعليق خياليان ...
وش تنتظر بالله عليك ؟؟
1100R
12-01-2003, 04:16 PM
انا انصحك E320الوالد عنده وحده ماشاء الله سياره ممتازه بمعنى الكلمه ولو تبغى اي استفسار انا جاهز
T_zone
12-01-2003, 05:24 PM
ماشاء الله يعطيكم الف عافية ياشباب واحد واحد والله ماقصرتو.
طيب ...
رزين.
الرجال هاج من البي ام يقول جننوه الوكاله اول انواع اللطع والتأخير في التسليم. بس بقول له عن ال 728
والف شكر على الرد ماتقصر
760IL
هي صراحة راحة كبيره وفخمة. هذا اول صوت لصالحها :).
والف شكر على الرد ماتقصر
SKYLINE GTR
صحيح كلامك منطقي جداً، ووجهة نظر قيمة. انا ما أخفيك اني ماركبت السيارة بس صراحة عزمها وقوة المحرك كبيره. أول صوت
لإنفنتي.
والف شكر على الرد ماتقصر
mill_955
إسم مرسيدس كبير صحيح، وشكراً هذا ثاني صوت لمرسيدس
شرخشين 2000 ،
الف الف شكر صراحة الصور جميله. وهي نفس اللي شفتها بالوكاله، بس ماتشوف انها صغيره شوي؟ :) بس ماعليك بقول له بطيخه الماني ، شكله لاسمعها بيروح على طول يشتريها. :) بس ياخي يقولون 5 شهور لين ماتوصل ! هو صحيح شيء رائع انك تفصل السيارة مثل ماتبي ، بس خمسة شهور وقت طويل.
ثالث صوت للمرسيدس
اوالف شكر على الرد ماتقصر
GS300'98
رابع صوت للمرسيدس. شوف انا شخصياً كانت معي 97 مطلعها من الوكالة (GS300) وعمرت معي وكانت أكثر من رائعه بمعنى الكلمة. وأنا على فكرة متحيز للكزس بس مسألة تغيير الشكل هذي حجني فيها.
والف شكر على الرد ماتقصر
SLR
خامس صوت للمرسيدس.
1001R
ماشاء الله تبارك الله يعطيه خيرها ويكفيه شرها.
هذا الصوت السادس للمرسيدس. الله يسلمك والله ماتقصر بس انا عندي سؤال واحد، قال البائع ان السيارة بيجي معها مع الطلب نافيجيشن في المسجل ، مش كوماند :) وصراحة مافهمت عليه بس ماتلقفت لأن مالي في الموضوع من هالناحية. وشيء ثاني ، الرجال طلب نظام البصمة. وش رايك في الموضوع يستاهل ولا يشيلها اوفر له.
والف شكر على الرد ماتقصر
أحب اشكر كل شخص شارك أو قرا الموضوع. فعلاً ماخاب من استشار إن شاء الله تعالى.
الاصوات اللحين 6 للمرسيدس وواحد للإنفينيتي وواحد للبي ام
ياشباب طلعت شورتي على الرجال مالها داعي :):):)
في إنتظار ردودكم.
SwordWord
12-01-2003, 08:39 PM
الـ E320 وانته مغمض
1100R
12-01-2003, 09:32 PM
بالنسبه للؤال الاول:
ما اكذب عليك: ما ادري
السؤال الثاني:
احسن له ياخذ بصمه لان السياره يجي معاها مفتاحين بس.
واذا تبي واحد ثالث ادفع800ريال واصبر عليه اسبوع اذا ما كان اكثر
هذا كل الي عندي وشكرا;)
BLUE_STEEL
12-01-2003, 11:55 PM
رد مقتبس من mill_955
انصحه ياخذ e-class وبدون اي تردد لانه الانفينتي يتفكك بسرعه واللكزس بيتغير شكله وبعدين يكفيك اسم مرسيدس
T_zone
13-01-2003, 04:35 PM
أخوي SWORD_WORD
صار الصوت السابع اللحين :) تسلم يالغالي على المشاركة.
الف شكر
أخوي 1100R
أشكرك بالفعل على هذه الأجوبة واشكرك اكثر على صراحتك معي وهذا شيء اقدره جداً. إن شاء الله يكفيه 2 لكن انا بخبره وشكراً على تحديد السعر
ماقصرت يالغالي .
أخوي BLUE_STEEL
الصوت الثامن.
شكراً ياخوي على المشاركة.
على كذا طاح سوق الانفنتيني :).
شكراً لكم ياأخواني