سؤال للفتيات ؟؟ و يمكن مشاركة الشباب

[بنت زايد الخير]

سؤال الي كل البنات واتمنى الاجابه بكل صراحه

نلاحظ في أماكن الملابس العالميه والشهيره مثل , زارا , مانجو
دونا كارين .... الخ من المحلات يشتغـلوا فيها شباب من الجنسيه
اللبنانيه أو السوريه طبعا عارفين ليش ؟؟؟
عشان يبيعوا طبعا


لكن السؤال هو ليه لما البنت تشتري شئ من هناك أو تطلب شئ أول رد حيكون من البائع هذا حيقول كرمال عيونك , من عيوني , ولا تحملي هم يا قمر عاااااادي جدا والبنت ممكن تبتسمله وممكن تسكت وتأخذ مقلب في نفسها ..

سؤال تم سؤالي به اليوم من قبل زوجي " مثلا مثلا انا واقف في المحل بدل الاخ اللي بيبيع هذا .. وجات بنت وطلبت شئ وقلتلها كرمال عيونك يا قمر "

أيش تتوقعوا تكون الإجابه ؟!!

:confused: :confused:


ـــــــــــــــــــــــــــ
بنت زايد الخير

[زمردة]

وليس هذا فقط أختي .. بنت زايد الخير ..

بل إني بإذني سمعت الموسيقى في أحد هذ المحلات التي ذكرت في أحد المراكز التجارية .. وبعيني رأيت الفتاة تشتري وهي تتراقص على أنغام هذه الموسيقى .. بينما كنت مارة بجانب المحل ..

وصدمت والله من هول ما رأيت .. :eek:

[شعنونة سوالف]

اهلا بعودتك معنا من جديد :)

ماشاء الله راجعه وبجعبتك الكثير :)

بالنسبه لسؤؤالك ممكن البنت تقول انه لايقصد المعنى...

فالسورين و اللبنانين (وخصوصا الاخرين) معروفين بانهم بايعين كلام. يعني كلمه انقالت و لا تضر شئ. فالبنت تقول انه متعود يقول مثل هذا الكلام و لايقصد شئ. واقولك هي بصراحه نحن فعلا لانقصد المعنى. مثل تكرم عينك, على عيني, هذه الجملتين لغوة على لسانا ومتعودين عليها ومانقصد فيها شئ.

سبقو ان انزلت مضووع قبل فتره كيف ان في المنتديات منتشره كلمات عيني, حياتي ولكن من خلال الردود شعرت ان اغلب الاعضاء لايرى بها اي شئ لانه معروف ان الانسان لايقصد معنى الجمله تماما وانما تعود على قولها.

وبالنسبه لسؤالك نفس الحكايه. اما انها تصل ان يقولي ( ولا تحملي هم يا قمر) :mad: لا هذه عاد بدها محاضرة طويلة من شعنونة وبعدين كف مرتب من زمردة وبوكس يطير له اسنانه من بنت زايد الخير :p

[Miss_octopus]

تصدقي معاكي حق

انا لو واحد سعودي قلي كرمالك ياقمر

اديلو بالشنطه:D


ولا اقله بخ بخ بخ


دي زي حكاية طاش ماطاش لو كان سواق التكسي سعودي مايركبو معاه

بس دا كله كلام تافه فراي

يعني عندنا العرب يقولو تامرين على راسي ومانزعل

فكل واحد وتعوده على الكلام:)


myتحيات

[المحترمة]

انا بصراحة اعرف الواحد اذا كان قصده عادي ولا مو عادي او طبعا اذا قال واحد هالكلام او قصدة شي اكيد بقول قلة ادب او ماراح اشتري

[سردال]

شعنونة سوالف: كلامك صحيح، بياعين كلام ودائماً الكلام مرتب وجميل :)


لكن في المحلات، يقول لي الرجل: كرمالك عيوني، فلا بأس بذلك بالنسبة لي، لكن أن يقول هذا الكلام لأختي، والله ما ينفع إلا الضرب وعلى أم رأسه، لأن هذه الأمور لا يمكن أن نتقبلها، سواء كان يقصد خيراً أو لا، عليهم أن يتعلموا أن التعامل مع النساء لدينا يتم باحترام واحتشام كامل.

[شعنونة سوالف]

اعيد ردي اذا :)

اذا احد قالي لاتحملي هم يا قمر فهذه عاد بدها المحترمة تقوله بلاش قلة ادب وبعدين محاضرة طويلة من شعنونة وبعدين Miss_octopus تعطيه بالشطنه ( هذه عجبتني ترى:D ) و بعدين كف مرتب من زمردة و بوكس يطير له اسنانه من بنت زايد الخير و اخيرا الضرب وعلى أم رأسه من سردال :p


وصار عندنا فيلم هندي درجة ثالثة
:D

[بنت زايد الخير]

الأخوة و الأخوات : زمردة ، شعنونة سوالف ، مس اكتوبس ، سردال

شكراً جزيلاً لكم على هذه المداخلات ..

بصراحة بالنسبة لي أرفض هذه الكلمات و لا أنظر للقصد من ورائها

إن كان الأمر عندهم عادياً .. فنحن لسنا مجبورين لتحملهم

بل عليهم التقيد بعاداتنا و تقاليدنا ..

بصراحة حصل هذا الأمر معي منذ أيام

لكن البائع لم ينجو بفعلته بل حصل على رد قوي من زوجي

يعني بهدلة محترمة تجعله لا يتجرأ لقول هذا الكلام مرة أخرى

بصراحة إن كل غيور فعل هذا لما تجرؤا أبداً

:D :D :) :D :D


ــــــــــــــــــــــ
بنت زايد الخير .

[هديل الحمام]

الصراحة انا اطنش وكاني لم اسمع شي :D :D

الاشكال هذي ما نضيع وقت معاهم :mad:

واذا كنت مروقه يعني ما وراي شي او ما كنت مستعجلة اوريه احم احم نجوم الظهر بالليل :mad:

هذا طبعا بمساعدة شعنونه تعطيه بوكس (حلوة هذي شعنونه) وكف من زمردة وشنطة المس اخطبوطة:p

اظن بعدها الرجال مات :D :D

وما تسوى عليه:p

مشكورة اختي بنت زايد الخير موضوع وايد مهم:)

اختك هديل الحمام:)

[المتوكلة على الله]

السلام عليكم و رحمة الله و بركاته


بالنسبة ليه الحمد لله ما صار هذا الموقف

أعتقد انو الوحدة لو خرجت مع محرم ما يصير لها هذا الشي

و الحمد لله.. الله يخلي لي أخواني ما أروح مكان الا و هم معايا
.
.


مممممم

افتكرت مرة كنت في محل أحذية ( الله يعزكم)

و أتفرقنا انا و أخويا انا رحت القسم النسائي و هو راح القسم الرجالي

شوية و ألاقي واحد من اللي يشتغلوا في المحل و أظن انو سوري ما ني فاكرة جا لصق جنبي زي اللصقة الامريكاني

و كل ما مسكت جزمة ( الله يكرمكم) هاتك يا مدح على ذوقي

و انتي تأشري و كم مقاسك

اول شي انا قلتلو شكراً انا اشوف بنفسي

شوية شوية

بدأ الكلام و الهبل و من كتر هبل الكلام ما ني فاكرة ايش هو بالزبط


المهم انا ايش سويت ؟؟

و لا شي

اعطيتو ظهري و مشيت و خليتو يكلم نفسو و رحت وقفت جنب اخويا

.
.

كنت أفكر اقول لأخويا بس قلت يا بنت اسكتي و لا تسوي مشكلة دحين

.
.
.

بس و توتة توتة خلصت الحدودة


انتو ايش رأيكم ما هو التصرف السليم ؟؟

نبغ نشوف آراء

[دوامة القدر]

بما أن الموضوع كذلك .. والحماس اشتد .. خلونا ندخل في النقاش ..

والكلام حيكون بالعامي طبعاً .. لأن الموضوع يتطلب ذلك ..

يا أخ سردال .. جبتها .. كذا الشغل ولا بلاش http://www.swalif.net/sforum1/images/icons/icon14.gif

المتوكلة على الله .... إسفهيـــــــــــــه .. إسفهيــــــــــــه .. واللي سويتيه كان عين العقل !

وبالنسبة لي ... فهذه قصة قديمة كنت في أول متوسط .. تصوروا إني مرة كنت مع الوالدة ( أمي ) ، ودخلنا مكان فيه بيع ساعات وأساور وذهب، وكنت قاعدة أناظر مع أمي الساعات وأقول لها:

" ماما شوفي الساعة كثير حلوه .. "

وإلا اللي في المحل يشتغل ( كأنه فلسطيني ) ما لقيناه إلا رفع سماعة التليفون اللي عنده وقعد يقول: " ألو .. أهلين أحمد .. كيفك؟ فينك تجيب لي تنتين شاورما الله يخليك .. ويكونوا تنتين سوريات الله يخليلي إياك .. هيك طيبين وحلوين وشهيين عشان ناكلون ونحن مبسوطين ونشبع منيح"

إلا أنا لما سمعت الكلمة هذه، قلت خلاص ما يبيلها، فنظرت إلى أمي وقلت لها: " ماما شايفه شو عم يحكي هذا " وأنا أرتجف من خوفي !

فقالت بصوت جداً خفيف: " سمعت .. سمعت .. خلينا نطلع من المحل "

وعلى طول طلعنا من المحل .. ولا استنينا ولا ثانيه ...ربك رحمانااااااااااا

يعني هذا رغم أن والدتي معي .. والحمد لله أن أمي كانت معي طبعاً .. أجل شلون لو مجموعة بنات !!! بالفعل أنه ما يستحي على دمه !!!

والله إني أنققققققققهر .. من جوووووووووووه ..

طيب مره .. كنت داخله مكان صلاة وشايلة معايه كاسة مويه، وألقالك واحد يجي يقول لي بطريقة مزاح وهو قاعد يضحك : " مو مسموح بالمويه .. مو مسموح "

فنظرت إليه وهو قاعد يضحك وقلت له : " هذا مو شغلك أولاً .. خلك في نفسك .. سبحان الله ! "

ومشيت .... بس هو أكلها علقه وانطم !

بس بصراحة لو يعني إخواني كانوا معايه في أي واحد من هذه المواقف .. كان جا كف على وجهه وصارت خناقه والله يستر مين بيطلع سليم !!!!!

أصلي مره - فلت لساني - وكلمت أخوي وقلت له : " في واحد في الجامعه كذا وكذا .. ولزقه تراه "

لما سمع أخوي هالكلام .. إلا ارتفع صوته .. وقام من مكانه علي .. وقال لي: " مين هوه هذا ؟؟؟؟ علميني مين؟؟؟ وإيش يدرس ؟؟ وإيش إسمه ؟ وخلاص بجي معاك عشان أشوف شغلي معاه .. والله لأراويه شغله وخليه يتعلم "

لا حول ولا قوة إلا بالله !!!!!! رحنا في ستين داهيه !!!!!! يعني بصراحة الإخوان يقلبونها عاليها سافلها !! أصلاً بس يسمعوا الكلمة تلقينهم طايرين بالضرب والمصارعه .. وهات مين حيهدي الموضوع !!! فالواحد يسكت ويبعد ويطلع أرحم له ..

وأزيدكم صراحة .. أخوي أحياناً معايه وأنا أكتب في المنتدى .. فمره شافني قاعده أكتب " الأخ الكريم كذا .. " فقال لي: " أي أخ إنتِ ؟؟؟ "

فقلت له: " يا أخي هذه طريقة المحادثة .. يعني إيش أقول له !! يا رجال !! "

فقال لي: " ليش هو أخوك عشان تقولين له الأخ !!!! وبعدين ليش الكريم !!!"

طيب إيش يعني .. كيف باستطاعتك التحدث في المنتدى .. يعني زودوها .. إيش أقول لهم : يا إنت اللي ما أدري إيش إسمك !!!! أقول له الأخ في الإسلام وخلصنا ! بس الحمد لله يعني تفهم الموضوع شويييييه .. ولو أنه ما رد علي وأخذ ينظر إلي بطريقة جارحة جداً .. يعني يمكن يكفخني على أقل كلمة !

وسأكون في قمة الصراحة عندما أجابه الحقيقة وهي أن إخوتي لا يرغبون في أن أكتب في أي منتدى كان !!! يعني لا يفضلون ذلك .. بس ما يمنعوني !

[سردال]

إيش أقول لهم : يا إنت اللي ما أدري إيش إسمك !!!!

هذه الجملة جعلتني أضحك كثيراً :)

غيرة الإخوان إن لم تكن طبيعية فهي للأسف تكون سلبية وبشدة، يرتابون من أي خطوة أو كلمة من الأخت، وهذا يسبب مشاكل كثيرة، شخصياً أتعامل بثقة مع أهلي، وإن رأيت منهم خطأ (مع أنني لم أرى أخطاء تستحق الذكر) فالنصيحة خير وسيلة، أما العصبية والتعصب فلا يأتي بفائدة أبداً.

[ابو الفياصل]

مرحبا بالجميع,,

يمكن انا من ناحيتي عندي كلام ثاني!!

صحيح مثلما قلتوا ان الاخوان اللي من الجنسيات هذي بايعين كلام,,

لكن ترى شكل البنت وهي داخله عليه محترمه ومتحشمه جداً<< مو متحشمه جداً على خفيف:D:D

يعني ممكنلوتكون البنت كاشفه عن وجهها او انها داخله بمياعه زايده,, ودلع بايخ!! هذا شي أكيد راح يزيد الكلام معه,, وراح يكثر الالفاظ اللي كذل,,

لكن ايش فيهم شباب البلد:D:D ما يصلح يقولونها وتسكتون!!

تحياتي لكم,,

[المتوكلة على الله]

يا ربي لك الحمد دوامة القدر

اتشعب الموضوع و دخلنا في حكاية الاخوان و الانترنت

اساساً انا ما ني معرفتهم اني مشتركة في المنتدى

لو يعرفوا كان طفشوني


افتكر قبل سنة تقريباً


كنت مشتركة في منتدى سوه بنات قسمي (بس يا حسرة كم شهر و قفل)


المهم

كانت المواضيع كلها عن القسم و الجامعة الخ الخ

و المفروض انو بس بنات

بس ايش تقولي لمن اولاد القسم عرفوا اتلقفوا و اشتركوا معانا


أخويا لمن عرف ما عجبو الحال


صحيح ما سوا شي بس قاعد يقول على أمل اني ابطل كتابة في المنتدى

مرة ايش هادا الكلام الفاضي

و مرة صدقيني انا خايف عليكي لا يصير لك ادمان

و مرة ماني عارف ايش



و من ناحية تانية الحمد لله انو ما في اختلاط عندنا ربنا رحمنا

و بالنسبة لهداك اللي في محل الساعات وجع في شكلوووووووو

اما تبع الموية يستاهل بس ما شاء الله عليكي يا ريت اقدر ارد زيك

انا اذا احد سوى لي شي ما اقدر ارد كل اللي اسويه اني ادير ظهري و امشي و اسبو في قلبي و انتهى الموضوع



-------------

المشرف الفاضل سردال

يا ريت كل الناس تفكر بمثل هذه العقلية المتزنة.


--------------

أبو الفياصل

كلامك صح

بس رغم انو صح عصبنييييي

مو كل بنت بياع يكلمها بتكون بهذا الشكل



و الله يهدي بنات و شباب المسلمين

[ابو الفياصل]

شوفي

هو الظاهر انو يقول اان بايع الكلام بايعه!!

لكن تختلف طريقة البيع على حسب البنت:D:D

[MUSLIMAH]

السلام عليكم أختي :)

موضوع يبط الجبد صراحة .. بس ردود الاخوان و الاخوات تفطس ضحك :D
فعلا .. مثل هالكلام ينرفز و لو ما الحيا جان بالشنطة على راسه على قوله مس اكوكتبس :D

بس لا .. يستاهل الشنطة ، قليل الأدب اللي ما يستحي :mad:

كلام المتوكلة على الله صحيح .. لو البنت تخرج مع محرم ما يتجرأ ينطق بكلمة :mad:

بس التعباااااان يشوف البنت بروحها يقعد يخربط على راسها بهالكلام الفاضي :mad:

نسأل الله أن يحفظ نساءنا و بناتنا من كل سوء ..

جزاكِ الله خير عروسنا :)

[lovely apple]

صراحه اهفه كف و الشطه بالشنطه و اجيب آخرته و الم عليه امه لا اله الا اللله و الهيئه و الحكومه اجل يقولي كرمال عيوني :mad: :mad:

ليش اخته و لا امه و لا ايه :mad: :mad:

تحياتي لك :)