View Full Version : ماسبب سعر المرسيدس وBMW بعد البيع ... الرجاء الدخول
lumina
15-10-2002, 11:48 PM
السلام عليكم ورحمة الله وبركاته :
حبيت اناقش موضوع حلو وهو :
سبب عدم نقصان سعر المرسيدس بعد البيع مقارنة بـــ BMW ....؟؟؟؟
وأرجو المشاركة :cool: :D :D
المميز
16-10-2002, 01:41 AM
نفس السؤال دائما اسأل نفسي ومن خلال سؤالي لبعض الناس واصحاب المعارض قالوا لان المرسيدس يتوفر له قطع غيار بكثره ومراكز الصيانه متوفره والأغلب يعرفون له ...انا (اعوذ بالله من كلمة أنا) ملاحض ان البي ام دابليو سعره يطيح بقوه بعد الإستخدام يعني خساره كبيره للي يبغى يبيع...
لكن بقولك المرسيدس مقارنه بالسيارات الأخرى مثل الياباني وغيره يطيح بشكل محزن أعرف واحد الان معه شبح 98 شاريه بعد التخفيض على وقته يعني على نهاية عام 1418هـ بـ 270 الف ريال سعودي
والآن او مكن من قبل سنه مايجيب له الا 120 الف يال مهوب قهر 150 الف ريال راحت عليه والسياره نظيفه جدا جدا...
بينما نرجع للبي ام هو اللي فعلا يطيح من جد انا لقيت بي ام موديل 2002م بـ 290ألف ريال وهو سعره 375ألف ريلا يعني طاح حوالي 85ألف ريال في أقل من سنه؟؟؟
بس بصراحه انا هاليومين حبيت البي ام بشكل كبير
شكرا واسف على الإطالة...
lumina
16-10-2002, 02:50 PM
شكرا اخوي المميز على ردك الرائع الصراحه ولكن ابغي الأعضاء مايبخلون علينا بآرائهم و أشكرك مرة اخرى ...
طبعا كانت المقدمة :
بقولك واحد من الشباب بغى يشتري شبح موديل 1991 بـــ : 21000 درهم غريبة لين الحين سعره فيه مع قدمه و إبن خالي يبغي ياخذ SL قديم موديل شي 1992 بـــ 70000 درهم شوف الفرق لكن BMW موديل 1990 تحصله 15000 درهم انا هذا اللي حسيته ... ومشكووور :cool:
أمير أبوظبي
16-10-2002, 05:38 PM
تسلم على الموضوع الرائع :cool:
بصراحه انا دايما يرودني نفس السؤال ...اتمنى اني القا اجابته :)
lumina
16-10-2002, 11:52 PM
وينكم ياشباب وين ردودكم ....:mad:
Crower
17-10-2002, 12:48 AM
1- السمـــــــــــــــــــــــعه ( سمعه المرسيدس بانها عمليه و سعرها فيها و جوده و ما الى ذلك يؤثر في عمليه المحافظه على السعر لان المشتري سوف يفكر في ذلك كاول نقطه عند شرائه لسياره مستعمله و على عكس البي ام التي رغم جودتها و عمليتها لا تزال جديده على هذا الشيء و كمثال المرسيدس مشهور منذ الثمانينيات بهذا الكلام اما البي ام منذ 95 بدات في الظهور كمنافس قوي)
2- البي ام يحتاج الى شخص يعرف كيفيه التعامل معه عند الصيانه, على عكس المرسيدس الذي باستطاعه العديد من الورش التعامل معه بجوده كبيره و يعرفون اسراره.
3- قطع الغيار و توفرها هي افضل للمرسيدس على البي ام.
اتمنى اني شرحت بعض النقاط و ما طولت و اسمحولي
760IL
17-10-2002, 01:14 AM
رد مقتبس من Crower
1- السمـــــــــــــــــــــــعه ( سمعه المرسيدس بانها عمليه و سعرها فيها و جوده و ما الى ذلك يؤثر في عمليه المحافظه على السعر لان المشتري سوف يفكر في ذلك كاول نقطه عند شرائه لسياره مستعمله و على عكس البي ام التي رغم جودتها و عمليتها لا تزال جديده على هذا الشيء و كمثال المرسيدس مشهور منذ الثمانينيات بهذا الكلام اما البي ام منذ 95 بدات في الظهور كمنافس قوي)
2- البي ام يحتاج الى شخص يعرف كيفيه التعامل معه عند الصيانه, على عكس المرسيدس الذي باستطاعه العديد من الورش التعامل معه بجوده كبيره و يعرفون اسراره.
3- قطع الغيار و توفرها هي افضل للمرسيدس على البي ام.
اتمنى اني شرحت بعض النقاط و ما طولت و اسمحولي
اوافقك الراي بشدة
ايطالي
17-10-2002, 01:38 AM
اخوي Crower .. انا معاك بالنقطتين الاخيرتين
بس انا ما اشوف ان السمعة بين الميرسدس والبي ام كبيييرة للدرجة هذي .. وتستاهل انه يكون فيه فرق كبير بالسعر
انا معاك ان الميرسدس يصلحها اي ميكانيكي .. بس البي ام لازم واحد يكون فاهم لانه مو اي واحد يقدر يصلحها .. ويمكن تكون معقدة شوي
كـيـمـو
17-10-2002, 02:48 AM
طيب ممكن مقارنه قطع الbmw مع قطع المرسيدس
وين الاحسن من ناحيه الخدمه والbmw كيف خدمتها مع المحافظه
وتحياتي للجميع
lumina
17-10-2002, 01:06 PM
مشكووورين ياشباب على الردود الحلوة وكلام اخوي Crower كلام صحيحة 100% و اشكر الأعضاء الآخرين على ردودهم الطيبه .
أنا عندي مداخلة بسيطة.
في منطقتنا "دول الخليج" الذي يشتري سيارة ألمانية فارهة من الوكالة أنا أعتبره شخص "يضحي" بأمواله للشريطية.
تشتري السيارة بربع مليون ولما تبيعها بالكاد تجيب 150,000 بعد مرور سنة ، أيش الجنون هذا؟
أمير أبوظبي
17-10-2002, 03:10 PM
رد مقتبس من NFS
أنا عندي مداخلة بسيطة.
في منطقتنا "دول الخليج" الذي يشتري سيارة ألمانية فارهة من الوكالة أنا أعتبره شخص "يضحي" بأمواله للشريطية.
تشتري السيارة بربع مليون ولما تبيعها بالكاد تجيب 150,000 بعد مرور سنة ، أيش الجنون هذا؟
اذا جابت 150000 كان زين