روح الامارات
10-11-2002, 03:51 AM
السلام عليكم
تلبية لبعض الشباب قمت بتجربة لاندكروزر 2003 ,VXR_V8 طبعا ماشاء الله الموتر موتر رفيجي والحين الموتر ماشي 2340 كم , تبدا التجربة في المدينة .
طبعا اسلوب القيادة اختلف كثيرا عن قبل من ناحية الراحة صارت افضل من السابق اضافة الى مشغل السي دي والراديوا عن طريق ازرار في المقود ايضا لاحضت عامل مهم وهو تعديل نظام COMFORT SPORT اللى موجود في سيارات نظام التحكم في الرتفاع في السيارة طبعا السيارة رقم 1 في 1 فل اوتوماتيك وقير اوتو ,لاحطت على المطبات صرت مااحس فيها بدرجة نفس الموديل السابق 1998 _2002 صارت االاهتزازت بالكاد تحس فيها بالسيارة .
الهدوء عامل مهم وهذا اللى طورته تيوتا في الكروزر الجديد صار اهداء من السابق ماتحس بصوت حنه المروحة مثل قبل بل صار اريح واهدأ .
عقبها جربنا الموتر في الخط ,الصراحة ماعليه كلام ابد راحة وماتحس بشي وهذا طبيعي من تيوتا وماتغيرت الصرفية البترول ضلت مثل ماهي عليه .
الحين تجربة الموتر قومة وخط ,الموتر قومته اقوى من السابق بكثير مع علبة الغيارت الخمس الجديدة صارت الفزة اقوى وماشاء الله علية بسرعة يوصل كت اوف 195 كم ,وحنى نتأكد ان القومة اقوى قمت وجربت مع صاحبي انا عندي لاندكروزر موديل 1999 VXR_V8 وهو الاندكروزر 2003 VXR_V8 وكلنا طبعا قير اوتو .
من القير الاول الاندكروزر 2003 وهو يتقدم عني بفرق ولما يبدل عندي في الثاني المسافة تكون بيني وبينه اكبر من قبل ويتجدم اكثر يعني ماقدرت عليه لامن قومة ولا من خط :( :( لكن تأكدت انه الحين اقوى وان تيوتا صح انها ماغيرت المكينة لاكتها لما غيرت القير كانت حاطه في بالها ان العزم بيستوي اقوى من السابق:)
ختاما انشاء الله انا ناوي اطلع الكروزر الجديد في الصيف انشاء الله
:)
اي استفسار احنا حاضرين
تحياتي
روح الامارات:)
تلبية لبعض الشباب قمت بتجربة لاندكروزر 2003 ,VXR_V8 طبعا ماشاء الله الموتر موتر رفيجي والحين الموتر ماشي 2340 كم , تبدا التجربة في المدينة .
طبعا اسلوب القيادة اختلف كثيرا عن قبل من ناحية الراحة صارت افضل من السابق اضافة الى مشغل السي دي والراديوا عن طريق ازرار في المقود ايضا لاحضت عامل مهم وهو تعديل نظام COMFORT SPORT اللى موجود في سيارات نظام التحكم في الرتفاع في السيارة طبعا السيارة رقم 1 في 1 فل اوتوماتيك وقير اوتو ,لاحطت على المطبات صرت مااحس فيها بدرجة نفس الموديل السابق 1998 _2002 صارت االاهتزازت بالكاد تحس فيها بالسيارة .
الهدوء عامل مهم وهذا اللى طورته تيوتا في الكروزر الجديد صار اهداء من السابق ماتحس بصوت حنه المروحة مثل قبل بل صار اريح واهدأ .
عقبها جربنا الموتر في الخط ,الصراحة ماعليه كلام ابد راحة وماتحس بشي وهذا طبيعي من تيوتا وماتغيرت الصرفية البترول ضلت مثل ماهي عليه .
الحين تجربة الموتر قومة وخط ,الموتر قومته اقوى من السابق بكثير مع علبة الغيارت الخمس الجديدة صارت الفزة اقوى وماشاء الله علية بسرعة يوصل كت اوف 195 كم ,وحنى نتأكد ان القومة اقوى قمت وجربت مع صاحبي انا عندي لاندكروزر موديل 1999 VXR_V8 وهو الاندكروزر 2003 VXR_V8 وكلنا طبعا قير اوتو .
من القير الاول الاندكروزر 2003 وهو يتقدم عني بفرق ولما يبدل عندي في الثاني المسافة تكون بيني وبينه اكبر من قبل ويتجدم اكثر يعني ماقدرت عليه لامن قومة ولا من خط :( :( لكن تأكدت انه الحين اقوى وان تيوتا صح انها ماغيرت المكينة لاكتها لما غيرت القير كانت حاطه في بالها ان العزم بيستوي اقوى من السابق:)
ختاما انشاء الله انا ناوي اطلع الكروزر الجديد في الصيف انشاء الله
:)
اي استفسار احنا حاضرين
تحياتي
روح الامارات:)