PDA

View Full Version : الباثفايندر 2003 بمحرك جديد 250 حصان

دايم النور
21-09-2002, 10:37 PM
نزل اعلان في احد الصحف

عن الباثفايندر الجديد 2003 والجديد فيه انه بمحرك بقوة 250

حصان زيادة عن السابق اللي كان 180 حصان بسبعين حصان

لكن وش قصة نيسان والاحصنه كل فتره تزيد السياره احصنه واجد

باثفايندر 90 : 110 / 98 : 180 / 2003 : 250 / 2007 : الله يتسر

ممكن تصير طيارات مو سيارات تخليو الانفنيتي الحين 365 الجيل

القادم كم ؟؟؟ وقس على ذلك ..

الاحصنه تكثر والحوادث والوفيات تكثر ياساتر
السائق المثالي
21-09-2002, 10:44 PM
أخوي دايم النور :


إذا ما عليك أمر ,,,,,,


ما في صور الباثفايندر الجديد ؟
S8
22-09-2002, 11:48 AM
نعم لا امل لنيسان في منافسة تويوتا ومقارعتها سوى زيادة القوة الحصانيه

وهذا امره اسهل لان نيسان اشتهرت بمحركاتها على مدى الفترة البسيطة الماضيه

لكن تخيل ان نيسان تهتم بامر الجودة وتراجع اوراقها فيها
وتنتج سيارات ذات جودة عاليه وقويه ويعتمد عليها وووومع محركات متواضعه

هل تعتقد ان مبيعاتة نيسان ستزيد؟
لا ابدا لا اعاتقد لانه كما قلت
السبيل الوحيد لنيسان لمواجهه تويوتا هو الاهتمام بقوة محركاتها بعكس تويوتا اللتي لا تهتم بالقوة الحصانيه لمحركاتاها كثيرا
فاهم
22-09-2002, 11:56 AM
لا لا لا غلطان مو 250 محركه 240 الي اهو محرك الانفنتي
فاهم
22-09-2002, 11:58 AM
S8 شنو ماكو امل يبا تيويتا مستانسه بمحركاتها القديمه الناس راحت فووووق او هذي لحد الحين بمحركاتها الجديده يكفي انه اي سياره من نيسان تشق وجه سيارات تيوتا يبا تيوتا ماتعرف شي اسمه تطوير
S8
22-09-2002, 11:59 AM
لا اسمع لا ارى لا اتكلم

اترك لك مكاسب تويوتا وارباحها تتحدث عن الشركة
واترك لك خسارة نيسان ونكبتها تتحدث عن الشركة

انا مااجيب شي من راسي:)
فاهم
22-09-2002, 12:13 PM
اي قبل بس الحين نيسان ارتفعت مبيعاتها بهل سنه حيل او كل المجلات تذكر هذا او عندنى بالكويت الباترول من كثر ماهو مرغوب تروح الوكاله الحين يقولون لك انطر سبوع شهر انا قبل بعد ثلاث تشهر طلع مالي لانه ضغط عليهم صح انه نيسان قبل لكلها ديون بس الحين لا سددت جزء كبير من ديونها تعال طارح البرادو بل باث فايندر :D :D والله فرق :cool:
دايم النور
22-09-2002, 08:12 PM
الاخ S8 ليش انت متحامل على نيسان لها الدرجه

لا الباترول عاجبك ولا الماكسيما ولا الانفنيتي ولا الباثفيندر ولا......شي

ليش ؟؟

نيسان محركات سياراتها تعيش اكثر من التايوتا هذا اكيد اما الجوده

اللي طالع لنا فيها نيسان بدت تسير في هذا النهج من عام 98

شف الباترول من 98 اصلب من الجيل الاول بكثير

الباثفياندر هو ولا الاول

الماكسيما شف كيف صارت لاتقلي كامري

الصني

الونيت الددسن

وغيرها كثير حتى الانفنيتي اصلب من الاولى ب 40%

نيسان بدت التفوق على تايوتا اللي بدت تنزل الى الهاويه

وترى فيه كثير سيارات مافيها جوده مثل بي ام شف موديلات 97 وتحت

واحكم خرابات بالهبل ورانج روفر وجاكوار وكثير غيرها

وقفت على نيسان راجع نفسك واحكم ؟؟؟


الاخ فاهم : المحرك بقوة 250 حصان هذا اللي نزل في الجريده

مو 240 .


وشكراا
LAND CRUISER
23-09-2002, 12:04 AM
نيسان وبسس
S8
23-09-2002, 01:02 AM
دايم النور

ابدا استاذي الكريم انا لاناي متحامل على نيسان ولا اتقرب الى تويوتا

يالعكس انا من هواه شركة نيسان وايضا ممن لا يطيق شركة تويوتا

ولكن ان نتحدث عن امر الجودة ومقارنه تويوتا بنيسان فهذا امر اشوف فيه ظلم كبير لتويوتا

تويوتا معروفه عبر الازمان بجودتها المتناهية

...
اخواني
عندما اتكلم انا عن الجودة فانما اعني جودة استخدام المواد الخام ذات الجودة العاليه والمرتفعه السعر وليس كما يظن البعض ان الجودة موجودة في قوة المحرك وقوة البودي او او خلافه

انا اتكام عن ماهية جودة المادة الخام المستخدمة في جمييييييع سيارات نيسان

وكما قلت سابقا المواد الخام في نيسان ليست كالمواد المستخدمة في تويوتا بتااااتا وانت ذكرت ان نيسان قد بدأت باستخدام مواد خام ممتازة
هذا دليل على اعترفك بان جودة نيسان كانت على غير الوجه المطلوب

انا ابغى اعرف حاجه وحده
مادام ان تويوتا ونيسان متساويتين في الجودة ونيسان تتقدم في قوة المحركات والفخامة والشكل الحلو
اذا لماذا مبيعات تويوتا اكبر وبكثييييير من مبيعات نيسان؟
فاهم
23-09-2002, 03:41 PM
دايم النور غلطان والله 240 او اسأل اي عضو هنيه :)



S8 اكثر مبيعات بالسعوديه مو بالكويت الناس تعودت على التيوتا ماتدري انه نيسان غيرت محركاتها يباااا انطر شوي او شوف هذا اذا ماغيرت التيويتا محركاتها




:)
أبو علي
23-09-2002, 05:56 PM
اذا يجي منه قير عايدي .. مع 240 حصان ،،،،،،،،،،

فراح يكون جيد جداً في الطعوس
M5
23-09-2002, 05:59 PM
على فكره شباب ..

أنا قبل فترة جربت جيب الانفيتني أبو 240 حصان ( اللي هو أتوقع يكون نفس محرك الباثفايندر الجديد ) ... الحقيقه توقعت انه راح يكون أقوى من كذا ، مدري يمكن عشانه أوتو !
لكن هو قوي ما شاء الله .. بس لا حظت ان المحرك مزعج نوعاً ما ..

قبل كم يوم ..
مريت على وكيل هوندا في جده .. وقالوا ان الـ MR-V وصل ( اللي في أمريكا يسموه بايلوت ) .. فقالي الموظف انها مزوده بمحرك الأوديسي 6 اسطوانات بسعة 3500 وقوة 240 حصان ! وسعره راح يكون من 100 الى 115 ألف بكامل التحهيزات .

أنا جربت الأوديسي الجديد ... وبصراحه قوي .. قوي بمعنى الكلمة ومحركه هادئ .. فاذا كان جيب هوندا الجديد MR-V بنفس القوة فأتوقع انه راح يكون أفضل من الباثفايندر الجديد ... خصوصاً وانه أوسع من الداخل ويشيل ركاب أكثر


تحياتي لكم
وشكراً لك يا دايم النور على طرح الموضوع :)
فاهم
23-09-2002, 06:15 PM
معروف انه نيسان لمه تدعس يطلع صوت مزعج اجل لو تشوف الباترول ؟؟؟ لمه تدعس جنه مركب هدرز عااااااان زعاج من داخل بالعكس انا استانس على هل صوت :D